ଅବସାଦ

ଟେନସନଦୂର କରିବ ବ୍ରେକ୍ ଫାଷ୍ଟ

ଆଜିକାଲିର ବ୍ୟସ୍ତ ମୟ ଜୀବନରେ ଟେନସନର ସମ୍ମୁଖୀନ ହେବା ସାଧାରଣ କଥାରେ ପରିଣତହୋଇଗଲାଣି । ଏହାକୁ ଦୂର କରିବା ଲାଗି କେତେକ ଉପାୟ ଅବଲମ୍ବନ କରିବାକୁପଡିଥାଏ । ଏହି ତାଲିକାରେ ଆଉ ଏକ ଉପାୟକୁ ସାମିଲ କରିଛନ୍ତି ଲଣ୍ଡନର ଖାଦ୍ୟ ବିଶେଷଜ୍ଞମାନେ । ସେମାନେ ଗବେଷଣାରୁ ଜାଣିବାକୁ ପାଇଛନ୍ତି ଯେ, ଯଦି ଜଣେ ବ୍ୟକ୍ତି ନିୟମିତ ବ୍ରେକ୍ ଫାଷ୍ଟ ଖାଆନ୍ତି ତେବେ ତାଙ୍କର ମାନସିକତା ସକାରାତ୍ମକ ରହିଥାଏ । ଫଳରେ ଜଣେ ବ୍ୟକ୍ତି ଟେନସନ ଠାରୁ ଅନେକାଂଶରେ ଦୂରରେ ରହିଥାଏ । କିନ୍ତୁ ଏହି ବ୍ରେକ୍ ଫାଷ୍ଟରେ ତଟକା ଫଳମୂଳ ତଥା ଭିଟାମିନଯୁକ୍ତ ଖାଦ୍ୟ ଖାଇଲେ ତାହା ଆହୁରି ସ୍ୱାସ୍ଥ୍ୟ ଉପଯୋଗୀ ହୋଇଥାଏ । ଏହି ଗବେଷଣା ସମୟରେ ଅଧିକାଂଶ ସମୟ ଟେନସନ ରେ ରହୁଥିବା ବ୍ୟକ୍ତିଙ୍କୁ ସାମିଲ କରାଯାଇଥିଲା । ଯେଉଁମାନେ ନିୟମିତ ବ୍ରେକ୍ ଫାଷ୍ଟ ଖାଉଥିଲେ ସେମାନଙ୍କ ମାନସିକତା ଅନ୍ୟମାନଙ୍କ ଅପେକ୍ଷା ସାକାରତ୍ମକ ରହୁଥିଲା ଏବଂ ସେମାନେ ଟେନସନ ରୁ ଅନେକାଂଶରେ ଦୂରେଇ ରହିବାରେ ସକ୍ଷମ ହେଉଥିଲେ ।

ବୃଦ୍ଧିମତ୍ତାକୁ ପ୍ରଭାବିତ କରେ ଅବସାଦ

ଆଜିକାଲିର ବ୍ୟସ୍ତମୟ ଜୀବନରେ ଅବସାଦର ସମ୍ମୁଖାନ ହେବା କିଛି ନୂଆ କଥା ନୁହେଁ । ଅତ୍ୟଧିକ କାମ, ସାମାନ୍ୟ କଥାକୁ ନେଇ ଅତ୍ୟଧିକ ଚିନ୍ତା କରିବା, ପାରିବାରିକ ସମସ୍ୟା ପରି କେତୋଟି କାରଣ ଅବସାଦ ପାଇଁ ମୁଖ୍ୟତଃ ଦାୟୀ । ଏହାର ପ୍ରଭାବ କେବଳ ଦୈନନ୍ଦିନ ଜୀବନଶୈଳୀ ନୁହେଁ ଶରୀର ଉପରେ ମଧ୍ୟ ପଡିଥାଏ । ଆମେ ଏ ନେଇ କେତେକାଂଶରେ ଅବଗତ ଥିଲେ ମଧ୍ୟ ଅବସାଦ କବଳରୁ ନିଜକୁ ଦୁରାଇ ରଖିବା ପ୍ରାୟତଃ ସମ୍ଭବ ହୋଇ ନ ଥାଏ । ଏକ ସଦ୍ୟତମ ଗବେଷଣାରୁ ଜଣାପଡ଼ିଛି ଯେ ଯଦି ଜେନ ବ୍ୟକ୍ତି ଅଧିକାଂଶ ସମୟ ଏହାର ସମ୍ମୁଖାନ ହୁଅନ୍ତି ତେବେ ତାଙ୍କର ବୁଦ୍ଧିମତ୍ତା ପ୍ରଭାବିତ ହେବାର ଯଥେଷ୍ଟ ଆଶଙ୍କା ରହିଛି । ନିକଟରେ ଅବସାଦ ଏବଂ ବୁଦ୍ଧିମତ୍ତାକୁ ନେଇ ଅଷ୍ଟ୍ରେଲୀୟ ମନୋବିଜ୍ଞାନୀମାନେ ଏକ ଗବେଷଣା କରିଥିଲେ । ଅଧିକାଂଶ ସମୟ ଟେନ୍ସନର ବଶବର୍ତ୍ତୀ ହେଉଥିବା କେତେଜଣ ବ୍ୟକ୍ତିଙ୍କ ମାନସିକ ସ୍ଥିତିକୁ ତନ୍ନ ତନ୍ନ କରି ଅନୁଧ୍ୟାନ କରାଯାଇଥିଲା । ଶେଷରେ ସେମାନେ ଜାଣିବାକୁ ପାଇଥିଲେ ଯେ ପ୍ର୍ରାୟ ସବୁବେଳେ ଅବସାଦଗ୍ରସ୍ତ ହେଲେ ତାହାର ପ୍ରଭାବ କେତେକାଂଶରେ ବୁଦ୍ଧିମତ୍ତା ଉପରେ ପଡିଥାଏ । ତେଣୁ କାମ କରିବା ସମୟରେ ନିଜର ମାନସିକତାକୁ ଯେତେ ସକାରାତ୍ମକ ରଖିବା ତାହା ସେତେ ଭଲ ବୋଲି ସେମାନେ ପରାମର୍ଶ ଦେଇଛନ୍ତି ।

ଅତ୍ୟଧିକ ଅବସାଦ ମସ୍ତିଷ୍କକୁ ପ୍ରଭାବିତ କରେ

ଆଜିକାଲିର ବ୍ୟସ୍ତମୟ ଜୀବନରେ ଅବସାଦଗ୍ରସ୍ତ ଦେବା କିଛି ନୂଆ କଥା ନୁହେଁ । କିନ୍ତୁ ଏଭଳି ସମସ୍ୟା ଅଧିକ ସମୟ ଲାଗି ରହିଲେ ତାହା ମସ୍ତିଷ୍କର କାର୍ଯ୍ୟକୁ ଅନେକାଂଶରେ ପ୍ରଭାବିତ କରିଥାଏ । ବୋଲି ଗବେଷଣାରୁ ଜଣାପଡିବି । ‘ଅତ୍ୟଧିକ  ଅବସାଦ ଏବଂ ମସ୍ତିଷ୍କର କାର୍ଯ୍ୟଦକ୍ଷତା ନେଇ ଅଷ୍ଟ୍ରେଲିଆର ସାୟୁଶଲ୍ୟ ବିଶେଷଜ୍ଞମାନେ ଗବେଷଣା କରିଥିଲେ । ଏଥିରୁ ସେମାନେ ଜାଣିବାକୁ ପାଇଥିଲେ ଯେ, ଜଣେ ବ୍ୟକ୍ତି ଅଧିକାଂଶ ସମୟ ଅବସାଦଗ୍ରସ୍ତ ରହିଲେ ତାହାର ପ୍ରଭାବ ମସ୍ତିଷ୍କର ଉପରେ ପଡିଥାଏ । କେବଳ ସେତିକି ନୁହେଁ ଭିବିଷ୍ୟତରେ ଏହା କେତେକ ସ୍ନାୟୁଜନିତ ରୋଗର କାରଣ ସାଜିଥାଏ ବୋଲି ସେମାନେ ସତର୍କ କରାଇ ଦେଇଛନ୍ତି । ଅବସାଦଠାରୁ ଦୂରେଇ ରହିବା ପାଇଁ ଦୈନନ୍ଦିନ ଜୀବନଶୈଳୀରେ ପରିବର୍ତ୍ତନ – ଆଣିବା ସହ ସକାରାତ୍ମକ ମାନସିକତା ସହ କାମ କରିବା ଦରକାର ବୋଲି ବିଶେଷଜ୍ଞମାନେ ପରାମର୍ଶ ଦେଇଛନ୍ତି ।

ବୁଦ୍ଧିମତ୍ତାକୁ ପ୍ରଭାବିତ କରେ ଅବସାଦ

ଅବସାଦଗ୍ରସ୍ତ ହେଲେ ତାହାର ପ୍ରଭାବ ସ୍ୱାସ୍ଥ୍ୟ ଉପରେ ପଡିଥାଏ । ଏପରି କି ଏହା କେତେକ ରୋଗର ପରୋକ୍ଷ କାରଣ ସାଜିଥାଏ । ଯଦି ଜଣେ ବ୍ୟକ୍ତି ଅଧିକାଂଶ ସମୟ ଅବସାଦଗ୍ରସ୍ତ ରହନ୍ତି ତେବେ ତାହାର ପ୍ରଭାବ ତାଙ୍କର ବୁଦ୍ଧିମତ୍ତା ଉପରେ ପଡିଥାଏ ବୋଲି ଆମେରିକୀୟ ବିଶେଷଜ୍ଞଙ୍କ ଦ୍ଵାରା ହୋଇଥିବା ସଦ୍ୟ ଗବେଷଣାରୁ ଜଣାପଡିଛି । ଅଧିକାଂଶ ସମୟ ଅବସାଦର ସମ୍ମୁଖୀନ ହେଉଥିବା କିଛି ବ୍ୟକ୍ତିଙ୍କର ସ୍ୱାସ୍ଥ୍ୟ ପରିକ୍ଷା କରାଯାଇଥିଲା । ବିଶେଷଭାବରେ ସେମାନଙ୍କର ବୃଦ୍ଧିମତ୍ତା କିପରି ରହୁଛି ତାହା ଉପରେ ଗୁରୁତ୍ଵ ଦିଆଯାଇଥିଲା । ଗବେଷଣା ପରିସରଭୁକ୍ତ ବ୍ୟକ୍ତିମାନଙ୍କ ମଧ୍ୟରୁ ପ୍ରାୟ ପ୍ରତିଶତଙ୍କର ବୁଦ୍ଧିମତ୍ତା ଅବସାଦ ଯୋଗୁଁ ପ୍ରଭାବିତ ହେଉଥିବାର ଦେଖିବାକୁ ମିଳିଥିଲା । ତେଣୁ ଏଭଳି ସମସ୍ୟାରୁ ରକ୍ଷା ପାଇବା ପାଇଁ ଅବସାଦଠାରୁ ନିଜକୁ ଯେତେ ସମ୍ଭବ  ଦୂରେଇ ରଖିବା ଦରକାର ବୋଲି ଆମେରିକୀୟ ବିଶେଷଜ୍ଞମାନେ ପରାମର୍ଶ ଦେଇଛନ୍ତି ।

ଆଧାର - ସ୍ୱାସ୍ଥ୍ୟ ବ୍ୟୁରୋ