অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବିମାନ ଶିଳ୍ପରେ କ୍ୟାରିୟର

ଉପକ୍ରମ

ପିଲାଦିନେ ନିଜ ରଫ୍ ଖାତାରୁ କାଗଜ ଚିରି ରକେଟ କରି ଉଡାଇବାର ଅନୁଭୂତି ପ୍ରାୟ ସମସ୍ତଙ୍କର ଥିବ  । ଦୂର ଆକାଶରେ ଅତି କ୍ଷୁଦ୍ରକାୟ ବ୍ୟୋମଯାନଟିଏ ଉଡିଯାଉଥିବା ବେଳେ ଆମ ଆଖିସାମ୍ନାରୁ ଅଦୃଶ୍ୟ ନ ହେଲା ପର୍ଯ୍ୟନ୍ତ ଆମେ ତାକୁ ଚାହିଁ ରହୁଥିଲେ   । ଏହା କିପରି ଉଡୁଛି, ଏହା ଭିତରେ କେତେ ଲୋକ ଅଛନ୍ତି, ସେଥିରେ ବସିଲେ କେମିତି ଲାଗେ, ଖସି ପଡିଲେ କ’ଣ ହେବ ଏଭଳି ଅନେକ କଥା ପିଲାଦିନେ ମୁଣ୍ଡକୁ ଆସୁଥିଲା  । କେହି କେହି ସ୍ଵପ୍ନ ଦେଖନ୍ତି ବଡ ହେଲେ ଉଡାଜାହାଜରେ ଉଡିବେ, ପାଇଲଟ୍ ହେବେ ଇତ୍ୟାଦି  । ଆପଣ ବି ଯଦି ପାଇଲଟ ହେବାର ସ୍ଵପ୍ନ ଦେଖିଛନ୍ତି ତେବେ ଏ ଦିଗରେ ରହିଥିବା କ୍ୟାରିୟର ତଥା ନିଯୁକ୍ତି ସୁଯୋଗ ସମ୍ପର୍କରେ ଏଠାରେ ବର୍ଣ୍ଣନା କରାଗଲା

ବିମାନ ଶିଳ୍ପ କ୍ଷେତ୍ରରେ କେବଳ ଯେ ଜଣେ ବିମାନ ଚାଳକ ବା ପାଇଲଟ ହେବେ ତାହା ନୁହେଁ ଆହୁରି ଅନେକ ପଦପଦବୀ ମଧ୍ୟ ରହିଛି  । ପାଇଲଟ୍, କୋ-ପାଇଲଟ ସହିତ ଏୟାର କ୍ରାଫ୍ଟ ମେଣ୍ଟେନାନ୍ସ, କ୍ୟାବିନ କ୍ରିୟୁ, ଟେକ୍ନିସିଆନ, ଗ୍ରାଉଣ୍ଡ ଡ୍ୟୁଟ ସର୍ଭିସ ଅଫିସର୍ସ ଆଦି ପଦବୀ ରହିଛି  । ତଥ୍ୟ ଅନୁସାରେ ୨୦୦୩-୦୪ ବେଳକୁ ଭାରତରେ ମାତ୍ର ୩ଟି ବିମାନସେବା ପ୍ରଦାନକରି ସଂସ୍ଥାର ୧୨୩ଟି କମାର୍ସିଆଲ ଜେଟ ରହିଥିଲା  । ବର୍ତ୍ତମାନ ଏଥିରେ ଢେର ଉନ୍ନତି ହୋଇଛି  ।

ଏ କ୍ଷେତ୍ରରେ ପ୍ରଶିକ୍ଷଣ

ପାଇଲଟ ଭାବେ ଶିକ୍ଷା ଗ୍ରହଣ କରିବା ଓ ତାଲିମ ନେବାରେ ଅଧିକ ଅର୍ଥ ଖର୍ଚ୍ଚ ହୋଇଥାଏ  । ୨୦୦୧ରୁ ଡିରେକ୍ଟର ଜେନେରାଲ ଅଫ୍ ସିଭିଲ ଏଭିଏଶନ (ଡିଜିସିଏ) ପକ୍ଷରୁ ସମସ୍ତ ପ୍ରକାର ରିହାତି ବ୍ୟବସ୍ଥାକୁ ଉଚ୍ଛେଦ କରାଯାଇଥିଲା  । କିନ୍ତୁ ବିଭିନ୍ନ ରାଜ୍ୟ ଏଥିପାଇଁ ସ୍ଵତନ୍ତ୍ର ରିହାତି ବ୍ୟବସ୍ଥା କରିଛନ୍ତି  । ପ୍ରତିବର୍ଷ ୪୦ ଜଣ ଏସ୍ ସି, ଏସ୍ ଟି ଟ୍ରେନି ପାଇଲଟଙ୍କୁ ବୃତ୍ତି ପ୍ରଦାନ କରାଯାଉଛି  । ସେହିପରି ମାଗଣା ଉଡାଣ ପ୍ରଶିକ୍ଷଣ ସାଙ୍ଗକୁ ଷ୍ଟୁଡେଣ୍ଟ ପାଇଲଟ ମାନଙ୍କୁ ଆର୍ଥିକ ସହାୟତା ମଧ୍ୟ ପ୍ରଦାନ କରାଯାଉଛି  ।

ଏକ ଘରୋଇ ଶିକ୍ଷାନୁଷ୍ଠାନରେ ଶିକ୍ଷା ଗ୍ରହଣ କରି କମର୍ସିଆଲ ପାଇଲଟ ଲାଇସନ୍ସ ପାଇବା ପାଇଁ ପାଖାପାଖି ୧୫ରୁ ୨୦ ଲକ୍ଷ ଟଙ୍କା ଖର୍ଚ୍ଚ ହେଉଥିବା ବେଳେ ସରକାରୀ ଅନୁଦାନପ୍ରାପ୍ତ ସଂସ୍ଥାରେ ହାରାହାରି ୧୦ ଲକ୍ଷ ଟଙ୍କା ଖର୍ଚ୍ଚ ହେଉଛି  ।

ଯୋଗ୍ୟତା

ଜଣେ କମର୍ସିଆଲ ପାଇଲଟ ଲାଇସନ୍ସ ପାଇବା ପାଇଁ ହେଲେ ଉଭୟ ଫିଜିକ୍ସ ଏବଂ ମାଥମେଟିକ୍ସ ବିଷୟ ସହିତ ସର୍ବନିମ୍ନ ଦ୍ଵାଦଶ ଶ୍ରେଣୀ ଉତ୍ତୀର୍ଣ୍ଣ ହୋଇଥିବା ଦରକାର  । ସେହିପରି ବୟସ ସୀମା ୧୮ରୁ ୩୦ ମଧ୍ୟରେ ରହିବା ସହିତ ଉଚ୍ଚତା ଏବଂ ଦୃଷ୍ଟି ଶକ୍ତି ପରୀକ୍ଷାରେ ମଧ୍ୟ ଉତ୍ତୀର୍ଣ୍ଣ ହେବା ଦରକାର  । ବହୁଭାଷୀ ଯୋଗାଯୋଗ ଦକ୍ଷତା ଏଥିପାଇଁ ଏକ ପ୍ରମୁଖ ଆବଶ୍ୟକତା  ।

ଏୟାର ହୋଷ୍ଟେସ

ବିମାନରେ ଯାତ୍ରୀଙ୍କ ସୁରକ୍ଷିତ ତଥା ଆରାମଦାୟକ ଯାତ୍ରା ହେଉଛି  । ସବୁଠାରୁ ଗୁରୁତ୍ୱପୂର୍ଣ୍ଣ  । ଏଥିପାଇଁ ଏୟାର ହୋଷ୍ଟେସମାନେ ଗୁରୁତ୍ୱପୂର୍ଣ୍ଣ  । ଏଥିପାଇଁ ଏୟାର ହୋଷ୍ଟେସମାନେ ଗୁରୁତ୍ୱପୂର୍ଣ୍ଣ ଭୂମିକା କରି ଥାଆନ୍ତି  । ସେମାନେ ପ୍ରଥମ ବ୍ୟକ୍ତି ଯେକି ଜଣେ ବିମାନ ଯାତ୍ରୀଙ୍କୁ ସ୍ଵାଗତ କରିଥାଏ  । ଜରୁରୀକାଳୀନ ସମୟରେ ସୁରକ୍ଷା ବୈଶିଷ୍ଟ୍ୟ ବ୍ୟବହାର କରିବା, ଖାଦ୍ଯ ଓ ପାନୀୟ ଯୋଗାଇବା, ଯାତ୍ରୀମାନଙ୍କ ବିଭିନ୍ନ ପ୍ରଶ୍ନର ଉତ୍ତର ଦେବା ଭଳି ବିଭିନ୍ନ ସେବା ଏୟାର ହୋଷ୍ଟେସମାନେ ଯୋଗାଇଥାଆନ୍ତି  ।

ଯୋଗ୍ୟତା

ଏୟାର ହୋଷ୍ଟେସ ଟ୍ରେନିଂ ପ୍ରୋଗ୍ରାମ ପାଇଁ ଜଣଙ୍କୁ ଅତି କମ୍ ରେ ଯୁକ୍ତ ୨ ଶିକ୍ଷା ସହିତ ହୋଟେଲ ମ୍ୟାନେଜମେଣ୍ଟ ବା ଡିଗ୍ରୀ ହାସଲ କରିବା ଆବଶ୍ୟକ  ।

ଏୟାର ଇଣ୍ଡିଆ, ଜେଟ୍ ଏୟାରୱେଜ, ଇଣ୍ଡିଗୋ, ଏୟାର ଇଣ୍ଡିଆ ଏକ୍ସପ୍ରେସ, ସ୍ପାଇସ୍ ଜେଟ୍, ଗୋଏୟାର, ଏୟାର ଏସିଆ ଇଣ୍ଡିଆ, ଭିସ୍ତାରା ଭଳି ଏକାଧିକ ବିମାନ କମ୍ପାନୀ ବର୍ତ୍ତମାନ ପରିଚାଳିତ ହେଉଛନ୍ତି  । ଜଣେ ଟ୍ରେନିଂ ପାଇଲଟ ଭାବେ ଛାତ୍ରୀଛାତ୍ର ନିଜର କ୍ୟାରିୟର ଆରମ୍ଭ କରି ପରବର୍ତ୍ତୀ ସମୟରେ ନିଜକୁ ଜଣେ ଦକ୍ଷ ପାଇଲଟ ଭାବେ ଗଢିପାରିବେ  । ସେହିପରି ବୃହତ କର୍ପୋରେଟ ସଂସ୍ଥାଗୁଡିକ ଏବେ ନିଜସ୍ଵ ଏୟାରକ୍ରାଫ୍ଟ ରଖୁଛନ୍ତି  । ଅନ୍ୟପକ୍ଷରେ ବର୍ତ୍ତମାନ ଦେଶରେ ପାଖାପାଖି ୪୦ ବିମାନ କମ୍ପାନୀ ରହିଛନ୍ତି ଯେଉଁମାନେ ହେଲିକପ୍ଟର ଏବଂ କ୍ଷୁଦ୍ର ବିମାନ ଭଡାରେ ମଧ୍ୟ ପ୍ରଦାନ କରୁଛନ୍ତି  ।

ଏୟାର କ୍ରାଫ୍ଟ ମ୍ୟାନେଜମେଣ୍ଟ ଇଞ୍ଜିନିୟର

ଉଡାଣ ଧରିବା ପୂର୍ବରୁ ବିମାନଟି ସମ୍ପୂର୍ଣ୍ଣ ଠିକ୍ ଅଛି କି ନାହିଁ ବା ସେଥିରେ କିଛି ତ୍ରୁଟି ରହିଛି କି ନାହିଁ ତାହା ଯାଞ୍ଚ କରିବାରେ ଏୟାରକ୍ରାଫ୍ଟ ମେଣ୍ଟେନାନ୍ସ ଇଞ୍ଜିନିୟରଙ୍କର ପ୍ରମୁଖ ଦାୟିତ୍ଵ  ।

ଯୋଗ୍ୟତା

ଏୟାରକ୍ରାଫ୍ଟ ମେଣ୍ଟେନାନ୍ସ ଇଞ୍ଜିନିୟରିଂରେ ୩ ବର୍ଷର ସାର୍ଟିଫିକେଟ କୋର୍ସ କରିବା ଏଥିପାଇଁ ଏକ ପ୍ରମୁଖ ଆବଶ୍ୟକତା  । ଡିଜିସିଏ ଦ୍ଵାରା ସ୍ଵିକୃତିପ୍ରାପ୍ତ ବିଭିନ୍ନ ଶିକ୍ଷାନୁଷ୍ଠାନ ଏହି ପାଠ୍ୟକ୍ରମ ପ୍ରଦାନ କରୁଛନ୍ତି  ।

ଅନ୍ୟାନ୍ୟ ନିଯୁକ୍ତି ସୁଯୋଗ

ଏ କ୍ଷେତ୍ରରେ ଫ୍ଲାଇଟ ଆଣ୍ଡ ଗ୍ରାଉଣ୍ଡ ଇନଷ୍ଟ୍ରକଚର, ଫ୍ୟାକ୍ଟର ଫାସିଲିଟେଟର, ଏଭିଏଶନ ସାଇକୋଲୋଜିଷ୍ଟ, ଏଭିଏଶନ ଡକ୍ଟର ଆଦି ବିଭିନ୍ନ ପଦ ମଧ୍ୟ ରହିଛି  ।

ଫ୍ଲାଇଟ ଇନଷ୍ଟ୍ରକଚର

ଫ୍ଲାଇଟ ଇନଷ୍ଟ୍ରକଚରମାନେ ବିଭିନ୍ନ ପ୍ରକ୍ରିୟାରେ ପାଇଲଟମାନଙ୍କୁ ସୂଚନା  ପ୍ରଦାନ କରି ଥାଆନ୍ତି  । ବରିଷ୍ଠ ପାଇଲଟମାନେ ଏହି ଦାୟିତ୍ଵ ନିର୍ବାହ କରି ଥାଆନ୍ତି  ।

ଫ୍ଲାଇଟ ଡ଼େସପାଚର

ବିମାନ ଉଡାଣ, ଅବତରଣ ଆଦି ସମ୍ପର୍କରେ ସଂକ୍ଷିପ୍ତ ବିବରଣୀ ପ୍ରଦାନ କରନ୍ତି ଫ୍ଲାଇଟ ଡେସ୍ ପାଚର  ।

ଫ୍ୟାକ୍ଟର ଫାସିଲିଟେଟର

କ୍ୟାବିନ କ୍ର୍ୟୁ, କକପିଟ୍ କ୍ର୍ୟୁ ଏବଂ ବିଭିନ୍ନ ବିଭାଗର କାର୍ଯ୍ୟରତ ଯନ୍ତ୍ରୀମାନଙ୍କୁ ଏମାନେ ପ୍ରଶିକ୍ଷଣ ପ୍ରଦାନ କରିଥାଆନ୍ତି  ।

ଏଭିଏଶନ ଡକ୍ଟର ଏମାନେ ନିୟମିତ ଭାବରେ ପାଇଲଟ ଏବଂ ଅନ୍ୟ କର୍ମଚାରୀମାନଙ୍କର ସ୍ୱାସ୍ଥ୍ୟ ପରୀକ୍ଷା କରିଥାନ୍ତି  ।

ଆଧାର – କ୍ୟାରିୟର ବ୍ୟୁରୋ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate