অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ନ୍ୟୁଟ୍ରିସନ୍ ମିଶନ

ନ୍ୟୁଟ୍ରିସନ୍ ମିଶନ

ଉପକ୍ରମ

କୌଣସି ଦେଶର ବିକାଶର ମାନଦଣ୍ଡ ଭାବେ ସ୍ୱାସ୍ଥ୍ୟ ଏକ ପ୍ରମୁଖ ପରିମାପକ । ପୁଣି ସ୍ୱାସ୍ଥ୍ୟର ମୁଖ୍ୟ ମାନଦଣ୍ଡ ହେଉଛି ମାତୃ ଓ ଶିଶୁ ମୃତ୍ୟୁ ହାର । ଏହି ମୃତ୍ୟୁ ସଂଖ୍ୟା ଯେତେ କମ୍, ସେ ଦେଶ ସେତେ ବିକାଶଶୀଳ ବୋଲି ସାଧାରଣ ଭାବେ ବୁଝିବାକୁ ପଡିବ । ସୁସ୍ଥ ମା ଓ ସୁସ୍ଥ ଶିଶୁ ହିଁ ଦେଶର ଭବିଷ୍ୟତକୁ ସୁଦୃଢ କରିଥାଏ ।

ଓଡିଶାର ସ୍ଥିତି

ଓଡିଶାରେ ମାତୃ ମୃତ୍ୟୁ ଓ ଶିଶୁ ମୃତ୍ୟୁ ରୋକିବା ଲାଗି ରାଜ୍ୟ ସରକାର ଅନେକ ଯୋଜନା କାର୍ଯ୍ୟକାରୀ କରୁଛନ୍ତି । ଏଥିରେ ସଫଳତା ମଧ୍ୟ ମିଳିଛି । ତେବେ ଏହା ଜାତୀୟ ହାର ସହ ସମାନ ହୋଇ ପାରିନାହିଁ | ତେଣୁ ଏହାକୁ ସଂପୂର୍ଣ ନିୟନ୍ତ୍ରଣକୁ ଆଣିବା ଲାଗି ରାଜ୍ୟରେ ଷ୍ଟେଟ୍ ନ୍ୟୁଟ୍ରିସନ୍ ମିଶନ(ରାଜ୍ୟ ପୌଷ୍ଟିକତା ମିଶନ) ଗଠନ କରାଯିବ । ୟୁନିସେଫ୍ ଏଥିରେ ସବୁ ପ୍ରକାର ସହଯୋଗ ଯୋଗାଇଦେବ ।

ସରକାରୀ ଯୋଜନା

ରାଜ୍ୟ ସରକାର ଓ ୟୁନିସେଫ୍ ସହଯୋଗିତାରେ ଆରମ୍ଭ କରାଯାଇଥିବା କାର୍ଯ୍ୟକ୍ରମ ବହୁତ ଫଳପ୍ରଦ ହୋଇଥିବାରୁ ୨୦୧୬-୧୭ ଆର୍ଥିକ ବର୍ଷରେ ଏହାକୁ ବଜାୟ ରଖିବା ପାଇଁ ନିଷ୍ପତି ହୋଇଛି ।

ଏଥିପାଇଁ କାର୍ଯ୍ୟ ଯୋଜନା ମଧ୍ୟ ନିର୍ଦ୍ଧାରଣ କରାଯାଇଛି । ଓଡିଶାରେ ଜୀବନଧାରାର ଗୁଣାତ୍ମକ ବିକାଶ ପାଇଁ ରାଜ୍ୟ ସରକାର ଓ ୟୁନିସେଫର ମିଳିତ ଉଦ୍ୟମ ଆରମ୍ଭ ହୋଇଛି ।

ଗତ ବର୍ଷ ବିଭିନ୍ନ କ୍ଷେତ୍ରରେ ଏହି ସହଯୋଗିତା ଉତ୍ସାହଜନକ ଭାବେ ସଫଳ ରୂପାୟନ ହୋଇପାରିଛି । ଆଗାମୀ ଦିନରେ ମଧ୍ୟ ଏହା ଆହୁରି ସଫଳ ହେବ ।

 

UNICEFର କାର୍ଯ୍ୟ

୨୦୧୫-୧୬ ଆର୍ଥିକ ବର୍ଷରେ ୟୁନିସେଫ୍ ବିଭିନ୍ନ କାର୍ଯ୍ୟକ୍ରମ ପାଇଁ ୨୨ କୋଟି ୮୮ ଲକ୍ଷ ଟଙ୍କା ଅନୁଦାନ ଦେଇଥିଲା  ୨୦୧୬-୧୭ ବର୍ଷ ପାଇଁ ମଧ୍ୟ ସମପରିମାଣର ଅର୍ଥ ଖର୍ଚ୍ଚ କରାଯିବ । ଏହି ବର୍ଷ ରାଜ୍ୟ ସରକାର ଓ ୟୁନିସେଫ୍ ।

ସହଭାଗିତାରେ ପାନୀୟ ଜଳ, ପରିମଳ, ବିଦ୍ୟାଳୟରେ ହାତଧୁଆ, ଖୋଲାରେ ମଳତ୍ୟାଗ ବର୍ଜନ, ମା ଓ ଶିଶୁ ପୌଷ୍ଟିକତା, ନବଜାତକଙ୍କ ଜନ୍ମ, ଟିକାକରଣ, ଶିଶୁ ସରୁକ୍ଷା, ପ୍ରଜନନ, ଶିଶୁ ସ୍ୱାସ୍ଥ୍ୟ କ୍ଷେତ୍ରରେ ତାଲିମ, ଦକ୍ଷତା ଅଭିବୃଦ୍ଧି, ସେବା ସଂପ୍ରସାରଣ, ସଚେତନତା ଅଭିବୃଦ୍ଧି, ସୂଚନା ସଂପ୍ରସାରଣ ସହ ଜନ ସଚେତନତା ସୃଷ୍ଟି ଆଦି କାର୍ଯ୍ୟକ୍ରମ କରାଯିବ । ସେହିପରି ମାତୃ ଓ ଶିଶୁ ମୃତ୍ୟୁ ହାର ହ୍ରାସ କରିବା ଓ ମହିଳା-ପୁରୁଷ ଅନୁପାତରେ ଉନ୍ନତି ଆଣିବା ଲାଗି ମଧ୍ୟ କାର୍ଯ୍ୟକ୍ରମ ହାତକୁ ନିଆଯିବ ।

ଶେଷକଥା

ମାତୃ ଓ ଶିଶୁ ମୃତ୍ୟୁ ହାର କମାଇବା ଲାଗି ସରକାର ସର୍ବାଧିକ ଗୁରୁତ୍ୱ ଦେଉଛନ୍ତି ।  ଏଥିପାଇଁ ବିଭିନ୍ନ ପଦକ୍ଷେପ ନିଆଯାଉଛି । କେହି ଯେମିତି ଅପପୁଷ୍ଟିର ଶିକାର ନ ହେବେ ସେଥିପାଇଁ ରାଜ୍ୟରେ ଏକ ନ୍ୟୁଟ୍ରିସନ୍ ମିଶନ ପ୍ରତିଷ୍ଠା ପାଇଁ ସରକାର ବିଚାର କରୁଛନ୍ତି ।  ସେହିପରି ମହିଳା-ପୁରୁଷ ଅନୁପାତ ସମାନ କରିବା ପାଇଁ ମଧ୍ୟ ପ୍ରୟାସ ହେଉଛି  ।

ଆଧାର - ଅଖଣ୍ଡ,ଜର୍ନାଲିଷ୍ଟ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate