অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

କେଉଁ କାରଣ ପାଇଁ କ୍ୟାରିୟର ବିଗାଡିପାରେ

କେଉଁ କାରଣ ପାଇଁ କ୍ୟାରିୟର ବିଗାଡିପାରେ

ଉପକ୍ରମ

ଏକ ଭଲ ଚାକିରି ପାଇବା ଯେତିକି ଗୁରୁତ୍ୱପୂର୍ଣ୍ଣ, ସେଥିରେ ତିଷ୍ଠି ରହିବା ମଧ୍ୟ ସେତିକି ଗୁରୁତ୍ଵପୂର୍ଣ୍ଣ । ହେଲେ ଅନେକ ଲୋକ ଚାକିରି ମିଳିଯିବା ପରେ ସେଥିପ୍ରତି ଖାମଖିଆଲ ହୋଇଯାଆନ୍ତି । ନିଜ ଦାୟିତ୍ଵ ଠିକ୍ ଭାବେ ସମ୍ପାଦନ କରନ୍ତି ନାହିଁ । ଏଭଳି ଅବହେଳା କ୍ୟାରିୟରର ଭେଳା ବୁଡାଇ ଦେବା ସମ୍ଭାବନା ଥାଏ । ପରେ ନିଜ ଭୁଲ୍ ବୁଝିବାବେଳକୁ ତାହାକୁ ସୁଧାରିବାର ସୁଯୋଗ ହାତରୁ ଖସିଯାଇଥାଏ । ଏଭଳି ସ୍ଥିତିରେ ପଶ୍ଚାତାପ କରିବା ବ୍ୟତିତ ଅନ୍ୟ ଚାରା ନଥାଏ । ଯଦି ଏଭଳି ପରିସ୍ଥିତିରେ ସମ୍ମୁଖୀନ ନ ହୋଇ ଜ୍ୟାରିୟରେ ଅଗ୍ରଗତି କରିବାକୁ ଚାହାନ୍ତି ତା’ ହେଲେ କେତେକ ପରାମର୍ଶ ପ୍ରତି ଧ୍ୟାନ ଦିଅନ୍ତୁ ।

ନିର୍ଦ୍ଧାରିତ ସମୟ

ନିର୍ଦ୍ଧାରିତ ସମୟ ସୀମାରେ କାର୍ଯ୍ୟ ସମ୍ପାଦନ କରିବାରେ ଯଦି ବିଫଳ ହେଉଛନ୍ତି ତା’ ହେଲେ ଏହାର କାରଣ ମାତ୍ରାଧିକ କାର୍ଯ୍ୟଭାର ହୋଇଥାଇପାରେ । ହୁଏତ ଆପଣ ନିଜ କ୍ଷମତାଠାରୁ ଅଧିକ ଦାୟିତ୍ଵ ମୁଣ୍ଡାଉଛନ୍ତି । ଅଥବା ଯେତିକି କାର୍ଯ୍ୟ କରିବା କଥା ସେତେ କରୁନାହାଁନ୍ତି । ଏଥିପାଇଁ କାର୍ଯ୍ୟକ୍ଷେତ୍ରରେ ଆପଣଙ୍କର ଛବି ବିଗିଡିପାରେ । ତେଣୁ ପୂରଣ କରି ନ ପାରିବା ଭଳି ପ୍ରତିଶ୍ରୁତି ନଦେଇ ନିଜ ସାମର୍ଥ୍ୟ ଅନୁଯାୟୀ ଉପରିସ୍ଥ ଅଧିକାରୀଙ୍କଠାରୁ କାର୍ଯ୍ୟ ଗ୍ରହଣ କରନ୍ତୁ । କୌଣସି ସୁଯୋଗକୁ ହାତଛଡା କରନ୍ତୁ ନାହିଁ । ସବୁବେଳେ ଜ୍ଞାନ ଆହରଣ ପାଇଁ ମନରେ ଆଗ୍ରହ ରଖନ୍ତୁ । ନିଜେ ନିଜ ପ୍ରଦର୍ଶନର ସମୀକ୍ଷା କରନ୍ତୁ ।

ଅଧିକ ଦରମା

ଟଙ୍କା ପଛରେ ଗୋଡାଇବା କ୍ୟାରିୟରରେ ଏକ ବଡ ଭୁଲ୍ । କେବଳ ଅଧିକ ଦରମା ପାଇଁ ଅନେକ ବ୍ୟକ୍ତି ଚାକିରି ବଦଳାଇଥାନ୍ତି । ଏପରି କରିବା ଦ୍ଵାରା ସେମାନେ ନିଜ କର୍ମକୁଶଳତା ହରାଇଥାନ୍ତି । ଏଥିସହିତ ସେମାନଙ୍କ ମଧ୍ୟରେ ସଫଳତା ହାସଲ କରିବାର ଉନ୍ମାଦନା କମିଯାଏ । ତେଣୁ ଏଭଳି କ୍ୟାରିୟର ବାଛନ୍ତୁ ଯେଉଁଥିରେ ଆପଣଙ୍କର ଆଗ୍ରହ ରହିଥିବ ଓ ନିଜର ଦକ୍ଷତା ପରିପ୍ରକାଶ କରିପାରୁଥିବେ ।

ଉଦ୍ଦେଶ୍ୟ ସାଧନ

ନିଜ ଉଦ୍ଦେଶ୍ୟ ସାଧନ ପାଇଁ ସହକର୍ମୀଙ୍କ ସହ ସମ୍ପର୍କରେ ତିକ୍ତତା ସୃଷ୍ଟି କରନ୍ତୁ ନାହିଁ । ନିଜ କାର୍ଯ୍ୟଦକ୍ଷତା ବୃଦ୍ଧି ସହିତ ସମ୍ପର୍କ ସ୍ଥାପନରେ ନିପୁଣତା ହାସଲ ଦ୍ଵାରା କ୍ୟାରିୟରରେ ସଫଳତା ମିଳିପାରିବ । ଆଧୁନିକ ସମୟରେ କାର୍ଯ୍ୟର ପରିଭାଷା ବଦଳି ଚାଲିଛି । ନୂଆ ନୂଆ ଟେକ୍ନୋଲୋଜିର ବ୍ୟବହାର ବଢୁଛି । ତେଣୁ କାର୍ଯ୍ୟକ୍ଷେତ୍ରରେ ପରିବର୍ତ୍ତନ ଲାଗି ପଛଘୁଞ୍ଚା ଦିଅନ୍ତୁ ନାହିଁ । ପ୍ରତ୍ୟେକ ପରିବର୍ତ୍ତନରୁ କିଛି ନା କିଛି ଶିଖିବାକୁ ମିଳିଥାଏ । ନକାରାତ୍ମକ ମନୋଭାବ ନ ରଖି କଠିନ କାର୍ଯ୍ୟ ଓ ଅସୁବିଧା ପାଇଁ ବିକଳ୍ପ ଦୃଷ୍ଟିକୋଣ ଗ୍ରହଣ କରନ୍ତୁ । ଏପରି କଲେ ଆପଣ ପଛରେ ପଡିନଯାଇ କ୍ୟାରିୟର ଅଗ୍ରଗତି କରିପାରିବେ ।

ଆଧାର – ଦୈନିକ ଧରିତ୍ରୀ

 



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate