অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଶରୀର କ୍ଷତ ହେଲେ ପ୍ରତିକାର

ଉପକ୍ରମ

ଶରୀରର କୌଣସି ଅଙ୍ଗ ଅସ୍ତ୍ର ଦ୍ଵାରା କଟିଗଲେ ବା ଛେଚି ହୋଇଗଲେ କିମ୍ବା ଦୁର୍ଘଟଣାଦ୍ଵାରା କ୍ଷତ ହେଲେ ତହିଁରୁ ରକ୍ତ ସ୍ରାବ ହୋଇଥାଏ । ଏହି ଅବସ୍ଥାରେ ପ୍ରଥମେ ଗେଣ୍ଡୁପତ୍ର ପୁଳାଏ ଆଣି ତହିଁରୁ ଅଧେ ଛେଚି ରସ ବାହାର କରି ସେହି ରସକୁ ତୁଳାରେ ବୁଡାଇ କ୍ଷତସ୍ଥାନକୁ ପରିଷ୍କାର କରି ପୋଛିବ । ଆଉ ଅଧେ ଗେଣ୍ଡୁପତ୍ର ଛେଚି ସେହି ପତ୍ରକୁ କ୍ଷତ ଉପରେ ସ୍ଥାପନ କରି ତୁଳା ଓ କପଡା ଦ୍ଵାରା ପଟି ବାନ୍ଧି ରଖିବା । ରକ୍ତସ୍ରାବ ଅଧିକ ହେଉଥିଲେ ପଇଡ ପାଣି ପିଇବାକୁ ଦେବା ଉଚିତ୍ କିମ୍ବା ବିଶଲ୍ୟକରଣୀ ପତ୍ର ରସ ପଚିଶିଗ୍ରାମ ସହିତ ସମାନଭାଗ ଚିନି ମିଶାଇ ଖାଇବାକୁ ଦେଲେ ରକ୍ତସ୍ରାବ ବନ୍ଦ ହୋଇଥାଏ । ଏହାଦ୍ଵାରା ଯନ୍ତ୍ରଣା ଉପଶମ ହୋଇ ଦୁଇଦିନରେ ଘା ଶୁଖିଯାଏ । ସିଲାଇ କରିବା ଦରକାର ହୁଏ ନାହିଁ । ରୋଗୀକୁ ଦୁଗ୍ଧ ପାନ କରାଇବା ଉଚିତ୍ । କ୍ଷତ ଅଧିକ ଥିଲେ ଦୁଇଦିନ ପରେ ଆଉଥରେ ଗେଣ୍ଡୁପତ୍ର ରସରେ ପଟି ବାନ୍ଧିବା ଉଚିତ୍ ।

ଆଘାତଦ୍ଵାରା ମକଚି ହୋଇ ଫୁଲା ଓ ବିନ୍ଧା ହେଲେ ଉପାୟ

ଶରୀରର କୌଣସି ସ୍ଥାନରେ ଆଘାତ ହେଲେ ଅସ୍ଥିଭଗ୍ନର ଆଶଙ୍କା କମ୍ ଥାଏ । କିନ୍ତୁ ଗଣ୍ଠି ଓ ଅସ୍ଥିମୟ ସ୍ଥାନରେ ଯନ୍ତ୍ରଣା ଅଧିକ ହେଲେ ଅସ୍ଥିଭଗ୍ନ ଆଶଙ୍କା ଅଧିକ ଥାଏ । ଏହିଭଳି ପରିସ୍ଥିତିରେ ଏକ୍ସରେ କରାଇ ପଟି ବାନ୍ଧିଲେ ଭଲ । ଯଦିକେବଳ ଫୁଲା ଓ ଦରଜ ଉପସ୍ଥିତ ହୋଇଥାଏ ତେବେ ନିମ୍ନଲିଖିତ ବ୍ୟବସ୍ଥା ଗ୍ରହଣ କରିବା ଉଚିତ୍

  • କଞ୍ଚା ତେନ୍ତୁଳିକୁ ନେଇ ରଡ ନିଆଁରେ ପକାଇବ । ଦଶମିନିଟ୍ ପରେ ଆଣି ଶିଳରେ ଛେଚି ତହିଁରେ ଦଶ ଗ୍ରାମ୍ ଲୁଣ ମିଶାଇ ଫୁଲା ସ୍ଥାନରେ ଲେପଦେଇ ପଟି ବାନ୍ଧିରଖିବ । ରାତିରେ ଶୋଇଲାବେଳେ ଏହି ପଟିବାନ୍ଧି ସକାଳୁ ଖୋଲିଦେବା ଉଚିତ୍ । ଏହିପରି ତିନିଦିନ ବାନ୍ଧି ରଖିଲେ ଫୁଲା ଦରଜ ଆରୋଗ୍ୟ ହୋଇଥାଏ ଏବଂ ସଦ୍ୟ ଗାଈ ଗୋବରକୁ ଫୁଲା ସ୍ଥାନରେ ବାନ୍ଧି ରଖିଲେ ଉତ୍ତମ ଫଳ ମିଳିଥାଏ ।

ଅସ୍ଥିଭଗ୍ନକୁ ଉପାୟ

ହାଡ ଭାଙ୍ଗି ଯାଇଥିଲେ ଏକ୍ସରେ କରାଇ ପ୍ରଥମେ ହାଡକୁ ଠିକ୍ ଯାଗାରେ ସେଟ୍ କରି ପଟିବାନ୍ଧିବା ପରେ ନିମ୍ନଲିଖିତ ଔଷଧ ସେବନ କରିବା ଉଚିତ୍ ।

ହାଡଶିଖୁଲା ପତ୍ର, ଅର୍ଜୁନଛେଲି, ଲାକ୍ଷା, ଗହମ, ଘିଅ, ମହୁ ପ୍ରତ୍ୟେକ ଶହେଗ୍ରାମ ମାତ୍ରାରେ ନେଇ ଏକତ୍ର ମର୍ଦ୍ଦନ କରି ରଖିବ । ମାତ୍ରା ଦଶଗ୍ରାମ । ଦିନକୁ ଦୁଇପାନ ସେବନ କଲେ ଭଙ୍ଗାହାଡ ଯୋଡିହୁଏ ଏବଂ ଇଟାକୁ ଗୁଣ୍ଡ କରି ଦୁଧରେ ଗୋଳାଇ ପ୍ରଲେପ ଦେଲେ ଅସ୍ଥିଭଗ୍ନ ଦୂର ହୁଏ ।

ଅଗ୍ନିଦଗ୍ଧକୁ ଉପାୟ

ଶରୀରର କୌଣସି ସ୍ଥାନ ଅଗ୍ନିରେ ପୋଡ଼ିଗଲେ ବା ଗରମପେଜ ବା ଗରମ ତେଲ ପଡି କ୍ଷତ ସୃଷ୍ଟି ହେଲେ ଜ୍ଵାଳା ଓ ଯନ୍ତ୍ରଣା ଉପସ୍ଥିତ ହୋଇଥାଏ । ଏହାର ପ୍ରତିକାର ପାଇଁ ସଙ୍ଗେ ସଙ୍ଗେ ଖଣିଜତୈଳ ଯଥା- କିରୋସିନ, ଡିଜେଲ ବା ପେଟ୍ରୋଲକୁ କ୍ଷତସ୍ଥାନରେ ଢାଳିବେ କିମ୍ବା ତୁଳାରେ ବୁଡାଇ ଭିଜାଇରଖିବେ । ଏହାପରେ କଞ୍ଚାଆଳୁକୁ ବାଟି ପ୍ରଲେପ ଦେଲେ ଯନ୍ତ୍ରଣା ଶାନ୍ତ ହୁଏ ଓ ଫୋଟକା ହୁଏ ନାହିଁ ।

କ୍ଷତ ସୃଷ୍ଟି ହେଲେ – ଅଶ୍ଵତଥ ବୃକ୍ଷର ଛେଲିକୁ ସୂକ୍ଷ୍ମ ଚୂର୍ଣ୍ଣ କରି କ୍ଷତଉପରେ ପ୍ରଲେପ ଦେଲେ ଖୁବ୍ ଶୀଘ୍ର ଆରୋଗ୍ୟ ମିଳିଥାଏ ।

କୁକୁର, ବିଲୁଆ, ମାଙ୍କଡ କାମୁଡିଲେ

କଲରାପତ୍ର ରସ ଦଶଗ୍ରାମ ସକାଳୁ ଖାଲିପେଟରେ ପାନ କରିବ ଏବଂ ଏହି କଲରା ପତ୍ର ରସକୁ କ୍ଷତସ୍ଥାନରେ ଲଗାଇବ କିମ୍ବା ସାତଗୋଟି ଅରଖ ଫୁଲ ଅରୁଆ ଚାଉଳ ଦଶଗ୍ରାମ ସହିତ ଚୋବାଇ ଖାଇବ । ଏହା ପ୍ରଥମ ଦିନର ବ୍ୟବସ୍ଥା । ଦ୍ଵିତୀୟ ଦିନ ଛଅଟି ଫୁଲ, ତୃତୀୟ ଦିନ ପାଞ୍ଚଟି ଫୁଲ ଏହିପରି ଗୋଟିଏ ଲେଖା କମାଇ ସାତଦିନ ପର୍ଯ୍ୟନ୍ତ ଖାଇବ ଏବଂ କ୍ଷତସ୍ଥାନରେ ଅର୍କକ୍ଷୀର ଲଗାଇବ ।

ଆଧାର

ଓଡିଶା ଆୟୁର୍ବେଦ ସେବା ସଦନ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate