অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ହିଂସାର ଫଳ ଖରାପ

ହିଂସାର ଫଳ ଖରାପ

ଉପକ୍ରମ

ତୁଳସୀପୁର ବୋଲି ଏକ ଗାଁରେ ଗୋଟିଏ ଧୋବା ଗୋଟିଏ ଗଧ ଓ ଆଉ ଗୋଟିଏ ଛେଳି ପାଳୁ ଥିଲେ । ଗଧ ପିଠିରେ ବୋଝ ଲଦି ସେ ନଈକୁ ନେଇ ଯାଏ ତାର ଲୁଗା ସଫା କରିବାକୁ । ସେଥି ପାଇଁ ସେ ଗଧର ଉପଯୁକ୍ତ ଧ୍ୟାନ ନେବାକୁ ଯାଇ ତାକୁ ଦାନା, ପାଣି, ଘାସ ଇତ୍ୟାଦି ଖାଇବାକୁ ଦଉ ଥିଲା ।

ବର୍ଣ୍ଣନା

ଏ ସବୁ ଛେଳି ଦେଖି ଗଧ ଉପରେ ତା’ର ହିଂସା ହେଉ ଥିଲା । ସେ ଚାହୁଁ ଥିଲା କିଭଳି ଭାବରେ ଗଧଉପରେ ମାଲିକର ବିତୃଷ୍ଣା ଭାବ ସୃଷ୍ଟି କରି ପାରିବ ।

ଏହି ପରି ଭାବୁ ଭାବୁ ଛେଳିର ଏକ ଉପାୟ ମୁଣ୍ଡରେ ଜୁଟିଲା । ଦିନେ ସୁଯୋଗ ଦେଖି ଗଧକୁ କହିଲା ଭାଈ! ମାଲିକ ମୋତେ ଖୋଲା ଛାଡି ଦଉ ଛନ୍ତି । ଫଳରେ ମୁଁ ଯେଉଁଠିକୁ ଚାହେଁ ସେଠାକୁ ଯାଇ ପାରେ । ନିଜ ମନ ଇଚ୍ଛା ନିଜେ ବିଚରଣ କରି ପାରେ । ପରନ୍ତୁ ମୋର ମନରେ ପ୍ରଶ୍ନ ଉଠେ ଯେ ମାଲିକ ତୁମ ସହିତ ଏତେ ଖରାପ ବ୍ୟବହାର କାହିଁକି କରୁଛନ୍ତି? ସବୁ ଦିନ ତୁମ ପିଠି ଉପରେ ବୋଝ ଥୋଇ ଦୂରରେ ଥିବା ନଈକୁ ନେଇ ଯାଆନ୍ତି । ପୁଣି ତୁମ ପିଠିକୁ ବାଡିରେ ପିଟନ୍ତି । ସେ କାହିଁକି ଏଭଳି ତୁମ ସାଥେ କରନ୍ତି ମୁଁ କିଛି ବୁଝି ପାରେନା?

ସତରେ ଛେଳି ଭାଈ ମାଲିକର ଏଭଳି ବ୍ୟବହାରରେ ମୁଁ ବହୁତ ଦୁଃଖ ପାଏ । କିନ୍ତୁ ଉପାୟ କ’ଣ? କିପରି ଏଥିରୁ ମୁକ୍ତି ପାଇ ପାରିବି?

ଏଥିରୁ ବଂଚିବାର ଉପାୟ? ଆରେ ଉପାୟତ ବହୁତ ସରଳ । ଦିନେ ରୋଗ ହୋଇଛି ବୋଲି ବାହାନା ସୃଷ୍ଟି କର । କୌଣସି ଏକ ଗାତରେ ପଡି ଯାଅ । ପୁଣି କିଛି ଦିନ ପର୍ଯ୍ୟନ୍ତ ଆରାମ୍ରେ ଗୁହାଳରେ ରୁହ । ବସି ବସି ଖାଅ ଆଉ ପିଅ ।

ଗଧ ପାଖରେ ବୁଦ୍ଧିର ଅଭାବ ଥିଲା । ସେ ସରଳ ପ୍ରକୃତିର ପଶୁ । ତେଣୁ ତା’ପରଦିନ ସେ ଜାଣି ଶୁଣି ଗୋଟିଏ ଗାତରେ ଆସି ପଡି ଗଲା । ପରିଣାମ ସ୍ୱରୂପ ସେହି ଗଧଟି ଏତେ ଘାଇଲା ହୋଇ ଗଲା ଯେ, କିଛି ଦିନ ପର୍ଯ୍ୟନ୍ତ ସେ ଚାଲି ବୁଲି ପାରିଲା ନାହିଁ । ଶେଷରେ ମାଲିକ ପଶୁ ଡାକ୍ତରଙ୍କୁ ଡକାଇଲେ । ଡାକ୍ତର ଗଧକୁ ଦେଖି ସାରିଲା ପରେ ମାଲିକକୁ ପାଖକୁ ଡାକି କହିଲେ – କିଛି ଦିନ ପାଇଁ ତାକୁ ଆରାମ୍ କରିବାକୁ ଦିଅ । ଘା’ ହୋଇ ଥିବା ସ୍ଥାନରେ ଛେଳି ଚର୍ବିର ଘିଅ ତିଆରି କରି ତାକୁ ମାଲିସ୍ କର । ଧୀରେ ଧୀରେ ଗଧର କ୍ଷତ ସ୍ଥାନ ଭଲ ହୋଇଯିବ ଏଥିରେ କୌଣସି ପ୍ରକାର ସନ୍ଦେହ ନାହିଁ ।

ମାଲିକ ଡାକ୍ତରଙ୍କ କଥା ଶୁଣି ସଂଗେ ସଂଗେ ଛେଳିକୁ କାଟିବାକୁ ନେଲେ । ଗଲା ବେଳେ ଛେଳି କାନ୍ଦି କାନ୍ଦି କହିଲା – ହାୟ ହାୟ! ମୋର ବୁଦ୍ଧିରେ ନିଆଁ ଲାଗି ଥିଲା ଯେ ଗଧକୁ ଓଲଟା ବୁଦ୍ଧି ଦେଇଥିଲି । ଫଳରେ ମୋତେ ହିଁ ଜୀବନ ଦେବାକୁ ପଡିଲା । ଭଲ କରିବାକୁ ଯାଇ ଓଲଟା ଫଳ ହେଲା ।

ଆଧାର ଓଡ଼ିଆ ଗପ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate