অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଗାଈର ପଡ଼ିଆ ସମୟର ପରିଚାଳନ

ଗାଈଟିର ପଡ଼ିଆ ଅବସ୍ଥାରେ ଉପଯୁକ୍ତ ଯତ୍ନ

ଗାଈର ପଡ଼ିଆ ସମୟ (ଗର୍ଭାବସ୍ଥାର ଶେଷ ଭାଗକୁ ତଥା ପ୍ରସବର ୬୦-୭୫ ଦିନ ପୂର୍ବରୁ କ୍ଷୀର ଦେଉ ନ ଥିବା ସମୟକୁ ଆଞ୍ଚଳିକ ଭାଷାରେ ଗାଈର ପଡ଼ିଆ ଅବସ୍ଥା କୁହାଯାଇଥାଏ ।) ପ୍ରସବ ପରବର୍ତ୍ତୀ କ୍ଷୀରର ଗୁଣାତ୍ମକ ମାନ ବୁଦ୍ଧି ଲାଗି ବେଶ୍ ଗୁରୁତ୍ୱପୂର୍ଣ୍ଣ । ଗର୍ଭାବସ୍ଥାର ଶେଷ ଭାଗକୁ ତଥା ପ୍ରସବର ୬୦-୭୫ ଦିନ ପୂର୍ବରୁ କ୍ଷୀର ଦେଉ ନ ଥିବା ସମୟକୁ ଆଞ୍ଚଳିକ ଭାଷାରେ ଗାଈର ପଡ଼ିଆ ଅବସ୍ଥା ବୋଲି କୁହାଯାଇଥାଏ । ଏହି ସମୟରେ ଗାଈଟି କ୍ଷୀର ଦେଉ ନ ଥିଲେ ମଧ୍ୟ ପ୍ରସବ ପରେ ଉନ୍ନତମାନର କ୍ଷୀର ଦେବା ପାଇଁ ଦୁଗ୍ଧଗ୍ରନ୍ଥି ଓ ଦୁଗ୍ଧ ପ୍ରସ୍ତୁତିକାରୀ କୋଷଗୁଡ଼ିକୁ ପୁନଃବିନ୍ୟାସ ଓ ପ୍ରସବ ପରର କଷ କ୍ଷୀର ଓ ସମୁଦାୟ କ୍ଷୀରର ପରିମାଣ ତଥା ଗୁଣାତ୍ମକ ମାନର ଅଭିବୃଦ୍ଧି ପାଇଁ ଏହି ପଡ଼ିଆ ସମୟ ଗୁରୁତ୍ୱପୂର୍ଣ୍ଣ ।

ଏହି ସମୟରେ କ୍ଷୀର ମିଳୁ ନ ଥିବା ଭାବି ଗାଈଟିର ଦୈନିକ ପରିପାଳନରେ ଦୃଷ୍ଟି ନ ଦେବା ହେତୁ ଉଭୟ ଗର୍ଭସ୍ଥ ଶାବକ ତଥା ମା' ଗାଈ ପ୍ରତି କ୍ଷତି ପହଞ୍ଚାଇଥାଏ । ତେଣୁ ପ୍ରସବ ପରେ ଉପଯୁକ୍ତ ପରିମାଣର କ୍ଷୀର ମିଳି ନ ପାରିବା ଯୋଗୁ ଚାଷା ଭାଇମାନଙ୍କୁ ଆର୍ଥକ କ୍ଷତି ସହିବାକୁ ପଡ଼ିଥାଏ । ନିମ୍ନଲିଖିତ କେତୋଟି ଦିଗ ପ୍ରତି ଦୃଷ୍ଟି ଦେଲେ ଗାଈଟିର ପଡ଼ିଆ ଅବସ୍ଥାରେ ଉପଯୁକ୍ତ ଯତ୍ନ ନିଆଯାଇପାରିବ।

ପଡ଼ିଆ ଅବସ୍ଥାରେ ଗୃହ ପରିଚାଳନା

ସାଧାରଣତଃ ଗର୍ଭବତୀ ଗାଈ ଗୋଠରେ ରହୁଥିଲେ ମଧ୍ୟ ଗର୍ଭଧାରଣର ୬ ମାସ ପରେ ବିଶେଷ ଭାବେ ଦୃଷ୍ଟି ଦେବା ଦରକାର ।

  • ପ୍ରସବର ୨ ସପ୍ତାହ ପୂର୍ବରୁ ମା' ଗାଈଟିକୁ ମୁଖ୍ୟ ଗୋଠରୁ ଅଲଗା କରି ସ୍ଵତନ୍ତ୍ର ସ୍ଥାନରେ ରଖିବା ବିଧେୟ ।
  • ମା' ଗାଈ ରହୁଥିବା ସ୍ଥାନର ଚଟାଣର ପରିମାପ ୪ ମିଟର, ଡ ୩ ମିଟର ହେବା ଦରକାର ।
  • ଗାଈ ରହୁଥିବା ସ୍ଥାନର ଚୟନ ଓ ନିର୍ମାଣ ସମୟରେ ବିଶେଷ ବ୍ୟବସ୍ଥା କରିବା ଦରକାର ଯେମିତି ଦିନର ଅତି କମ୍ ସମୟ ଖରା ପଡୁଥିବାବେଳେ ଉପଯୁକ୍ତ ପରିମାଣର ବାୟୁ ଚଳାଚଳ ହେଉଥିବ ।
  • ଅଧିକ କ୍ଷୀର ଦେଉଥିବା ତଥା ସଙ୍କର ଜାତୀୟ ଗାଈ ହୋଇଥିଲେ ମା' ଗାଈ ରହୁଥିବା ସ୍ଥାନରେ ଏକଜଷ୍ଟ ଫାନ୍ ଓ ଲାଇଟ୍‌ର ବ୍ୟବସ୍ଥା କରିବା ଜରୁରୀ ।
  • ମା' ଗାଈ ରହୁଥିବା ଚଟାଣର ନୁଆଣିଆ (ଗଡ଼ାଣିଆ) ଭାଗ ଅଧିକ ନ ରହିବା ପ୍ରୟୋଜନ । ଏହି ଗଡ଼ାଣିଆ ଭାଗ ୧:୪୦, ହିସାବରେ ତିଆରି କରିବା ଦରକାର ।
  • ଏ ପ୍ରସବର ୨-୩ ଦିନ ପୂର୍ବରୁ ଚଟାଣ ଉପରେ କିଛି ମାତ୍ରାରେ ନଡ଼ା, କରତଗୁଣ୍ଡ ଓ ଅନ୍ୟାନ୍ୟ ସୂକ୍ଷ୍ମ, ଶୁଷ୍କ ତଥା ହାଲୁକା ଦ୍ରବ୍ୟ ବିଛାଇବା ଆବଶ୍ୟକ ।

ଆଲୋକର ପରିଚାଳନା

ସାଧାରଣତଃ ପଡ଼ିଆ ଅବସ୍ଥାରେ କମ୍ ସମୟ ଦିବାଲୋକ ପ୍ରାପ୍ତିରେ ଦୁଧିଆଳୀ ଗାଈଟି ପଡ଼ିଆ ଅବସ୍ଥା ପରେ ଅଧିକ ମାତ୍ରାରେ କ୍ଷୀର ଦିଏ ।

  • ଦିବାଲୋକର ହ୍ରାସ ଯୋଗୁ ଶରୀରରେ ପ୍ରୋଲାକ୍ଟିନ୍ ନାମକ ହରମୋନ୍ କ୍ଷରଣ ମଧ୍ୟ କମ୍ ହୋଇଥାଏ, କିନ୍ତୁ ଠିକ୍ ସେହି ସମୟରେ ପ୍ରୋଲାକ୍ଟିନ ରିସେପ୍ଟେରର ସଂଖ୍ୟା ଶରୀରର ଦୁଗ୍ଧଗ୍ରନ୍ଥି ଓ ଅନ୍ୟାନ୍ୟ ସ୍ଥାନରେ ବୃଦ୍ଧି ପାଇଥାଏ ।
  • ଅଧୁନା ଏକ ଗବେଷଣାରୁ ସ୍ପଷ୍ଟ ହୋଇଅଛି ଯେ ପଡ଼ିଆ ରହୁଥିବା ଗାଈକୁ ଭାରତୀୟ ଜଳବାୟୁରେ ୮-୧୦ ଘଣ୍ଟା ଆଲୋକ ଓ ୧୪-୧୬ ଘଣ୍ଟା ଅନ୍ଧାର କରି ରଖିଲେ ତାହା ପରବର୍ତ୍ତୀ କ୍ଷୀର ଦେବା ସମୟରେ ୧୦-୨୫ ଦୁଗ୍ଧ ପରିମାଣରେ ବୃଦ୍ଧି ଘଟାଇଥାଏ ।
  • ଏ କ୍ଷୀରର ପରିମାଣ ବୃଦ୍ଧି ସହ ଗୁଣାତ୍ମକ ମୂଲ୍ୟ ତଥା ବିଭିନ୍ନ ଉତ୍ପାଦନରେ ମଧ୍ୟ ବୃଦ୍ଧି ଘଟିଥାଏ ।

ଖାଦ୍ୟ ପରିଚାଳନା

ମୁଖ୍ୟତଃ ନିମ୍ନଲିଖତ ଚାରିଗୋଟି ପଦ୍ଧତି ମାଧମରେ ଗାଈଟି ପ୍ରସବ କରିବାର ୪୫-୬୦ ଦିନ ପୂର୍ବରୁ ପଡ଼ିଆ କରାଯାଇଥାଏ ।

  1. ତନ୍ତୁ ଜାତୀୟ ଖାଦ୍ୟର ବୃଦ୍ଧି
  2. ଶ୍ଵେତସାର ଜାତୀୟ ଖାଦ୍ୟର ହ୍ରାସ
  3. ଠିକ୍ ପରିମାଣର ପୁଷ୍ଟିସାର ପ୍ରଦାନ
  4. ଖାଦ୍ୟସାର ଓ ଜୀବସାରର ଆବଶ୍ୟକତା ଅନୁସାରେ ପ୍ରଦାନ ।
    • ପଡ଼ିଆ ଗାଈକୁ ସାଧାରଣତଃ ଗୋଠରେ ଖାଇବାକୁ ନ ଦେଇ ଅଲଗା ଭାବରେ ଖାଦ୍ୟ ଦେବା ଜରୁରୀ ।
    • ପଡ଼ିଆ ହେବାର ପ୍ରାରମ୍ଭିକ ସମୟରେ ଶାରୀରିକ ଓଜନର ୨ ପ୍ରତିଶତ ହିସାବରେ ଖାଦ୍ୟ (ଶୁଷ୍ପମାତ୍ରା ଅନୁସାରେ) ପ୍ରଦାନ କରୁଥିବା ବେଳେ ପ୍ରସବ ପାଖେଇ ଆସୁଥିବା ବେଳେ ଏହାର ପରିମାଣ କମାଇ ୧.୫ ପ୍ରତିଶତ କରାଯିବା ଦରକାର ।
    • ଏହି ସମୟରେ ଦାନାର ପରିମାଣ କମାଇ ଘାସ । (ମୁଖ୍ୟତଃ ତନ୍ତୁ ଜାତୀୟ) ଖାଇବାକୁ ଦିଅନ୍ତୁ।
    • ଘାସ ଖାଇବାକୁ ଦେବା ସମୟରେ ଡାଲିଜାତୀୟ ଘାସ (ବରଗୁଡ଼ି, ବରସିମ୍, ଲୁସର୍ଣ୍ଣ) ଯଥାସମ୍ଭବ କମ୍‌ମାତ୍ରାରେ ଦେବା ବିଧେୟ, କାରଣ ଏହି ଜାତୀୟ ଘାସରେ ଅଧିକ। ମାତ୍ରାରେ ପୁଷ୍ଟିସାର, କ୍ୟାଲସିୟମ୍ ଓ ପଟାସିୟମ୍ ଆଦି ମାଆ ଗାଈର ଶରୀର ମଧକୁ ପ୍ରବେଶ କରୁଥିବା ଯୋଗୁ ପ୍ରସବ ପରେ ବିଭିନ୍ନ ରୋଗ ଯଥା ପହରେ ପାଣି ଜମିବା, କ୍ଷୀର ଜ୍ଵର, କିଟୋସିସ୍ ଓ ଅନ୍ୟାନ୍ୟ ପ୍ରଜନନ ଜନିତ ରୋଗ ଦେଖିବାକୁ ମିଳିଥାଏ ।
    • ଖାଦ୍ୟରେ ଉପଯୁକ୍ତ ପରିମାଣର ଲବଣ, ତଥା ଅନ୍ୟାନ୍ୟ ଜୀବସାର ଓ ଧାତୁସାର ଠିକ୍ ମାତ୍ରାରେ ଯୋଗାଈଦେବା ଦରକାର ନଚେତ୍ ପ୍ରସବ ପରେ ଏହାର ଅଭାବ ଜନିତ ରୋଗ ଦେଖିବାକୁ ମିଳିବାର ଆଶଙ୍କା ଥାଏ ।
    • ଶରୀରରେ କ୍ଷୀରର ପ୍ରସ୍ତୁତି ପାଇଁ କ୍ୟାଲସିୟମ ଓ ଫସଫରସର ଆବଶ୍ୟକତା ଗୁରୁତ୍ଵପୂର୍ଣ୍ଣ । ତେଣୁ ଏହି ସମୟରୁ ହିଁ ଏହାର ଅନୁପାତ ୨:୧ ରୁ ୧.୫:୧ ଅନୁପାତରେ ଖାଇବାକୁ ଦିଆଯିବା ଦରକାର । କିନ୍ତୁ ଫସଫରସର ପରିମାଣ ସାମଗ୍ରିକ ଖାଦ୍ୟରେ ବଢିଯିବା ହେତୁ ଏହା ବିଭିନ୍ନ ଅସୁବିଧା ଯଥା ପ୍ରସବ ସମୟରେ ଫୁଲ ନ ପଡିବା, ଗର୍ଭକଷ୍ଟ ବଢିବା, ପତିତ ଗାଈ ଓ କ୍ଷୀର ଜ୍ଵର ଭଳି ରୋଗମାନ ସୃଷ୍ଟି କରିଥାଏ ।
    • ଗର୍ଭଧାରଣ ସମୟରେ ଜରାୟୁର ବୃଦ୍ଧି ଫଳରେ ମା' ଗାଈଟି ଶରୀରରେ ରୋମନ୍ଥନ ପାକସ୍ଥଳୀ। କିଛି ଅଂଶରେ ସଙ୍ଗୁଚିତ ହୋଇଥାଏ, ତେଣୁ ଏହି ପଡିଆ ସମୟରେ ଅଧିକ କଠିନ ଖାଦ୍ୟ ନ ଦେଇ ଖାଦ୍ୟର ସାଧାରଣ ପ୍ରକ୍ରିୟାକରଣ କରି ସହଜ ହଜମକ୍ଷମ ଖାଦ୍ୟଦେବା ବିଧେୟ । ସ୍ଥଳ ବିଶେଷରେ ପତଳା ଝାଡା କରାଇବା ପାଇଁ ଆଲଡିହାଇଡ୍ ଯୁକ୍ତ, ତୈଳଯୁକ୍ତ ଖାଦ୍ୟ ଦିଆଯାଇଥାଏ ।

ସ୍ୱାସ୍ଥ୍ୟ ସମ୍ବନ୍ଧୀୟ ପରିଚାଳନା

ପଡ଼ିଆ ସମୟରୁ ଗାଈଟି କ୍ଷୀର ଦେବା ଅବସ୍ଥାରେ ପହଞ୍ଚିବା ବେଳକୁ ମୁଖ୍ୟତଃ ଗାଈଟିର ଶରୀରର ବିଭିନ୍ନ ଜୈବିକ ପ୍ରକ୍ରିୟା କ୍ରିୟାଶୀଳ ହୋଇଉଠେ । ତେଣୁ ଉପଯୁକ୍ତ ଜ୍ଞାନକୌଶଳ, ନିରାକରଣ ପଦ୍ଧତି ଓ ପ୍ରତିକାରର ଅଭାବରୁ ପଡିଆ ପରେ କ୍ଷୀର ଦେବାର ପ୍ରାରମ୍ଭିକ ସମୟରୁ ଗାଈଟି ବିଭିନ୍ନ ରୋଗରେ ଆକ୍ରାନ୍ତ ହୋଇଯାଏ । ଫଳରେ ଚାକ୍ଷୀଭାଇଟିକୁ ଆର୍ଥକ କ୍ଷତି ସହିବାକୁ ପଡିଥାଏ । ଏହି ସମୟରେ ଦେଖାଯାଉଥିବା ବିଭିନ୍ନ ରୋଗ ମଧ୍ୟରୁଥନହରା, କ୍ଷୀରଜ୍ଜର, କିଟୋସିସ୍, ପହରେ ପାଣି ଜମିବା ଆଦି ରୋଗ ଦେଖିବାକୁ ମିଳିଥାଏ । ଠିକ୍ ସେହିପରି ପ୍ରସବ ସମୟରେ ଫୁଲ ନ ପଡିବା, ପ୍ରସବ ବେଦନାର ସମୟ ବଢିବା, ଅଧିକ ରକ୍ତସ୍ରାବ ଆଦି ଲକ୍ଷଣମାନ ଦେଖିବାକୁ ମିଳିଥାଏ । ଅଧିକ ପରିମାଣରେ କ୍ଷୀର ଦେଉଥିବା ଗାଈମାନଙ୍କ କ୍ଷେତ୍ରରେ ସାଧାରଣତଃ ଥନହରା ରୋଗର ପୁନରାବୃତ୍ତି ହୋଇଥାଏ, ତେଣୁ ପଡିଆ ସମୟରେ ଏହାର ନିୟନ୍ତ୍ରଣ ପାଇଁ ଚିର ମଧ୍ୟରେ ଆଣ୍ଟିବାୟୋଟିକ୍ ଔଷଧ ପ୍ରୟୋଗ କରାଯିବା ଦରକାର । ଉପରଲିଖିତ ବିଭିନ୍ନ ରୋଗର ପ୍ରତିକାର ଓ ନିୟନ୍ତ୍ରଣ ପାଇଁ ପଡିଆ ଅବସ୍ଥା ପୂର୍ବରୁ ହିଁ ନିକଟସ୍ଥ ପ୍ରାଣୀ ଚିକିତ୍ସକଙ୍କ ସହ ପରାମର୍ଶ କରିବା ଜରୁରୀ ।

ଆଧାର –

  1. ଡା. ସାରଦା ପ୍ରସନ୍ନ ସାହୁ
  2. ଡା. ଯତୀନ କୁମାର ସାହୁ


© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate