ବାନ୍ତି
ବାନ୍ତି
ବାନ୍ତି କେତେକ ଗୁରୁତର ସମସ୍ୟା
ବହୁତ ଲୋକ, ବିଶେଷତଃ ଛୋଟପିଲାମାନଙ୍କର, କେବେକେବେ ପେଟ ଖରାପ ହୋଇଥାଏ ଓ ବାନ୍ତି, ହୁଏ । ପ୍ରାୟତଃ ଏହାର କିଛି କାରଣ ଜଣାପଡେ ନାହିଁ । କେବେ କେବେ ଅଳ୍ପ ପେଟ କାମୁଡା, ଅନ୍ତ୍ରନଳୀ ବଥା ବା ଜ୍ଵର ହୋଇପାରେ । ଏହିପରି ସାମାନ୍ୟ ବାନ୍ତି ଜଟିଳ ହୁଏ ନାହିଁ ଓ ଆପେ ଆପେ ଭଲ ହୋଇଯାଏ । ବାନ୍ତି, କେତେକ ସାମାନ୍ୟ ଓ କେତେକ ଗୁରୁତର ସମସ୍ୟାର ଲକ୍ଷଣ ଅଟେ । ତେଣୁ ବ୍ୟକ୍ତିକୁ ଭଲଭାବେ ପରୀକ୍ଷା କରାଇ ନେବା ଉଚିତ୍ । ପେଟ ବା ଅନ୍ତ୍ରନଳୀର ଅସୁବିଧା ଯଥା, କିଛି ସଂକ୍ରମଣ, ଦୂଷିତ ଖାଦ୍ୟ ଦ୍ଵାରା ବିଷାକ୍ତ ହେବା ବା ତୀବ୍ର ତଳିପେଟ ଯନ୍ତ୍ରଣା (ଉଦାହରଣସ୍ୱରୂପ, ଆପେଣ୍ଡିସାଇଟସ୍ କିମ୍ବା ଅନ୍ତ୍ରରେ କିଛି ଲାଗିଯିବା ଯୋଗୁ ପ୍ରାୟତଃ ବାନ୍ତି ହୋଇଥାଏ । ଅବଶ୍ୟ ଅତ୍ୟଧିକ ଜ୍ଵର ଓ ଯନ୍ତ୍ରଣା ଦାୟକ ରୋଗରେ ବାନ୍ତି ହୋଇପାରେ, ବିଶେଷତଃ ମ୍ୟାଲେରିଆ, ଯକୃତପ୍ରଦାହ, ଗଳଗ୍ରନ୍ଥି ପ୍ରଦାହ, କାନ ବ୍ୟଥା, ମସ୍ତିସ୍କଝିଲ୍ଲୀ ପ୍ରଦାହ, ମୂତ୍ରନଳୀ ସଂକ୍ରମଣ ପୃଷ୍ଠା, ପିତ୍ତକୋଷ ଯନ୍ତ୍ରଣା ବା ଅଧକପାଳି ମୁଣ୍ଡବ୍ୟଥା ଇତ୍ୟାଦି ।
ବାନ୍ତିର ବିପଦଜନକ ଲକ୍ଷଣ – ଡାକ୍ତରୀ ସାହାଯ୍ୟ ସଙ୍ଗେ ସଙ୍ଗେ ନିଅନ୍ତୁ ।
- ଜଳ ଶୁଷ୍କତା ଓ ଆପଣ ଏହାକୁ ଆୟତ୍ତ କରିପାରୁନାହାଁନ୍ତି ।
- ସାଘାଂତିକ ବାନ୍ତି ଯାହାକି ୨୪ ଘଣ୍ଟାରୁ ଅଧିକ ସମୟ ରହେ ।
- ପ୍ରବଳ ବାନ୍ତି, ବିଶେଷତଃ ବାନ୍ତି ଯଦି ଘନ ସବୁଜ ବା ପିଙ୍ଗଳବର୍ଣ୍ଣର ହୋଇଥାଏ ଓ ସେଥିରୁ ଝାଡା ପରି ଗନ୍ଧ ବାହାରୁଥାଏ ।
- ଅନ୍ତ୍ରରେ ଯନ୍ତ୍ରଣା ଲାଗି ରହିବା, ବିଶେଷତଃ ବ୍ୟକ୍ତି ଯଦି ଝାଡା ବସିପାରନ୍ତି ନାହିଁ ବା ପେଟର କୁଳୁକୁଳୁ ଶବ୍ଦ ହେଉନାହିଁ, ଅବରୋଧ ଓ ଆପେଣ୍ଡିସାଇଟସ୍ ଦେଖନ୍ତୁ ।
- ରକ୍ତବାନ୍ତି ।
- ସାଧାରଣ ବାନ୍ତିକୁ ବନ୍ଦ କରିବାପାଇଁ ।
- ପ୍ରବଳ ବାନ୍ତି ହେଉଥିବାବେଳେ କିଛି ଖାଆନ୍ତୁ ନାହିଁ ।
- ବିନା କ୍ଷୀରରେ ଚା’ରୁ କିଛି ଢୋକ ପିଅନ୍ତୁ । ଅଦା ବା ଲେମ୍ବୁରସ ମିଶାଇଲେ ଭଲ ।
- ଥଣ୍ଡା ପାନୀୟ ବା ଅଦାରସ ଢୋକନ୍ତୁ । କେତେକ ପ୍ରକାର ଚେରମୂଳର ଚା’ ଯଥା କାମୋଇଲ ମଧ୍ୟ ସାହାଯ୍ୟ କରିପାରେ ।
- ଜଳୀୟ ଅଂଶ କମିଗଲେ ଅଳ୍ପମାତ୍ରାରେ ବାରମ୍ବାର ଥଣ୍ଡା ପାନୀୟ, ଚା ବା ପୁନର୍ଜଳପାନୀୟର ଢୋକ ଦିଅନ୍ତୁ ।
- ଯଦି ବାନ୍ତି ଶୀଘ୍ର ବନ୍ଦ ହେଉନାହିଁ,ବାନ୍ତି ଆୟତ୍ତ କରିବା ଔଷଧ ଯଥା,ପ୍ରୋମେଥାଜାଇନ ଔଷଧ,ଡାଇଫେନହାଇଡ୍ରାମାଇନ ବା ଫେନୋବାରବିଟାଲ୍ ବ୍ୟବହାର କରନ୍ତୁ ।
ଏଗୁଡିକ ବଟିକା, ସିରପ୍, ଇଞ୍ଜେକ୍ସନ ଏବମ ମଳଦ୍ଵାରଦେ ପ୍ରବେଶ କରାଇପାରିବା ଭଳି ନରମ ବଟିକା ଆକାରରେ ମିଳେ । ବଟିକା ବା ସିରପ୍ ମଧ୍ୟ ମଳ ଦ୍ଵାର ମଧ୍ୟ ଦିଆଯାଇପାରେ । ବଟିକାକୁ ଗୁଣ୍ଡକରି ଅଳ୍ପ ପାଣିରେ ମିଳାନ୍ତୁ । ଗୋଟିଏ ଝାଡା କରାଇବା ଜନ୍ତ୍ର ବା ବିନା ଛୁଞ୍ଚିବାଲା ସିରିଞ୍ଜରେ ଦିଅନ୍ତୁ ।
ମୁହଁବାଟେ ଖିଆଗଲାବେଳେ ଔଷଧକୁ ଖୁବ୍ ଅଳ୍ପ ପାଣି ସହ ଖାଇବା ଦରକାର ଏବଂ ୫ ମିନିଟ୍ ପର୍ଯ୍ୟନ୍ତ କିଛି ଖାଇବା ଉଚିତ୍ ନୁହେଁ । ପରାମର୍ଶ ଦିଆଯାଇଥିବା ମାତ୍ରା ଠାରୁ ଅଧିକ ଦିଅନ୍ତୁ ନାହିଁ । ଜଳୀୟ ଅଂଶ କମିଯିବାର ଭରଣା ହେବା ନଯାଏ ବା ବ୍ୟକ୍ତି ପରିଶ୍ରା ଆରମ୍ଭ ନକରିବା ଯାଏ ଦ୍ଵିତୀୟ ପାନ ଦିଅନ୍ତୁ ନାହିଁ । ଯଦି ପ୍ରବଳ ବାନ୍ତି ଓ ଝାଡା ହେବା ଯୋଗୁଁ ମୁହଁ ବା ମଳଦ୍ଵାର ବାଟେ ଔଷଧ ଦେବା ସମ୍ଭବ ହୁଏ ନାହିଁ ତେବେ ବାନ୍ତି ବନ୍ଦ କରୁଥିବା ଉପରୋକ୍ତ ଯେ କୌଣସି ଗୋଟିଏ ଇଞ୍ଜେକ୍ସନ ଦିଅନ୍ତୁ । ପ୍ରୋମେଥାଜାଇନ ସବୁଠାରୁ ଭଲ କାମ କରିପାରେ । ଅଧିକ ନ ଦେବାପାଇଁ ଯତ୍ନ ନିଅନ୍ତୁ ।
ଜଳ ଶୁଷ୍କତା
ଶରୀରର ସାଧାରଣତଃ ଜଳୀୟ ଅଂଶ ମୂତ୍ର, ଝାଡା, ଝାଳ ଓ ନିଶ୍ଵାସ ପ୍ରଶ୍ଵାସରେ କ୍ଷୟ ହୋଇଥାଏ । ଏହା ବ୍ୟକ୍ତି ପାଣିପିଇବା ଦ୍ଵାରା ଓ ଖାଦ୍ୟ ଖାଇବାଦ୍ଵାରା ଭରଣ ହୋଇଥାଏ । ଯେତେବେଳେ ଶରୀର ଆବଶ୍ୟକ ତୁଳନାରେ କମ୍ ଜଳୀୟ ଅଂଶ ଗ୍ରହଣ କରେ ସେତେବେଳେ ଶରୀରରେ ଜଳ ଶୁଷ୍କତା ଦେଖାଦେଇଥାଏ । ଏହା ବାନ୍ତି, ଜ୍ଵର ଓ ଅନ୍ୟାନ୍ୟ ଅସୁସ୍ଥତା ସମୟରେ ଅଧିକ ମାରାତ୍ମକ ହୋଇଥାଏ । ଯେକୌଣସି ବୟସର ବ୍ୟକ୍ତିକୁ ଏହା ହୋଇପାରେ । କିନ୍ତୁ ଏହା ପିଲା ମାନଙ୍କ ପାଇଁ ଅତି ବିପଦପୂର୍ଣ୍ଣ । ମା’କ୍ଷୀର ଖାଉଥିବା ପିଲାଙ୍କର ସାରହାରଣତଃ ୪ ମାସ ପର୍ଯ୍ୟନ୍ତ ବାହାର ତରଳ ପାନୀୟ ଆବଶ୍ୟକ ହୋଇ ନ ଥାଏ । କିନ୍ତୁ ଖରାଦିନେ ବା ଶୁଷ୍କ ଜଳବାୟୁରେ ଶିଶୁ ପାଣି ଆବଶ୍ୟକ କରିଥାଏ । ଶିଶୁର ଏହି ପିଇବା ପାଣି ପରିଷ୍କାର ଓ ବିଶୁଦ୍ଧ ହେବା ଉଚିତ୍ । ଯଦି ସମ୍ଭବ ପାଣି ଫୁଟାଇ ପିଆଇବା ଉଚିତ୍ । ଯେତେବେଳେ ଜଣେ ଶିଶୁକୁ ବାନ୍ତି ବା ଆମାଶୟ ହୁଏ ସେ ତା’ ଶରୀରରୁ ଅଧିକ ଜଳୀୟ ଅଂଶ ନଷ୍ଟ କରିଥାଏ । ଏଣୁ ସେ ଅଧିକ ପାଣି ଆବଶ୍ୟକ କରିଥାଏ ।
ତରଳ ଝାଡା ହେଉଥିବା ପିଲା ଜଳଶୁଷ୍କତାର ସମ୍ମୁଖୀନ ହେଉଥିଲେ କଣ କରିବେ ?
- ତରଳ ଝାଡା ହେଉଥିବା ପିଲା ଜଳଶୁଷ୍କତାର ସମ୍ମୁଖୀନ ହୋଇଥାଏ ।
- ଜଣେ ସ୍ୱାସ୍ଥ୍ୟକର୍ମୀ ହିସାବରେ ଆପଣ ସମସ୍ତଙ୍କୁ ବିଶେଷତଃ ମା’ମାନଙ୍କୁ ଜଳଶୁଷ୍କତାର ଲକ୍ଷଣ ଚିହ୍ନାଇବା ଆବଶ୍ୟକ ଅଟେ । ଏଥି ସହିତ ଏହାର ଚିକିତ୍ସା ମଧ୍ୟ ଜଣାଇବା ଉଚିତ୍ ।
ଜଳଶୁଷ୍କତାର ଲକ୍ଷଣ
ତଳେ ଦିଆଯାଇଥିବା ଶରଣୀରେ ଜଳଶୁଷ୍କତାରେ ଆକ୍ରାନ୍ତ ହୋଇ ନଥିବ ପିଲାଙ୍କର ଲକ୍ଷଣ ଦିଆଯାଇଛି । ଏଥିସହିତ ମୃଦୁ ଜଳଶୁଷ୍କତା ଓ ଉଗ୍ର ଜଳଶୁଷ୍କତାର ଲକ୍ଷଣ ମଧ୍ୟ ଦିଆଯାଇଛି । ଜଳଶୁଷ୍କତା ଜାଣିବା ପାଇଁ କେତେଗୁଡିଏ ପ୍ରଶ୍ନ ମାଧ୍ୟମରେ ଆପଣ ଏହା ପରୀକ୍ଷା କରିପାରିବେ ।
- ତରଳଝାଡାର ତୁରନ୍ତ ଚିକିତ୍ସା କରନ୍ତୁ ।
- ଅଧିକ ତରଳ ପାନୀୟ ପିଇବାକୁ ଦିଅନ୍ତୁ ବା ପେଜ, ପାରିବା ସିଝାପାଣି ପିଇବାକୁ ଦିଅନ୍ତୁ ।
- ଖାଇବାକୁ ଦେବା ବନ୍ଦ କରନ୍ତୁ ନାହିଁ । ଯେତେବେଳେ ପିଲା ଖାଇପାରୁଛି ଅଧିକ ଖାଇବାକୁ ଦିଅନ୍ତୁ ।
- ଶିଶୁର ସ୍ତନ୍ୟପାନ ବନ୍ଦ କରନ୍ତୁ ନାହିଁ । ପୁନର୍ଜଳ ପାନୀୟ ପିଇବାକୁ ଦିଅନ୍ତୁ ।
ସତର୍କତା :
- ଚିନି ମିଶାଇବା ପୂର୍ବରୁ ପାନୀୟକୁ ଚାଖନ୍ତୁ ଯେପରି ଏହା ଲୁହଠାରୁ କମ୍ ଲୁଣିଆ ଲାଗେ । ଏହି ପାନୀୟରେ ଅଧାକପ୍ ଫଳ ରସ, ନଡିଆପାଣି, ପାଚିଲା କଦଳୀ ମିଶାନ୍ତୁ । ଏହା ଶରୀରକୁ ପୋଟାସିୟମ ଯୋଗାଇଥାଏ ।
- ଏହାକୁ ୫ – ୭ ମିନିଟ୍ ଫୁଟାନ୍ତୁ । ଯାହାଦ୍ଵାରା ଏହା ପେଜ ଭଳି ହୋଇଯିବ । ଏହା ଥଣ୍ଡା ହୋଇଗଲା ପରେ ପିଲାକୁ ପିଇବାକୁ ଦିଅନ୍ତୁ ।
- ପ୍ରତିଥର ପାନୀୟକୁ ଚାଖନ୍ତୁ । ଯେପରି ଏହା ଗନ୍ଧେଇ ନ ଯାଏ ।
ଗୁରୁତ୍ଵପୂର୍ଣ୍ଣ
ଏହି ସବୁ ଉପାୟ ଆପଣଙ୍କ ଅଞ୍ଚଳରେ ଅବଲମ୍ବନ କରନ୍ତୁ । ଯଦି ଆପଣଙ୍କ ଅଞ୍ଚଳରେ ଲିଟର ବା ଚାମଚ ମିଳୁନାହିଁ ତେବେ ସ୍ଥାନୀୟ ମାପ ହିସାବରେ କରନ୍ତୁ । ପ୍ରତି ୫ ମିନିଟ୍ ରେ ଏହା ଖାଇବାକୁ ଦିଅନ୍ତୁ । ଜଣେ ବୟସ୍କ ବ୍ୟକ୍ତି ୩ଲିଟର ପାନୀୟ ଦିନକୁ ଆବଶ୍ୟକ କରିଥାଏ । ଛୋଟ ପିଲା ଦିନକୁ ୧ ଲିଟର ପାଣି ଆବଶ୍ୟକ କରିଥାଏ ।
ସାବଧାନତା
- ଯଦି ପାନୀୟ ଖରାପ ହୋଇଯାଏ ବା ରୋଗୀଠାରେ ବିପଦପୂର୍ଣ୍ଣ ଲକ୍ଷଣ ଦେଖିବାକୁ ମିଳେ ତେବେ ଡାକ୍ତରୀ ସହାୟତା ନିଅନ୍ତୁ । ସମୟ ସମୟରେ ପାନୀୟ ଶିରା ମାଧ୍ୟମରେ ଦେବାକୁ ପଡିଥାଏ ।
- କେତେକ ଜାଗାରେ ଓ.ଆର.ଏସ୍ ପ୍ୟାକେଟ ମିଳିଥାଏ । ସେ ଯାହାହେଉ ଘରୋଇ ପାନୀୟ ମଧ୍ୟ ତରଳ ଝାଡା ରୋକିବାରେ ଉପଯୁକ୍ତ କାମ କରିପାରିବ ।
ଜଳଶୁଷ୍କତାର ପ୍ରତିଷେଧକ ଓ ଚିକିତ୍ସା
- ଯେଉଁ ବ୍ୟକ୍ତିର ଅଧିକ ପରିମାଣରେ ଜଳୀୟଅଂଶ ଦେହରୁ ବାହାରିଯାଏ ସେ ଅଧିକ ପାନୀୟ ପିଇବା ଉଚିତ୍ । ଯେଉଁ ଅସୁସ୍ଥ ବ୍ୟକ୍ତି ଅଧିକ ପାଣି ପିଇପାରିବେ ନାହିଁ ସେ ଟିକେ ଟିକେ ବହୁତ ଥର ପାଣି ପିଇବା ଉଚିତ୍ ।
- ବାନ୍ତି ସହିତ ବା ବାନ୍ତି ବିନା ତରଳ ଝାଡା ଜନିତ ଜଳଶୁଷ୍କତା ଦେଖାଦେଲେ ତରଳ ପାନୀୟ ଅଧିକ ପରିମାଣରେ ପିଇବା ଉଚିତ୍ ।
- ପୁନର୍ଜଳ ପାନୀୟ ମଧ୍ୟ ଜଳଶୁଷ୍କତାକୁ ରୋକିଥାଏ ।
- ପିଲାକୁ ୪ ରୁ ଘଣ୍ଟା ବ୍ୟବଧାନରେ ପୁନର୍ଜଳ ପାନୀୟ ଦେବା ଉଚିତ୍ । ପିଲା ବା ବଡ ବାନ୍ତି କରୁଥିଲେ ମଧ୍ୟ ଚାମଚରେ ଏହା ପିଆଇବା ଉଚିତ୍ । ଯଦି ବାନ୍ତି ବନ୍ଦ ନ ହୁଏ ତେବେ ଡାକ୍ତରୀ ସହାୟତା ନିଅନ୍ତୁ ।
- ଯଦି ଜଣେ ଅଧିକ ପାନୀୟ ଚାହୁଁଛି ତେବେ ଦିଅନ୍ତୁ ।
- ଯଦି ଆଖିରେ ପିତା ସ୍ପିତ ହୋଇଯାଏ, ତେବେ ପୁନର୍ଜଳ ପାନୀୟ ବା ତରଳ ପାନୀୟ ବନ୍ଦ କରିଦିଅନ୍ତୁ । ଯଦି ତରଳ ଝାଡା ଲାଗିରୁହେ ତେବେ ଆଖିର ସ୍ଫିତି ଭଲ ହୋଇଗଲା ପରେ ପାନୀୟ ଦିଅନ୍ତୁ ।
- ଯଦି ପିଲା ବାନ୍ତି କରେ, ବାନ୍ତିର ୧୦ ମିନିଟ୍ ଯାଏ ପିଇବାକୁ ଦିଅନ୍ତୁ ନାହିଁ ଓ ପରେ ଦିଅନ୍ତୁ ।
- ୪ରୁ ୬ ଘଣ୍ଟା ପରେ ପିଲାର ଜଳଶୁଷ୍କତା ପୁନର୍ବାର ପରୀକ୍ଷା କରନ୍ତୁ ।
- ମା’କୁ କୁହନ୍ତୁ ।
- ଯେତେଦୂର ସମ୍ଭବ ଅଧିକ ପାନୀୟ ପିଲାକୁ ପିଇବାକୁ ଦେବାପାଇଁ ।
- ପିଲାକୁ ଉତ୍ତମ ଖାଦ୍ୟ କମ୍ ପରିମାଣର ଦେବା ପାଇଁ ।
- ସ୍ତନ୍ୟ ପାନ ବନ୍ଦ ନ କରିବା ପାଇଁ ।
- ପିଲାକୁ ସ୍ୱାସ୍ଥ୍ୟକେନ୍ଦ୍ରକୁ ନିଅନ୍ତୁ । ଯଦି ଅଧିକ ଥର ପତଳା ଝାଡା ହୁଏ, ଅଧିକ ଶୋଷ ହୁଏ, ଆଖି କୋରଡ ହୋଇଯାଏ ଜ୍ଵର ହୁଏ ।
- ସାଧାରଣ ଭାବରେ ଖାଇବା ପିଇବାରେ ନାହିଁ
- ଭଲ ହୁଏ ନାହିଁ
ଯେତେବେଳେ ସମ୍ଭବ ମହୁ ବା ଗୁଡକୁ ଚିନି ବଦଳରେ ବ୍ୟବହାର କରନ୍ତୁ । ମହୁରେ କିଛି ପରିମାଣର ଚିନି ଥାଏ ଯାହାକୁ ଶରୀର ସହଜରେ ବ୍ୟବହାର କରିପାରେ। ଆପଣ ମଧ୍ୟ ମହୁ ବଦଳରେ ଗ୍ଲୁକୋଜ ପାଉଡର ବ୍ୟବହାର କରିପାରିବେ । ଏହା ଉଗ୍ର ପୁଷ୍ଟିହୀନତାରେ ଆକ୍ରାନ୍ତ ପିଲାଙ୍କ ପାଇଁ ଭଲ କାମ ଦେଇଥାଏ ।
Last Modified : 4/26/2020
