অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଜଳବାୟୁ ପରିବର୍ତ୍ତନ (ବାୟୁମଣ୍ଡଳ)

ବାୟୁ କଣ

(ଏକଥା ସମସ୍ତେ ସ୍ଵୀକାର କଲେଣି ଯେ ଆମ ଜଳବାୟୁରେ ପରିବର୍ତ୍ତନ ଘଟିଛି ଓ ଏଥିପାଇଁ ଅନେକ ପ୍ରାକୃତିକ ବିଭ୍ରାଟ ଘଟିଛି  । ଏଣୁ ଜଳବାୟୁ ପରିବର୍ତ୍ତନର ମୁଖ୍ୟ ଉପାଦାନଗୁଡିକୁ ବୁଝିବା ଏକାନ୍ତ ଆବଶ୍ୟକ )

ବାୟୁ ବିନା ମନୁଷ୍ୟ ବଞ୍ଚିବା ଅସମ୍ଭବ  । ଆମେ ଯାହା ପ୍ରଶ୍ଵାସରେ ଗ୍ରହଣ କରୁ ତାକୁ ହିଁ ବାୟୁ ବାଲି ଜାଣୁ  । ଏହି ଯେଉଁ ବାୟୁକୁ ଆମେ ପ୍ରଶ୍ଵାସରେ ଗ୍ରହଣ କରୁ ତାହା ଆମେ ବାଯୁମଣ୍ଡଳରୁ ପାଇଥାଉ ତାହାକୁ ଅକ୍ସିଜେନ ବା ଅମ୍ଳଜାନ ବୋଲି କୁହାଯାଏ  । ବାୟୁ ଆମ ଦେହରେ ବାଜିଲେ ଆମର ସ୍ପର୍ଶ ଶକ୍ତିଦ୍ଵାରା ଆମେ ତାହା ଥଣ୍ଡା କି ଗରମ ଜାଣିପାରୁ   । ଶୀତ ଦିନେ ଥଣ୍ଡା ଓ ଗରମ ଦିନେ ଗରମ ବାୟୁ ଆମେ ପାଇଥାଉ  । ପୃଥିବୀର ସ୍ଥଳଭାଗ ବା ଜଳଭାଗଠାରୁ ଆମେ ପ୍ରାୟ ୯୦୦ କିଲୋମିଟର ଉପରକୁ ଉଠିଗଲେ ବାୟୁମଣ୍ଡଳକୁ ଟପିଯାଉ ;  ତେଣୁ ସେଠାରେ ଆକ୍ସିଜେନ ବା ଅମ୍ଳଜାନ ଥଳୀର ଆବଶ୍ୟକତା ପଡେ  । ସେଥିପାଇଁ ମହାକାଶଚାରୀମାନେ ମହାକାଶକୁ ଯିବା ସମୟରେ ଅମ୍ଳଜାନଥଳୀ ସାଙ୍ଗରେ ନେଇ ଯାଇଥାଆନ୍ତି  । ଏହାଛଡା ବାଯୁମଣ୍ଡଳ ମଧ୍ୟରେ କେତେବେଳ କେମିତି ଠାଏ ଠାଏ  ବାୟୁ ଶୂନ୍ୟ ରହେ  । ସେଥିପାଇଁ ଉଡାଜାହାଜଟି ଉଡୁଥିବାବେଳେ ସେହି ଜାଗାକୁ ପଶି ଆସିଲେ ହଠାତ୍ ତଳକୁ ଖସିଆସେ  ଏବଂ ଯେଉଁଠାରେ ବାଯୁମଣ୍ଡଳ ଠାଏ ସେହିଠାରେ ପୁଣି ଉଡିବାକୁ ଆରମ୍ଭ କରେ  । ସେତେବେଳେ ଉଡାଜାହାଜଟି ତଳକୁ ଖସିପଡିଲା ପରି ମନେହୁଏ  । ଉଡାଜାହାଜରେ ବସି ଯାଉଥିବା ଯାତ୍ରୀମାନେ ସେ ସମୟରେ ଡରି ଯାଆନ୍ତି  ।

ମେଘା ବା ବର୍ଷା

ବାୟୁର କୌଣସି ଆକାର ନାହିଁ  । ନିୟମ ଅନୁସାରେ ଏହାର ପରିବର୍ତ୍ତନ ଲାଗିରହିଛି  । କେତେବେଳେ ଏହା ଥଣ୍ଡା ଓ କେତେବେଳେ ଏହା ଗରମ  । ବର୍ଷାଦିନେ ଏହାର ରୂପ ସମ୍ପୂର୍ଣ୍ଣ ଅଲଗା  । ଏହିଦିନେ ଆକାଶରେ ମେଘା ଘୋଟିଆସେ  । କେତେବେଳେ ଘଡଘଡି ସହ, କେତେବେଳେ କେବଳ ମୁଷଳ ଧାରାରେ ବର୍ଷା ହୁଏ  । ବର୍ଷା ହେବା ପୂର୍ବରୁ ବାଯୁମଣ୍ଡଳରେ ଅଧିକ ଜଳୀୟ ବାଷ୍ପ ଠାଏ  । ଏହା ଅଧିକ ଥଣ୍ଡା ହେଲେ ଜଳବିନ୍ଦୁରେ ପରିଣତ ହୋଇ ବର୍ଷା ହୋଇଥାଏ  । ପୃଥିବୀ ପାଇଁ ଏହାର ଆବଶ୍ୟକତା ବହୁତ ବେଶୀ  । କୃଷିକାର୍ଯ୍ୟ ବର୍ଷା ଉପରେ ନିର୍ଭର କରେ  ।

ବାତ୍ୟା ଓ ଝଡ ବତାସ

କୌଣସି ସ୍ଥାନର ବାୟୁ ଖୁବ୍ ଗରମ ହୋଇଗଲେ ତାହା ହାଲୁକା ହୋଇଯାଏ  । ଏହି ହାଲୁକା ବାୟୁ ଉଠିଯାଏ; ତେଣୁ ସେହି ସ୍ଥାନ ପୂରଣ କରିବା ପାଇଁ ଆଖପାଖ ଅଞ୍ଚଳରୁ ଖୁବ୍ ଜୋରରେ ବାୟୁ ସେଟାକୁ ମାଡିଆସେ  । ସେହି ସମୟରେ ଝଡ ବା ବାତ୍ୟାର ସୃଷ୍ଟି ହୋଇଥାଏ  । ଏହା କେତେବେଳେ ଧୀର ଆଉ କେତେବେଳେ ପ୍ରବଳ ରୂପ ଧରେ  । ଏହାଦ୍ଵାରା ବହୁ ଧାନ ଜୀବନ ନଷ୍ଟ ହୁଏ  ।

କୁହୁଡି

ଅନେକ ସମୟରେ ଶୀତଦିନେ କୁହୁଡି ପଡେ  । ସେ ସମୟରେ ରାସ୍ତାରେ ଯାନବାହାନ ଆଦି ଯିବା ଆସିବା କରିବା କଷ୍ଟକର ହୋଇପଡେ  । ସାମନାରେ ଆଠ, ଦଶ ହାତ ପରଠାରୁ ଆଦୌ କିଛି ଦେଖାଯାଏ  ନାହିଁ  । କେବଳ ଧୂଆଁଳିଆ ଜଣାପଡେ  । ଶୀତ ଦିନେ ବାୟୁ ଅଧିକ ଥଣ୍ଡା ରହେ  । ବାୟୁରେ ଥିବା ଜଳୀୟ ବାଷ୍ପ ଧୂଳିକଣା ସହ ମିଶି ଅଧିକ ଥଣ୍ଡା ହୋଇ ଖୁବ୍ ସାନ ସାନ ଜଳ ବିନ୍ଦୁରେ ପରିଣତ ହୁଏ  । ଏହି ଜଳବିନ୍ଦୁ ଧୂଳିକଣାରେ ଲାଗି ବାୟୁରେ ଭାସେ  । ସେ ସମୟରେ ଏହା ଧୂଆଁଳିଆ ଦିଶେ  । ଏହା ହେଉଛି କୁହୁଡି  ।

ଧୂଳିକଣା

ଜୋର ପବନ ବହିଲେ ଧୁଳି ରାସ୍ତାଘାଟରୁ ଉପରକୁ ଉଡିବୁଲେ  । ଏହା ବାଯୁମଣ୍ଡଳରେ ମିଶିଳା ପରେ ଧୂଳିକଣାର ସୃଷ୍ଟି ହୁଏ  । ଗୋଟିଏ ଅନ୍ଧାର ଘରେ ସୂର୍ଯ୍ୟକିରଣ ପଡିଲେ ଏହି ଧୂଳିକଣାଗୁଡିକ ଦେଖିବାକୁ ମିଳନ୍ତି  । ସଦାସର୍ବଦା ବାୟୁରେ ଅସଂଖ୍ୟ ଧୂଳିକଣା ପୂରି ରହିଛି  ।

“ବର୍ତ୍ତମାନର ପରିବେଶ ବ୍ୟବସ୍ଥା ଯେଉଁ ସ୍ତରକୁ ଆସିଛି ତାହା ଯଦି ଆଜିଠୁ ସଜଡା ନହୁଏ, ତେବେ ଭବିଷ୍ୟତ ଆଜିର ସଚେତନ ନାଗରିକମାନଙ୍କୁ ଦାୟୀ କରିବ  ।”

ସଂଗୃହୀତ – ପ୍ରଫେସର ପଦ୍ମଲୋଚନ ନାୟକ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate