ମୁଖ୍ୟ ଯୋଜନା (ଭାଗ – ୨)

କେତେକ ମୁଖ୍ୟ ଯୋଜନା ଓ କାର୍ଯ୍ୟକ୍ରମ ସମ୍ବନ୍ଧୀୟ ବିଶେଷ ସୂଚନା

ସ୍ଥୂଳ କୃଷି କ୍ଷେତ୍ର ପରିଚାଳନା (କର୍ମ ଯୋଜନା)

ଧାନ ଉନ୍ନୟନ (୨୦୦୮-୨୦୦୯ )

ରାଜ୍ୟରେ ମୁଖ୍ୟ ଖାଦ୍ୟ ଉପଯୋଗୀ ଫସଲ ଭାବେ ଧାନ ପ୍ରାୟ ୪୫ ଲକ୍ଷ ହେକ୍ଟର ଜମିରେ ଚାଷ କରାଯାଉଛି ଏବଂ ଏହାର ଉତ୍ପାଦନ ହେଉଛି ୭୭ ଲକ୍ଷ ଟନ । ୪୨ ଲକ୍ଷ ହେକ୍ଟର ଜମିରେ ଖରିଫ ଧାନ ଚାଷ ହୋଇଥାଏ । ଏଥିରୁ ୧୦ ଲକ୍ଷ ହେକ୍ଟର ଉଚ୍ଚ ଜମି, ୧୬ ଲକ୍ଷ ହେକ୍ଟର ମଧ୍ୟମ କିସମ ଜମି ଓ ୧୬ ଲକ୍ଷ ଖାଲ ଜମି । ଖରିଫ ଧାନ ଜମିର ୩୬% ଜଳସେଚିତ । ରବି ଋତୁରେ ୩ ଲକ୍ଷ ହେକ୍ଟର ଜମିରେ ଧାନଚାଷ କରାଯାଏ । ଏଥିସହିତ ସମସ୍ତ ଅଞ୍ଚଳ ଜଳସେଚିତ ଓ ଅଧିକ ଅମଳକ୍ଷମ ଧାନ ଚାଷ କରାଯାଇଥାଏ । ହେକ୍ଟର ପ୍ରତି ଚାଉଳ ଅମଳ ଜାତୀୟ ସ୍ତରରେ ୨୧ କ୍ଵିଣ୍ଟାଲ ଥିବା ବେଳେ ରାଜ୍ୟସ୍ତରରେ ଏହା ହେକ୍ଟର ପ୍ରତି ୧୭ କ୍ଵିଣ୍ଟାଲ ହୋଇଛି । ୨୦୦୭-୦୮ ବର୍ଷରେ ବିଗତ ବର୍ଷ ଅପେକ୍ଷା ହେକ୍ଟର ପ୍ରତି ୧.୪୫ କ୍ଵିଣ୍ଟାଲର ରେକର୍ଡ ଉତ୍ପାଦକତା ବୃଦ୍ଧି କରାଯାଇ ପାରିଛି ।

ପ୍ରଦର୍ଶନ ଓ ତାଲିମ, ପ୍ରାମାଣିକ ବିହନ ଉତ୍ପାଦନ ପାଇଁ ପ୍ରୋତ୍ସାହନ, ପ୍ରାମାଣିକ ବିହନ ବ୍ୟବହାରରେ ରିହାତି, ସବୁଜ ସାର ବ୍ୟବହାର, ମିଶ୍ରିତ ଫସଲ ଚାଷ ଇତ୍ୟାଦି ଜରିଆରେ ଉନ୍ନତ ଚାଷ ପଦ୍ଧତିର ପ୍ରୋତ୍ସାହନ ପାଇଁ କେନ୍ଦ୍ର ପ୍ରବର୍ତ୍ତିତ ଯୋଜନା ରେ

ଗୁରୁତ୍ଵ ପ୍ରଦାନ କରାଯାଇଅଛି । ସେହିପରି ରାଜ୍ୟ ଯୋଜନା, ରାଷ୍ଟ୍ରୀୟ କୃଷି ବିକାଶ ଯୋଜନାରେ ପ୍ରଦର୍ଶନ କ୍ଷେତ୍ର ଓ ତାଲିମ କାର୍ଯ୍ୟକ୍ରମ ଜରିଆରେ ସଘନ ଧାନ ଚାଷ ପଦ୍ଧତି କୁ ପ୍ରୋତ୍ସାହନ କରାଯାଉଛି

ଯୋଗାଯୋଗ ବ୍ୟକ୍ତି :

ଆଖୁ ଉନ୍ନୟନ ୨୦୦୮-୦୯

ରାଜ୍ୟରେ ପ୍ରାୟ ୪୦,୦୦୦ ହେକ୍ଟର ଜମିରେ ଆଖୁ ଚାଷ କରାଯାଉଛି । ରାଜ୍ୟରେ ୬ ଟି ଆଖୁ କଳ ରହିଛି ଏବଂ ପ୍ରାୟ ୬ ଲକ୍ଷ ମେଟ୍ରିକ ଟନ ଆଖୁ ପେଶା ଯାଇଥାଏ । ରାଜ୍ୟରେ ହାରାହାରି ଚିନି ଉତ୍ପାଦନ ପ୍ରାୟ ୫୦,୦୦୦ ମେଟ୍ରିକ ଟନ ।

