ବିଭିନ୍ନ ପଦବୀର ଦାୟିତ୍ଵ ଏବଂ ବିଭିନ୍ନ ରାଜସ୍ଵ ଜିଲ୍ଲା ସ୍ତରୀୟ ଯୋଗାଯୋଗ ଅଧିକାରୀ

ବିଭିନ୍ନ ପଦବୀର ଦାୟିତ୍ଵ

• ବ୍ଲକ ସ୍ତରରେ ଅବସ୍ଥାପିତ ସହକାରୀ କୃଷି ଅଧିକାରୀଙ୍କ(ଏ.ଏ.ଓ.) ଙ୍କ ଦାୟିତ୍ଵ
1. ପ୍ରତ୍ୟେକ ସହକାରୀ କୃଷି ଅଧିକାରୀ ନିଜ ବ୍ଲକରେ ନିଜ ମଣ୍ଡଳ ଦାୟିତ୍ଵରେ ରହନ୍ତି ଓ କାର୍ଯ୍ୟକାରୀ ହେଉଥିବା ଯୋଜନା ସମେତ କୃଷକଙ୍କ ପାଇଁ ବହୁ ଉଦ୍ଦେଶ୍ୟମୂଳକ ଓ ଫଳପ୍ରଦ ସମ୍ପ୍ରସାରଣ ସେବା ଯୋଗାଇବାରେ ଏକ ପ୍ରୋତ୍ସାହନ ପ୍ରଦାନକାରୀ ଓ କାର୍ଯ୍ୟ ସୁଗମକାରୀ ଭୂମିକା ଗ୍ରହଣ କରିଥାନ୍ତି ।
2. ସେ ଫଳପ୍ରଦ ଯୋଜନା ମାଧ୍ୟମରେ ପ୍ରମାଣିତ ଓ ଉତ୍ପାଦନକ୍ଷମ ଜ୍ଞାନକୌଶଳକୁ ମଧ୍ୟରେ ପ୍ରସାର କରିଥାନ୍ତି । ଜମି ଓ ଜଳର ସୁବିନିଯୋଗ କରି ଏକକ କ୍ଷେତ୍ରରେ ଉତ୍ପାଦନକତା ବୃଦ୍ଧି ହିଁ ତାଙ୍କର ମୁଖ୍ୟ ଉଦ୍ଦେଶ୍ୟ ହେବା ଆବଶ୍ୟକ ।
3. କୃଷି ଉନୟନ୍ନ ଜରିଆରେ ଗ୍ରାମାଞ୍ଚଳ ଅର୍ଥନୀତିର ସମନ୍ଵିତ ବିକାଶ ହେଉଛି ତାଙ୍କର ପ୍ରାଥମିକ ଦାୟିତ୍ଵ । ସେ ପ୍ରତ୍ୟେକ ଗ୍ରାମକୃଷି କର୍ମଚାରୀ, କୃଷି ଅଧିଦର୍ଶକଙ୍କ ଅଧୀନରେ ଥିବା ସେଚକୂପ, ଗଭୀର ନଳକୂପ,ଅଗଭୀର ନଳକୂପରୁ ଉପଲବଧ ଜଳର ସର୍ବଶ୍ରେଷ୍ଟ ବିନିଯୋଗ ପାଇଁ ଏକ ସମନ୍ଵିତ ଫସଲ ଯୋଜନା ପ୍ରସ୍ତୁତ କରିବେ ।
4. ଗ୍ରାମ ୱାରୀ/ଗ୍ରାମ ପଞ୍ଚାୟତ ୱାରୀ / ସର୍କଲ ୱାରୀ ଋତୁଭିତ୍ତିକ ଫସଲ ଉତ୍ପାଦନ କାର୍ଯ୍ୟକ୍ରମର ତଥ୍ୟ ରଖିବେ ଓ ପ୍ରତ୍ୟେକ ଗ୍ରାମ୍ୟ କୃଷି କର୍ମଚାରୀ/ କୃଷି ଅଧିଦର୍ଶକଙ୍କ ପାଇଁ ଏହି ଲକ୍ଷ୍ୟ ସ୍ଥିର କରିବେ । ଏଥିରେ ଫସଲ ଉତ୍ପାଦକତା ବୃଦ୍ଧି ନିମନ୍ତେ ବିହନ ପ୍ରତିବଦଳ ହାର ବୃଦ୍ଧି ପାଇଁ କାର୍ଯ୍ୟଯୋଜନା,ସାର ବ୍ୟବହାର ପରିମାଣ, ଜୈବ ସାର ବ୍ୟବହାର, ମୃତ୍ତିକା ପରୀକ୍ଷା ମିଶନ ସହିତ ମୃତ୍ତିକା ପରୀକ୍ଷା, ଉନ୍ନତ କୃଷି ଯନ୍ତ୍ରପାତି, ଜଳସେଚନ ଓ ଋଣ ସହାୟତା ଆଦି ଅନ୍ତର୍ଭୁକ୍ତ କରିବେ ।
5. ପାକ୍ଷିକ ତାଲିମରେ କୃଷି ଅଧିଦର୍ଶକ/ ଗ୍ରାମ୍ୟ କୃଷି କର୍ମଚାରୀ ସମସ୍ତ ଯୋଜନା ଲକ୍ଷ୍ୟ ହାସଲର ଏକ ସମ୍ମିଳିତ ମୂଲ୍ୟାୟନ କରିବେ ।
6. ବିଭିନ୍ନ ଯୋଜନାର କାର୍ଯ୍ୟକାରିତା ସମେତ ଜମି ବିନିଯୋଗର ମୌଳିକ ତଥ୍ୟ ସଂଗ୍ରହ, ବୃଷ୍ଟିପାତ, ଉତ୍ସ ଅନୁଯାୟୀ ସମ୍ଭାବ୍ୟ ଜଳସେଚନ, ଫସଲ ପରିସଂଖ୍ୟାନ, ଅମଳ ଆକଳନ, ଫସଲକାଟ ପରୀକ୍ଷଣ, ହିତାଧିକାରୀ ଚୟନ ଓ ପ୍ରଦର୍ଶନ କ୍ଷେତ୍ରର ସ୍ଥାନ ନିରୂପଣ, ବିହନ ପୁଡିଆ ସମ୍ବନ୍ଧରେ ଗ୍ରାମ୍ୟ କୃଷି କର୍ମଚାରୀ, କୃଷି ଅଧିଦର୍ଶକଙ୍କୁ ମାର୍ଗଦର୍ଶନ କରାଇବେ । ଏହା ବ୍ୟତିତ ଫସଲ ବିବିଧିକରଣ ପାଇଁ କାର୍ଯ୍ୟଯୋଜନା ପ୍ରସ୍ତୁତ, ଅନ୍ତଃଫସଲ ଓ ମିଶ୍ରିତ ଫସଲ, ପ୍ରତ୍ୟେକ କେନାଲ ଜଳସେଚନ, ଉଠାଜଳସେଚନ ପ୍ରକଳ୍ପ, ସେଚକୂପ, ଜଳ ଅମଳ ପ୍ରକଳ୍ପର ଚାଷଙ୍କ ପାଇଁ ଫସଲ କାର୍ଯ୍ୟକ୍ରମ ପ୍ରସ୍ତୁତିରେ ସେ ପରାମର୍ଶ ଦେବେ ।
7. ପ୍ରତି ମାସରେ ଅନ୍ତତଃପକ୍ଷେ ଥରେ ସେ ପ୍ରତ୍ୟେକ ଗ୍ରାମ୍ୟ କୃଷି କର୍ମଚାରୀ/ କୃଷି ଅଧିଦର୍ଶକ ମଣ୍ଡଳପରିଦର୍ଶନ କରିବେ । ଗୋଟିଏ ଫସଲ ଋତୁରେ ଗ୍ରାମ୍ୟ କୃଷି କର୍ମଚାରୀ ସର୍କଲର ପ୍ରତ୍ୟେକ ୟୁନିଟ ପରିଦର୍ଶନ କରିବା ପାଇଁ ତାଙ୍କର ଗସ୍ତ କାର୍ଯ୍ୟକ୍ରମ ଯୋଜନା କରିବେ । ସେ ତାଙ୍କର ମାସିକ ଅଗ୍ରିମ ଗ୍ରସ୍ତ କାର୍ଯ୍ୟକ୍ରମ ଜିଲ୍ଲା କୃଷି ଅଧିକାରୀ/ଅତିରିକ୍ତ ଜିଲ୍ଲା କୃଷି ଅଧିକାରୀଙ୍କୁ ପୂର୍ବମାନ ୧୦ ତାରିଖ ସୁଦ୍ଧା ଓ ଗସ୍ତ ପଞ୍ଜିକା ପରବର୍ତ୍ତୀ ମାସ ୧୦ ତାରିଖ ସୁଦ୍ଧା ପ୍ରଦାନ କରିବେ ।
8. ସେ ତାଙ୍କର କ୍ଷେତ୍ର ପରିଦର୍ଶନ ସମୟରେ ଗ୍ରାମ୍ୟକୃଷି କର୍ମଚାରୀ/ କୃଷି ଅଧିଦର୍ଶକଙ୍କ କାର୍ଯ୍ୟ ନିରୀକ୍ଷଣ କରିବେ ଓ ପ୍ରଦର୍ଶନ କ୍ଷେତ୍ର,ବିହନ, ପୁଡିଆ, ପରୀକ୍ଷଣ, ଫସଲକାଟ, ରୋଗ ପୋକ ପରିସ୍ଥିତି ସମ୍ବନ୍ଧରେ କ୍ଷେତ୍ର ପର୍ଯ୍ୟବେକ୍ଷଣ କରିବେ ଓ ଗ୍ରାମ୍ୟ କୃଷି କର୍ମଚାରୀ/କୃଷି ଅଧିଦର୍ଶକଙ୍କ ଦ୍ଵାରା ଆୟୋଜିତ ବୈଠକରେ ଯୋଗ ଦେବେ ।
9. ସେ ଗ୍ରାମ୍ୟ କୃଷି କର୍ମଚାରୀ/କୃଷି ଅଧିଦର୍ଶକଙ୍କ ପଞ୍ଜିକା/ରେଜିଷ୍ଟର ଯାଞ୍ଚ କରିବେ ଓ ତାଙ୍କର ପର୍ଯ୍ୟବେକ୍ଷଣ ଲିପିବଦ୍ଧ କରିବେ ।
10. ସେ ସୋମବାର ଦିନ କାର୍ଯ୍ୟାଳୟରେ ଉପସ୍ଥିତ ରହିବେ ଓ ସପ୍ତାହର ମଙ୍ଗଳବାର ଠାରୁ ଗୁରୁବାର ପର୍ଯ୍ୟନ୍ତ ଗୁରୁତ୍ଵପୂର୍ଣ୍ଣ କାର୍ଯ୍ୟ ଓ ବୈଠକ ବ୍ୟତିତ କ୍ଷେତ୍ର ପରିଦର୍ଶନରେ ଯିବେ । ସେ ବ୍ଲକରେ ପାକ୍ଷିକ ତାଲିମରେ ଓ ସମୀକ୍ଷା ବୈଠକରେ ଉପସ୍ଥିତ ରହି ଏହାର ଆୟୋଜନ କରିବେ । ସେ ପୂର୍ବାହ୍ନରେ କ୍ଷେତ୍ର ପରିଦର୍ଶନ କରି ଅପରାହ୍ନରେ କାର୍ଯ୍ୟାଳୟରେ ଉପସ୍ଥିତ ରହିବା ଉଚିତ  ।
11. ସେ ତାଙ୍କର ପାଖରେ ଗ୍ରାମ୍ୟ କୃଷି କର୍ମଚାରୀ/ କୃଷି ଅଧିଦର୍ଶକଙ୍କ ସ୍ଥରୀକୃତ ପରିଦର୍ଶନ କାର୍ଯ୍ୟକ୍ରମ ରଖିବେ ଓ ପ୍ରତ୍ୟେକ ଗ୍ରାମ୍ୟକୃଷି କର୍ମଚାରୀ/ କୃଷି ଅଧିଦର୍ଶକଙ୍କ ପ୍ରଗତି ସମ୍ବନ୍ଧରେ ସମୀକ୍ଷା କରିବେ ।
12. ସେ ଗ୍ରାମ୍ୟକୃଷି କର୍ମଚାରୀ / କୃଷି ଅଧିଦର୍ଶକଙ୍କ ଦ୍ଵାରା ସଂଗୃହିତ ଫସଲ ଋଣ, ସେଚକୂପ, ଅଗଭୀର, ଗଭୀର ନଳକୂପ, କୃଷି ସହାୟକ କେନ୍ଦ୍ର, କୃଷି ଯନ୍ତ୍ରପାତି ପାଇଁ ଆବେଦନ ପତ୍ରଗୁଡିକର ସଙ୍କଳନ କରିବେ ଓ ସମ୍ପ୍ରକ୍ତ କତ୍ତୃପକ୍ଷଙ୍କ ନିକଟକୁ ପ୍ରେରଣ କରିବେ / ମାର୍ଗଦର୍ଶିକା ଅନୁଯାୟୀ କାର୍ଯ୍ୟାରମ୍ଭ ଚିଠି ପ୍ରଦାନ କରିବେ ।
13. ସେ ପ୍ରତ୍ୟେକ ଶୁକ୍ରବାର/ ଶନିବାର ଦିନ ତାଙ୍କ ମୁଖ୍ୟ ଦପ୍ତରରେ ଏଗ୍ରୋକ୍ଳିନିକରେ ଉପସ୍ଥିତ ରହିବେ ଓ କ୍ଷେତ୍ର ସମସ୍ୟା ଗୁଡିକୁ ରେଜିଷ୍ଟରରେ ଲେଖି ରଖିବେ ।
14. ସେ ବ୍ଲକ ସ୍ତରୀୟ ସମ୍ପୃକ୍ତ ବିଭାଗ, ଗୋଷ୍ଠୀ ଉନ୍ନୟନ ଅଧିକାରୀଙ୍କ ସମେତ ପଞ୍ଚୟାତ ସମିତି ସଭ୍ୟଙ୍କ ସହିତ ଖୁବ ନିବିଡ ସମନ୍ଵୟ ସ୍ଥାପନ କରିପାରିବେ ।
15. ବ୍ଲକ ବିହନ ବିକ୍ରୟ କେନ୍ଦ୍ର ତାଙ୍କ ପ୍ରତ୍ୟକ୍ଷ ନିରୀକ୍ଷଣରେ କାର୍ଯ୍ୟ କରେ ଓ ସେ କୃଷକଙ୍କ ଆବଶ୍ୟକତା ଅନୁଯାୟୀ କୃଷି ସାମଗ୍ରୀର ଉପଲବଦ୍ଧତା ଓ ବିକ୍ରୟ ପାଇଁ ଆବଶ୍ୟକୀୟ ପଦକ୍ଷେପ ଗ୍ରହଣ କରିଥାନ୍ତି । ସେ ଯେ କୌଣସି ସମୟରେ ଷ୍ଟକ ଓ ଷ୍ଟୋର ଯାଞ୍ଚ କରିପାରିବେ ।
16. ସେ ତାଙ୍କ ଅଧୀନରେ କାର୍ଯ୍ୟ କରୁଥିବା ଗ୍ରାମ୍ୟ କୃଷି କର୍ମଚାରୀ / କୃଷି ଅଧିଦର୍ଶକଙ୍କ ଗୁପ୍ତ ଚରିତ୍ର ପଞ୍ଜିକା ଲେଖି ଉପଯୁକ୍ତ ଅଧିକାରୀଙ୍କ ନିକଟକୁ ପ୍ରେରଣ କରିପାରିବେ ।
17. ସେ ଚିନି କଳ ଗୁଡିକ ସହିତ ସଂଯୋଗ ସ୍ଥାପନ କରିବେ ଓ ଅଞ୍ଚଳଭିତ୍ତିକ ଅଧିକାଳ ଅର୍ଥ ବରାଦି ବ୍ୟବସାୟିକ ଫସଲ ଚାଷକୁ ପ୍ରୋତ୍ସାହିତ କରିବେ ।
18. ସେ ସାର/ ବିହନ ନିରୀକ୍ଷଣ ଭାବେ କାର୍ଯ୍ୟ କରିବେ ଓ ତାଙ୍କ ପରିସର ମଧ୍ୟରେ ସରକାରଙ୍କ ଦ୍ଵାରା ବିଜ୍ଞପିତ ଅନ୍ୟାନ୍ୟ କୃଷି ନିୟମଗୁଡିକକୁ ନିର୍ଭୟରେ ଓ ବିନା ପକ୍ଷପାତିତାରେ କାର୍ଯ୍ୟକାରୀ କରିବେ ଓ ନିୟନ୍ତ୍ରଣ ନିୟମ/ ନିର୍ଦ୍ଦେଶଗୁଡିକୁ କଠୋର ଭାବେ ପାଳନ କରିବେ ।
19. ସେ ବ୍ଲକ ପ୍ରଶାସନ କୁ ଯେ କୌଣସି ପ୍ରାକୃତିକ ଦୁର୍ବିପାକ/ ଫସଲ ମହାମାରୀ ସମ୍ବନ୍ଧୀୟ ତଥ୍ୟ ପ୍ରସ୍ତୁତ କାରାବାରେ ସାହାଯ୍ୟ କରିବେ ଓ ଏହିପରି ପରିସ୍ଥିତିତର ମୁକାବିଲା କରିବା ପାଇଁ ନିଜକୁ ବିଭିନ୍ନ କାର୍ଯ୍ୟକ୍ରମରେ ଅନ୍ତର୍ଭୁକ୍ତ କରିବେ ।
20. ସେ କୃଷି ଉଦ୍ୟୋଗୀମାନଙ୍କ ପାଇଁ ମାର୍ଗଦର୍ଶକ କରାଇବା ଓ କୃଷି ସହାୟକ କେନ୍ଦ୍ର ମାଧ୍ୟମରେ ପ୍ରଗତି ହାସଲ ପାଇଁ ପ୍ରେରଣା ପ୍ରଦାନ କରିବେ ।
21. ସେ ବ୍ଲକ ଅନ୍ୟାନ୍ୟ କନିଷ୍ଟ କୃଷି ଅଧିକାରୀଙ୍କ ପରାମର୍ଶ କ୍ରମେ ଉପରିସ୍ଥ ଅଧିକାରୀଙ୍କ ନିକଟରେ ବ୍ଲକ ଏକ ସମ୍ମିଳିତ ତଥ୍ୟ ପ୍ରସ୍ତୁତ ଓ ଉପସ୍ଥାପନ ପାଇଁ ଦାୟୀ ରହିବେ ।
22. ସେ ବ୍ଲକରେ କାର୍ଯ୍ୟ କରୁଥିବା ଅନ୍ୟାନ୍ୟ କନିଷ୍ଟ କୃଷି ଅଧିକାରୀଙ୍କ ବାର୍ଷିକ କାର୍ଯ୍ୟ ପ୍ରକ୍ରିୟା ସମ୍ବନ୍ଧରେ ଏକ ଅସ୍ଥାୟୀ ମନ୍ତବ୍ୟ ଗୁପ୍ତ ଚରିତ୍ର ପଞ୍ଜିକା ପ୍ରଦାନ କରୁଥିବା କର୍ତ୍ତୃପକ୍ଷଙ୍କୁ ଦେଇ ପାରିବେ ।
23. ସେ ନିଜ ସର୍କଲ ମଧ୍ୟରେ ଏପରିକି ସର୍କଲ ବାହାରେ ଥିବା ଗ୍ରାମ୍ୟ କୃଷି କର୍ମଚାରୀ/ କୃଷି ଅଧିଦର୍ଶକ କାର୍ଯ୍ୟ ଆକଳନ କରିବା ପାଇଁ ଅପ୍ରତ୍ୟାଶିତ ପରିଦର୍ଶନ କରିପାରିବେ ଓ କାର୍ଯ୍ୟ ଅବହେଳା ସମ୍ବନ୍ଧରେ ଉପରିସ୍ଥ କର୍ତ୍ତୃପକ୍ଷଙ୍କୁ ଜଣାଇ ପାରିବେ ।
24. ସେ କୃଷି ଅଧିଦର୍ଶକ/ ଗ୍ରାମ୍ୟ କୃଷି କର୍ମଚାରୀଙ୍କ ସାହାଯ୍ୟରେ ପଞ୍ଚାୟତ ଅଞ୍ଚଳ ପାଇଁ ଫସଲ ଯୋଜନା ପ୍ରସ୍ତୁତ କରିବେ ଓ ବୈଠକରେ ଉପସ୍ଥିତ ରହିବେ ।
25. ସେ ସଫଳ ଲକ୍ଷ୍ୟ ହାସଲ ଗୁଡିକର ପ୍ରକାଶନ ପାଇଁ ଲିଖିତ ପ୍ରମାଣ ରଖିବେ ।
26. କୃଷିର ବିକାଶ ପାଇଁ ତାଙ୍କର କର୍ତ୍ତବ୍ୟ ଭାବେ ଯେ କୌଣସି ଦାୟିତ୍ଵ ନ୍ୟସ୍ତ କରାଯାଇପାରିବ ।
• ଉନ୍ନୀତ ମଣ୍ଡଳରେ କୃଷି ଅଧିଦର୍ଶକଙ୍କ ଦାୟିତ୍ଵ
1. ପ୍ରତ୍ୟେକ କୃଷି ଅଧିଦର୍ଶକ ନିଜର ମୁଖ୍ୟଦପ୍ତର ଗ୍ରାମ ପଞ୍ଚାୟତ ସହିତ ୩-୫ଟି ଗ୍ରାମ ପଞ୍ଚାୟତ ଦାୟିତ୍ଵରେ ରହିବେ।
2. ଉପକୃଷି ନିର୍ଦ୍ଦେଶକ ଜିଲ୍ଲା କୃଷି ଅଧିକାରୀଙ୍କ ପରାମର୍ଶ କ୍ରମେ ଗ୍ରାମ ପଞ୍ଚାୟତ ନିର୍ଦ୍ଧାରଣ କରିବେ ।
3. ନିଜ କାର୍ଯ୍ୟ ପରିସର ମଧ୍ୟରେ ଗ୍ରାମ୍ୟ କୃଷି ଅଧିକାରୀଙ୍କ କାର୍ଯ୍ୟ ସନ୍ନିରୀକ୍ଷୀଣ କରିବେ ।
4. ତାଙ୍କ କାର୍ଯ୍ୟ ପରିସର ମଧ୍ୟରେ ଥିବା ଗ୍ରାମ ପଞ୍ଚାୟତରେ ଅନ୍ତତଃ ପକ୍ଷେ ପ୍ରତି ଦୁଇମାସରେ ଥରେ ସମସ୍ତ ଗ୍ରାମ ପରିଦର୍ଶନ କରିବା ପାଇଁ ଏକ ବାର୍ଷିକ ଗସ୍ତ ଯୋଜନା ପ୍ରସ୍ତୁତ କରି ନିୟନ୍ତ୍ରିତ କରୁଥିବା ଅଧିକାରୀଙ୍କୁ ପ୍ରଦାନ କରିବେ ।
5. ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ପାକ୍ଷିକ ତାଲିମ ଓ ଉଚ୍ଚ କର୍ତ୍ତୃପକ୍ଷଙ୍କ ଦ୍ଵାରା ସମୟାନୁଯାୟୀ ଆହୃତ ସମୀକ୍ଷା ବୈଠକରେ ଯୋଗ ଦେବେ ।
6. ସେ ମୁଖ୍ୟ ଦପ୍ତର ଗ୍ରାମ ପଞ୍ଚାୟତ କାର୍ଯ୍ୟାଳୟ ସମ୍ବନ୍ଧରେ ଏକ ବାର୍ତ୍ତା ଛାଡି ଯାଇଥିବେ ଯାହାକି ପରିଦର୍ଶକ ଅଧିକାରୀଙ୍କୁ ସାହାଯ୍ୟ କରିବ ।
7. ସେ ନିଜର ମଣ୍ଡଳ ଫସଲର ଉତ୍ପାଦନ ଓ ଉତ୍ପାଦକତା ବୃଦ୍ଧି ସନ୍ନିରୀକ୍ଷୀଣ ପାଇଁ ଏକ ମୌଳିକ ରେକର୍ଡ ରଖିଥିବା ଆବଶ୍ୟକ ।
8. ସେ କ୍ଷେତ୍ର ପ୍ରଦର୍ଶନ, ବିହନ ପୁଡିଆ, ବିହନଗ୍ରାମ, ବିହନ ଗ୍ରାମ ଯୋଜନା, ଫସଲର ବିବିଧିକରଣ, ନୂତନ ଫସଲ କିସମର ଚାଷ ଓ ଦଳଗତ ଆଲୋଚନା ସହିତ ଅନ୍ୟାନ୍ୟ ସ୍ଵତନ୍ତ୍ର କାର୍ଯ୍ୟକ୍ରମର ଆୟୋଜନ, ସଂଗଠନ ଓ ନିରୀକ୍ଷୀଣ କରିବେ ।
9. ବିହନ ପ୍ରତିବଦଳ ହାର ସନ୍ନିରୀକ୍ଷୀଣ କରିବେ ଓ କୃଷକଙ୍କ ଦ୍ଵାରା ଗୁଣାତ୍ମକ ବିହନର କ୍ରୟ ଓ ବ୍ୟବହାର ସମ୍ବନ୍ଧରେ ସୁନିଶ୍ଚିତ କରାଇବେ ।
10. ତାଙ୍କର କ୍ଷେତ୍ର ପରିଦର୍ଶନ ସମୟରେ ସେ କରିଥିବା କାର୍ଯ୍ୟାବଳୀର ଏକ ରେକର୍ଡ ରଖିବେ । ଏହା ବ୍ୟତିତ ସେ ମଧ୍ୟ କୃଷକଙ୍କ ପ୍ରତିକ୍ରିୟା ସମେତ ପର୍ଯ୍ୟବେକ୍ଷଣ ଓ ସମସ୍ୟା ପୃଥକା ଭାବେ ଏକ ରେଜିଷ୍ଟରରେ ରଖିବେ ।
11. ରେଜିଷ୍ଟର ଗୁଡିକ ତାଙ୍କୁ ନିୟନ୍ତ୍ରଣ କରୁଥିବା ସହକାରୀ କୃଷି ଅଧିକାରୀ, କନିଷ୍ଟ କୃଷି ଅଧିକାରୀଙ୍କ ସହ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଯାଞ୍ଚ କରିବେ ।
12. ତାଙ୍କ ମଣ୍ଡଳପାଇଁ ବିଭିନ୍ନ କୃଷି ସାମଗ୍ରୀର ଆବଶ୍ୟକତା ଆକଳନ କରିବେ ।
13. ତାଙ୍କ ମଣ୍ଡଳରେ ଆଧୁନିକ କୃଷି ଯନ୍ତ୍ରପାତି ଓ ଉପକରଣର ବ୍ୟବହାର ଅଗଭୀର ନଳକୂପ, ମଧ୍ୟମ ନଳକୂପ, ଗଭୀର ନଳକୂପ ଓ ସେଚ କୂପ ଖନନ ଦ୍ଵାରା ସମ୍ଭାବ୍ୟ ଜଳସେଚନ ସୃଷ୍ଟି ପୂର୍ବକ ପ୍ରୋତ୍ସାହନ ପ୍ରଦାନ କରିବେ । ସେ ମଧ୍ୟ ଯୋଗ୍ୟ ବିବେଚିତ କୃଷକମାନଙ୍କ ଠାରୁ ଆବେଦନ ପତ୍ର ସଂଗ୍ରହ କରିବେ ।
14. ସମସ୍ତ ପ୍ରକାର ଫସଲକାଟରେ ଉପସ୍ଥିତ ରହି ଆୟୋଜିତ କରିବେ ଓ ତଥ୍ୟ ପ୍ରଦାନ କରିବେ ।
15. ଗ୍ରାମ ପଞ୍ଚାୟତ ବୈଠକରେ ନିୟମିତ ଭାବେ ଯୋଗ ଦେବେ ।
16. ପୋକ ସର୍ବେକ୍ଷଣ କାର୍ଯ୍ୟ ଆୟୋଜନ କରିବେ ଓ ତାଙ୍କ କାର୍ଯ୍ୟ ପରିସର ମଧ୍ୟରେ ଗ୍ରାମ୍ୟ କୃଷି କର୍ମଚାରୀଙ୍କ ଠାରୁ ପୋକ ସର୍ବେକ୍ଷଣ ଫର୍ମ ସଂଗ୍ରହ କରି ଉପରିସ୍ଥ କାର୍ଯ୍ୟାଳୟକୁ ସୂଚନା ପ୍ରଦାନ କରିବେ ।
17. ଧାର୍ଯ୍ୟଲକ୍ଷ୍ୟ ଅନୁଯାୟୀ ମୃତ୍ତିକା ନମୂନା ସଂଗ୍ରହ କରିବେ ଓ କୃଷକଙ୍କୁ ମୃତ୍ତିକା ପରୀକ୍ଷା ପାଇଁ ପ୍ରୋତ୍ସାହନ ଦେବେ ଓ ଚାଷୀଙ୍କ କ୍ଷେତରେ ଏହି ଅନୁମୋଦନ ଅନୁସରଣ ନିମନ୍ତେ ଏହାର ରେକର୍ଡ ରଖିବେ ।
18. ନିଜ ଅଞ୍ଚଳରେ ଜୈବିକ କୃଷି ପାଇଁ ପ୍ରୋତ୍ସାହନ ଦେବେ ।
19. କୌଣସି ପ୍ରାକୃତିକ ଦୁର୍ବିପାକ, ପ୍ରତିକୂଳ ପାଣିପାଗ ଓ ଫସଲ ଅବସ୍ଥା ସମ୍ବନ୍ଧରେ ତତକ୍ଷଣାତ ସହକାରୀ କୃଷି ଅଧିକାରୀଙ୍କୁ ଜଣାଇବେ ।
20. ଉଚ୍ଚ ପଦାଧିକାରୀ ଯେପରି ଓ ଯେତେବେଳେ ପରାମର୍ଶ ଦେବେ ତନଦନୁଯାୟୀ ପ୍ରଭାବିତ ଘର / ହିତାଧିକାରୀଙ୍କୁ ବିପର୍ଯ୍ୟୟ ରିଲିଫ ପାଣ୍ଠି ରିହାତି ପ୍ରଦାନରେ ସାହାଯ୍ୟ କରିବେ ।
21. ଜାତୀୟ ଖାଦ୍ୟ ନିରାପତ୍ତା ମିଶନ/ ସରକାରୀ ଯୋଜନା ଓ କାର୍ଯ୍ୟକ୍ରମ ଓ ଅନ୍ୟାନ୍ୟ ମୁଖ୍ୟ କାର୍ଯ୍ୟକ୍ରମରେ ସକ୍ରିୟ ଯୋଗଦାନ କରିବେ ।
22. ସେ ସମ୍ପୃକ୍ତ ଗ୍ରାମ୍ୟ କୃଷି କର୍ମଚାରୀଙ୍କ ବାର୍ଷିକ କାର୍ଯ୍ୟ ପ୍ରକ୍ରିୟା ସମ୍ବନ୍ଧରେ ଗୁପ୍ତ ଚରିତ୍ର ପଞ୍ଜିକା ପ୍ରଦାନ କରୁଥିବା କର୍ତ୍ତୃପକ୍ଷ ଙ୍କୁ ତାଙ୍କର ଅସ୍ଥାୟୀ ମନ୍ତବ୍ୟ ଦେଇ ପାରିବେ ।
23. ଏହା ବ୍ୟତୀତ ଉଚ୍ଚ କର୍ତ୍ତୃପକ୍ଷ ଯେତେବେଳେ ଯେଉଁ କାର୍ଯ୍ୟ ନିର୍ଦ୍ଧାରଣ କରିବେ ତାହା ସମ୍ପାଦନ କରିବେ ।
• ମୃତ୍ତିକା ପରୀକ୍ଷାଗାରରେ କାର୍ଯ୍ୟରତ କୃଷି ଅଧିଦର୍ଶକଙ୍କ ଦାୟିତ୍ଵ ।
1. ମୃତ୍ତିକା ନମୂନା ସଂଗ୍ରହ କରିବା ଓ ମୃତ୍ତିକା ସ୍ୱାସ୍ଥ୍ୟ କାର୍ଡ ପ୍ରେରଣ କରିବା ।
2. ପରୀକ୍ଷାଗାରରେ କାର୍ଯ୍ୟରତ ମୃତ୍ତିକା ରସାୟନବିତ / ସରକାରୀ କୃଷି ଅଧିକାର/ କନିଷ୍ଠ କୃଷି ଅଧିକାରୀଙ୍କ ପରାମର୍ଶ କ୍ରମେ ମୃତ୍ତିକା ନମୂନା ବିଶ୍ଲେଷଣ କରିବା ।
3. ବିଶ୍ଲେଷଣ କରାଯାଇଥିବା ଫଳାଫଳ ଅନୁଯାୟୀ ମୃତ୍ତିକା ପରୀକ୍ଷା ରିପୋର୍ଟ ପ୍ରସ୍ତୁତ କରିବା।
4. ସମସ୍ତ ନିୟମିତ ରେଜିଷ୍ଟର ପ୍ରସ୍ତୁତ କରିବା ।
5. ପରୀକ୍ଷାଗାରକୁ ପରିଷ୍କାରା ପରିଚ୍ଛନ୍ନ ରଖିବା ଦାୟିତ୍ଵ ।
6. ପରୀକ୍ଷାଗାରରେ ଉତ୍ତମ ପରିଚାଳନା ନିମନ୍ତେ ମୃତ୍ତିକା ରସାୟନବିତ ଓ ଅନ୍ୟାନ୍ୟ କର୍ତ୍ତୃପକ୍ଷ ପ୍ରଦତ୍ତ ଯେ କୌଣସି ଦାୟିତ୍ଵ ସମ୍ପର୍ଣ୍ଣ କରିବେ ।
• ସାର / କୀଟନାଶକ ପରୀକ୍ଷାଗାରରେ କାର୍ଯ୍ୟରତ କୃଷି ଅଧିଦର୍ଶକଙ୍କ ଦାୟିତ୍ଵ
1. ନମୂନା ବିଶ୍ଳେଷଣ କରିବାର ସହକାରୀ କୃଷି ଅଧିକାରୀଙ୍କୁ ସହାୟତା ପ୍ରଦାନ କରିବା ।
2. ପରୀକ୍ଷାଗାରକୁ ପରିଷ୍କାରା ପରିଚ୍ଛନ୍ନ ରଖିବା ଦାୟିତ୍ଵ  ।
3. କର୍ତ୍ତୃପକ୍ଷଙ୍କ ଚାହିଁବା ଅନୁଯାୟୀ ପରୀକ୍ଷାଗାରର ଷ୍ଟକ ଓ ଷ୍ଟୋର ଦାୟିତ୍ଵରେ ରହିବା ।
4. ପରୀକ୍ଷାଗାରର ଉତ୍ତମ ପାଇଚାଳନା ନିମନ୍ତେ ଉଚ୍ଚ କର୍ତ୍ତୃପକ୍ଷ ଙ୍କ ଦ୍ଵାରା ପ୍ରଦତ୍ତ ଯେକୌଣସି ସମ୍ପର୍ଣ୍ଣ କାର୍ଯ୍ୟ କରିବେ ।
• ବିହନ ପରୀକ୍ଷାରେ କାର୍ଯ୍ୟରତ କୃଷି ଅଧିଦର୍ଶକଙ୍କ ଦାୟିତ୍ଵ
1. ବିଶ୍ଳେଷଣ ପାଇଁ ପ୍ରାପ୍ତ ବିହନ ନମୂନାର ପଞ୍ଜିକରଣ କରିବା ଦାୟିତ୍ଵ ।
2. ସାମହିକ ଶ୍ରମିକ ନିୟୋଜନ ଓ ସେମାନଙ୍କ କାର୍ଯ୍ୟ ନିର୍ଦ୍ଧାରଣ ପାଇଁ ଯତ୍ନ ନେବା ।
3. ବିହନ ଗଣନା, ପର୍ଯ୍ୟବେକ୍ଷନର ରେକର୍ଡ ଓ ବିହନ ପରୀକ୍ଷା ସବଷ୍ଟ୍ରାଟା ଓ ମିଡିଆ ପ୍ରସ୍ତୁତ ପାଇଁ ଦାୟୀ ରହିବା ।
4. ବିହନ ପରୀକ୍ଷା ପଦ୍ଧତିରେ ସମ୍ପୃକ୍ତ ଅଧିକାରୀଙ୍କୁ ସହାୟତା ପ୍ରଦାନ କରିବା ।
5. ପରୀକ୍ଷାଗାରକୁ ପରିଷ୍କାର ଓ କାର୍ଯ୍ୟକ୍ଷମ ରଖିବା ପାଇଁ ଯତ୍ନବାନ ହେବା ।
6. ଷ୍ଟୋର ଦାୟିତ୍ଵରେ ଥିବା ବ୍ୟକ୍ତି ଠାରୁ ଷ୍ଟକ ଗ୍ରହଣ କରି ଏହାର ବିନିଯୋଗ ପାଇଁ ଦାୟୀ ରହିବା ।
7. ସମ୍ପୃକ୍ତ ଅଧିକାରୀଙ୍କ ପରାମର୍ଶ କ୍ରମେ ବିଶ୍ଳେଷଣ କାର୍ଡ / ରିପୋର୍ଟ ପ୍ରସ୍ତୁତ କରିବା ।
8. ପରୀକ୍ଷାଗାରର ଉତ୍ତମ ପରିଚାଳନା ପାଇଁ ଉପରିସ୍ଥ କର୍ତ୍ତୃପକ୍ଷ ଙ୍କ ଦ୍ଵାରା ନିର୍ଦ୍ଧାରିତ ଯେ କୌଣସି କାର୍ଯ୍ୟ କରିବା ।
• ଜିଲ୍ଲା କୃଷି ଅଧିକାରୀ/ ଅତିରିକ୍ତ ଜିଲ୍ଲା କୃଷି ଅଧିକାରୀଙ୍କ କାର୍ଯ୍ୟାଳୟରେ ଉଦ୍ଭିଦ ସୁରକ୍ଷା ସହକାରୀ ଭାବେ କାର୍ଯ୍ୟରତ କୃଷି ଅଧିଦର୍ଶକଙ୍କ ଦାୟିତ୍ଵ
1. ସେ ଅଞ୍ଚଳର ଉଦ୍ଭିଦ ସୁରକ୍ଷା କାର୍ଯ୍ୟାବଳିରେ ଉଦ୍ଭିଦ ସୁରକ୍ଷା ଅଧିକାରୀ/ ସରକାରୀ କୃଷି ଅଧିକାରୀ (ରୋଗ ପୋକ ସର୍ବେକ୍ଷଣ)ଙ୍କୁ ସହାୟତା ପ୍ରଦାନ କରିବା ।
2. ଉଦ୍ଭିଦ ସୁରକ୍ଷା ଅଧିକାରୀ/ସହକାରୀ କୃଷି ଅଧିକାରୀ (ଉଦ୍ଭିଦ ସୁରକ୍ଷା)ଙ୍କ ପରାମର୍ଶ କ୍ରମେ କ୍ଷେତରୁ ସଂଗୃହିତ ରୋଗ ପୋକ ସର୍ବେକ୍ଷଣ ରିପୋର୍ଟର ଏକତ୍ରିକରଣ କରିବା ।
3. ଜୈବ ନିୟନ୍ତ୍ରଣ ଏଜେଣ୍ଟ/ ଜୈବ ସାର ବିକ୍ରୟ/ ବ୍ୟବହାରକୁ ପ୍ରୋତ୍ସାହନ ଦେବା ।
4. କର୍ତ୍ତୃପକ୍ଷ ଙ୍କ ଚାହିଁବା ଅନୁଯାୟୀ ବିଭିନ୍ନ ଯୋଜନାର ଷ୍ଟକ ଓ ସ୍ତୋର୍ଲ କାର୍ଯ୍ୟଭାର ନେବା ।
5. ସେ ଅଞ୍ଚଳରେ ରୋଗ ପୋକ ସମସ୍ୟା ନିୟନ୍ତ୍ରଣ ପାଇଁ ଉପରିସ୍ଥ କର୍ତ୍ତୃପକ୍ଷଙ୍କ ଦ୍ଵାରା ନିର୍ଦ୍ଧାରିତ ଯେ କୌଣସି ଦାୟିତ୍ଵ ତୁଲାଇବା।
• ଉପକୃଶୀଳ ନିର୍ଦ୍ଦେଶକ (ଉଦ୍ଭିଦ ସୁରକ୍ଷା) ଙ୍କ ଅଧିନରେ ବ୍ୟାକ୍ଟେରିଆ ଇନୋକୁଲମ ପ୍ରୟୋଗଶାଳାରେ କାର୍ଯ୍ୟରତ କୃଷି ଅଧିଦର୍ଶକ ଦାୟିତ୍ଵ
1. ପ୍ରୟୋଗଶାଳାର ଷ୍ଟକ ଏବଂ ଷ୍ଟୋର ରଖିବା ।
2. ଉତ୍ପାଦନ ଓ ବିକ୍ରୟ ରେଜିଷ୍ଟର ପ୍ରସ୍ତୁତ କରିବା  ।
3. ଉପଯୁକ୍ତ ସମୟରେ ବିକରିଳ କରିବା ଓ ବିକ୍ରି ଟଙ୍କା ପୈଠ କରିବେ  ।
4. ଜୈବ ସାରର ଉତ୍ପାଦନ ପଦ୍ଧତିରେ ଉପଯୁକ୍ତ କର୍ତ୍ତୃପକ୍ଷଙ୍କୁ ସହାୟତା ପ୍ରଦାନ କରିବା ।
5. ପ୍ରୟୋଗଶାଳା ପରିଚ୍ଛନ୍ନତା ପାଇଁ ଦାୟୀ ରହିବା ।
6. ମାସିକ ପ୍ରଗତି ରିପୋର୍ଟ ଓ ଅନ୍ୟାନ୍ୟ ରିପୋର୍ଟ ପ୍ରସ୍ତୁତ କରିବା ।
7. ପ୍ରୟୋଗଶାଳାର ଉତ୍ତମ ପରିଚାଳନା ପାଇଁ ଉପରିସ୍ଥ କର୍ତ୍ତୃପକ୍ଷଙ୍କ ଦ୍ଵାରା ନିର୍ଦ୍ଧାରିତ ଅନ୍ୟ ଯେ କୌଣସି ଦାୟିତ୍ଵକୁ ସମ୍ପର୍ଣ୍ଣ କରିବା ।
• ବିହନ ବିକ୍ରେୟ କେନ୍ଦ୍ରରେ ଅବସ୍ଥାପିତ କୃଷି ଅଧିଦର୍ଶକଙ୍କ ଦାୟିତ୍ଵ
1. ପ୍ରଦର୍ଶନ କ୍ଷେତ୍ର/ବିହନ ପୁଡିଆର ସମସ୍ତଳ ଉପାଦାନ ସମେତ ବିହନ,କୃଷି ଯନ୍ତ୍ରପାତି, ସାର ଭଳି କୃଷି ସାମଗ୍ରୀ ଗ୍ରହଣ କରି ଷ୍ଟକରେ ରଖିବେ ।
2. ସମୟ ଅନୁଯାୟୀ ବିହନ ବିକ୍ରେୟ କେନ୍ଦ୍ର ଖୋଲା ରଖିବା, ବିହନ ବିକ୍ରୟ କରିବେ ଓ କୃଷି ସାମଗ୍ରୀଗୁଡିକୁ ଚାଷୀଙ୍କ ମଧ୍ୟରେ ବଣ୍ଟନ କରିବେ ।
3. ବ୍ଲକର ସହକାରୀ କୃଷି ଅଧିକାରୀ ଓ ଅନ୍ୟାନ୍ୟ ଉଚ୍ଚପଦସ୍ଥ କର୍ତ୍ତୃପକ୍ଷଙ୍କ ତଦାରଖ ନିମନ୍ତେ ବିକ୍ରୟ କେନ୍ଦ୍ରର ସମସ୍ତ ରେକର୍ଡ ଓ ଟଙ୍କା ଦାଖଲ ସମ୍ବନ୍ଧୀୟ ତଥ୍ୟ ରଖିବେ ।
4. ବିହନ ବିକ୍ରୟ ପୂର୍ବରୁ ବିହନ ଗଜା ପରୀକ୍ଷା ରଖିବା ।
5. ବିକ୍ରୟ କେନ୍ଦ୍ରର ନିରାପତ୍ତା ଓ ପରିଷ୍କାର ପରିଚ୍ଛନ୍ନତାକୁ ସୁନିଶ୍ଚିତ କରିବେ ।
6. ନିୟମିତ ଭାବେ ପାକ୍ଷିକ / ସମୀକ୍ଷା ବୈଠକରେ ଯୋଗ ଦେବେ ।
7. ଜଗୁଆଳ / ସାମୟିକ ଶ୍ରମିକ ସଠିକ କାର୍ଯ୍ୟକାରିତା ବିଷୟରେ ଅବଗତ ରହି ସହକାରୀ କୃଷି ଅଧିକାରୀଙ୍କୁ ଜଣାଇବେ ।
8. ବ୍ଲକ ସ୍ତରରେ ମୃତ୍ତିକା ନମୂନା ବିଶ୍ଳେଷଣ କରିବାରେ ସହକାରୀ କୃଷି ଅଧିକାରୀଙ୍କୁ ସହାୟତା ପ୍ରଦାନ କରିବେ ।
9. ସହକାରୀ କୃଷି ଅଧିକାରୀଙ୍କ ଅନୁପସ୍ଥିତିରେ କୃଷକମାନଙ୍କୁ ବୈଷୟିକ ପରାମର୍ଶ ପ୍ରଦାନ କରିବେ ।
10. ସହକାରୀ କୃଷି ଅଧିକାରୀଙ୍କ ପରାମର୍ଶ କ୍ରମେ ପ୍ରଦର୍ଶନ କ୍ଷେତ୍ର / ବିହନ ପୁଡିଆ ଦ୍ରବ୍ୟ ବଣ୍ଟନ ପାଇଁ ଗ୍ରାମ୍ୟ କୃଷି କର୍ମଚାରୀ / କୃଷକଙ୍କ ମଧ୍ୟରେ ବାଣ୍ଟିବେ ।
11. ଷ୍ଟକ ଓ ମୂଲ୍ୟ ତାଲିକା ପ୍ରଦର୍ଶନ କରିବେ ।
12. ବିକ୍ରୟ କେନ୍ଦ୍ରର ଉତ୍ତମ ପରିଚାଳନା ପାଇଁ ଉଚ୍ଚ କର୍ତ୍ତୃପକ୍ଷଙ୍କ ଦ୍ଵାରା ନିର୍ଦ୍ଧାରିତ ଯେ କୌଣସି କାର୍ଯ୍ୟ କରିବେ ।
• ସରକାରୀ କୃଷି ଫାର୍ମରେ କାର୍ଯ୍ୟରତ କୃଷି ଅଧିଦର୍ଶକଙ୍କ ଦାୟିତ୍ଵ
1. ଚାଷ ଉପଯୋଗୀ ଜମିର ବିନିଯୋଗ ପାଇଁ ଫାର୍ମ ପରିଚାଳନା ବିଶେଷଜ୍ଞଙ୍କ ପରାମର୍ଶ କ୍ରମେ ଫାର୍ମ ପାଇଁ ଫସଲ ଯୋଜନା ପ୍ରସ୍ତୁତ କରିବେ ।
2. ଫସଲ ଋତୁ ଆରମ୍ଭ ହେବା ପୂର୍ବରୁ କୃଷି ସାମଗ୍ରୀ ଆଗକୁ ଗଚ୍ଛିତ ରଖିବେ ଓ ଏହାକୁ ଉପଯୁକ୍ତ ଆର୍ଥିକ ପଦ୍ଧତି ଅନୁଯାୟୀ କ୍ରୟ କରିବେ ।
3. ଫାର୍ମ ବଳଦ/ କୃଷି ଯନ୍ତ୍ରପାତିଗୁଡିକୁ ସୁରକ୍ଷିତ ରଖିବା ଓ ଫସଲ ଋତୁ ଆରମ୍ଭ ହେବା ଆଗରୁ ଏହାକୁ କାର୍ଯ୍ୟକ୍ଷମ ଅବସ୍ଥାରେ ରଖିବା ।
4. ସ୍ଥାୟୀ ଶ୍ରମିକ ସାମୟିକ ଶ୍ରମିକଙ୍କ ମଧ୍ୟରେ କାର୍ଯ୍ୟ ଆବଣ୍ଟନ କରି କୃଷି କାର୍ଯ୍ୟର ସନ୍ନୀରୀକ୍ଷୀଣ କରିବେ ଓ ଫସଲ ଋତୁ ମଧ୍ୟରେ କାର୍ଯ୍ୟ ନିରୀକ୍ଷଣ କରିବେ ।
5. ସରକାରଙ୍କ ଅନୁମୋଦନ ବ୍ୟୟପରିମାଣ ଅନୁଯାୟୀ ବିହନ ଫସଲର ଚାଷ ଖର୍ଚ୍ଚ ଅନୁସରଣ କରାଯିବା ଉଚିତ । ଏହାର ଯେ କୌଣସି ବ୍ୟତିକ୍ରମ ଯୁକ୍ତିଯୁକ୍ତ ହୋଇଥିବ ଓ କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶକ ଓଡିଶାଙ୍କ ଦ୍ଵାରା ଅନୁମୋଦନ ହେବା ଆବଶ୍ୟକ ।
6. ଫାର୍ମ ଉତ୍ପାଦିତ ଦ୍ରବ୍ୟଗୁଡିକ ସମୟୋଚିତ ପ୍ରକ୍ରିୟାକରଣ, ବ୍ୟାଗ ଭର୍ତ୍ତି କରିବା ଓ ଟ୍ୟାଗ ଲଗାଇବା ପାଇଁ ଆବଶ୍ୟକୀୟ ପଦକ୍ଷେପ ନେବା ।
7. ଉଚ୍ଚ କର୍ତ୍ତୃପକ୍ଷଙ୍କୁ ଠିକ ସମୟରେ ମାସିକ ପ୍ରଗତି ରିପୋର୍ଟ ପ୍ରଦାନ କରିବେ ।
8. ଫାର୍ମକୁ ଲାଭପ୍ରଦ କରିବା ପାଇଁ ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ ।
9. ଫାର୍ମକୁ ଏଭଳି ପରିଷ୍କାର ପରିଚ୍ଛନ୍ନ ରଖିବା ଆବଶ୍ୟକ, ଯାହାଦ୍ୱାରା ନୂତନ ଉନ୍ନତ ଜ୍ଞାନ କୌଶଳ ପ୍ରଦର୍ଶନ ନିମନ୍ତେ ଏହା ଏକ ନମୂନା ମଞ୍ଚ ହୋଇପାରିବେ।
10. ଫାର୍ମରେ ଜୈବିକ କୃଷି ଓ ଆଧୁନିକ ଫସଲ ଜ୍ଞାନକୌଶଳର ପ୍ରୋତ୍ସାହନ କରିବେ ।
11. ଫାର୍ମର ସମ୍ପତ୍ତି ନିଲାମ ବ୍ୟବସ୍ଥାର ସୁରକ୍ଷା କରାଯାଇ ଏହାର ନଷ୍ଟାବଶେଷକୁ ବିକ୍ରୟ କରି ରାଜସ୍ୱ ପରିମାଣକୁ ସର୍ବାଧିକ କରାଇବା ।
12. ଫାର୍ମ ଉତ୍ତମ ପରିଚାଳନା ପାଇଁ ଉଚ୍ଚ କର୍ତ୍ତୃପକ୍ଷଙ୍କ ଦ୍ଵାରା ନିର୍ଦ୍ଧାରିତ ଯେ କୌଣସି କାର୍ଯ୍ୟ ସମ୍ପର୍ଣ୍ଣ କରିବା।
13. ପ୍ରତ୍ୟେକ ଫସଲ ଋତୁରେ ଫସଲ ଅମଳ ଆକଳନ କରିବା ପାଇଁ ନିୟୋଜିତ ଅଧିକାରୀଙ୍କୁ ଫସଲ କାଟରେ ସହାୟତା କରିବେ ।
14. ଫାର୍ମ ପୁସ୍ତିକାରେ ଜିନିସ ତାଲିକା,ଆୟତନ,ଉତ୍ପାଦନ, ଉତ୍ପାଦକତା, ମୃତ୍ତିକାବିଶ୍ଲେଷଣ, ବ୍ୟୟ ଓ ରାଜସ୍ଵ ରସିଦ ସମ୍ବନ୍ଧୀୟ ସୂଚନା ଲେଖି ରଖିବେ ।
15. ଫାର୍ମର ଉତ୍ତମ ପରିଚାଳନା ପାଇଁ ଉଚ୍ଚ କର୍ତ୍ତୃପକ୍ଷଙ୍କ ଦ୍ଵାରା ନିର୍ଦ୍ଧାରିତ ଯେ କୌଣସି କାର୍ଯ୍ୟ ସମ୍ପନ୍ନ କରିବା ।
• ଗ୍ରାମ୍ୟ କୃଷି କର୍ମଚାରୀଙ୍କ ଦାୟିତ୍ଵ
1. ଗୋଟିଏ କିମ୍ବା ଦୁଇଟି ଗ୍ରାମପଞ୍ଚାୟତ କୁ ନେଇ ଗଠିତ ଏକ ଗ୍ରାମ୍ୟ କୃଷି କର୍ମଚାରୀ ମଣ୍ଡଲରେ ଜଣେ ଗ୍ରାମ୍ୟ କୃଷି କର୍ମଚାରୀ ରହିବେ । କୃଷି ପରିବାର ସଂଖ୍ୟା ଭିତ୍ତିରେ ମଣ୍ଡଲର ଗ୍ରାମ ଗୁଡିକୁ ୮ ୟୁନିଟରେ ବିଭକ୍ତ କରାଯିବ ।
2. ସପ୍ତାହକ ମଧ୍ୟରେ ୪ ଦିନ କ୍ଷେତ୍ର ପରିଦର୍ଶନ କରି ପ୍ରତି ପକ୍ଷରେ ତାଙ୍କ ମଣ୍ଡଲରେ ଥିବା ସମସ୍ତ ୟୁନିଟକୁ ଗସ୍ତ କରିବେ । ଏହି ସମୟରେ ସେ ଷୋମବାରରୁ ଗୁରୁବାର ମଧ୍ୟରେ ପୂର୍ବାହ୍ନରେ କ୍ଷେତ ପରିଦର୍ଶନ କରି ଅପରାହ୍ନ ମୁଖ୍ୟ ଦପ୍ତରରେ କାର୍ଯ୍ୟାଳୟ କରିବେ । ଏହା କରିବାରେ ବିଫଳ ହେଲେ ସେ ଏହି ଶୁକ୍ରବାରରୁ ରବିବାର ମଧ୍ୟରେ ଗସ୍ତ କରିବେ ।
3. ନିଜ ମଣ୍ଡଲରେ ମୌଳିକ ରେକର୍ଡ ସହିତ ତୁଳନା କରି ଉତ୍ପାଦନ ଓ ଉତ୍ପାଦକତା ବୃଦ୍ଧିକୁ ସନ୍ନିରୀକ୍ଷୀଣ କରିବେ ।
4. ବିହନ ପୁଡିଆ,ବିହନ ଗ୍ରାମ ଯୋଜନା, ଫସଲ କାର୍ଯ୍ୟକ୍ରମର ବିବିଧିକରଣ,ନୂତନ ଫସଲ/କିସମ ଚାଷ ଓ ଦଳଗତ ଆଲୋଚନା ସହିତ ଅନ୍ୟାନ୍ୟ ସ୍ଵତନ୍ତ୍ର କାର୍ଯ୍ୟକ୍ରମ ଆୟୋଜନ, ସଂଗଠନ ଓ ନିରୀକ୍ଷଣ କରିବେ ।
5. ସହକାରୀ କୃଷି ଅଧିକାରୀଙ୍କ ପ୍ରଦତ୍ତ ଧାର୍ଯ୍ୟଲକ୍ଷ୍ୟ ଅନୁୟାଯୀ ନିଜ ମଣ୍ଡଳବିହନ ଜୈବସାର, ଯନ୍ତ୍ରପାତି, ଶକ୍ତି ଚାଳିତ ଯନ୍ତ୍ର, ଫରୁଆ ଜଳସେଚନ ପାଇଁ ଉଦ୍ଦିଷ୍ଟ ରିହାତି ପରିମାଣ ବିନିଯୋଗ କରିବା ।
6. କୃଷକଙ୍କ ଦ୍ଵାରା ଗୁଣାତ୍ମକ ବିହନର କ୍ରୟ ଓ ବିନିଯୋଗ ପାଇଁ ପ୍ରୋତ୍ସାହିତ / ଉତ୍ସାହିତ କରିବା ।
7. ତାଙ୍କ କ୍ଷେତ୍ର ପରିଦର୍ଶନ ସମୟରେ ସେ କରୁଥିବା କାର୍ଯ୍ୟାବଳିର ରେକର୍ଡ ପ୍ରସ୍ତୁତ କରିବେ ଓ ରେଜିଷ୍ଟରରେ ପୃଥକ ଭାବେ ପର୍ଯ୍ୟବେକ୍ଷଣ ଓ କୃଷକଙ୍କ ସମସ୍ୟା ସମେତ ତାଙ୍କ ପ୍ରତିକ୍ରିୟା ରେକର୍ଡ କରିବେ । କ୍ଷେତ୍ର ପରିଦର୍ଶନ ସମୟରେ ସେ ଭେଟିଥିବା କୃଷକମାନଙ୍କ ଦସ୍ତଖତ ରଖିବେ ।
8. ଆଗ୍ରହୀ କୃଷକ ଗୋଷ୍ଠୀଙ୍କ ସହିତ ଆଲୋଚନା କରି ତାଙ୍କ ମଣ୍ଡଳ ପାଇଁ ଆବଶ୍ୟକୀୟଲ କୃଷି ସାମଗ୍ରୀର ଆକଳନ କରିବା ।
9. ସମସ୍ତ ପ୍ରକାର ଫସଲକାଟରେ ଉପସ୍ଥିତ ରହି ଏହାର ଆୟୋଜନ କରିବେ ।
10. ଗ୍ରାମ ପଞ୍ଚାୟତ ବୈଠକରେ ସେ ନିୟମିତ ଭାବେ ଯୋଗଦେବେ ଓ ଗ୍ରାମ ପଞ୍ଚାୟତ କୃଷି ଉନ୍ନୟନ ଯୋଜନା ସମ୍ବନ୍ଧରେ ଜଣାଇବେ ।
11. ପୋକ ସର୍ବେକ୍ଷଣ କାର୍ଯ୍ୟକରିବେ , ସର୍ବେକ୍ଷଣ ଫର୍ମ ପ୍ରସ୍ତୁତ କରି କୃଷି ଅଧିଦର୍ଶକଙ୍କୁ ପ୍ରଦାନ କରିବେ ।
12. ଧାର୍ଯ୍ୟଲକ୍ଷ୍ୟ ଅନୁଯାୟୀ ମୃତ୍ତିକା ନମୂନା ସଂଗ୍ରହ କରିବେ ଓ କୃଷକଙ୍କ ମଧ୍ୟରେ ମୃତ୍ତିକା ପରୀକ୍ଷାକୁ ପ୍ରୋତ୍ସାହିତ କରିବେ ଓ କୃଷକଙ୍କ କ୍ଷେତ୍ରରେ ଅନୁମୋଦନକୁ ଅନୁସରଣ କରିବେ ।
13. ନିଜ କାର୍ଯ୍ୟ ପରିସରରେ ଜୈବିକ କୃଷିକୁ ପ୍ରୋତ୍ସାହତ କରିବେ ।
14. ନିଜ କାର୍ଯ୍ୟ ପରିସରରେ ଜୈବିକ କୃଷିକୁ ପ୍ରୋତ୍ସାହିତ କରିବେ ।
15. ଉପରିସ୍ଥ ଅଧିକାରୀଙ୍କ ନିର୍ଦ୍ଧାରିତ ଅନୁଯାୟୀ ପ୍ରଭାବିତ ଘର/ହିତାଧିକାରୀଙ୍କୁ ଦୁର୍ବିପାକ ରିଲିଫ ପାଣ୍ଠିର ରିହାତି ପ୍ରଦାନ କରିବା କାର୍ଯ୍ୟରେ ସହାୟତା କରିବେ।
16. ଜାତୀୟ ଖାଦ୍ୟ ନିରାପତ୍ତା ମିଶନ/ସରକାରୀ ଯୋଜନା ଓ କାର୍ଯ୍ୟକ୍ରମ ଓ ଅନ୍ୟାନ୍ୟ ମୁଖ୍ୟ କାର୍ଯ୍ୟରେ ସକ୍ରିୟଭାବେ ସାମିଲ ହେବେ ।
17. ପଞ୍ଚାୟତରାଜ, ଜଳସମ୍ବଳ, ସମବାୟ, ବ୍ୟବସାୟିକ ବ୍ୟାଙ୍କ ଭଳି ଆନୁଷଙ୍ଗିକ କ୍ଷେତ୍ରରେ ଅଧିକାରୀଙ୍କ ସମସ୍ୟା ସମାଧାନରେ ସେମାନଙ୍କ ସହାୟତା ଲାଭ କରିବେ । ଯେ କୌଣସି ସ୍ଥୁଳରେ ଉପୁଜିଥିବା ସମସ୍ୟା ସମ୍ବନ୍ଧରେ ସେ ସରକାରୀ କୃଷି ଅଧିକାରୀଙ୍କୁ ଅବଗତ କରାଇବେ ।
18. କୃଷକ /କୃଷି ଜୀବି ମହିଳାଙ୍କ ଉତ୍ସାହିତ କରି ସ୍ଵୟଂସହାୟକ ଗୋଷ୍ଠୀ ଗଠନ ଓ "ଆତ୍ମା" କାର୍ଯ୍ୟକ୍ରମ କାର୍ଯ୍ୟକାରୀ କରିବା।
19. ଏହା ବ୍ୟତିତ ଉପସ୍ଥିତ କର୍ତ୍ତୃପକ୍ଷ ଦ୍ଵାରା ନ୍ୟସ୍ତ କରାଯାଇଥିବା ଯେ କୌଣସି କାର୍ଯ୍ୟ ସମ୍ପର୍ଣ୍ଣ କରିବା ।
20. ଫସଲ ଉତ୍ପାଦକତା, କୃଷି ସାମଗ୍ରୀ ବ୍ୟବହାର, କୃଷକ କର୍ମଜୀବି ମହିଳା ଓ ଯୁବକଙ୍କ ଦକ୍ଷତା ବୃଦ୍ଧି ଓ କୃଷି ପଦ୍ଧତି ଗ୍ରହଣରେ ଅଧିକରୁ ଅଧିକ ସଫଳ ହେବା ପାଇଁ ଚେଷ୍ଟିତ ହେବେ , ଯାହାର ଅନ୍ତିମ ଲକ୍ଷ୍ୟ ହେଉଛି ନିଜ ମଣ୍ଡଲାରେ ଥିବା କୃଷକଙ୍କ ମଧ୍ୟରେ ଓ ବାହାରେ ଆତ୍ମବିଶ୍ଵାସ ସୃଷ୍ଟି କରି ଅଧିକରୁ ଆର୍ଥିକ ଲାଭ ହାସଲ କରିବା ।
21. ନିଜ ମଣ୍ଡଲରେ କୃଷି କାର୍ଯ୍ୟକ୍ରମ ଅନୁଧ୍ୟାନ କରିବା, ବିଭିନ୍ନ କୃଷି ପରିସ୍ଥିତି ସମ୍ବନ୍ଧରେ ଅବଗତ ରହିବା ଓ ବିଭିନ୍ନ ବର୍ଗ କୃଷକମାନଙ୍କର ଏକ ବେଞ୍ଚମାର୍କ ସର୍ଭେ କରିବା । ତାଙ୍କ ମୌଳିକ ସୂଚନା ରେଜିଷ୍ଟର ରେ ଜମି ବିନିଯୋଗ, ଆୟତନ, ଉତ୍ପାଦନ ଓ ଉତ୍ପାଦକତା ପରିସଂଖ୍ୟାନ, ଫସଲ ପର୍ଯ୍ୟାୟ ଅନୁସରଣ , ଚାଷ କରାଯାଉଥିବା ଫସଲ କିସମ, ବର୍ଷା ଜଳସେଚନ ସୁବିଧା ଓ କୃଷି ସାମଗ୍ରୀ ଯୋଗାଣ ବ୍ୟବସ୍ଥା ସମ୍ବନ୍ଧୀୟ ତଥ୍ୟ ରହିବା ଓ ଏହାର ଏକ ନକଲ ସହକାରୀ କୃଷି ଅଧିକାରୀଙ୍କୁ ପ୍ରଦାନ କରିବେ । ଏହିପରି ସଂଗୃହିତ ମୌଳିକ ସୂଚନାଗୁଡିକୁ ସମୟ ଅନୁସାରେ ନବୀକୃତ କରାଯିବ ।

ବିଭିନ୍ନ ରାଜସ୍ଵ ଜିଲ୍ଲା / ସବଡିଭିଜନ ସ୍ତରୀୟ ଯୋଗାଯୋଗ ଅଧିକାରୀ

ଆଧାର - କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶାଳୟ, ଓଡିଶା ସରକାର