ରେଳ ଟିକେଟ୍ ଲାଗି ଆଧାର ବାଧ୍ୟକତାମୂଳକ
ରେଳ ଟିକେଟ୍ ଲାଗି ଆଧାର ବାଧ୍ୟକତାମୂଳକ
ଟିକେଟିଂ ବୁକିଂ
ରେଳ ଟିକେଟିଂ ବୁକିଂ କରିବା ସମୟରେ ଆପଣଙ୍କୁ ନିଜର ଆଧାର କାର୍ଡ଼ର ସିବିଶେଷ ବିବରଣୀ ଦାଖଲ କରିବାକୁ ହେବ । ମିଳିଥିବା ରିପୋର୍ଟ ଅନୁଯାୟୀ, ଟ୍ରେନ ଟିକେଟକୁ ଆଧାର କାର୍ଡ଼ ସହ ଲିଙ୍କ୍ କରିବାକୁ ରେଳ ମନ୍ତ୍ରଣାଳୟ ଦୀର୍ଘ ଦିନ ହେବ ଉଦ୍ୟମ ଜାରି ରଖିଛି ।
ଆଧାରକାର୍ଡ ଦାଖଲ ବାଧ୍ୟତାମୂଳକ
୧୫ଦିନ ମଧ୍ୟରେ ଏ ନେଇ ଏକ ଚୁଡାନ୍ତ ନୀତି ପ୍ରକାଶିତ ହେବ । ଉଭୟ ସଂରକ୍ଷିତ ଏବଂ ଅଣସଂରକ୍ଷିତ ରେଳ ଟିକେଟ୍ କ୍ଷେତ୍ରରେ ଏହି ନିୟମ ଲାଗୁ କରାଯିବ । ଏହାଛଡା ଉଭୟ ଅନ୍ଲାଇନ୍ ଏବଂ କାଉଣ୍ଟର ଟିକେଟ୍ କ୍ଷେତ୍ରରେ ମଧ୍ୟ ଆଧାରକାର୍ଡ ଦାଖଲ ବାଧ୍ୟତାମୂଳକ କରାଯିବ ।
ରେଳ ଟିକେଟ ବୁକିଂରେ ଦେଖାଦେଉଥିବା ଅନିୟମିତତାକୁ ଏଡାଇବା ଲାଗି ରେଳବାଇ ପକ୍ଷରୁ ଉପରୋକ୍ତ ପଦକ୍ଷେପ ଗ୍ରହଣ କରାଯାଇଛି । ଦଲାଲମାନେ ଆଗୁଆ ଟିକେଟ୍ ସଂଗ୍ରହ କରିନେଉଥିବା ଯୋଗୁଁ ଅଧିକାଂଶ ସମୟରେ ଯାତ୍ରୀମାନେ ଏ ନେଇ ସମସ୍ୟାର ସମ୍ମୁଖୀନ ହେଉଛନ୍ତି । ଏହାଛଡା ଆଧାରଭିତ୍ତିକ ଟିକେଟ୍ ବ୍ୟବସ୍ଥା ଦ୍ଵାରା ବିଭିନ୍ନ କୋଟାରେ ସିଧାସଳଖ ଅର୍ଥ ସ୍ଥାନାନ୍ତର ସୁବିଧା ହାସଲ କରୁଥିବା ଯାତ୍ରୀଙ୍କ ପାଇଁ ସୁବିଧାଜନକ ହେବ । ବର୍ତ୍ତମାନ ସୁଦ୍ଧା ଦେଶରେ ୧୦୫.୧୫ କୋଟି ଆଧାର ନମ୍ବର ସୃଷ୍ଟି କରାଯାଇଛି ।
ଆଧାର – ଦୈନିକ ସମାଜ
Last Modified : 4/19/2022
