অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ସ୍ୱଚ୍ଛ ଭାରତ ମିଶନ ପ୍ରକଳ୍ପରେ ଆବର୍ଜ୍ଜନାରୁ ଶକ୍ତି ଉତ୍ପାଦନ କରାଯିବାକୁ ଗୁରୁତ୍ୱ

ସ୍ୱଚ୍ଛ ଭାରତ ମିଶନ ପ୍ରକଳ୍ପରେ ଆବର୍ଜ୍ଜନାରୁ ଶକ୍ତି ଉତ୍ପାଦନ କରାଯିବାକୁ ଗୁରୁତ୍ୱ

ଉପକ୍ରମ

ମୁଖ୍ୟମନ୍ତ୍ରୀମାନଙ୍କର ଏକ କମିଟି ସ୍ୱଚ୍ଛ ଭାରତ ମିଶନର ବିଭିନ୍ନ ଦିଗ ଉପରେ ତର୍ଜ୍ଜମା କରୁଛି । ଚଣ୍ଡୀଗଡରେ ଏହାର ପ୍ରଥମ ମିଟିଂ ଅନୁଷ୍ଠିତ ହୋଇଥିଲା । ଆବର୍ଜ୍ଜନାରୁ ଶକ୍ତି ଉତ୍ପାଦନ କରିବାକୁ ଗୁରୁତ୍ୱ ଦିଆଯାଇ ଆବର୍ଜ୍ଜନାରୁ ରକ୍ଷା ପାଇବା ପାଇଁ ଉପାୟ ବାହାର କରାଯିବାକୁ ଏଥିରେ ଆଲୋଚନା କରାଯାଇଛି ଓ ଏହା ଉପରେ ଏକ ଅତ୍ୟନ୍ତ ବାସ୍ତବିକ ରିପୋର୍ଟ ପ୍ରଧାନ ମନ୍ତ୍ରୀଙ୍କୁ ପ୍ରଦାନ କରାଯିବ ବୋଲି ଏହି କମିଟି ସ୍ଥିର କରିଛି । ।

ପିଟିଆଇରୁ ମିଳିଥିବା ସୂଚନା ଅନୁସାରେ ଏହି କମିଟିର ଏକ ସବ କମିଟି ଆନ୍ଧ୍ର ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁଙ୍କ ନେତୃତ୍ୱରେ ମହାରାଷ୍ଟ୍ର, ହରିଆନା ଓ ଏଥିରେ ଅଂଶଗ୍ରହଣ କରିଥିବା ଅନ୍ୟ ସାତଟି ରାଜ୍ୟର ପ୍ରତିନିଧିମାନେ ଯୋଗଦେଇ ଆଲୋଚନା କରିଥିଲେ ।

ଆବର୍ଜନାକୁ ଶକ୍ତିରେ ପରିବର୍ତ୍ତନ

ଶକ୍ତି କ୍ଷେତ୍ରରେ କେତେକ ଡେଭଲପର ଅଛନ୍ତି, ଯେଉଁମାନେ କି ଆବର୍ଜ୍ଜନା ସଂଗ୍ରହ କରି ଏହାକୁ ପୃଥକ କରି ପାୱାର ପ୍ଲାଣ୍ଟକୁ ଯୋଗାଇବେ, ଯାହାକି ପରେ ଶକ୍ତି ପରିବର୍ତ୍ତନ କରାଯିବ ବୋଲି ଏହାର ଦ୍ୱିତୀୟ ଅଧିବେଶନ ପରେ ନାଇଡୁ ଗଣମାଧ୍ୟମକୁ ଜଣାଇଛନ୍ତି ।

ଏବଂ ଏହି ଆବର୍ଜନାରୁ ହାଇଡ୍ରୋ, ସୌର କିମ୍ବା ତାପଜ କେଉଁ ପାୱାର ପ୍ଲାଣ୍ଟରେ ବ୍ୟବହାର କରାଯିବ ସେ ନେଇ ଏହାର ମୂଲ୍ୟ ନିର୍ଦ୍ଧାରଣ କରାଯିବ ବୋଲି ସେ କହିଲେ । ଆମେ ଏକ ଦୀର୍ଘ ମିଆଦି ମଡେଲ ପ୍ରସ୍ତୁତ କରିବାକୁ ଯାଉଛୁ । ଆମେ ଆବର୍ଜନାକୁ ଶକ୍ତିରେ ପରିବର୍ତ୍ତନ କରିବାକୁ ଯାଉଛୁ । ସିଙ୍ଗାପୁର ଶୈଳୀରେ ତରଳ ଆବର୍ଜ୍ଜନାକୁ ପାନୀୟ ଉଦେଶ୍ୟରେ କିପରି ବ୍ୟବହାର କରାଯାଇପାରିବ ତାହା ଉପରେ ମଧ୍ୟ ଧ୍ୟାନ ଦିଆଯିବ ।

ଏହା ଏକ ସକରାତ୍ମକ ଓ ଆଶାପୂର୍ଣ୍ଣ ମିଟିଂ ଥିଲା । କେନ୍ଦ୍ରର ବିଭିନ୍ନ ବିଭାଗର ତିନୋଟି ଉପସ୍ଥାପନା ଏଥିରେ ସାମିଲ ହୋଇଥିଲା – ଏକ ବିଶେଷଜ୍ଞମାନଙ୍କ ଦ୍ୱାରା ବ୍ୟବହାର ହେବାକୁ ଥିବା ଜ୍ଞାନକୌଶଳ ଉପସ୍ଥାପନା କରାଯାଇ ରିପୋର୍ଟଟିକୁ କେବଳ ଏହାର ପ୍ରସ୍ତୁତି ଉପରେ ଗୁରୁତ୍ୱ ଦିଆନଯାଇ ଏହାର ବାସ୍ତବିକରୂପ ଉପରେ ଅଧିକ ଗୁରୁତ୍ୱ ଦିଆଯାଇଥିଲା ଓ ସମସ୍ତ ମେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମତାମତ ରଖିଥିଲେ । ଦିଲ୍ଲୀର ଓଖଲାରେ ଆବର୍ଜ୍ଜନାରୁ ୨୦ ମେଗାୱାଟ ଶକ୍ତି ଉତ୍ପାଦନ ହୋଇଥିବାର ଉଦାହରଣ ଦେଇ ନାଇଡୁ କହିଲେ ଏହା ଅତ୍ୟନ୍ତ ଫଳପ୍ରଦ ଥିଲା ଓ ସାରା ବିଶ୍ୱରେ ଏହାଉପରେ ପରୀକ୍ଷଣ କରାଯାଉଛି ଏବଂ ଚୀନ, ୟୁଏସ୍, ଜାପାନ ପରି ଦେଶରେ ଏହିପରି ପ୍ଲାଣ୍ଟ ମାନ କାର୍ଯ୍ୟକରୁଛି ।

ହରିଆଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟାର ପରିମଳକୁ ବିଦ୍ୟାଳୟ ପାଠ୍ୟକ୍ରମରେ ଏକ ବିଷୟ ରଖାଯିବାକୁ କହିଛନ୍ତି । ଯାହାଦ୍ୱାରା କି ଛାତ୍ରଛାତ୍ରୀ ପିଲାବେଳୁ ପରିଷ୍କାର ପରିଛନତା ଉପରେ ଗୁରୁତ୍ୱ ବେବେ ଓ ନିଜର ପରିବେଶକୁ ସଫା ରଖିବାକୁ ଚେଷ୍ଟା କରିବେ ।

ଏତଦ୍ ବ୍ୟତୀତ ଆବର୍ଜ୍ଜନାର ପୁନବ୍ୟବହାର ଉପରେ ଗୁରୁତ୍ୱ ଦିଆଯାଉଛି ଓ ଏଥିରୁ ଶକ୍ତି ଉତ୍ପନ୍ନ ହେବା ଆରମ୍ଭ ହେଲେ ଲୋକମାନେ କମ ଦାମରେ ଶକ୍ତି ପାଇପାରିବେ ବୋଲି ସେ କହିଲେ ।

ଆଧାର:"odia.yourstory.com"

Last Modified : 1/16/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate