ମୂତ୍ରାଶୟ, ଆଗପଟ ଅପେକ୍ଷା ପଛପଟରେ ବେଶୀ ଥାଏ।
ଆପଣଙ୍କର ହାତର ଆଙ୍ଗୁଠି ମେରୁଦଣ୍ଡ ସାରିଥିବା ସ୍ଥାନରେ ରଖନ୍ତୁ । ଯଦି ବ୍ୟକ୍ତିକୁ ଯନ୍ତ୍ରଣା ହୁଏ ତେବେ ଏହା ମୂତ୍ରାଶୟ ସଂକ୍ରମଣ ଅଟେ ।
ବ୍ୟକ୍ତିଙ୍କର ପିଠିରେ ଯଦି କିଛି ବିକୃତି ଥାଏ ଯଥା- ମେରୁଦଣ୍ଡ ବଙ୍କା ହେଉ ନ ଥାଏ ବା ଭଙ୍ଗା ଭଗା ହୋଇ ଦେଖାଯାଏ ବା ଆବୁ ଜଣାପଡେ ତେବେ ଏହା ମେରୁଦଣ୍ଡରେ ଯକ୍ଷ୍ମା ହୋଇଥାଇପାରେ ।
ପିଠିର ମାଂସପେଶୀ ଦେଖନ୍ତୁ । କଠିନ ମାଂସ ପେଶୀ ପିଠି ଯନ୍ତ୍ରଣା କାରଣ ଅଟେ ।
ଯଦି ବ୍ୟକ୍ତି ଝାଡାରେ ରକ୍ତ ପଡୁଛି ବା କୁଣ୍ଡାଇ ହେଉଛି ବା ଜଣେ ବୃଦ୍ଧ ଲୋକ ପରିସ୍ରା କରିବା ସମୟରେ କଷ୍ଟ ଅନୁଭବ କରୁଛନ୍ତି ତେବେ ହାତରେ ହସ୍ତାନା ପିନ୍ଧି ମଳଦ୍ଵାର ଯାଞ୍ଚ କରନ୍ତୁ ।
ବ୍ୟକ୍ତି କଣେଇ ହୋଇ ଶୋଇବାକୁ କୁହନ୍ତୁ । ଯେପରିକି ତୁମ ଆଡକୁ ବା ବିଛଣା କଡକୁ ବ୍ୟକ୍ତିପିଚା ରହିବ । ବ୍ୟକ୍ତିକୁ ଗୋଟିଏ ଆଣ୍ଠୁ ଲମ୍ବା କରିବାକୁ କୁହନ୍ତୁ ଓ ଅନ୍ୟ ଗୋଡର ପାଦ ଲମ୍ବା ହୋଇଥିବା ଗୋଡର ଆଣ୍ଠୁ ଉପରେ ରଖନ୍ତୁ । ହାତରେ ଦସ୍ତାନା ପିନ୍ଧି ମଳଦ୍ଵାର ଯାଞ୍ଚ କରନ୍ତୁ ଦେଖନ୍ତୁ ମଳଦ୍ଵାର ନାଲି ପଡିଛି କି? ବା ମଳଦ୍ଵାରରେ କୌଣସି ଘା’ ହୋଇଛି କି? ବା ଅର୍ଶ ଯୋଗୁଁ ରକ୍ତ ବାହାରୁଛି କି? ଅର୍ଶ ଝାଡାଯିବା ସମୟରେ ବା ବସିବା ସମୟରେ ଅଧିକ ଯନ୍ତ୍ରଣା ଦେଇଥାଏ । ଆଭ୍ୟନ୍ତରଣ ଅର୍ଶ ଦେଖାଯାଏ ନାହିଁ । ବେଳେବେଳେ ଏହା ମଳଦ୍ଵାର ଲାଲ ହୋଇ ଲାଲ ହୋଇ ଫୁଲିଳା ଭଳି ଦେଖାଯାଏ ।
ଯାଞ୍ଚ କରିସାରିଲା ପରେ ଆପଣଙ୍କ ବିଶି ଆଙ୍ଗୁଠିରେ କିଛି ତେଲ ମଳଦ୍ଵାର ଭିତରେ ଲଗାନ୍ତୁ ଓ ବ୍ୟକ୍ତିକୁ ଜୋରରେ ନିଶ୍ଵାସ ନେବା ପାଇଁ କୁହନ୍ତୁ । ଏହା ଦ୍ଵାରା ଉପକାର ମିଳିଥାଏ ।
ବ୍ୟକ୍ତିର ହାତ ଓ ପାଦ ଭଲଭାବରେ ଦେଖନ୍ତୁ ଓ ଯଦି କିଛି ବିସୃଙ୍ଖଳା ପରିଲଖିତ ହୁଏ ଟିପନ୍ତୁ । ପାଦରେ କେଉଁଠି ଫୁଲିଛି କି ନାହିଁ ଦେଖନ୍ତୁ ।
କୁପୋଷଣରେ ଆକ୍ରାନ୍ତ ପିଲାଙ୍କର ପାଦ ଓ ମୁହଁ ଫୁଲିଯାଏ । ଗର୍ଭବତୀ ମହିଳାଙ୍କର କ୍ଷେତ୍ରରେ ପାଦ ଫୁଲା ଗୁରୁତ୍ଵପୂର୍ଣ୍ଣ ଅଟେ । ମୂତ୍ରାଶୟ ଠିକ ଭାବରେ କାମ ନ କଲେ ପାଦ ଫୁଲିଯାଏ ବା ହୃଦୟରେ କିଛି ଅସୁବିଧା ଥିଲେ ପାଦ ଫୁଲେ ।
ଯଦି ଜଣେ ବ୍ୟକ୍ତି ଜଡତା, ଦୁର୍ବଳତା ବା ଶରୀରର କୌଣସି ଅଂସର ନିୟନ୍ତ୍ରଣ ହରାଇଥିବାର ଅଭିଯୋଗ କରେ, ଅଥବା ସେସବୁ ଜାଣିବାପାଇଁ ଆପଣତାକୁ ପରୀକ୍ଷା କରିବା ପାଇଁ ଇଛା କରନ୍ତି, ତେବେ ତାର ଚାଲବୁଲ ଓ ଗତିବିଧି ପ୍ରତି ଦୃଷ୍ଟି ଦିଅନ୍ତୁ । ଠିଆ କରାଇ, ବସାଇ ବା ପୂରାପୂରି ସିଧାକରି ଶୁଆଇ ତା’ ଶରୀରର ଉଭୟ ପାର୍ଶ୍ଵକୁ ତୁଳନା କରନ୍ତୁ ।
ମୁଖମଣ୍ଡଳ
ଯଦି ସାରା ଶରୀରର ମାଂସପେଶୀ ନଷ୍ଟ କିମ୍ବା ଦୁର୍ବଳ ହୋଇଯାଇଥାଏ, ତେବେ ତାହା ପୁଷ୍ଟିହୀନତା ବା ବହୁଦିନର ପୁରୁଣା ଯକ୍ଷ୍ମା ବୋଲି ସନ୍ଦେହ କରାଯାଏ ।
ଯଦି ଶରୀରର ପାର୍ଶ୍ଵର ମାଂସପେଶୀ ନଷ୍ଟ କିମ୍ବା ଦୁର୍ବଳତା ଯୋଗୁଁ ଅସମାନ କିମ୍ବା ବିଶେଷଭାବେ ଖରବ ହୋଇଥାଏ, ତେବେ ଶିଶୁମାନଙ୍କ କ୍ଷେତ୍ରରେ ତାହା ପୋଲିଓ ଏବଂ ବୟସ୍କଙ୍କ କ୍ଷେତ୍ରରେ ତାହା ପିଠି କିମ୍ବା ମୁଣ୍ଡରେ ଆଘାତ ବା ଷ୍ଟ୍ରୋକ ଯୋଗୁଁ ହୋଇଥାଏ ।
ବିଭିନ୍ନ ମାଂସପେଶୀ କଠିନ ବା ଯାମ୍ ହୋଇଯିବା ପ୍ରତି ସଜାଗ ରୁହନ୍ତୁ ।
ଯଦି କୌଣସି ଶଶୁର କେତେକ ମାଂସପେଶୀ ସବୁବେଳ ପାଇଁ ଜାମ୍ ହୋଇଯାଇଥାଏ ଓ ସେ ବଙ୍କେଇ ଟଙ୍କେଇ ଅଦ୍ଭୁତଭାବରେ ଚଳପ୍ରଚଳ କରୁଥାଏ, ତେବେ ହୁଏତ ସେ ଆକ୍ଷେପଯୁକ୍ତ ହୋଇଥାଇପାରେ ।
ହାତ, ପାଦ ଓ ଅନ୍ୟାନ୍ୟ ଅଙ୍ଗପ୍ରତ୍ୟଙ୍ଗ ଅନୁଭବ ଶକ୍ତି ହରାଇଛି କି ନାହିଁ, ପରୀକ୍ଷା କରିବାକୁ -
ଅସୁସ୍ଥ ବ୍ୟକ୍ତିଙ୍କୁ ଆଖିବନ୍ଦ କରିବାକୁ କୁହନ୍ତୁ । ଦେହର ବିଭିନ୍ନ ସ୍ଥାନକୁ ସାମାନ୍ୟ ସ୍ପର୍ଶ କରନ୍ତୁ ବା ଖେଞ୍ଚନ୍ତୁ । ଏହାକୁ ଅନୁଭବ କଲାବେଳେ ‘ହିଁ’ ବୋଲି କହିବାକୁ କୁହନ୍ତୁ ।
ଆଧାର - ଓଡିଶା ଭଲ୍ୟୁଣ୍ଟାରୀ ହେଲଥ୍ ଆସୋସିଏସନ
Last Modified : 12/7/2019