ପ୍ରତିଦିନ ଛୋଟବଡ କାର୍ଯ୍ୟକ୍ରମ, କାମ ସାକ୍ଷାତ କରିବା ପ୍ରସଙ୍ଗ ଆଦି ବ୍ୟସ୍ତତା ଭିତରେ ମନେରଖିବା ଖୁବ୍ କଷ୍ଟକର । ଏ କ୍ଷେତ୍ରରେ ଅନଲାଇନ୍ କ୍ୟାଲେଣ୍ଡର ବେଶ୍ ଉପଯୋଗୀ । ଏହା ସହାୟତାରେ ରିମାଇଣ୍ଡର ସେଟ କରି ସାରାଦିନର କାର୍ଯ୍ୟ ଯୋଜନାବଦ୍ଧ ଭାବେ କରିପାରିବେ । ଏପରି ୫ଟି ଅନଲାଇନ୍ କ୍ୟାଲେଣ୍ଡର ସମ୍ପର୍କରେ -
ଏହାର ସବୁଠାରୁ ବଡ ବିଶେଷତ୍ଵ ହେଲା ଜି-ମେଲ୍ ତଥା ଅନ୍ୟ ଗୁଗଲ୍ ପ୍ରଡ଼କ୍ଟ ସହିତ ସଂଯୁକ୍ତ ହୋଇ ରହିବା । ଏଥିରେ ଆପଏଣ୍ଟମେଣ୍ଟ, ମିଟିଂ ଏବଂ କାର୍ଯ୍ୟକ୍ରମଗୁଡିକୁ ତାରିଖ ଓ ସମୟ ସହିତ ସେଭ୍ କରିହୁଏ । ଆପଣଙ୍କ କାମ ଏବଂ ବ୍ୟକ୍ତିଗତ କ୍ୟାଲେଣ୍ଡରକୁ ମଧ୍ୟ ଏହା ସପୋର୍ଟ କରେ । ଜି-ମେଲ୍ ରୁ ଆପଏଣ୍ଟମେଣ୍ଟ ସେୟାର କରିବାର ସୁବିଧା ବି ଏଠାରେ ଅଛି । ଏହା ସହିତ କରିବାକୁ ଥିବା କାମ ବା ‘ଟୁ ଡୁ ଲିଷ୍ଟ’ ଆପସ ଏବଂ ବୁକିଂ ଟୁଲ୍ ସ ଏଥିରେ କାମ କରେ । ଆଣ୍ଡ୍ରଏଡ ଡିଭାଇସରେ ସହଜରେ କମ କରିଥାଏ ଗୁଗଲ୍ କ୍ୟାଲେଣ୍ଡର ।
ଏହା ଏପରି ଏକ ଅନଲାଇନ୍ କ୍ୟାଲେଣ୍ଡର ଯାହା ପାରିବାରିକ କାର୍ଯ୍ୟ ପାଇଁ ପ୍ରସ୍ତୁତ ହୋଇଥିଲେ ବି ବ୍ୟବସାୟ ଲାଗି ଆବଶ୍ୟକ ବିଭିନ୍ନ କାମ ଟ୍ରାକ କରିବାରେ ସହାୟକ ହୋଇଥାଏ । ଏଥିରେ ପରିବାରର ପ୍ରତ୍ୟକ ସଦସ୍ୟ ନିଜନିଜ କ୍ୟାଲେଣ୍ଡର କରିପାରନ୍ତି ଏବଂ ସବୁକୁ ମିଶାଇ ଗୋଟିଏ କ୍ୟାଲେଣ୍ଡରରେ ପରିଣତ କରିହୁଏ । ଫଳରେ ସମସ୍ତେ ସମସ୍ତଙ୍କ କାର୍ଯ୍ୟକ୍ରମ ଏହା ମାଧ୍ୟମରେ ଜାଣିପାରିବେ । ସପିଙ୍ଗ ତାଲିକା, ରୋଷେଇ ପ୍ରଣାଳୀ, ପାରିବାରିକ କ୍ୟାଲେଣ୍ଡର ଏବଂ ଟୁ ଡୁ ଲିଷ୍ଟ ଆଦି ସହାୟତାରେ କାମ, ଖେଳ, ଛୁଟିଦିନ ଏପରିକି ସଉଦା ତାଲିକାର ପ୍ରସ୍ତୁତୁ ଭଲ ଭାବେ କରିହୋଇଥାଏ ।
ଏହା ମଧ୍ୟ ଗୁଗଲ୍ ଏବଂ କୋଜି କ୍ୟାଲେଣ୍ଡର ପରି କେତେକ ବିଶେଷ ବ୍ୟବସ୍ଥାଯୁକ୍ତ । ଗ୍ରୁପ କ୍ୟାଲେଣ୍ଡର ଓ ସେୟାରିଂ ଫିଚର ଏଥିରେ ରହିଛି । ଯେ କୌଣସି ୱେବସାଇଟ ସହ ଏହାକୁ ଯୋଡାଯାଇପାରେ ଏବଂ ମତାମତ ଜାଣିବାର ସୁବିଧା ରହିଛି । ଏଥିରେ ମଧ୍ୟ ଟାଇମ୍ ଜୋନ୍ ବଦଳାଇ ପାରିବେ ।
ଥାର୍ଟି ବକ୍ ସେସ : ବ୍ୟବହାର କୌଶଳ ଖୁବ୍ ସାଧାରଣ ହୋଇଥିବାରୁ ଏହା ବେଶ୍ ଲୋକପ୍ରିୟ ହୋଇପାରିଛି । କ୍ୟାଲେଣ୍ଡରର ସମସ୍ତ ବ୍ୟବସ୍ଥା ସହିତ ନିଜ ଭାଷାରେ ତଥ୍ୟ ଲେଖିବାର ସୁବିଧା ଏଥିରେ ଅଛି । ସୋସିଆଲ ମିଡିଆ ଅପ୍ ଡେଟ୍ କରିବା ସହିତ ବ୍ଲଗ ପୋଷ୍ଟ ଆଦି କାମ ବି ଏହି କ୍ୟାଲେଣ୍ଡରରୁ କାମ କରିପାରିବେ ।
ରିମାଇଣ୍ଡରର ସତର୍କ ଘଣ୍ଟିରୁ ମୁକ୍ତି ଚାହୁଁଥିଲେ ମାଇଁ ମେମୋରାଇଜର ଆପଣଙ୍କ ପାଇଁ ଭଲ ବିକଳ୍ପ । ଏହା କାର୍ଯ୍ୟକ୍ରମ ସମ୍ପର୍କରେ ଜଣାଇବା ଲାଗି ଇ-ମେଲ୍ କିମ୍ବା ଟେକ୍ସଟ ମେସେଜ୍ ପଠାଇଥାଏ । ବ୍ୟବହାର କରିବା ଖୁବ୍ ସହଜ । ନିଜ ଆକାଉଣ୍ଟରେ ନିଜର ଇ-ମେଲ୍ କିମ୍ବା ମୋବାଇଲ ନମ୍ବର, ଏପରିକି ଦୁଇଟିଯାକ ସଂଯୁକ୍ତ କରିଦେଲେ କୌଣସି କାର୍ଯ୍ୟକ୍ରମର ସୂଚନା ଲାଗି ରିମାଇଣ୍ଡର ମେସେଜ ମିଳିଯାଇପାରିବ ।
ଆଧାର –ୱେବ ସୂଚନା ବ୍ୟୁରLast Modified : 6/26/2020