অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଉତ୍ପାଦର ଜମାସଂଗ୍ରହ, ପ୍ରକ୍ରିୟା ଏବଂ ଯୋଜନା

ଲକ୍ଷ୍ୟ

ଅଧିବେଶନର ଅନ୍ତିମ ପର୍ଯ୍ୟାୟ ଆଡକୁ ଅଂଶଗ୍ରହଣକାରୀମାନେ ନୁତନ ବଜାର ପହୁଞ୍ଚ, ବଜାର ସହ ବାରମ୍ବାର କାରବାର, ବଜାର କାରବାରୀଙ୍କ ବିଷୟରେ ଉତ୍ତମ ବୋଧତା ଏବଂ ଆପୂର୍ତ୍ତି-ଶୃଙ୍ଖଳର ଗତିଶୀଳତା ବିଷୟରେ ଅଧିକ ବିବରଣ ପାଇବେ I

ଶିକ୍ଷଣ ଉଦ୍ଦେଶ୍ୟ

  • ଉତ୍ପାଦର ଜମା-ସଂଗ୍ରହ ପ୍ରକ୍ରିୟା, ଏବଂ ଆୟକୁ ବଢାଇବା ପାଇଁ ଏହାର ମହତ୍ୱ ବିଷୟରେ ଚାଷୀମାନଙ୍କୁ ସଚେତନ କରିବା I
  • ପ୍ରତ୍ୟାଶିତ ଲାଭକାରୀ ବଜାର ବିଷୟରେ ଚାଷୀମାନଙ୍କର ସଚେତନତା ବଢାଇବା I
  • ବଳକା ଉତ୍ପାଦକୁ ଦଳଗତ ଭାବେ ବିକ୍ରୟ କରିବା ପାଇଁ ଯୋଜନା ପ୍ରସ୍ତୁତ କରିବାରେ ସମୁଦାୟ/କୃଷକ ଦଳଗୁଡିକୁ ସାମର୍ଥୀକରଣ କରିବା I
  • ବଜାର ଗତିଶୀଳତା ବିଷୟରେ ଚାଷୀମାନଙ୍କର ସଚେତନତା ବଢାଇବା I

ପ୍ରୟୋଜନ

ଗ୍ରାମରେ ଜୀବିକାର ମୁଖ୍ୟ ଉତ୍ସ ହେଲା କୃଷି ଯାହା ଭିତରେ ଫସଲ, ପଶୁସମ୍ପଦ ଏବଂ ଅଣ-କାଠ ବନଜାତ ଦ୍ରବ୍ୟ ଅନ୍ତର୍ଭୁକ୍ତ I ଏହା ମଧ୍ୟ ସତ୍ୟ ଯେ, ଯଦ୍ୟପି ଚାଷୀମାନେ କୃଷି କରିବା ପାଇଁ ବହୁତ ଅଧିକ ଶ୍ରମ କରିଥାଆନ୍ତି, ସେମାନେ ସେମାନଙ୍କର ଶ୍ରମ ତୁଳନାରେ ଯଥାଚିତ ଆୟ ପାଆନ୍ତି ନାହିଁ I ଏହାର କାରଣ ହେଉଛି, ଚାଷୀମାନଙ୍କର ସୀମିତ ବଜାର ପହୁଞ୍ଚ ଏବଂ କମ ପରିମାଣର ପ୍ରକୃତଦତ୍ତ ସମ୍ପତ୍ତି I ଅଧିକାଂଶ ଚାଷୀ ଅତ୍ୟନ୍ତ ଜରୁରୀକାଳୀନ ପରିସ୍ଥିତିରେ ସେମାନଙ୍କ ଉତ୍ପାଦକୁ ବିକ୍ରୟ କରିଥାଆନ୍ତି ଯାହା ଚାଷୀମାନଙ୍କ ଉପରେ ଅକ୍ତିଆର ଜାହିର କରିବାକୁ ବ୍ୟବସୟୀକୁ ସୁଯୋଗ ଦେଇଥାଏ I ଚାଷୀମାନେ ବର୍ତ୍ତମାନ ବଜାରରେ ଉପଲବ୍ଧ ଥିବା ବିକ୍ରୀକେନ୍ଦ୍ରଗୁଡିକରେ ତାଙ୍କର ବଳକା କୃଷି ଉତ୍ପାଦକୁ ବିକ୍ରି କରି ତାହାର ଉଚିତ ଦର ନ ପାଇବାର କାରଣ ବିଷୟରେ ଜାଣିବାପାଇଁ ଏହି ପ୍ରଶିକ୍ଷଣ ମଡ୍ୟୂଲ୍ ସାହାଯ୍ୟ କରିବ I ଉପଯୁକ୍ତ ଦର ପାଇବା ପାଇଁ ଅନ୍ୟ କ'ଣ ସବୁ ବିକଳ୍ପ ବ୍ୟବସ୍ଥା ହୋଇ ପାରିବ, ସେ ବିଷୟରେ ଚିନ୍ତା କରିବାକୁ ଏହା ସାମର୍ଥ୍ୟ ଦେବ I ପ୍ରତ୍ୟେକ ଉତ୍ପାଦ ପାଇଁ ଗ୍ରାମ୍ୟ ସ୍ତରରେ ହେଉଥିବା ବିପଣନ ପ୍ରକ୍ରୀୟା ପ୍ରାୟ ସବୁବେଳେ ବ୍ୟକ୍ତିଗତ ସ୍ତରରେ ସମାହିତ ହୋଇଥାଏ I ଚାଷୀ ବ୍ୟକ୍ତିଗତ ଭାବେ ଉତ୍ପାଦକୁ ସ୍ଥାନୀୟ ବଜାରରେ ବିକିଥାଏ ଯେଉଁଥିରୁ ଖୁବ କମ ଦର ମିଳିଥାଏ I ତେଣୁ, ଏହି ଟୁଲ ଚାଷୀମାନଙ୍କୁ ସେମାନଙ୍କ ଉତ୍ପାଦକୁ ବିକ୍ରୟ କରିବା ପାଇଁ ଦଳଗତ ବିପଣନକୁ ଏକ ବିକଳ୍ପ କୌଶଳ ଭାବେ ବ୍ୟବହାର କରିବାକୁ ଶିକ୍ଷା ଦାନ କରିବ I ଏହା ବଳକା ଉତ୍ପାଦକୁ କେବଳ ଉଚ୍ଚ ସ୍ତର ବଜାରରେ ପହଞ୍ଚାଇବାକୁ ସାହାଯ୍ୟ କରିବ ତାହା ନୁହେଁ, ଉତ୍ପାଦର ସମାନ ମାନ ଓ ଦଳଗତ ମୂଲଚାଲ ଯୋଗୁଁ ବିବିନ୍ନ ବାଣିଜ୍ୟକ ସୂତ୍ର ମାଧ୍ୟମରେ ଏହା ଅପେକ୍ଷାକୃତ ଭଲ ଦର ପାଇବାରେ ମଧ୍ୟ ସାହାଯ୍ୟ କରିବ I ଚାଷୀମାନଙ୍କୁ ଉତ୍ପାଦର ମାନରେ ସମାନତା ରକ୍ଷାକରିବା ପାଇଁ ଗ୍ରାମରେ 'ନୁତତମ ସମାନ ଗୁଣବତ୍ତା ମାନଦଣ୍ଡ' ଯୋଜନା ପ୍ରସ୍ତୁତ କରିବାରେ ଏହି ମଡ଼୍ୟୁଲ ଚାଷୀମାନଙ୍କୁ ଶିକ୍ଷାଦାନ କରିବା ସହ ସମସ୍ତ ଚାଷୀଙ୍କୁ ଏହି ସମ୍ମତ ମାନକୁ ପାଳନ କରିବାପାଇଁ ସାହାଯ୍ୟ କରିବ I

ପ୍ରକଳ୍ପ ଗ୍ରାମଗୁଡିକରେ ବର୍ତ୍ତମାନର ବଜାର ସଂଶ୍ଲିଷ୍ଟତା ଅଭ୍ୟାସସବୁ

ଅଧିବେଶନ ୪.୧

ପ୍ରକଳ୍ପ ଗ୍ରାମଗୁଡିକରେ ବର୍ତ୍ତମାନର ବଜାର ସଂଶ୍ଲିଷ୍ଟତା ଅଭ୍ୟାସସବୁ I

ଉଦ୍ଦେଶ୍ୟ

ବଜାର ଗତିଶୀଳତା ବିଷୟରେ ଚାଷୀମାନଙ୍କ ସଚେତନତା ବୃଦ୍ଧିକରିବା ଏବଂ ସେମାନଙ୍କ ଆୟ ବଢାଇବା ପାଇଁ ଉତ୍ପାଦ ଜମା-ସଂଗ୍ରହ ପ୍ରକ୍ରିୟା ବିଷୟରେ ସମ୍ବେଦନଶୀଳ କରିବା I

ପଦ୍ଧତି

ଏହି ଅଧିବେଶନ ଶ୍ରେଣୀ କକ୍ଷରେ ଆୟୋଜନ କରାଯିବ ଏବଂ ସିଆରପିମାନେ ଜମା-ସଂଗ୍ରହ ପ୍ରକ୍ରିୟା ଓ ଅଭ୍ୟାସ ବିଷୟରେ ପ୍ରସ୍ତୁତ ପୋଷ୍ଟର ପ୍ରଦର୍ଶନ ତଥା ବ୍ୟାଖ୍ୟାନ ମାଧ୍ୟମରେ ଅଧିବେଶନକୁ ସଞ୍ଚାଳନ କରିବେ I ଏହାପରେ ଏହି ସମ୍ବନ୍ଧୀୟ ଏକ ଫିଲ୍ମ ପ୍ରଦର୍ଶନ କରାଯିବ I

ଅଂଶଗ୍ରହଣକାରୀ

ସ୍ୱୟଂ ସହାୟକ ଦଳ ଓ ସମୁଦାୟର ମହିଳା ସଦସ୍ୟା ତଥା ପରିବାରର ପୁରୁଷ ମାନେ I

ସଭା ସ୍ଥାନ

ଗୋଷ୍ଠୀ ସଭାଗୃହ କିମ୍ବା ଗ୍ରାମର ଅନ୍ୟ କୌଣସି ସୁବିଧାଜନକ ସ୍ଥାନ I

ଦରକାରୀ ସାମଗ୍ରୀ

ପୋଷ୍ଟର ଓ ଫିଲ୍ମ ପ୍ରୋଜେକ୍ଟର I

ସମୟସୀମା

ଶ୍ରେଣୀ କକ୍ଷ ଅଧିବେଶନ- ୨୦ ମିନିଟ୍ | ଫିଲ୍ମ ପ୍ରଦର୍ଶନ–୧୫ମିନିଟ୍ |

ପୃଷ୍ଠଭୁମୀ

ଗ୍ରାମରେ ଜୀବିକାର ମୁଖ୍ୟ ଉତ୍ସ ହେଲା କୃଷି ଯାହା ଭିତରେ ଫସଲ, ପଶୁସମ୍ପଦ ଏବଂ ଅଣ-କାଠ ବନଜାତ ଦ୍ରବ୍ୟ ଅନ୍ତର୍ଭୁକ୍ତ I ଏହା ମଧ୍ୟ ସତ୍ୟ ଯେ, ଯଦ୍ୟପି ଚାଷୀମାନେ କୃଷି କରିବା ପାଇଁ ବହୁତ ଅଧିକ ଶ୍ରମ କରିଥାଆନ୍ତି, ସେମାନେ ସେମାନଙ୍କର ଶ୍ରମ ତୁଳନାରେ ଯଥାଚିତ ଆୟ ପାଆନ୍ତି ନାହିଁ I ଏହାର କାରଣ ହେଉଛି, ଚାଷୀମାନଙ୍କର ସୀମିତ ବଜାର ପହୁଞ୍ଚ ଏବଂ କମ ପରିମାଣର ପ୍ରକୃତଦତ୍ତ ସମ୍ପତ୍ତି I ଚାଷୀମାନେ ବର୍ତ୍ତମାନ ବଜାରରେ ଉପଲବ୍ଧ ଥିବା ବିକ୍ରୀକେନ୍ଦ୍ରଗୁଡିକରେ ତାଙ୍କର ବଳକା କୃଷି ଉତ୍ପାଦକୁ ବିକ୍ରି କରି ତାହାର ଉଚିତ ଦର ନ ପାଇବାର କାରଣ ବିଷୟରେ ଜାଣିବାପାଇଁ ଏହି ପ୍ରଶିକ୍ଷଣ ମଡ୍ୟୂଲ୍ ସାହାଯ୍ୟ କରିବ I ଉପଯୁକ୍ତ ଦର ପାଇବା ପାଇଁ ଅନ୍ୟ କ'ଣ ସବୁ ବିକଳ୍ପ ବ୍ୟବସ୍ଥା ହୋଇ ପାରିବ, ସେ ବିଷୟରେ ଚିନ୍ତା କରିବାକୁ ଏହା ସାମର୍ଥ୍ୟ ଦେବ I

ସୋପାନ - ପର - ସୋପାନ କାର୍ଯ୍ୟକ୍ରମ

ସୋପାନ - ୧ : ପ୍ରାରମ୍ଭିକ ଅଭ୍ୟାସ : ଅଧିବେଶନକୁ ଆରମ୍ଭକରି ଗ୍ରାମବାସୀମାନଙ୍କୁ ପଚାରନ୍ତୁ ଯେ ସେମାନେ ବର୍ତ୍ତମାନ ଅନୁସରଣ କରୁଥିବା ବଜାର ସଂଶ୍ଲିଷ୍ଟତା ଅଭ୍ୟାସସବୁ କ'ଣ ଏବଂ ସେମାନେ ତାଙ୍କର କୃଷି ଉତ୍ପାଦ ପାଇଁ ପାଉଥିବା ମୂଲ୍ୟ ଉପରେ ସନ୍ତୁଷ୍ଟ କି ? ଭଲ ଦର ନ ପାଇବାର କାରଣସବୁକୁ ଚିନ୍ତା କରିବା ପାଇଁ ସେମାନଙ୍କୁ ଉତ୍ସାହିତ କରନ୍ତୁ I

ଗ୍ରାମରେ ମୁଖ୍ୟ ଜୀବିକାର ମୁଖ୍ୟ ଉତ୍ସ : ଗ୍ରାମରେ ଜୀବିକାର ମୁଖ୍ୟ ଉତ୍ସ ହେଲା କୃଷି ଯାହା ଭିତରେ ଫସଲ, ପଶୁସମ୍ପଦ ଏବଂ ଅଣ-କାଠ ବନଜାତ ଦ୍ରବ୍ୟ ଅନ୍ତର୍ଭୁକ୍ତ I ଯଦ୍ୟପି ଚାଷୀମାନେ କୃଷି କରିବା ପାଇଁ ବହୁତ ଅଧିକ ଶ୍ରମ କରିଥାଆନ୍ତି, ସେମାନେ ସେମାନଙ୍କର ଶ୍ରମ ତୁଳନାରେ ଯଥାଚିତ ଆୟ ପାଆନ୍ତି ନାହିଁ I ଏହିସବୁ କାର୍ଯ୍ୟ ସେମାନଙ୍କ ଉଦ୍ୟମ ତୁଳନାରେ ପର୍ଯ୍ୟାପ୍ତ ଆୟ ଦେବାରେ ସମର୍ଥ ହୋଇ ନ ଥାଏ I

ସୋପାନ - ୨ : ଚାଷୀମାନେ ତାଙ୍କର କୃଷିଜାତ ଉତ୍ପାଦର ଉଚିତ ମୂଲ୍ୟ ନ ପାଇବାର ଅନେକ କାରଣ ଅଛି I ଏହି ସବୁ ବିଷୟରେ ଚାଷୀମାନଙ୍କୁ ବୁଝାନ୍ତୁ I

  • ପାରିବାରିକ-ସ୍ତରରେ କୃଷି ଉତ୍ପାଦର ସୀମିତ ବଳକା : ସୀମିତଉତ୍ସ ଥିବାରୁ ଚାଷୀମାନେ ଯାହାସବୁ ଉତ୍ପାଦ ପାଇଥାଆନ୍ତି ସେଥିରୁ ଅଧିକତର ଭାଗ ସେମାନଙ୍କ ଖାଇବାରେ ଖର୍ଚ୍ଚ ହୋଇଯାଇଥାଏ ଏବଂ ଖୁବ କମ ବଳକା ବଜାରକୁ ବିକ୍ରୟ ପାଇଁ ଯାଇଥାଏ I ଉତ୍ପାଦ ବିଜ୍ରୟ କରିବା ସମୟରେ ଏହା ସେମାନଙ୍କ ମୂଲଚାଲ କରିବା କ୍ଷମତାକୁ କମାଇ ଦେଇଥାଏ I ବିଶେଷତଃ ଏହା କମ୍ ଜୀବିକାଉତ୍ସ ଥିବା ଗରିବଙ୍କ ପାଇଁ ପ୍ରଯୁଜ୍ୟ କାରଣ ସେମାନଙ୍କ ପାଖରେ ଖୁବ କମ୍ ପ୍ରକୃତଦତ୍ତ ସମ୍ପତ୍ତି ଥିବା ସହ ବଜାର ପହୁଞ୍ଚ ମଧ୍ୟ ସୀମିତ ହୋଇଥାଏ I
  • କୃଷି ଉତ୍ପାଦପାଇଁ ଉତ୍ତମ ମୂଲ୍ୟ ନ ପାଇବାର କାରଣ : ପ୍ରତ୍ୟେକ ଉତ୍ପାଦ ପାଇଁ ଗ୍ରାମ୍ୟ ସ୍ତରରେ ହେଉଥିବା ବିପଣନ ପ୍ରକ୍ରିୟା ପ୍ରାୟ ସବୁବେଳେ ବ୍ୟକ୍ତିଗତ ସ୍ତରରେ ସମାହିତ ହୋଇଥାଏ I ଚାଷୀ ବ୍ୟକ୍ତିଗତ ଭାବେ ଉତ୍ପାଦକୁ ସ୍ଥାନୀୟ ବଜାରେ ବିକିଥାଏ ଯେଉଁଥିରୁ ଖୁବ କମ ଦର ମିଳିଥାଏ I ଚାଷୀମାନେ ବ୍ୟକ୍ତିଗତ ଭାବେ ବିକ୍ରୟକରୁଥିବା ଉତ୍ପାଦର ପରିମାଣ କମ ହୋଇଥିବାରୁ ସେମାନେ ଅଧିକ ପରିବହନ ଖର୍ଚ୍ଚ ଓ ସମୟର ଅପଚୟ ଯୋଗୁଁ ଭଲ ଦର ପାଇବା ପାଇଁ ଏହାକୁ ସୁଦୂର ବଜାରକୁ ନେଇ ପାରନ୍ତି ନାହିଁ I
  • ସ୍ଥାନୀୟ ବ୍ୟାପାରୀଙ୍କ ଉପରେ ନିର୍ଭରତା : ଅଧିକାଂଶ ଚାଷୀ ଅତ୍ୟନ୍ତ ଜରୁରୀକାଳୀନ ପରିସ୍ଥିତିରେ ସେମାନଙ୍କ ଉତ୍ପାଦକୁ ବିକ୍ରୟ କରିଥାଆନ୍ତି ଯାହା ଚାଷୀମାନଙ୍କ ଉପରେ ଅକ୍ତିଆର ଜାହିର କରିବାକୁ ବ୍ୟବସୟୀକୁ ସୁଯୋଗ ଦେଇଥାଏ I ଏଥିସହ, ପ୍ରତିଯୋଗିତା, ସୂଚନା ଏବଂ ଚାଷୀମାନଙ୍କ ମଧ୍ୟରେ ସଚେତନତାର ଅଭାବ ସ୍ଥାନୀୟ ବ୍ୟାପାରୀଙ୍କୁ ଉତ୍ପାଦକୁ କମ ଦରରେ ପାଇବାକୁ ସାହାଯ୍ୟ କରିଥାଏ (ଯାହାକୁ ସାଧାରଣ ଭାବେ ଅଭାବୀ ବିକ୍ରୀ ମଧ୍ୟ କୁହାଯାଇଥାଏ) I ଚାଷୀମାନେ ସ୍ଥାନୀୟ ବ୍ୟାପାରୀଙ୍କ ଉପରେ ବର୍ଷ ବର୍ଷ ଧରି ନିର୍ଭର କରି ଆସୁଛନ୍ତି ଏବଂ ଏହି ପ୍ରଣାଳୀରୁ ବାହାରି ଆସି ଅନ୍ୟ ବିକଳ୍ପ ବିପଣନ ବ୍ୟବସ୍ଥାକୁ ଆଦୃତ କରିବା ସେମାନଙ୍କ ପକ୍ଷରେ ଅସୁବିଧା ହୋଇଥାଏ I ତେଣୁ ସେମାନେ ଏହି ଅନୈତିକ ଚକ୍ର ଫାନ୍ଦରେ ପଡି ପ୍ରଚଳିତ ପ୍ରଥା ଅନୁଯାୟୀ ସେମାନଙ୍କ ଉତ୍ପାଦକୁ ସ୍ଥାନୀୟ ବଜାରରେ ବିକ୍ରୟ କରିବା ପାଇଁ ବାଧ୍ୟ ହୁଅନ୍ତି I

ଉପସଂହାର

ଅଧିବେଶନର ଶେଷ ଆଡକୁ ଚାଷୀମାନେ ଉତ୍ପାଦର ଉଚିତ ଦର ନ ପାଇବାର ପରିସ୍ଥିତିରୁ କେମିତି ବାହାରି ଆସି ପାରିବେ ସେ ବିଷୟରେ ତାଙ୍କର ମତାମତ ରଖିବାକୁ ଉତ୍ସାହିତ କରନ୍ତୁ I ଏହାସହ ବିକଳ୍ପ ବିପଣନ କିମ୍ବା ଉତ୍ତମ ବଜାର ସଲଗ୍ନତା ପାଇଁ ସେମାନେ ଆବଶ୍ୟକ କରୁଥିବା ସାହାଯ୍ୟ ବିଷୟରେ ସଚେତନ କରନ୍ତୁ I

ଆଧାର – ପୋର୍ଟାଲ ଟିମ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate