ହୋମ / ସ୍ଵାସ୍ଥ୍ୟ / ନୀତି ଓ ଯୋଜନା / କୋଭିଡ-19 ରେଳବାଇ ଦ୍ୱାରା 2500 ବଗି ଆଇସୋଲେସନ କୋଚ
ସେଆର କରନ୍ତୁ

କୋଭିଡ-19 ରେଳବାଇ ଦ୍ୱାରା 2500 ବଗି ଆଇସୋଲେସନ କୋଚ

ରେଳବାଇ ଦ୍ୱାରା 2500 ବଗି ଆଇସୋଲେସନ କୋଚକୁ ରୂପାନ୍ତରୀତ

ରେଳବାଇ ପ୍ରାଥମିକ ଲକ୍ଷ୍ୟ

ସ୍ୱଳ୍ପ ସମୟ ମଧ୍ୟରେ ରେଳବାଇ ତାହାର ପ୍ରାଥମିକ ଲକ୍ଷ୍ୟର ଅର୍ଦ୍ଧେକ ପୂରଣ କଲା

  • 40000 ଆଇସୋଲେସନ ବେଡ଼ ବ୍ୟବହାର ପାଇଁ ପ୍ରସ୍ତୁତ
  • ପ୍ରତିଦିନ ହାରାହାରି 375 କୋଚକୁ କରାଗଲା ପରିବର୍ତ୍ତନ
  • ସାରା ଦେଶରେ ମିଶନ ମୋଡ଼ରେ ଏହି କାର୍ଯ୍ୟ ହେଲା ସଂପନ୍ନ

2500 ବଗି ଆଇସୋଲେସନ କୋଚକୁ ରୂପାନ୍ତରୀତ

ବୈଶ୍ୱିକ ମହାମାରୀ କରୋନା ସଂକ୍ରମଣ ବିରୋଧରେ ଏବେ ସାରା ଦେଶରେ ସଂଗ୍ରାମ ଜାରି ରହିଥିବା ବେଳେ ଭାରତୀୟ ରେଳବାଇ ଏହି କାର୍ଯ୍ୟରେ ତା’ର ଦାୟିତ୍ୱ ସଂପାଦନ କରିଚାଲିଛି । ଏଭଳି ଜାତୀୟ ପ୍ରୟାସରେ ରେଳଭାଇ ନିଜର ସକଳ ସାମର୍ଥ୍ୟ ଓ ସଂପଦକୁ ଉପଯୋଗ କରିଛି । ଫଳରେ ଅତି କମ ସମୟ ମଧ୍ୟରେ ପ୍ରାଥମିକ ପର୍ଯ୍ୟାୟରେ 5000ଟି କୋଚକୁ ଆଇସୋଲେସନ ୱାର୍ଡ଼ରେ ପରିଣତ କରିବା ନିମନ୍ତେ ଏହା ଉପରେ ଦିଆଯାଇଥିବା ଦାୟିତ୍ୱ ମଧ୍ୟରୁ ଏବେସୁଦ୍ଧା ରେଳବାଇ 2500ଟି କୋଚ ଏଥି ନିମନ୍ତେ ପ୍ରସ୍ତୁତ କରିଛି ।

ଲକଡାଉନ୍‌ ସମୟରେ, ଯେତେବେଳେ କି ମାନବ ସମ୍ବଳ ସୀମିତ ହୋଇପଡ଼ିଛି ଏବଂ ଏହାକୁ ଅତି ସୀମିତ ଭାବେ ଏବଂ ପର୍ଯ୍ୟାୟ ଭିତ୍ତିରେ ଉପଯୋଗ କରାଯାଉଛି, ସେତେବେଳେ ରେଳବାଇର ବିଭିନ୍ନ ଜୋନ ଏତେ ସଂଖ୍ୟକ କୋଚକୁ ଆଇସୋଲେସନ ୱାର୍ଡ଼ରେ ପରିଣତ କରି ଏକ ଅସମ୍ଭବ କାର୍ଯ୍ୟକୁ ସମ୍ଭବପର କରିପାରିଛନ୍ତି । ଏବେ ପ୍ରାୟ 2500ଟି କୋଚକୁ ଏଭଳି ପରିବର୍ତ୍ତନ କରାଯିବା ଦ୍ୱାରା, କରୋନା ସଂକ୍ରମିତଙ୍କ ସକାଶେ 40,000 ଆଇସୋଲେସନ ବେଡ଼ ବ୍ୟବହାର ପାଇଁ ପ୍ରସ୍ତୁତ ହୋଇପାରିଛି ।

ଥରେ ଏଭଳି କୋଚର ନମୁନା ଢ଼ାଂଚା (ପ୍ରୋଟୋ ଟାଇପ୍‌)କୁ ମଞ୍ଜୁରି ମିଳିବା ପରେ ଏହାର ପରିବର୍ତ୍ତନ କାର୍ଯ୍ୟ ଜୋନାଲ ରେଳବାଇ ଦ୍ୱାରା ଆରମ୍ଭ ଯଥାଶୀଘ୍ର ଆରମ୍ଭ କରାଯାଇଥିଲା । ପ୍ରତ୍ୟେକ ଦିନ ହାରାହାରି 375ଟି ଲେଖାଏଁ କୋଚକୁ ଭାରତୀୟ ରେଳବାଇ ଆଇସୋଲେସନ ୱାର୍ଡ଼ ଭାବେ ରୂପାନ୍ତରୀତ କରିଥିଲା । ଏହି କାର୍ଯ୍ୟ ଦେଶର 133ଟି ସ୍ଥାନରେ ରେଳବାଇ ଦ୍ୱାରା ସଂପାଦନ କରାଯାଉଛି।

ଏହି କୋଚଗୁଡ଼ିକୁ ମେଡ଼ିକାଲ ଉପଦେଶିକା ମୁତାବକ ସମସ୍ତ ଚିକିତ୍ସା ସାଧନରେ ସଜ୍ଜିତ କରାଯାଇଛି । ଆଇସୋଲେସନ କୋଚରେ ସବୁ ପ୍ରକାର ଉପଦେଶିକା ଓ ଆବଶ୍ୟକତା ମୁତାବକ ରୋଗୀ ତଥା ସେମାନଙ୍କ ଚିକିତ୍ସା କାର୍ଯ୍ୟରେ ନିୟୋଜିତ ଡାକ୍ତର ଓ ଅନ୍ୟାନ୍ୟ କର୍ମଚାରୀମାନଙ୍କର ଉତ୍ତମ ଅବସ୍ଥାନ ତଥା ମେଡ଼ିକାଲ ସୁପରଭିଜନର ସମସ୍ତ ପ୍ରକାର ସୁବିଧା ଉପଲବ୍ଧ ରହିଛି ।

ସୂଚନାଯୋଗ୍ୟ ଯେ ଏଭଳି ଆଇସୋଲେସନ କୋଚଗୁଡ଼ିକ କେବଳ ଜରୁରି ପ୍ରସ୍ତୁତି ନିମନ୍ତେ ମହଜୁଦ ରହିବ ଯାହାକି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା କୋଭିଡ଼-19 ବିରୁଦ୍ଧରେ ଜାରି ସଂଗ୍ରାମର ଅଂଶବିଶେଷ ଭାବେ ପରିଗଣିତ ହେବ ।

ଆଧାର - ପିଆଇବିଭାରତ ସରକାର

3.0
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top