ରାଜ୍ୟ ଅଣଯୋଜନାରେ କେଦ୍ରିୟ ପ୍ରବର୍ତ୍ତିତ କର୍ମଯୋଜନା କାର୍ଯ୍ୟକାରୀ ହେଉଅଛି । ଆଖୁ ଚାଷର ଆୟତନ, ଉତ୍ପାଦନ, ଉତ୍ପାଦକତା ବୃଦ୍ଧି ନିମନ୍ତେ ଓ ସମ୍ପ୍ରତି ଥିବା ଚିନିଶିଳ୍ପଗୁଡିକରେ କଞ୍ଚାମାଲ ଆବଶ୍ୟକତାକୁ ମେଣ୍ଟାଇବା ପାଇଁ ଏହି ଦୁଇଟି ଯୋଜନା ଆରମ୍ଭ କରାଯାଇଛି । ଆଖୁ ଉତ୍ପାଦନକାରୀ କୃଷକମାନଙ୍କୁ ନିମ୍ନ ପ୍ରକାରେ ବିଭିନ୍ନ ସହାୟତା ଓ ପ୍ରୋତ୍ସାହନ ଯୋଗାଇ ଦିଆଯାଉଛି।

ଯୋଗାଯୋଗ ବ୍ୟକ୍ତି

ଆଖୁ କଳ

1. ଶକ୍ତି ସୁଗାର ହରିପୁର,ଢେଙ୍କାନାଳ ଫୋନ :୦୬୭୬୨-୨୨୪୪୯୫
2. ନୟାଗଡ ସୁଗାର କମ୍ଳେକ୍ସ, ପାଣିକୋଇଲି, ନୟାଗଡ ଫୋନ :୦୬୭୫୩-୨୫୨୪୧୫ ।
3. ବିନୟନନ୍ଦ ସମବାୟ ସୁଗାର ମିଲ, ଦେଓଗାଁ , ବଲାଙ୍ଗୀରି ଫୋନ :୦୬୬୫୨୪-୨୩୪୧୫୧।
4. ବରଗଡ ସମବାୟ ସୁଗାର ମିଲ , ତୋରା ବରଗଡ ଫୋନ :୦୬୬୪୬-୨୩୦୭୭୧ ।
5. ଆସ୍କା ସମବାୟ ସୁଗାର ଇଣ୍ଡଷ୍ଟ୍ରିଜ, ନୂଆଗାଁ, ଆସ୍କା ଫୋନ :୦୬୮୨୨-୨୭୩୪୬୪ ।
6. ଲକ୍ଷ୍ମୀପୀଠ ବାଲାଜି ସୁଗାର ଆଣ୍ଡ ଡିଷ୍ଟିଲାରିକ , ସୁନାପାଲ ବଡମ୍ବାଗଡ, ବଡମ୍ବା, ଫୋନ, ୦୬୭୨୧-୨୭୩୨୨୪୭।

ମାଣ୍ଡିଆ ଉନ୍ନୟନ (୨୦୦୮-୨୦୦୯ )

ସାଧାରଣତଃ ରାଜ୍ୟର କୋରାପୁଟ, ଗଞ୍ଜାମ, ଗଜପତି , ରାୟଗଡା , ଜିଲ୍ଲାରେ ଖରିଫ ଋତୁରେ ଅଣଜଳସେଚିତ ଉଚ୍ଚଜମିରେ ମାଣ୍ଡିଆ ଏକ ମୁଖ୍ୟ ମୋଟା ଶସ୍ୟ ଜାତୀୟ ଫସଲ ଭାବେ ଚାଷ କରାଯାଇଥାଏ । ଏହା ଓଡିଶାର ଆଦିବାସୀ ଲୋକଙ୍କ ପାଇଁ ଏକ ପୃଷ୍ଟିଯୁକ୍ତ ଓ ମୁଖ୍ୟ ଖାଦ୍ୟ । ସ୍ଥାନୀୟ କିସମ ବିହନରେ ଆଦିବାସୀ ଚାଷୀମାନଙ୍କ ଦ୍ଵାରା ଏହା ବିସ୍ତ୍ରୁତ ଭାବେ ଚାଷ କରାଯାଇଥାଏ । ରାଜ୍ୟରେ ମାଣ୍ଡିଆର ଉତ୍ପାଦକତା ହେଉଛି ହେକ୍ଟର ପ୍ରତି ୮୮୩ କି .ଗ୍ରା  ।

ସ୍ଥୂଳ କୃଷି କ୍ଷେତ୍ର ପରିଚାଳନା ଅନ୍ତର୍ଗତ କର୍ମ ଯୋଜନାରେ ରାଜ୍ୟରେ କାର୍ଯ୍ୟକାରୀ ହେଉଥିବା ମାଣ୍ଡିଆ ଉନ୍ନୟନ ଏକ କେନ୍ଦ୍ରୀୟ ପ୍ରବତ୍ତିତ ଯୋଜନା । ଏହା କେନ୍ଦ୍ର ଓ ରାଜ୍ୟର ୯୦.୧୦ପାଣ୍ଠି ବ୍ୟବସ୍ଥାରେ କାର୍ଯ୍ୟ କରୁଛି ।

ମାଣ୍ଡିଆ ଉନ୍ନୟନର ବିଭିନ୍ନ ଉପାଦାନ ସହିତ ସହାୟତା ବ୍ୟବସ୍ଥା ନିମ୍ନରେ ପ୍ରଦତ୍ତ ହୋଇଛି ।

ଯୋଗାଯୋଗ ବ୍ୟକ୍ତି

• ମୁଖ୍ୟ ଦପ୍ତର (ନିର୍ଦ୍ଦେଶାଳୟ ସ୍ତରୀୟ )

ଉପକୃଷି ନିର୍ଦ୍ଦେଶକ, ଫୋନ :୦୬୭୪-୨୩୨୩୩୭୯

ତୈଳ ବୀଜ, ଡାଲି ଫସଲ ,ତାଳତେଲ ଓ ମକାର ସମନ୍ଵିତ (ଆଇସୋପମ) ଯୋଜନା-୨୦୦୮-୦୯

ତୈଳବୀଜ କ୍ଷେତ୍ରରେ ଦେଶ ଆତ୍ମନିର୍ଭରଶୀଳ ହେବ ଉଦ୍ଦେଶ୍ୟରେ ତୈଳବୀଜ ଫସଲରେ ବୈଷୟିକ ମିଶନ ୧୯୮୬ ମସିହା ମଇ ମାସରେ ଆରମ୍ଭ କରାଯାଇଥିଲା । ତା ପରେ ୧୯୯୦, ୧୯୯୨,-୯୩ ଓ ୧୯୯୫-୯୬ ମସିହାରେ ଯଥାକ୍ରମେ ଡାଲି, ମକା , ଏହି ବୈଷୟିକ ମିଶନରେ ଅନ୍ତର୍ଭୁକ୍ତ କରାଯାଇଥିଲା । ଉପରୋକ୍ତ ଫସଲଗୁଡିକରେ ଉତ୍ପାଦନ ଓ ଉତ୍ପାଦକତା ବୃଦ୍ଧି ପାଇଁ ଭାରତ ସରକାରଙ୍କ କୃଷି ଓ ସମବାୟ ବିଭାଗ ଟି.ଏମ.ଓ.ପି. ଅନ୍ତର୍ଭୁକ୍ତ ନିମ୍ନ କେନ୍ଦ୍ର ପ୍ରବର୍ତ୍ତିତ ଯୋଜନା କାର୍ଯ୍ୟକାରୀ କରିଥିଲେ ।

1. ତୈଳବୀଜ ଉତ୍ପାଦନ କାର୍ଯ୍ୟକ୍ରମ (ଓ.ପି.ପି )
2. ଜାତୀୟ ଡାଲି ଫସଲ ଉନ୍ନୟନ କାର୍ଯ୍ୟକ୍ରମ ।
3. ତ୍ଵରିତ ମକା ଉନ୍ନୟନ କାର୍ଯ୍ୟକ୍ରମ  ।
4. ତାଳଚେର ଉନ୍ନୟନ କାର୍ଯ୍ୟକ୍ରମ  ।

ଏହି କାର୍ଯ୍ୟକ୍ରମଗୁଡିକର କାର୍ଯ୍ୟକାରିତା ଶୈଳୀରେ ଆଞ୍ଚଳିକ ବିଭେଦ ରହୁଥିବାରୁ ରାଜ୍ୟମାନ ଙ୍କୁ ନମନୀୟତା ପ୍ରଦାନ ଫସଲ ବିବିଧିକରଣ ପ୍ରୋତ୍ସାହନ, ପାଇଁ କାର୍ଯ୍ୟକ୍ରମଗୁଡିକର ଐକକେନ୍ଦ୍ରୀୟ ପ୍ରଚେଷ୍ଟା ଓ ଯୋଜନା କମିଶନଙ୍କ ପରାମର୍ଶ ଦୃଷ୍ଟିରୁ ୧୦ମ ପଞ୍ଚବାର୍ଷିକ ଯୋଜାନାରେ ୨୦୦୪-୦୫ ବର୍ଷରୁ ଉପରୋକ୍ତ ୪ ଟି ଯୋଜନାଗୁଡିକର ରୂପାନ୍ତରିତ ଓ ମିଶ୍ରଣ କରାଯାଇ ଗୋଟିଏ କେନ୍ଦ୍ର ପ୍ରବର୍ତ୍ତିତ ଯୋଜନା ତୈଳବୀଜ, ଡାଲି, ତାଳତେଲ ଓ ମକାର ସମନ୍ଵିତ ଯୋଜନା କେନ୍ଦ୍ର ଓ ରାଜ୍ୟର ୭୫.୨୫ ପାଣ୍ଠି ଯୋଗାଣରେ କାର୍ଯ୍ୟକାରୀ ହୋଇ ଆସୁଛି ।

1. ଆଇସୋପମ୍ (ତୈଳବୀଜ)
2. ଆଇସୋପମ୍ (ଡାଲି)
3. ଆଇସୋପମ୍ (ମକା)
4. ଆଇସୋପମ୍ (ତାଳତେଲ)

ଆଇସୋପମ୍ ଯୋଜନାର  ଉପାଦାନ ଓ ସହାୟତା ପରିମାଣ ନିମ୍ନରେ ପ୍ରଦତ୍ତ ହୋଇଛି ।

ଯୋଗାଯୋଗ ବ୍ୟକ୍ତି

• ମୁଖ୍ୟ ଦପ୍ତର (ନିର୍ଦ୍ଦେଶାଳୟ ସ୍ତରୀୟ ) ଉପକୃଷି ନିର୍ଦ୍ଦେଶକ (ଡାଲି) ୦୬୭୪-୨୩୨୩୩୭୯
• ସରକାରୀ ପ୍ରକଳ୍ପ ଅଧିକାରୀ (ତୈଳବୀଜ )୦୬୭୪-୨୩୯୫୬୪୭

ଆଇସୋପମ୍(ଡାଲି) ରେ ରିହାତି/ ପ୍ରୋତ୍ସାହନ

ଜୈବିକ କୃଷି ପାଇଁ ଜାତୀୟ ପ୍ରକଳ୍ପ (ଏନ୍.ପି.ଓ. ଏଫ.)

ଜୈବିକ କୃଷି ପାଇଁ ଜାତୀୟ ପ୍ରକଳ୍ପ ଏକ କେନ୍ଦ୍ରୀୟ ଯୋଜନା । ଓଡିଶାର କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶାଳୟ  “ଜୈବିକ ପ୍ରକୋଷ୍ଠ ”  ଦ୍ଵାରା ଏହି ଯୋଜନାର କାର୍ଯ୍ୟକାରିତା ସନ୍ନିରୀକ୍ଷୀଣ କରାଯାଉଅଛି । ଏହି ଯୋଜନା ରାଜ୍ୟର ନିମ୍ନ କାର୍ଯ୍ୟକ୍ରମ ଗ୍ରହଣ ପୂର୍ବକ ଜୈବିକ କୃଷି ପାଇଁ ପ୍ରୋତ୍ସାହନ ପ୍ରଦାନ କରୁଛି ।

ଜିଆ ପ୍ରଜନନ କେନ୍ଦ୍ର

୧୫୦ ଟି.ପି.ଏ. ଦକ୍ଷତା ବିଶିଷ୍ଠ ଏକ ଜିଆ ପ୍ରଜନନ କେନ୍ଦ୍ର ସ୍ଥାପନ ପାଇଁ ୬ ଲକ୍ଷ ଟଙ୍କା ଆର୍ଥିକ ବ୍ୟୟରେ ୨୫% ରିହାତିରେ ସର୍ବାଧିକ ୧.୫ ଲକ୍ଷ ଟଙ୍କା ଯୋଗାଇ ଦିଆଯାଇଛି ।

କମ୍ପୋଷ୍ଟ ଉତ୍ପାଦନ କେନ୍ଦ୍ର ସ୍ଥାପନ

ଏହି ଯୋଜନାରେ ଫଳ ଓ ପନିପରିବାର ନିଷ୍ଟାବଶେଷରେ ୧୦୦ (ଟି.ପି.ଏ.) କ୍ଷମତା ବିଶିଷ୍ଟ ଏହି କେନ୍ଦ୍ର ସ୍ଥାପନ ପାଇଁ ଉତ୍ସାହିତ କରାଯାଇଛି । ଏହି ପରି ସମସ୍ତ କେନ୍ଦ୍ର ପାଇଁ ପ୍ରାୟ ୧୫୬ ଲକ୍ଷ ଟଙ୍କା ଖର୍ଚ୍ଚ ହେବ । ଏହି ଯୋଜନାରେ ୨୫ % ରିହାତିରେ ସର୍ବାଧିକ ୩୯ ଲକ୍ଷ ଟଙ୍କା ପ୍ରଦାନ କରାଯାଇ ପାରିବ ।

ଜୈବସାରା ଉତ୍ପାଦନ ୟୁନିଟ୍

ଏହି ଯୋଜାନାରେ ଜୈବସାର ଉତ୍ପାଦନ ୟୁନିଟ ସ୍ଥାପନ ପାଇଁ ସହାୟତା ପ୍ରଦାନ କରାଯାଉଛି । ୧୫୦  ଟି.ପି.ଏ. ଉତ୍ପାଦନ କ୍ଷମତା ବିଶିଷ୍ଟ ଏହି ୟୁନିଟ ପ୍ରସ୍ତାବିତ ଆର୍ଥିକ ଖର୍ଚ୍ଚ ହେଉଛି ୯୧ ଲକ୍ଷ ଟଙ୍କା । ଏହି ଯୋଜନାରେ ୨୫ %ରିହାତିରେ ସର୍ବାଧିକ ୨୨.୭୫ ଲକ୍ଷ ଟଙ୍କା ପ୍ରଦାନ କରାଯାଇ ପାରିବ । ବ୍ୟବସାୟିକ ବ୍ୟାଙ୍କ, ଆଞ୍ଚଳିତ ଗ୍ରାମ୍ୟ ବ୍ୟାଙ୍କଗୁଡିକ ଦ୍ଵାରା ଅର୍ଥ ଯୋଗାଣ ପାଇଁ ନାବାର୍ଡ ଏହି ଯୋଜନା ସ୍ଵୀକୃତି ପାଇଁ ପ୍ରେରଣ କରିଛି ।

ସେବା ପ୍ରଦାନକାରୀ

ଜୈବିକ କୃଷିରେ ସେବା ପ୍ରଦାନକାରୀମାନେ ମୁଖ୍ୟ ସଂଯୋଗକାରୀ । ଉତ୍ପାଦନକାରୀ ଗୋଷ୍ଠୀ ପ୍ରମାଣପତ୍ର ହାସଲ ଜରିଆରେ ପ୍ରମାଣପତ୍ର ଖର୍ଚ୍ଚ ବହୁ ପରିମାଣରେ ହ୍ରାସ କରିବାରେ ଏମାନେ ସାହାଯ୍ୟ କରିଥାନ୍ତି । ଏହି ଯୋଜନାରେ ସର୍ବନିମ୍ନ ୧୫୦୦କୃଷକଙ୍କୁ ଏକ ଦଳରେ ଜୈବିକ ଚାଷ କରିବା ପାଇଁ ସହାୟତା ପ୍ରଦାନ କରିବା ନିମନ୍ତେ ୩.୦୦ ଲକ୍ଷ ଟଙ୍କାର ଏକ ସହାୟତା ସେବା ପ୍ରଦାନକାରୀଙ୍କୁ ଦିଆଯାଇଥାଏ ।

ଉପରୋକ୍ତ ଉପାଦାନ ବ୍ୟତିତ ଏହି ଯୋଜନାରେ କୃଷକ ତାଲିମ,କୃଷି ସାମଗ୍ରୀ ଉତ୍ପାଦନ ଓ ଗୁଣାତ୍ମକ ମାନ ନିର୍ଦ୍ଧାରଣ ତାଲିମ , ଜୈବିକ କୃଷି ପାଇଁ କୃଷକଙ୍କୁ ତାଲିମ ପ୍ରଦାନ, ଜୈବିକ କୃଷି ସାମଗ୍ରୀର କ୍ଷେତ୍ର ପ୍ରଦର୍ଶନ ଓ କୃଷକ ମେଳା, ସମୃଦ୍ଧ ଜୈବଗ୍ୟାସ ସ୍ଲରି ବିନିଯୋଗ ପ୍ରଦର୍ଶନ କ୍ଷେତ୍ର ଓ କୃଷକ ମେଳା ତଥ୍ୟ ଭିତ୍ତିକ ୟୁନିଟ ସ୍ଥାପନ , ନମୁନା ଜୈବିକ ଫାର୍ମ ସ୍ଥାପନ କରିବା, ନୂତନ ଉଦ୍ୟମ ଆଦିକୁ ପ୍ରୋତ୍ସାହିତ କରାଯାଇଥାଏ ।

ଯୋଗାଯୋଗ ବ୍ୟକ୍ତି

• ରାଜ୍ୟ ଜୈବ ରସାୟନବିତ୍, ଓଡିଶା

  ଶହୀଦନଗର , ଭୁବନେଶ୍ଵର

  ଫୋନ/ଫ୍ୟାକ୍ସ :୦୬୭୪-୨୫୪୬୪୭୭

  E mail: sbcorissa@gmail.com

ମୃତ୍ତିକା ସ୍ୱାସ୍ଥ୍ୟ ଓ ଉର୍ବରତା ପରିଚାଳନା ପାଇଁ ଜାତୀୟ ପ୍ରକଳ୍ପ

୨୦୦୮ ମସିହାରୁ ଭାରତ ସରକାରଙ୍କ ଏକ ସ୍ତରୀୟ ଯୋଜନା “ମୃତ୍ତିକା ସ୍ୱାସ୍ଥ୍ୟ ଓ ଉର୍ବରତା ପରିଚାଳନା ପାଇଁ ଜାତୀୟ ପ୍ରକଳ୍ପ “ କାର୍ଯ୍ୟକାରୀ ହେଉଅଛି ।

ଉଦ୍ଦେଶ୍ୟ

ମୃତ୍ତିକା ପରୀକ୍ଷା ଓ ମୃତ୍ତିକା ସ୍ୱାସ୍ଥ୍ୟ ପରିଚାଳନା କାର୍ଯ୍ୟକ୍ରମରେ ଘରୋଇ / ସରକାରୀ କ୍ଷେତ୍ରରେ ଅଂଶ ଗ୍ରହଣକୁ ଉତ୍ସାହିତ କରିବା ।

ଉପାଦାନ

1. ବାର୍ଷିକ ୧୦,୦୦୦ ନମୂନା ପରୀକ୍ଷା ଦକ୍ଷତା ବିଶିଷ୍ଟ ସ୍ଥାୟୀ ମୃତ୍ତିକା ପରୀକ୍ଷାଗାର ସ୍ଥାପନ କରିବା ।

ସହାୟତା : ଏହି କାର୍ଯ୍ୟକାରୀ ସଂଗଠନକୁ ୫୦ ପ୍ରତିଶତ ସର୍ବାଧିକ ୩୦ ଲକ୍ଷ ଟଙ୍କା ସହାୟତା ପ୍ରଦାନ କରାଯିବ ।

2. ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର ପ୍ରତିଷ୍ଠା କରିବା ।

ବାର୍ଷିକ ୪୦୦୦ ମାଟି ନମୂନା ବିଶ୍ଳେଷଣ ଦକ୍ଷତା ଥିବା ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର ସ୍ଥାପନ କରିବା ।

ସହାୟତା : ଏହି କାର୍ଯ୍ୟକ୍ରମ ଗ୍ରହଣ କରୁଥିବା ସଂଗଠନକୁ ୭୫%ସର୍ବାଧିକ ୩୦ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ପ୍ରଦାନ କରାଯିବ ।

3. ଅଣୁ ସାର ପରୀକ୍ଷା ସୁବିଧା କରିବା

ଅଣୁସାର ବିଶ୍ଳେଷଣ ପାଇଁ ବ୍ୟବହୃତ ହେଉଥିବା ଖୁବ କ୍ଷୁର୍ଣ୍ଣ ସମ୍ବେଦନଶୀଳ “ଆଟୋମେଟିକ ଆବରଜରସନ ସ୍ପ୍ରେକ୍ରୋମିଟର “କ୍ରୟ ପାଇଁ ବର୍ତ୍ତମାନ କାର୍ଯ୍ୟକରୁଥିବା ମୃତ୍ତିକା ପରୀକ୍ଷା ପ୍ରୟୋଗଶାଳାକୁ ୧୦ ଲକ୍ଷ ଟଙ୍କା ସହାୟତା ଯୋଗାଇ ଦିଆଯାଉଛି ।

4. ନୂତନ ସାର ମାନ ନିର୍ଦ୍ଧାରଣ ପରୀକ୍ଷାଗାର ସ୍ଥାପନ

ଏହି ପରି ପରୀକ୍ଷାଗାର ସ୍ଥାପନ ପାଇଁ ୫୦ ଲକ୍ଷ ଟଙ୍କା ଯୋଗାଇ ଦିଆଯାଉଛି ।

5. ବର୍ତ୍ତମାନ ଥିବା ସାର ମାନ ନିର୍ଦ୍ଧାରିତ ପରୀକ୍ଷାଗାରର ଦୃଢୀକରଣ

ବିଭିନ୍ନ ପ୍ରକାର ସାର ପରୀକ୍ଷା ଓ ଗୁଣାତ୍ମକ ପରିମାପକ ଜାଣିବା ପାଇଁ ବର୍ତ୍ତମାନ ଥିବା ସାର ମାନ ନିର୍ଦ୍ଧାରିତ ପରୀକ୍ଷାଗାରର ଦୃଢୀକରଣ ପାଇଁ ପରୀକ୍ଷାଗାର ପ୍ରତି ୨୫ ଲକ୍ଷ ଟଙ୍କା ସହାୟତା ପ୍ରଦାନ କରାଯାଉଛି ।

6. ପରାମର୍ଶ ପ୍ରଦାନ ଉଦ୍ଦେଶ୍ୟରେ ସାର ପରୀକ୍ଷାଗାର ସ୍ଥାପନ

ସାଧାରଣତଃ ସାର ପରୀକ୍ଷାଗାର ଗୁଡିକ ମାନ ନିର୍ଦ୍ଧାରଣ ଅଧୀନରେ କାର୍ଯ୍ୟ କରିଥାଏ । ସାରା ନିରୀକ୍ଷକ ଙ୍କ ଦ୍ଵାରା ସଂଗୃହିତ ହୋଇଥିବା ସାର ପରୀକ୍ଷାଗରରେ ପରୀକ୍ଷା କରାଯାଇଥାଏ । କୃଷକ ବ୍ୟବହାର କରୁଥିବା ସାରର ମାନ ପରୀକ୍ଷା ପାଇଁ ସମ୍ପ୍ରତି ଯଥେଷ୍ଟ ସୁଯୋଗ ନାହିଁ ।

ଏହି ନୂତନ ଭାବେ ଆରମ୍ଭ କରାଯାଇଥିବା ଯୋଜନା ପରାମର୍ଶ ପ୍ରଦାନ ଉଦ୍ଦେଶ୍ୟ ସାର ପରୀକ୍ଷାଗାର ସ୍ଥାପନ ପାଇଁ ସୁଯୋଗ ହେଇଥାଏ । ଏ ପ୍ରକାର ପରୀକ୍ଷାଗାର ସ୍ଥାପନ ପାଇଁ ୧୦ ଲକ୍ଷ ଟଙ୍କାର ପାଣ୍ଠି ପ୍ରଦାନ କରାଯାଉଛି ।

7. ସମନ୍ଵିତ ଖାଦ୍ୟସାରର ପ୍ରୋତ୍ସାହନ ଓ ବ୍ୟବହାର

ଗୁଣାତ୍ମକ ଜୈବିକଖତ ପ୍ରସ୍ତୁତିରେ ପ୍ରୋତ୍ସାହନ ଦେବା ପାଇଁ ଏହି ଯୋଜନାରେ ହେକ୍ଟର ପ୍ରତି ୫୦୦ ଟଙ୍କା ସହାୟତା ବ୍ୟବସ୍ଥା କରାଯାଇଛି । ଏହି କାର୍ଯ୍ୟକ୍ରମ ୧୦ ଜଣିଆ ହିତାଧିକାରୀଙ୍କୁ ନେଇ କାର୍ଯ୍ୟ କରିବ ।

8. ଅଣୁସାର ବଣ୍ଟନ

ଏହି ଯୋଜନାରେ ଅଣୂସାର ଅଭାବ ଅଞ୍ଚଳରେ ଖାଦ୍ୟସାର ଅସନ୍ତୁଳତାକୁ ହ୍ରାସ କରି ଅନୁସାର ବ୍ୟବହାରକୁ ଉତ୍ସାହିତ କରିବା ଦ୍ଵାରା ମୂର୍ତ୍ତିକା ସ୍ୱାସ୍ଥ୍ୟ ବଜାୟ ରଖି ହେବ ଓ ସାର ପ୍ରୟୋଗର ସର୍ବଶ୍ରେଷ୍ଟ ଲାଭ ହାସଲ କରାଯାଇ ପାରିବ । ଏଥିପାଇଁ ହେକ୍ଟର ପ୍ରତି ୫୦୦ ଟଙ୍କା ସହାୟତା ପ୍ରଦାନ କରାଯାଉଛି ।

9. ଏହି ଯୋଜନାରେ “ଡିଜିଟାଲ ଫର୍ଟିଲିଟି ଇଣ୍ଡେକ୍ସ ମ୍ୟାପ” ଓ ଆଞ୍ଚଲ ଭିତ୍ତିକ ବିଶେଷ ଖାଦ୍ୟସାର ପରିଚାଳନା କାର୍ଯ୍ୟକ୍ରମ ପ୍ରସ୍ତୁତିକୁ ଉତ୍ସାହିତ କରାଯାଉଛି ।

ଯୋଗାଯୋଗ ବ୍ୟକ୍ତି

ଏଗ୍ରୀସ୍ ନେଟ୍

ଏଗ୍ରୀସନେଟ ଏକ କେନ୍ଦ୍ରୀୟ ପ୍ରବାର୍ତ୍ତିତ ଯୋଜନା । ଏହା ବ୍ଲକ ପର୍ଯ୍ୟନ୍ତ ସୂଚନା ଯୋଗାଯୋଗ ବୈଷୟିକ ଭିତ୍ତିଭୂମି ୱେବ ସକ୍ଷମ ସୂଚନା, ନିଷ୍ପତି ସହାୟତା ପଦ୍ଧତି ପ୍ରସାର କରି ଓଡିଶାର ସମସ୍ତ କୃଷକଙ୍କ ନିକଟରେ କୃଷି ସମ୍ପୃକ୍ତି ସମସ୍ତ ସୂଚନା ପହଞ୍ଚାଇବା ନିମନ୍ତେ ସଶକ୍ତିକରଣ କରିବା ପୂର୍ବକ ଏହା କୃଷି ସମ୍ବଳର ଉପଯୁକ୍ତ ବିନିଯୋଗ କରିବାରେ ସହାୟକ ହେବ । ରାଜ୍ୟରେ ଏଗ୍ରୀସନେଟ ପ୍ରକଳ୍ପ କାର୍ଯ୍ୟକରି କରିବା ପାଇଁ ଓଡିଶା ରାଜ୍ୟ କୃଷି ବିଭାଗ ଜାତୀୟ ସୂଚନା ବିଜ୍ଞାନ କେନ୍ଦ୍ର ର ବୈଷୟିକ ସହାୟତା ଉପଯୋଗ କରିଥାଏ ।

ଉଦ୍ଦେଶ୍ୟ :

ଏହି ପ୍ରକଳ୍ପର ମୁଖ୍ୟ ସେବା ହେଉଛି କୃଷକଙ୍କୁ କୃଶୀଳ ସାମଗ୍ରୀ ସମ୍ବନ୍ଧୀୟ ସୂଚନା ପ୍ରଦାନ କରିବା । ଏହା ଦ୍ଵାରା ସେମାନେ କୃଷି ସାମଗ୍ରୀର ଯୋଗାଣ ଶୁଙ୍ଖଳା ସହିତ ଗୁଣାତ୍ମକ ମାନ ଓ ଉପଲବ୍ଧ ସମ୍ବନ୍ଧରେ ସତର୍କ ହୋଇଥାନ୍ତି । ଏହା ବ୍ୟତିତ ଏହା ରାଜ୍ୟରେ କାର୍ଯ୍ୟକାରୀ ହେଉଥିବା ସରକାରୀ ଯୋଜନା ସମ୍ବନ୍ଧୀୟ ସୂଚନା, ମୃତ୍ତିକା ପରୀକ୍ଷା ଫଳାଫଳ ଅନୁଯାୟୀ ପରାମର୍ଶ, ନିର୍ବିଚାର ସାର ବ୍ୟବହାର ଜନିତ ମୃତ୍ତିକା ସ୍ୱାସ୍ଥ୍ୟ ହାନୀକୁ ହ୍ରାସ କରିବା , କୃଷି ଉତ୍ପାଦକତା ଓ ଗୁଣାତ୍ମକ ମାନ ବୃଦ୍ଧି ପାଇଁ ସମ୍ପ୍ରସାରଣ ଜ୍ଞାନକୌଶଳ ବିଷୟରେ ଅବଗତ କରାଇ କୃଷକ ଜ୍ଞାନ ପରିସରକୁ ଉନ୍ନତ କରିବା ଆଦି କାର୍ଯ୍ୟ କରିବ । ଏହି ପ୍ରକଳ୍ପର ମୁଖ୍ୟ କାର୍ଯ୍ୟ ହେଲା ସୂଚନା ଯୋଗାଯୋଗ ପ୍ରଯୁକ୍ତି ଭିତ୍ତିଭୂମିକୁ ବ୍ଲକସ୍ତର ପର୍ଯ୍ୟନ୍ତ ନେବା , ଅନଲାଇନ ସୂଚନା ପ୍ରଦାନ ନିମନ୍ତେ ସୂଚନା ପଦ୍ଧତିର ବିକାଶ କରିବା, କୃଷକ ହେଇପ୍ ଡେସ୍କ, କୃଷି ଡାଟାବେସ ହେଲପ ନିଷ୍ପତି ସହାୟକ ପଦ୍ଧତି ଓ ତାଲିମର ବିକାଶ କରିବା ।

ଫଳାଫଳ

• କୃଷି ଅନ୍ ଲାଇନ୍ ସ୍ଥାପନ ।
• କୃଷକ ସମସ୍ୟା ଦ୍ରୁତ ଓ ଫଳପ୍ରଦ ସମାଧାନ ।
• କୃଷକମାନଙ୍କୁ ଉନ୍ନତ ସୂଚନା ପ୍ରଦାନ ଓ ସେବା ବିତରଣ କରିବା ।
• ଇ-ମେଲ ଜରିଆରେ କୃଷି ବିଭାଗ କାର୍ଯ୍ୟାଳୟ ମଧ୍ୟରେ ଉନ୍ନତ ଯୋଗାଯୋଗ ସୁବିଧା ସୃଷ୍ଟି କରିବା ।
• ରାଜ୍ୟସ୍ତରରେ କୃଷକ ଓ ନିଷ୍ପତି ଗ୍ରହଣକାରୀଙ୍କ ମଧ୍ୟରେ ସିଧାସଳଖ ଆଦାନପ୍ରଦାନ ।
• ସରକାରୀ ଯୋଜନାର ଉତ୍ତମ ସନ୍ନିରୀକ୍ଷଣ ଓ ବିଭାଗ ଉତ୍ତମ ସ୍ଵଚ୍ଛତା ଓ ଉତ୍ତରଦାୟିତ୍ଵ ।

ଯୋଗାଯୋଗ କାର୍ଯ୍ୟାଳୟ :

• ଯୁଗ୍ମ କୃଷି ନିର୍ଦ୍ଦେଶକ (ସୂଚନା)

  ଫୋନ :୦୬୭୪-୨୩୯୧୬୪୩, ୧୫୫୧ (ନିଃଶୁଳ୍କ)

ଆଧାର - କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶାଳୟ, ଓଡିଶା ସରକାର