অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବନ୍ୟାଅଞ୍ଚଳରେ ସଜନା ଚାଷ

ବନ୍ୟା ଛାଡିଗଲେ କିପରି କରିବେ ସଜନା ଚାଷ

ବନ୍ୟା ଛାଡିଗଲା ପରେ ଏଭଳି ଚାଷ କରିବା ଦରକାର ଯାହା ଖୁବ୍ ଶୀଘ୍ର ବଢିପାରୁଥିବ ଓ ପୁଷ୍ଟି ଦୃଷ୍ଟିରୁ ସର୍ବଗୁଣ ସଂପନ୍ନ ହେବା ଦରକାର । ଏହି ପରିପ୍ରେକ୍ଷୀରେ ସଜନା ଚାଷ ଅତ୍ୟନ୍ତ ସମୟୋପଯୋଗୀ । ଏହାର ପତ୍ର ଓ ଛୁଇଁକୁ ତରକାରି କରି ଖିଆଯାଏ ।

ସଜନା ଛୁଇଁରେ ୮୭ ଭାଗ ଜଳୀୟଅଂଶ, ୨୫ ଭାଗ ପୁଷ୍ଟିସାର, ୪ ଭାଗ ଶ୍ଵେତସାର ଓ ୨ ଭାଗ ଖଣିଜ ଲବଣ ଥାଏ ।  ସଜନା ପତ୍ରରେ  ଶତକଡା ୭୬ ଭାଗ ଜଳୀୟ ଅଂଶ,  ୭ ଭାଗ ପୁଷ୍ଟିସାର, ୨ ଭାଗ ଖଣିଜ ଲବଣ ଓ ୧୩ ଭାଗ ଶ୍ଵେତସାର  ରହିଥାଏ । ମଧୁମେହ ରୋଗୀଙ୍କ ପାଇଁ ସଜନା ପତ୍ର ଓ ଛୁଇଁ  ସେବନ ବରଦାନ ସ୍ୱରୂପ । ଏହାର ପତ୍ରରେ ବହୁ ପରିମାଣରେ କ୍ୟାଲସିୟମ  ଥାଏ ।

ମଞ୍ଜି ଓ ଡାଳଦ୍ଵାରା ବଂଶ ବିସ୍ତାର

ସଜନା ମଞ୍ଜି ଓ ଡାଳଦ୍ଵାରା ବଂଶ ବିସ୍ତାର କରେ । ଜଫାନା, ସିଲେନ, ଚେମମୁରୁଙ୍ଗା ଆଦି ସଜନାର ଉନ୍ନତ କିସମ । ଏସବୁ ଚାଷକଲେ ଅମଳ ଭଲ ହୁଏ । ପିକେଏମ – ୧ ଲୋକପ୍ରିୟ ସଙ୍କର କିସମ ।  ମଞ୍ଜିରୁ ଚାରା କରି ଏହାକୁ ଲଗାଯାଏ ।  ଏକ ଏକର ଜମି ପାଇଁ ପ୍ରାୟ ୨୫୦ ଗ୍ରାମ ବିହନ ଆବଶ୍ୟକ  ହୁଏ  ଏବଂ ଏହି କିସମ ଲଗାଇବାର ୬ ମାସ ପରେ ଛୁଇଁ ହୁଏ । ସଜନା ଚାରା ପ୍ରସ୍ତୁତି କରିବାକୁ ପ୍ରାୟ ୧୦ ସେମି ଲମ୍ବ ୫ସେମି  ଓସାରର ଜମି ମୁଣାରେ ମାଟି ଓ ଖତ ଭରି ଚାରା ପକାଇବାକୁ ହେବ ।  ପ୍ରାୟ ୪୦ଦିନ ପରେ ଚାରା ଗଛ ରୂଆଯାଏ । ଆଡିକୁ ଆଡି ଓ ପଛକୁ ପଛ ୨୫ ମିଟର ଦୂରତାରେ ଚାରା ରୁଆଯାଏ ।

ଏଥିପାଇଁ  ମନ୍ଦା ପ୍ରାୟ  ୪୫ସେମି ମିଟର ଲମ୍ବ ଓସାର ଓ ଗଭୀରତା ହେବା ଉଚିତ । ଏକ ଏକର ଜମି ପାଇଁ ପ୍ରାୟ ୬୫୦ ଗଛ ଲାଗିଥାଏ । ଗଛ ଲଗାଇବା ସମୟରେ ଗତା ପ୍ରତି  ୧୫ କିଗ୍ରା ଖତ ଦେବାକୁ ହେବ । ଏଥିପାଇଁ ଗାତ ପ୍ରତି ୫୦ଗ୍ରାମ ଡିଏପି, ୧୦୦ ଗ୍ରାମ  ସ୍ୟୁଟ ଅଫ୍ ପଟାସ  ପ୍ରୟୋଗ କରିବାକୁ ପଡେ । ୮ -୧୦ ଦିନ ପରେ ୬୦ ଗ୍ରାମ ୟୁରିଆ ଦେବାକୁ ହେବ । ଦୁଇମାସ ପରେ ଗଛ ପ୍ରତି ୮୦ଗ୍ରାମ ୟୁରିଆ ଓ ୧୦୦ ଗ୍ରାମ ମୁୟରେଟଅଫ୍ ପଟାସ ପ୍ରୟୋଗ କରିବାକୁ ପଡେ । ସାର ପ୍ରୟୋଗ କରି ଗଛ ମୂଳକୁ ହୁଡା ଟେକିବାକୁ ହେବ । ଛୋଟ ଅବସ୍ଥାରେ ଡାଳଗୁଡିକ ମଝିରେ ମଝିରେ କାଟିଦେଲେ ଗଛ ଝଙ୍କାଳିଆ ହୁଏ ଓ ଅଧିକ ଫୁଲ ଆସେ । ଗଛ ପାଖରେ ଖୁଣ୍ଟ ବା ବାଡି ପୋତିଦେଲେ ଗଛ ଭାଙ୍ଗିବାର ଆଶାଙ୍କାକୁ ଅନେକାଂଶରେ କମେଇ ଦିଆଯାଇପାରେ ।

ଶଁବାଳୁଆରୁ ସଜନା ଗଛକୁ ରକ୍ଷା

ଶଁବାଳୁଆ ସଜନାର ମୁଖ୍ୟ ଶତ୍ରୁ । ଗଛମୂଳରେ କ୍ଲୋରୋପାଇରିଫସ ଦ୍ରବଣ ବୋଳିଦେଲେ ଏହାର ଆଶଙ୍କା ରହେନାହିଁ । ଗଛର ଫଳ ମାଛିଦ୍ଵାରା ଆକ୍ରାନ୍ତ ହୁଅନ୍ତି ଏବଂ ଏହା ଫଳର ରସ ଖାଇଦିଅନ୍ତି । ପ୍ରତି ଲିଟର ପାଣି ସହ ୧ ମିଲିଲିଟର ହିସାବରେ ନୂଭାନ ମିଶାଇ ଗଛରେ ସ୍ପ୍ରେ କଲେ ଏହାକୁ ଦମନ କରିହେବ ।

ସଂଗୃହିତ  – ଡଃ ଶାଶ୍ଵତୀ ପଟ୍ଟନାୟକ ବୈଜ୍ଞାନିକ ( ଗୃହବିଜ୍ଞାନ), କୃଷି ବିଜ୍ଞାନ କେନ୍ଦ୍ର, ରାଣୀତାଲ, ଭଦ୍ରକ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate