କାଣ୍ଡବିନ୍ଧା ପୋକ, ପତ୍ର ପୋଡା ପୋକ, ମାଟିଆ ଗୁଣ୍ଡି ପୋକ, ମହିଷା ରୋଗ ଓ ପତ୍ରପୋଡ଼ା ରୋଗ ଡାଳୁଆ ଧାନ ଫସଲକୁ ଆକ୍ରାନ୍ତ କରିବାର ଆଶଙ୍କା ରହିଛି । ଆକ୍ରାନ୍ତ ପୋକ ଓ ରୋଗ ଆର୍ଥକ କ୍ଷୟକ୍ଷତି ସୀମା ଅତିକ୍ରମ କରିଥିଲେ ଅନୁମୋଦିତ ନିୟନ୍ତ୍ରଣ ବ୍ୟବସ୍ଥା ଗ୍ରହଣ କରନ୍ତୁ ।
କାଣ୍ଡବିନ୍ଧା ପୋକ - ଏହାର ଦମନ ପାଇଁ ପ୍ରତି ଲିଟର ପାଣିରେ ୧.୨୫ ଗ୍ରାମ୍ କାର୍ଗାପ ହାଇଡ୍ରୋକ୍ଲୋରାଇଡ୍ କିମ୍ବା ୨ ମିଲି ଯାଇରିଫସ୍ କିମ୍ବା ୨ ମିଲି ମନୋକ୍ରୋଟଫସ୍ ମିଶାଇ ସିଞ୍ଚନ କରନ୍ତୁ ।
ଦିନ-ରାତିର ତାପମାତ୍ରାରେ ଅଧିକ ତାରତମ୍ୟ ରହିବା ଯୋଗୁ କେତେକ ସ୍ଥାନରେ ମହିଷା ରୋଗର ପ୍ରାଦୁର୍ଭାବ ଦେଖାଯାଏ । ତା’ର ଦମନ ପାଇଁ ପ୍ରତି ଲିଟର ପାଣିରେ ୦.୬ ଗ୍ରାମ୍ ହିସାବରେ ଟ୍ରାଇସାଇକ୍ଲାଜୋଲ କିମ୍ବା ୧ ମିଲି ଏଡିଫେନୋଫସ ମିଶାଇ ସିଞ୍ଚନ କରନ୍ତୁ ।
ବର୍ତ୍ତମାନ ଧାନରେ ବୀଜାଣୁଜନିତ ପତ୍ରପୋଡା ରୋଗ ଦେଖାଯାଏ । ଏହାର ନିରାକରଣ ପାଇଁ ପ୍ରତି ୧୦ ଲିଟର ପାଣିରେ ୧ଗ୍ରାମ ଷ୍ଟ୍ରେପ୍ଟୋସାଇକ୍ଳିନ୍ ସହିତ ୨୦ ଗ୍ରାମ୍ କିପରି ଅକ୍ସିକ୍ଲୋରାଇଡ ମିଶାଇ ସିଞ୍ଚନ କରନ୍ତୁ ।
ଧାନରେ ଜଉଖାଡି ରୋଗ ଦେଖାଯିବାର ଆଶଙ୍କା ଥାଏ । ଏହା ଏକ ବିହନ ବାହିତ ରୋଗ ହୋଇଥିବାରୁ ଆକ୍ରାନ୍ତ ଫସଲକୁ ଆଗାମୀ' ଚାଷ ପାଇଁ ବିହନ ସଂଗ୍ରହ କରନ୍ତୁ ନାହିଁ ।
ମେଘୁଆ ଓ ବର୍ଷା ପାଗ ହୋଇଥିଲେ, ଲେଡ଼ାପୋକ ଲାଗିବାର ଆଶଙ୍କା ଅଛି । ଏହାର ନିୟନ୍ତ୍ରଣ ପାଇଁ ଆକ୍ରାନ୍ତ ଜମିର ହୁଡ଼ା ଚାରିପଟେ କ୍ଲୋରୋପାଇରିଫସ୍ କିମ୍ବା ଏଣୋସଲ୍ଫାନ ଗୁଣ୍ଡ ପ୍ରୟୋଗ କରନ୍ତୁ ଏବଂ ଉପରବେଳା, ଲେଡ ପୋକ ଦମନ ପାଇଁ ପ୍ରତି ୧ଲିଟର ପାଣିରେ ୨ ମିଲି ହିସାବରେ କୁଇନାଲ୍ଫସ କିମ୍ବା ୧.୫ ମିଲି ମିଥାଇଲ୍ ପାରାଥିୟନ କିମ୍ବା ୩ ଗ୍ରାମ କାର୍ବାରିଲ୍ କିମ୍ବା ୨ ମିଲି ମନୋକ୍ରୋଟଫସ୍ କିମ୍ବା ୨ ମିଲି କ୍ଲୋରୋପାଇରଫସ୍ ମିଶାଇ ସିଞ୍ଚନ କରନ୍ତୁ । ସହଳ ଲଗାଯାଇଥିବା ଡାଳୁଅ ଧାନ ପାଚିବା ଅବସ୍ଥାକୁ ଆସିଯାଇଥିବା ୮୫% କେଣ୍ଡା ପାଚିଯାଇଥିଲେ ଧାନ କାଟିଦିଅନ୍ତୁ । ଅମଳ ପୂର୍ବରୁ ଜମିରୁ ପାଣି କାଟି ଦେବା ଆବଶ୍ୟକ ।
ବର୍ତ୍ତମାନ ଛୁଇଁ ଜାତୀୟ ଫସଲ ମୁଗ, ବିରି, ମଟର ପ୍ରଭୃତି ଫସଲର ଫୁଲ ଧରିବା ସମୟ ହୋଇଗଲାଣି । ଏହି ସମୟରେ ଫସଲର ଅଧିକ ଯତ୍ନ ନେବା ଉଚିତ ।
ଜଉପୋକ
ମୁଗ କ୍ଷେତରେ ଜଉପୋକ ଲାଗିଲେ କଅଁଳିଆ ପତ୍ର ଓ ଫଳକୁ ନଷ୍ଟ କରିଦିଅନ୍ତି । ଫଳରେ ଚାଷୀ କ୍ଷତିଗ୍ରସ୍ତ ହୋଇଥାଏ ।
ଏହି ପୋକ ଲାଗିବା ଜଣାପଡ଼ିଲେ ତତକ୍ଷଣାତ ପ୍ରତି ୧ ଲିଟର ପାଣିରେ ୨ ମିଲିଳିଟର ହିସାବରେ ମେଟାସିଷ୍ଟକସ ମିଶାଇ ସ୍ପ୍ରେ କରନ୍ତୁ କିମ୍ବା ୧୦ ଲିଟର ପାଣିରେ ୫ ମିଲିଲିଟର ଇମିଡାକ୍ଳୋପ୍ରିଡ଼ ମିଶାଇ ସ୍ପ୍ରେ କଲେ ଜଉପୋକ ଦୂର ହୋଇଥାଏ।
କାଣ୍ଡ ପୋକ
ଏହି ପୋକ ହେଲେ ଗଛର କାଣ୍ଡକୁ କଣାକରି ଗଛ, ରସକୁ ଖାଇଦିଅନ୍ତି । ଏକ ଲିଟର ପାଣିରେ ୨ ମିଳିଲିଟର ହିସାବରେ ନୁଭାକ୍ରନ ମିଶାଇ ସ୍ପ୍ରେ କରନ୍ତୁ ।
ଛୁଇଁବିନ୍ଧା ପୋକ
ଏହି ପୋକଗୁଡ଼ିକ ଫସଲ ପାଇଁ ଅତି ମାରାତ୍ମକ । ଛୁଇଁବିନ୍ଧା ପୋକ ଫଳ କଣାକରି ମଞ୍ଜି ଖାଇଯାଆନ୍ତି । ତେଣୁ ୧ ଲିଟର ପାଣିରେ ୨ ମିଲିଗ୍ରାମ ଡିଲାଡେନ ମିଶାଇ ସ୍ପ୍ରେ କଲେ ଫସଲ ରକ୍ଷା ପାଇଥାଏ ।
ପାଉଡର ମିଲଡର
ଏହି ରୋଗ ହେଲେ ଗଛରେ ଧଳା ପାଉଡର ଗୁଣ୍ଡ ଛିଞ୍ଚିଲା ଭଳି ଦେଖାଯାଏ । ଏକର ପିଛା ୧୦ କିଲୋ ହିସାବରେ ଗନ୍ଧକ ଗୁଣ୍ଡ ପ୍ରୟୋଗ କଲେ ଏଥିରୁ ମୁକ୍ତି ମିଳିଥାଏ କିମ୍ବା ୱେଟବେଲ, ସଲଫର (ସଲଫେକ୍ସ)୫ ଗ୍ରାମ ୧ ଲିଟର ପାଣିରେ ମିଶାଇ ସିଞ୍ଚନ କଲେ ଦୂରହୁଏ ।
ଡାଉଡ ମିଲଡିଭ
ରୋଗ ଆରମ୍ଭ ହେଲେ ପତ୍ରର ତଳ ଅଂଶରେ ଧଳା ତୁଳାଜାଲି (ବୁଢିଆଣୀ ବସା ) ପରି ଦେଖାଯାଏ । ପତ୍ରର ଉପର ଅଂଶ ହଳଦିଆ ପଡି ଶୁଖିଯାଏ । ଏଥିପାଇଁ ବୋର୍ଡେକସ ଦ୍ରବଣ ୪:୪:୫୦ କରି ଗଛରେ ସ୍ପ୍ରେ କଲେ ।
ଏହି ରୋଗ ଦୂର ହୋଇଥାଏ । (୪ କିଲୋ ତୁତିଆ (କପର ସଲଫେଟ) ୪ କିଲୋ ଚୂନକୁ ୫୦ ଲିଟର ପାଣିରେ ମିଶାଇ ଦ୍ରବଣ କରିବାକୁ ହୁଏ । ଇଣ୍ଡୋଫିଏଲମଏମ ୪୫ ଏକ ଲିଟର ପାଣିରେ ୨ ଗ୍ରାମ ମିଶାଇ ସ୍ପ୍ରେ କଲେ । ତାହା ଉପକାର ମିଳିଥାଏ ।
ଫଳମାଛି ଲାଗିଲେ କଖାରୁ ଏବଂ କଲରା ଫଳକୁ କଣା କରି ଭିତରେ ରସ ଖାଆନ୍ତି ଫଳରେ କଖାରୁଗୁଡ଼ିକ ପଚିଯିବାର ସମ୍ଭାବନା ଥାଏ । ତେଣୁ ଫଳମାଛି ଲାଗିବା ଦେଖାଗଲେ ପ୍ରତି ଲିଟର ପାଣିରେ ୨ ମିଲି ଏଣ୍ଡୋସଲଫାନ କିମ୍ବା ୩ ଗ୍ରାମ କାର୍ବିରିଲ ମିଶାଇ ସିଞ୍ଚନ କରନ୍ତୁ । କଖାରୁ ଲଗାଇବା ସମୟରେ ମନ୍ଦାରେ କ୍ଲୋରୋପାଇରିଫସ ଗୁଣ୍ଡ ପ୍ରୟୋଗ କରନ୍ତୁ । ଏହାଦ୍ଵାରା ନାଳି କଖାରୁ ପୋକକୁ ନିୟନ୍ତ୍ରଣ କରାଯାଇପାରିବ ।
ବର୍ତ୍ତମାନ ଭେଣ୍ଡି, ଜହ୍ନି, କଲରା, ଗୁଆଁର, ଝୁଡ଼ଙ୍ଗ ଆଦି ଖରାଦିନିଆ ପରିବା ଲଗାନ୍ତୁ । ଗୋଟିଏ ସପ୍ତାହ ମଧ୍ୟରେ ମଞ୍ଜି ଗଜା ହୋଇଗଲେ ସିଞ୍ଚା ପାଣି ପ୍ରୟୋଗ କରନ୍ତୁ । ଦୁଇ ଚାରିପତ୍ର ହୋଇଗଲେ କୋଡ଼ାଖୋସା କରି ଘାସଗୁଡ଼ିକ ବାଛି ଦିଅନ୍ତୁ । ପରେ କୃଷିବିଜ୍ଞାନୀଙ୍କ ପରାମର୍ଶ ନେଇ ସାର ପ୍ରୟୋଗ କଲେ ଗଛଗୁଡ଼ିକ ହୃଷ୍ଟପୁଷ୍ଟ ହୋଇଥାଏ । ମାଟିର ବତର ଦେଖି ଜଳ ସେଚନ କରନ୍ତୁ ।
ଆଧାର – କୃଷି ବିଭାଗ
Last Modified : 10/9/2019