অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

କୋବି ଜାତୀୟ ଫସଲରେ ଅଣୁସାରର ଭୂମିକା

କୋବି ଜାତୀୟ ଫସଲରେ ଅଣୁସାରର ଭୂମିକା

କୋବି ଜାତୀୟ ଫସଲ ସାଧାରଣତଃ ଶୀତ ବା ରବି ଫସଲ ରୂପେ ଚାଷ କରାଯାଇଥାଏ । କାରଣ ଏହି ପ୍ରକାର ଫସଲ କମ୍ ତାପମାତ୍ରାରେ ହିଁ ଭଲ ବଢି ପାରି ଥାଆନ୍ତି । ତାପମାତ୍ରା ଅଧିକ ହେଲେ ଏହି ପ୍ରକାର ଫସଲ ଭଲ ବଢିପାରେ ନାହିଁ । କୋବି ଜାତୀୟ ଫସଲ ମଧ୍ୟରେ ବନ୍ଧାକୋବି, ଫୁଲକୋବି, ଓଲକୋବି, ବ୍ରକୋଲି, ଚାଇନିଜ୍ ବନ୍ଧାକୋବି, ବ୍ରସେଲସ ସ୍ରାଉଟ ଇତ୍ଯାଦିକୁ ଚାଷ ରୂପରେ ନିଆଯାଇଥାଏ । କିନ୍ତୁ ଆମ ରାଜ୍ୟରେ ଫୁଲକୋବି, ବନ୍ଧାକୋବି, ଓଲକୋବି ଏବଂ ବ୍ରକୋଲିକୁ ଚାଷ କରାଯାଉ ଅଛି।

ଖାଦ୍ୟସାର

କୋବି ଜାତୀୟ ଫସଲରେ ଅନେକ ପ୍ରକାରର ଖାଦ୍ୟସାର ଅଛି । ଏଥିରେ ଜଳୀୟ ଅଂଶର ପରିମାଣ ୯୨ ଗ୍ରାମ, ପ୍ରୋଟିନ ୧.୪ ଗ୍ରାମ, ଭିଟାମିନ ଏ ୪୦୦ ମି.ଗ୍ରା. ଭିଟାମିନ ବି ୨୭ ମି.ଗ୍ରା. ଏବଂ ଭିଟାମିନ ସି ୧୦୦ମି.ଗ୍ରା. ଅଛି । ଏହାକୁ ପ୍ରକ୍ରିୟାକରଣ କରି ବିଭିନ୍ନ ପ୍ରକାରର ବ୍ୟଞ୍ଜନ ମଧ୍ୟ ପ୍ରସ୍ତୁତ କରାଯାଏ।

କିନ୍ତୁ ଗୋଟାଏ କୋବି ଫସଲରୁ ଭଲ ଅମଳ ପାଇବାକୁ ହେଲେ ଆମକୁ ଏହାର ଖତସାର ପରିଚାଳନା ସହ ଅଣୁସାର ଉପରେ ମଧ୍ୟ ବିଶେଷ ଭାବରେ ଧ୍ୟାନ ଦେବାକୁ ପଡିବ । ମୁଖ୍ୟ ଖାଦ୍ୟସାର ହିସାବରେ ଯବକ୍ଷାରଜାନ, ଫସଫରସ ଓ ପଟାସ ଗଛ ପାଇଁ ବହୁଳ ପରିମାଣରେ ଆବଶ୍ୟକ କରିଥାଏ । ଏହି ମୁଖ୍ୟ ସାରକୁ ଛାଡିଦେଲେ ସୃଷ୍ଣସାର (ଅଣୁସାର)ର ଉପାଦେୟତା ମଧ୍ୟ ଗଛରେ ପରିଲକ୍ଷିତ ଜୋହାଇଥାଏ । ଯାହାର ଅଭାବରେ ଗଛର ଅମଳକ୍ଷମ ଶକ୍ତି ହ୍ରାସ ପାଇବା ସହ ଚାଷୀର ଆର୍ଥିକ ମେରୁଦଣ୍ଡ ଉପରେ ମଧ୍ୟ ପ୍ରଭାବ ପକାଏ । ତେଣୁ ଚାଷୀ ଭାଇ ମୁଖ୍ୟସାର ସହ ସୃଷ୍ଣସାର (ଅଣୁସାର)କୁ ପ୍ରୟୋଗ କରିବାକୁ ଜମାରୁ ଭୁଲନ୍ତୁ ନାହିଁ। ତେଣୁକରି କୋବି ଜାତୀୟ ଫସଲରେ କେତୋଟି ଅଣୁସାରର ଅଭାବ ଏବଂ ଏହାର ଭୂମିକା ବିଷୟରେ ନିମ୍ନରେ ବର୍ଣ୍ଣନା କରାଗଲା । କୋବି ଜାତୀୟ ଫସଲରେ ସାଧାରଣତଃ ବୋରନ, ମଲିବେଡିନମ୍, କ୍ୟାଲସିୟମ, ମାଙ୍ଗାନିଜ ଏବଂ ମ୍ୟାଗ୍ନେସିୟମର ଅଭାବ ପରିଲକ୍ଷିତ ହୋଇଥାଏ ।

ବୋରନ

ଏହି ପ୍ରକାର ଅଣୁସାରର ଅଭାବ ବିଶେଷକରି ଫୁଲକୋବି ଏବଂ ବ୍ରକୋଲିରେ ବହୁଳ ପରିମାଣରେ ପରିଲକ୍ଷିତ ହୋଇଥାଏ । ଏହା ମାଟିରୁ ଚୂନସାର ସଂଗ୍ରହରେ ଓ ଗଛ ଦ୍ଵାରା ବ୍ୟବହାରରେ ସାହାଯ୍ୟ, କରେ I ଏହାର ଅଭାବରେ ଗଛର ଅଗ୍ରଭାଗ ମରିଯାଇ ନୂଆ ଶାଖା ହୁଏ । ଫୁଲ ଧରେ ନାହିଁ, ଫୁଲଗୁଡିକ ଧରିଲେ ମଧ୍ୟ ଅର୍ବୁଦିନ ମଧ୍ୟରେ ଏହାର ରଙ୍ଗ କ୍ରମଶଃ ବାଦାମୀ ରଙ୍ଗରେ ପରିଣତ ହୋଇ ଫୁଲଗୁଡିକ ଝଡିପଡେ । ଫୁଲକୋବି ଗୁଡିକ ବାଦାମୀ ରଙ୍ଗରେ ପରିଣତ ହୋଇ ପୁରୁଣା ପତ୍ରଗୁଡିକ ମଧ୍ୟ ବାଇଗଣୀ ରଙ୍ଗ ହୋଇଯାଏ । ବନ୍ଧାକୋବି ଗଛର ପତ୍ରଗୁଡିକ ଗୋଟିଏ ଫାଳ, ଅଣଓସାରିଆ ହୋଇ, ଅନ୍ୟ ଫାଳ, ସରୁଆ ହୋଇଯାଏ ।

ସଂଗୃହିତ - ପ୍ରାର୍ଥନା ମହାନ୍ତି, କୃଷି ବିଜ୍ଞାନ କେନ୍ଦ୍ର, କେନ୍ଦ୍ରାପଡା, ଉଦ୍ୟାନ ବିଭାଗ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate