ଗ୍ରୀଷ୍ମରେ ଆଖିର ଯତ୍ନ

ଉପକ୍ରମ

ସୂର୍ଯ୍ୟଙ୍କଠାରୁ ବିକିରଣ ହେଉଥିବା ବାଇଗଣି ରଶ୍ମି (ଅଲଟ୍ରା ଭାଓଲେଟ) ମସିସ ଆଖିର ପ୍ରଭୂତ କ୍ଷତି ଘଟାଇଥାଏ । ଏପରିକି ଦୃଷ୍ଟିଶକ୍ତି ହାନି କରିଥାଏ । ଏଣୁ ଗ୍ରୀଷ୍ମରେ ଆଖିରେ ସ୍ଵତନ୍ତ୍ର ଭାବରେ ଯତ୍ନ ନେବାକୁ ପଡିଥାଏ ।

ସୂର୍ଯ୍ୟକିରଣ

ଆପଣଙ୍କୁ ଯଦି ଦିନସାରା ଖରରେ ବୁଲାବୁଲି କରିବାକୁ ପଡୁଥାଏ, ତା’ହେଲେ ଆପଣଙ୍କ ଆକ୍ଷି ଦିନସାରା କ୍ଷତିକାରକ ସୂର୍ଯ୍ୟକିରଣରୁ ବିକିରିଟ ଅଲଟ୍ରା ଭାଓଲେଟ ରଶ୍ମି ସଂସ୍ପର୍ଶରେ ଆସିଥାଏ । ଏହାର ଅର୍ଥ ଆପଣଙ୍କ ଚକ୍ଷୁ ଯେତେ ସୂର୍ଯ୍ୟ କିରଣ ସଂସ୍ପର୍ଶ ଆସିଥାଏ; ଚକ୍ଷୁର କ୍ଷତି ହେବାର ସମ୍ଭାବନା ସେତିକି ଅଧିକ ହେବାର ଆଶଙ୍କା ଥାଏ  ।

ଚକ୍ଷୁ ରୋଗ

ଗବେଷଣାରୁ ଜଣାଯାଇଛି, ଅଲଟ୍ରା ଭାଓଲେଟ ‘ବି’ ର ବିକିରଣ ପରଳ ରୋଗ ଅନ୍ୟାନ୍ୟ ଚକ୍ଷୁ ରୋଗ, ଚକ୍ଷୁ ଚତୁଃପାର୍ଶ୍ଵ ଚର୍ମ କର୍କଟ ରୋଗ, ସ୍ଵଚ୍ଛପଟଳର ସ୍ଵାଭାବିକ ଗୁଣରେ ପରିବର୍ତ୍ତନ, ବୟସଜନିତ ଚର୍ମରେ ଥିବା କଲାଦାଗର ସ୍ଵାଭାବିକ ଗୁଣର ପରିବର୍ତ୍ତନ ଏକ ଆକସ୍ମିକ ମୌଳିକ ଉପାଦାନ । ପ୍ରଚଣ୍ଡ ଖରାରେ ଏହି ଅଲଟ୍ରା ଭାଓଲେଟ ରଶ୍ମି ଅତ୍ୟଧିକ ତୀବ୍ର ହୋଇଥାଏ । ଲୋକମାନେ ଖରାକୁ କ୍ଷତିର ନକରି ସେମାନଙ୍କ ଦୈନନ୍ଦିନକାର୍ଯ୍ୟରେ ବ୍ୟସ୍ତ ରହିଥାନ୍ତି । ସେମାନେ ଭାବି ପାରି ନଥାନ୍ତି ଯେ ଏହି ଖରା ସେମାନଙ୍କ ଆଖି ପାଇଁ ଅତ୍ୟନ୍ତ କ୍ଷତିକାରକ ହୋଇପାରେ । ଆପଣଙ୍କ ବହୁମୂଲ୍ୟ ଆଖିକୁ ଏହି କ୍ଷତିକାରକ ଖରାରୁ ସୁରକ୍ଷା ନିତାନ୍ତ ଆବଶ୍ୟକ । ବିଶେଷ କରି ଏପ୍ରିଲ ଠାରୁ ଜୁନ ମଧ୍ୟରେ ଏହାର ଆବଶ୍ୟକତା ଅଧିକ ।

ଲକ୍ଷଣ

• ଅଧିକ ଖରାରେ ସତର୍କ ନ ରହିଲେ ଆଖି ଲାଲ ପଡିବା, କୁଣ୍ଡେଇ ହେବା, ଅତି ଖରାରେ ଦେଖିବାକୁ ଅସୁବିଧା ହୋଇଥାଏ । ଲୁହର ମାତ୍ରା କମିଯାଇ ଚକ୍ଷୁ ଶୁଷ୍କ ହୋଇଯାଏ । ଏହାଦ୍ଵାରା ଆଖିରେ କିଛି ଜନିଷ ପଡିବା ପରି ଲାଗେ । ଖରାର ପ୍ରଭାବରେ ଆଖିରେ ଆଲର୍ଜି ହୁଏ । ଖରା ପ୍ରଭାବରୁ ଆଖିକୁ ରକ୍ଷା କରିବା ପାଇଁ ବାହାରକୁ କଳା ଚଷମା ପିନ୍ଧି ଯାଆନ୍ତୁ । ଅଲଟ୍ରା ଭାୟୋଲେଟ୍ ରଶ୍ମୀରୁ ବଞ୍ଚାଇପାରିବା ଭଳି ଚଷମା ଲଗାଇଲେ ଅତି ଉତ୍ତମ ।
• ଚକ୍ଷୁ ଶୁଷ୍କ ହୋଇଗଲେ । ଚକ୍ଷୁ  ଡାକ୍ତରଙ୍କ ପରାମର୍ଶ ନିଅନ୍ତୁ । ଚିକିତ୍ସକମାନେ ରାସାୟନିକ ପଦ୍ଧତିରେ ତିଆରି ଲୁହ ଦେଇ ଆଖିର ଶୁଷ୍କତା ଦୂର କରିପାରିଥାନ୍ତି ।
• ଅଧିକ ଖରାରେ ବାହାରକୁ ଯାଆନ୍ତୁ ନାହିଁ । ଯଦି ଯାଉଛନ୍ତି ତେବେ ଆସିଲା ପରେ ଥଣ୍ଡା ପାଣିରେ ଆଖି ଧୋଇ   ଦିଅନ୍ତୁ । ଏହାଦ୍ୱାରା ଆଖିକୁ ଆରମ ଲାଗିବ ।
• ଆଖି ଧୋଇବା ପରେ ଫ୍ୟାନ ରେ ବସନ୍ତୁ, ଏହାଦ୍ୱାରା ଆଖି ଗରମରୁ ରକ୍ଷା ପାଇପାରିବ ।
• ଯଦି ଖରାର ପ୍ରଭାବରେ ଆଖି ପୋଡୁଥାଏ , ତେବେ ଓଦା କପଡାରେ ଆଖି ପୋଛନ୍ତୁ ।
• ଏହା ପରେ ଯଦି ଆଖିରେ କୌଣସି ସମସ୍ୟ ଦେଖାଯାଏ ତାହାହେଲେ ଡାକ୍ତରଙ୍କ ପରାମର୍ଶ ନିଅନ୍ତୁ ।

ନିରାକରଣ

ଉକୁଷ୍ଟ ଧରଣର ରଙ୍ଗିନ ବା କଳା ଚଷମା ପ୍ରଚଣ୍ଡ ଗ୍ରୀଷ୍ମରେ ଆପଣଙ୍କ ମୁଲ୍ୟବାନ ଆଖିକୁ କ୍ଷତି’କାରକ ଅଲଟ୍ରା ଭାଓଲେଟ ‘ବି’ ର ବିକିରଣରୁ ସୁରକ୍ଷା ପ୍ରଦାନ କରିଥାଏ । ଯଦିଓ ଏହି ଚଷମା ବ୍ୟବହାର ଦ୍ଵାରା ଆପଣ ସତ ପ୍ରତିଶତ ସୁରକ୍ଷା ନ ପାଇ ପାରନ୍ତି ତଥାପି ଏହା ଏକ ଉତ୍ତମ ମାଧ୍ୟମ । ବିଜ୍ଞାନର ବିକାଶ ସହିତ ଉନ୍ନତମାନର କଣ୍ଟାକ୍ଟ ଲେନ୍ସ ମଧ୍ୟ ଉଦ୍ଭାବନ ହୋଇସାରିଲାଣି । ଯାହା ଅଲଟ୍ରା ଭାଓଲେଟ ରଶ୍ମିକୁ ଅତିମାତ୍ରା ଅବଶୋଷଣ କରିପାରେ । କଣ୍ଟାକ୍ଟ ଲେନ୍ସ ବ୍ୟବହାର ଦ୍ଵାରା ଆଖିର ସୁରକ୍ଷା ହୋଇପାରେ । କିନ୍ତୁ ଆଖିର ବାହ୍ୟ ସୁରକ୍ଷା ପାଇଁ ରଙ୍ଗିନ ବା କଳା ଚଷମା ବ୍ୟବହାର ଅପରିହାର୍ଯ୍ୟ । ଆମେରିକାର ବିଶିଷ୍ଟ ଆଖି ବିଶେଷଜ୍ଞମାନେ ଏହି କଣ୍ଟାକ୍ଟ ଲେନ୍ସ ଓ ରଙ୍ଗିନ ଚଷମା ଉଭୟ ବ୍ୟବହାର ପାଇଁ ପରାମର୍ଶ ଦେଇଥାନ୍ତି । ଭାରତ ବର୍ଷ ଏକ ଗ୍ରୀଷ୍ମ ପ୍ରଧାନ ଦେଶ ଗ୍ରୀଷ୍ମରେ ଯଥାସମ୍ଭବ ପ୍ରଖର ଖରାରେ କାର୍ଯ୍ୟ କରିବା ବା ଅଧିକ ସମୟ ଖରାରେ ବୁଲିବାର ଦୂରେଇ ରହିବା ଆବଶ୍ୟକ । ଅଲଟ୍ରା ଭାଓଲେଟ ରଶ୍ମି ଅବଶୋଷକ କଣ୍ଟାକ୍ଟ ଲେନ୍ସ ଓ ଉନ୍ନତ ଧରଣର ରଙ୍ଗୀନ ବା କଳା ଚଷମା ପିନ୍ଧି ବାହାରକୁ ବାହାରିବା ଉଚିତ୍ ।ଏୟାର କଣ୍ଡିସନ୍ ର ରୁମ୍ ରେ ବସୁଥିବା ଲୋକ ମନେରଖିବା ଜରୁରୀ ଏୟାର କଣ୍ଡିସନ୍ ରୁ ବାହାରିବା ପରେ ସଙ୍ଗେ ସଙ୍ଗେ ଖରାକୁ ଯିବା ଅନୁଚିତ୍ । କାରଣ ୨୦-୨୨ ଡିଗ୍ରୀ ସେଣ୍ଟିଗ୍ରେଡ୍ ତାପମାତ୍ରାରେ ବସିବା ଯୋଗୁଁ ଶରୀର ଏହାକୁ ଗ୍ରହଣ କରିଥାଏ । ଯଦି ହଠାତ୍ ଖରାକୁ ବାହାରିବେ, ତେବେ ୪୫-୪୬ ଡିଗ୍ରୀ ତାପମାତ୍ରା ଶରୀର ଗ୍ରହଣ କରିପାରେ ନାହିଁ । ଫଳରେ ବିଭିନ୍ନ ଚର୍ମ ରୋଗ ବାହାରିବା ସହିତ ବ୍ୟକ୍ତିକୁ ଅଂଶୁଘାତ ହେବାର ଆଶଙ୍କା ବଢିଯାଏ । ତେଣୁ ଏସିରୁ ବାହାରିବା ପରେ କିଛି ସମୟ ଛାତ ତଳେ ରହନ୍ତୁ । ଯେପରି ଶରୀର ବାହାର ତାପମାତ୍ରାକୁ ଗ୍ରହଣ କରିପାରିବ । ସଙ୍ଗେରେ ପାଣି, ଛତା, ଗାମୁଛା ଧରି ବାହାରକୁ ଯାଆନ୍ତୁ । ଖରାଦିନିଆ ବିଭିନ୍ନ ରୋଗ ଦାଉରୁ ରକ୍ଷା ପାଇବା ପାଇଁ ଖରାପ୍ରତି ସତର୍କ ରହନ୍ତୁ ।

ଡା. ପ୍ରବୀଣ ସୁବୁଦ୍ଧି

ବ୍ରହ୍ମପୁର

ଆଧାର ସମାଜ ୨୬ ଏପ୍ରିଲ ୨୦୧୬