ପ୍ରାଥମିକ ଚିକିତ୍ସା(ଆପେଣ୍ଡିସାଇଟିସ୍, ପେରିଟୋନାଇଟସ୍)

ଏହିସବୁ ସାଘାଂତିକ ଅବସ୍ଥା ପାଇଁ ଅନେକ ସମୟରେ ଅସ୍ତ୍ରୋପ୍ରଚାର ଦରକାର ପଡେ ତେଣୁ ଖୁବ୍ ଶୀଘ୍ର ଡାକ୍ତରୀ  ସାହାଯ୍ୟ ଗ୍ରହଣ କରନ୍ତୁ  ।

ପେଟର ନିମ୍ନଭାଗରେ ଦକ୍ଷିଣ ପାର୍ଶ୍ଵକୁ ବୃହଦାନ୍ତ୍ର ସହିତ ଲାଗିକରି ଆଙ୍ଗୁଳି ଆକାରର ମୁଣାଟିକୁ ଆପେଣ୍ଡିକସ୍ କହନ୍ତି  ଓ  ତାହା ସଂକ୍ରମିତ ହେଲେ ତାକୁ ଆପେଣ୍ଡିସାଇଟସ୍ କହନ୍ତି । ବେଳେବେଳେ ଏହି  ଆପେଣ୍ଡିକସ୍ ମୁଣାଟି ଫାଟିଯାଇ   ପେରିଟୋନାଇଟସ୍ ହୁଏ ।

ଅନ୍ତ୍ରକୁ  ଧରି  ରଖିଥିବା ମୁଣାର ସାଘାଂତିକ ସଂକ୍ରମଣକୁ ପେରିଟୋନାଇଟସ୍ କହନ୍ତି । ଆପେଣ୍ଡିକସ୍ ବା ଅନ୍ତ୍ରର ଅନ୍ୟ  କୌଣସି  ଅଂଶ  ଫାଟିଯିବା  ବା  ଛିଣ୍ଡିଯିବାଦ୍ଵାରା  ଏହା  ହୋଇଥାଏ।

ଆପେଣ୍ଡିସାଇଟସ୍ ର ଲକ୍ଷଣ

• ପେଟରେ ଅବିରାମ କଷ୍ଟ ଓ ଏହି କଷ୍ଟ କ୍ରମେ ତୀବ୍ରରୁ ତୀବ୍ରତର  ହେବା, ଆପେଣ୍ଡିସାଇଟସ୍ ର  ପ୍ରଧାନ ଲକ୍ଷଣ ।
• ଏହି କଷ୍ଟ ନାହିମୂଳରୁ ଆରମ୍ଭ  ହୋଇ  ପେଟର  ଦକ୍ଷିଣ  ପାର୍ଶ୍ଵର  ନିମ୍ନ  ଅଂଶକୁ ବ୍ୟାପେ  ।
• ବାନ୍ତି, କୋଷ୍ଠବଦ୍ଧତା  ହୋଇପାରେ,ଭୋକ ହୁଏତ କମିଯାଇପାରେ ବା ସାମାନ୍ୟ ଜ୍ଵର ହୋଇପାରେ ।

ଆପେଣ୍ଡିସାଇଟସ୍ ବା  ପେରିଟୋନାଇଟସ୍ ର  ପରୀକ୍ଷା

• ରୋଗୀକୁ କାଶିବାକୁ କୁହନ୍ତୁ । ଏଥିରେ  ସେ  ଯଦି ଯନ୍ତ୍ରଣା ଅନୁଭବ କରେ ବାମ ଜଙ୍ଘ ସନ୍ଧିର ଉପର ଭାଗର  ତଳିପେଟକୁ ସାମାନ୍ୟ  କଷ୍ଟ ହେବା  ପର୍ଯ୍ୟନ୍ତ ଧୀରେ ଅଥଚ ଜୋରରେ ଚିପି  ଧରନ୍ତୁ ।
• ତା’ପରେ  ସଙ୍ଗେ  ସଙ୍ଗେ  ହାତ ବାହାର  କରି  ଆଣନ୍ତୁ, ଏହାପରେ  ଯଦି  ତୀବ୍ର ଯନ୍ତ୍ରଣା  ହୁଏ, ତେବେ ତାହା  ସମ୍ଭବତଃ  ଆପେଣ୍ଡିସାଇଟସ୍  ବା ପେରିଟୋନାଇଟସ୍  ଅଟେ  ।
• ଯଦି  ବାମ ଜଙ୍ଘ ସନ୍ଦିସ୍ଥିତ ଅଂଶରେ  କୌଣସି  ଯନ୍ତ୍ରଣା ହେଲା  ନାହିଁ, ତେବେ  ଦକ୍ଷିଣ ଜଙ୍ଘସ୍ଥିତ ଅଞ୍ଚଳରେ ସେହି  ସମାନ ପରୀକ୍ଷା କରନ୍ତୁ  ।

ଯଦି କାହାରିକୁ ଆପେଣ୍ଡିସାଇଟସ୍ ବା ପେରିଟୋନାଇଟସ୍  ହୋଇଥାଏ

ଖୁବ୍ ଶୀଘ୍ର ଡାକ୍ତରୀ  ସାହାଯ୍ୟ  ଗ୍ରହଣ କରନ୍ତୁ । ଯଦି ସମ୍ଭବ ହୁଏ, ଅସ୍ତ୍ରୋପ୍ରଚାର ସୁବିଧା ଥିବା ଭଳି ଏକ ଜାଗାଊ ତାଙ୍କୁ  ନେଇ ଯାଆନ୍ତୁ ।

ପାଟିବାଟେ  କୌଣସି  ଜିନିଷ  ଖାଇବାକୁ  ଦିଅନ୍ତୁ  ନାହିଁ  ଓ  ପେଟ  ସଫା  କରିବାକୁ  ପିଚକାରୀ  ପ୍ରଣାଳୀ  ପ୍ରୟୋଗ  କରନ୍ତୁ  ନାହିଁ  । ଯଦି  ଅସୁସ୍ଥ  ବ୍ୟକ୍ତିଙ୍କଠାରେ  ଜଳୀୟ  ଅଂଶ  କମିଯିବାର  ଲକ୍ଷଣ  ଦେଖନ୍ତି ।

ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