অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବାୟୋ ଟଏଲେଟ୍ ଟ୍ରେନ୍

ବାୟୋ ଟଏଲେଟ୍ ଟ୍ରେନ୍

ବାୟୋ ଟଏଲେଟ୍

ଟ୍ରେନରୁ ଖୋଲା ପାଇଖାନା ହଟାଇ ବାୟୋ ଟଏଲେଟ୍ ବ୍ୟବସ୍ଥା କରିବା ଲାଗି ରେଳ ବିଭାଗ ପ୍ରୟାସ ଜାରି ରଖିଛି | ଅନେକ ଟ୍ରେନ୍ ର କେତେକ ବଗିରେ ବାୟୋ-ଟଏଲେଟ୍ ବ୍ୟବସ୍ଥା କରାଯାଉଥିବା ବେଳେ ଅନ୍ୟ କେତେକ ଟ୍ରେନ୍ ରେ ସବୁ ବଗିରେ କେବଳ ବାୟୋ ଟଏଲେଟ୍ ଲଗାଯାଉଛି | ଫଳରେ ଏହି ଟ୍ରେନରୁ ମଇଳା ପଡି ଟ୍ରାକ୍ ଓ ଷ୍ଟେସନ୍ ଅଂଚଳ ଅପରିସ୍କାର ହେବ ନାହିଁ | ଏହି ଟ୍ରେନ୍ କୁ ଗ୍ରୀନ୍ ଟ୍ରେନ୍ ବୋଲି କୁହାଯାଉଛି | ରାଜ୍ୟରେ ପ୍ରଥମ ଏହି ପରି ଟ୍ରେନ୍ ପୁରୀରୁ ଚାଲିଲା | ପୁରୀ-ଓଖା ଏକ୍ସପ୍ରେସରେ ଏହି ବ୍ୟବସ୍ଥା କରାଯାଇଛି |

ସ୍ୱଚ୍ଛ ଭାରତ

ସ୍ୱଚ୍ଛ ଭାରତ ଅଧିନରେ ଟ୍ରେନ୍ ଗୁଡିକରେ ଏଭଳି ବ୍ୟବସ୍ଥା କରାଯାଉଛି | ଗତ ୨୦ ତାରିଖ ଦିନ ପୁରୀ-ଓଖା ଟ୍ରେନ୍ ରେ ଏହି ବ୍ୟବସ୍ଥାକୁ ରେଳବାଇ ଅଧିକାରୀମାନେ ପତକା ହଲାଇ ଉଦଘାଟନ କରିଥିଲେ | ଏହି ଅବସରରେ ଖୋର୍ଦ୍ଧା ରୋଡ୍ ଡିଭିଜନାଲ୍ ରେଲୱେ ମ୍ୟାନେଜର(ଡିଆରଏମ୍) କହିଥିଲେ,

ଟ୍ରେନରେ ଖୋଲା ପାଇଖାନା ରହିବା ଯୋଗୁଁ ରେଳ ଧାରଣା ଓ ଷ୍ଟେସନ୍ ଅଂଚଳରେ ମଳମୂତ୍ର ପଡୁଛି | ଧୀର ଧୀରେ ଏହି ଖୋଲା ପାଇଖାନାକୁ ହଟାଇ ଦିଆଯାଉଛି | ପୁରୀ-ଓଖା ଏକ୍ସପ୍ରେସ୍ ରେ ମଧ୍ୟ ରେଳଯାତ୍ରୀମାନଙ୍କ ପାଇଁ ବାୟୋ ଟଏଲେଟ୍ ର ସୁବିଧା କରାଯାଇଛି | ଏହି ବ୍ୟବସ୍ଥା ଅନ୍ୟ କେତେକ ଟ୍ରେନ୍ ରେ ମଧ୍ୟ କରାଯିବାକୁ ସ୍ଥିର କରାଯାଇଛି |

ଟ୍ରେନରେ ଖୋଲା ପାଇଖାନାକୁ ହଟାଇବା ଲାଗି ଓଡିଶାର ଜଣେ ସାମାଜିକ କର୍ମୀ ଶ୍ରୀ ଅଖଣ୍ଡ ଜାତୀୟ ମାନବାଧିକାର କମିଶନଙ୍କ ନିକଟରେ ୨୦୧୩ରେ ନିବେଦନ କରିଥିଲେ | ଏହାର ଜାବବରେ ରେଳବାଇ କହିଥିଲା ୨୦୨୧-୨୨ ବେଳକୁ ସବୁ ଟ୍ରେନରୁ ଖୋଲା ପାଇଖାନା ହଟାଇ ବାୟୋ ଟଏଲେଟ୍ ଲାଗିବ | ପୁଣି ୨୦୧୬-୧୭ରେ ତିଆରି ହେଉଥିବା ସବୁ ବଗିରେ ବାୟୋ ଟଏଲେଟ୍ ହିଁ ଲାଗିବ | ଧୀରେ ଧୀରେ ଏହି ପ୍ରକ୍ରିୟା ଚାଲିଛି | ତେବେ ପୁରୀ-ଓଖା ଟ୍ରେନ୍ ରେ ସଂପୂର୍ଣ ବାୟୋ ଟଏଲେଟ୍ ବ୍ୟବସ୍ଥାକୁ ସେ ସ୍ୱାଗତ କରିଛନ୍ତି |

ରେଳବାଇର ସିନିୟର ଡିଭିଜନାଲ୍ ମ୍ୟାନେଜର ଏଚ.ଆର୍. ସାହୁ କହିଛନ୍ତି,

ପୁରୀ-ଓଖା ଟ୍ରେନ୍ ଦୁଇଟି ପ୍ରମୁଖ ତୀର୍ଥସ୍ଥଳକୁ ସଂଯୋଗ କରୁଥିବାରୁ ପ୍ରଥମେ ଏହି ସୁବିଧା ଉପଲବ୍ଧ କରାଯାଇଛି | ଏଥିରେ ଗୋଟିଏ ଦ୍ୱିତୀୟ ଶ୍ରେଣୀ ଏସି, ୩ଟି ତୃତୀୟ ଶ୍ରେଣୀ ଏସି, ୯ ସ୍ଲିପର କୋଚ୍, ୭ ଜେନେରାଲ୍ କୋଚ୍ ସହ ଗୋଟିଏ ପ୍ୟାଣ୍ଟ୍ରି କାର୍ ରହିଛି | ପୂର୍ବରୁ ଏହି ଟ୍ରେନ୍ ର ଟଏଲେଟ୍ ଆବର୍ଜନା ଟ୍ରାକ୍ ରେ ପଡି ଅଭାବନୀୟ ପରିସ୍ଥିତି ସୃଷ୍ଟି ହେଉଥିଲା | ଏବେ ସେଥିରୁ ମୁକ୍ତି ମିଳିବ |

ବାୟୋ ଟଏଲେଟ୍ ବ୍ୟବସ୍ଥା ଯୋଗୁଁ ମଇଳା ବାହାରେ ପଡିବ ନାହିଁ | ଆବର୍ଜନା ଏକ ବାୟୋ ଡାଇଜେଷ୍ଟର ଟାଙ୍କିରେ ସଂଗୃହୀତ ହେବ | ଟାଙ୍କିରେ ଥିବା ବ୍ୟାକ୍ଟେରିଆ କଠିନ ଆବର୍ଜନାକୁ କ୍ଲୋରିନ୍ ସଂକ୍ରମଣ ରହିତ ତରଳ ପଦାର୍ଥରେ ପରିଣତ କରିବ | ଏହାକୁ ଯେ କୌଣସି ଯାଗାରେ ଫିଙ୍ଗି ଦେଲେ ମଧ୍ୟ ଏହା କ୍ଷତିକାରକ ହେବ ନାହିଁ |

ତେବେ ବାୟୋ-ଟଏଲେଟ୍ ର ବ୍ୟବହାର ଶୈଳୀ ଜାଣିବା ପାଇଁ ଲୋକଙ୍କୁ ସଚେତନ କରାଇବାକୁ ପଡିବ | ପୁଣି ଏହାର ଠିକ୍ ରକ୍ଷଣାବେକ୍ଷଣ କରାନଗଲେ ଏହା ଚୋକ୍ ହୋଇ ଯିବାର ସମ୍ଭାବନା ରହିଛି | ଏଥିପ୍ରତି ମଧ୍ୟ ରେଳବାଇ କର୍ତ୍ତୁପକ୍ଷ ଧ୍ୟାନ ଦେବା ଜରୁରୀ |

ଆଧାର

"yourstory"



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate