ଗର୍ଭବତୀ ସତର୍କ ରହିବା ଆବଶ୍ୟକ

ଉପକ୍ରମ

ଖରାଦିନେ ସାଧାରଣ ମହିଳାଙ୍କ ଅପେକ୍ଷା ଗର୍ଭବତୀଙ୍କ ଶରୀରର ତାପମାତ୍ରା ଅଧିକ ରହେ । ଏଥିଯୋଗୁ ଶରୀରରୁ ଅଧିକ ଝାଳ ବାହାରେ, ଥକା ଲାଗେ ଓ ବାନ୍ତି ହୁଏ । ଏ ସମୟରେ ଗର୍ଭବତୀ ନିଜକୁ ଯେତେ କୁଲ୍ ରଖିବେ ସେତେ   ଭଲ ।

ଡିହାଇଡ୍ରେଶନ୍

ଶରୀରକୁ ଥଣ୍ଡା ରଖିବା ଲାଗି ସୂତା କପଡାର ଡ୍ରେସ କିମ୍ବା ଶାଢି ପିନ୍ଧିବା ଆବଶ୍ୟକ । ଯଦି ଗର୍ଭାବତୀକର୍ମଜୀବୀ ହୋଇଥାନ୍ତି ତେବେ ସକାଳ ୧୧ ଟାରୁ ଦିନ ୪ ଟା ପର୍ଯ୍ୟନ୍ତ ବାହାରକୁ ଯିବାଠୁ ଦୂରେଇ ରୁହନ୍ତୁ । କାରଣ ଏ ଦିନେ ଶରୀରରୁ ଅଧିକ ଝାଳ ବାହାରିବା ଯୋଗୁ ଜଳୀୟଅଂଶ କମିଯାଏ । ଫଳରେ ପାଟି ଶୁଖିଯାଏ, ହାଲିଆଲାଗେ, କୌଣସି କାମ କରିବା ଲ୍ଲାଗୀ ଇଚ୍ଛା ହୁଏନି, ପରିସ୍ରା ହଳଦିଆହେବାଭଳି କେତେକ ସମସ୍ୟା ଦେଖାଯାଏ । ଯଦି ଏଭଳି ସମସ୍ୟା ଦେଖାଯାଏ ତେବେ ତାଙ୍କୁ ଡିହାଇଡ୍ରେଶନ୍ ହୋଇଛି ବୋଲି ଧରି ନିଆଯିବ ।  ଡିହାଇଡ୍ରେଶନ୍ ଦୂର ଲାଗି ପ୍ରଚୁର ପାଣି ଘୋଳଦହି, ଲେମ୍ବୁ ଚିନିଲୁଣ ପାଣି ପିଇବା ଆବଶ୍ୟକ । ଅ ତଟକା ଫଳ, କାକୁଡି ଓ ତରଭୁଜ ଆଦି ଖାଇବା ଦରକାର । ଏଦିନେ ଝାଳ ବାହାରିବା ଯୋଗୁ ଘିମିରି ହେବା, ଶରୀରରେ ପୋଡାଜଳା ଆଦିର ଆଶଙ୍କା ରହିଛି । ଏଥିପାଇଁ ଫଙ୍ଗାଲ ଇନଫେକଶନ୍ ହୋଇପାରେ । ଏହି ଫଙ୍ଗାଲ ଇନଫେକଶନ୍ ଦୂର କରିବାକୁ ହେଲେ ବଜାରରେ ଆଣ୍ଟି ଫଙ୍ଗାଲ ପାଉଡର ମିଳୁଛି ଯାହାକୁ ଲଗାଇବା ଦ୍ଵାରା ସୁଫଳ ମିଳିଥାଏ । ଏହି ଦିନରେ ଗର୍ଭବତା ଯଦି ଦୁଇଥର ଗାଧାନ୍ତି କିଛି ଅସୁବିଧା ନାହିଁ । ଡ୍ରେସ ପିନ୍ଧିବା ସମୟରେ ଟାଇଟ୍ ଏବଂ ସିନ୍ଥିଟିକ୍ ଲୁଗାଠାରୁ ଦୂରେଇ ରହିବା ଆବଶ୍ୟକ ।

ବ୍ୟାୟାମ

ଯଦି ବ୍ୟାୟାମ କରୁଥାନ୍ତି ଷ୍ଟ୍ରେସ ନେଲା ଭଳି ବ୍ୟାୟାମ କରନ୍ତୁ ନାହିଁ । ଅବଶ୍ୟ ଉପୟୁକ୍ତ ବିଶ୍ରାମ ନେବା ଆବଶ୍ୟକ । ଦ୍ଵିପ୍ରହର ସମୟରେ ମଧ୍ୟାହ୍ନଭୋଜନ ପରେ ୧ ରୁ ୨ ଘଣ୍ଟା ଏବଂ ରାତିରେ ଛଅରୁ ଆଠ ଘଣ୍ଟାଶୋଇବା ଦରକାର । ଯେତେ ସମ୍ଭବ ଚିନ୍ତାଗସ୍ତତାଠାରୁ ଦୂରେଇ ରହିବା ଆବଶ୍ୟକ । କାରଣ ଏ ସମୟରେ ଚାପଗ୍ରସ୍ତ ରହିବା ଯୋଗୁ ଇଚ୍ଚ ରକ୍ତଚାପ ହେବାର ଆଶଙ୍କା ଅଧିକ ରହିଛି । ଆଉ ପୁଷ୍ଟିକର ଖାଦ୍ୟ ଖାଇବା ନିହାତି ଆବଶ୍ୟକ । ତେଲମସଲା ଖାଦ୍ୟଠାରୁ ଦୂରେଇ ରହି ପନିପରିବାରେ ପ୍ରସ୍ତୁତ ସନ୍ତୁଳା, ଭର୍ତ୍ତା ଡାଲି ଆଦି ଖାଇବା ଭଲ ।

ଆଧାର

ଧରିତ୍ରୀ