ଋତୁସ୍ରାବ ସମୟ

ମହିଳାମାନଙ୍କର ମାସିକ ଋତୁସ୍ରାବ

ଅଧିକାଂଶ ଝିଅଙ୍କର ୧୧ ବର୍ଷ ବୟସରୁ ୧୬ ବର୍ଷ ମଧ୍ୟରେ ମାସିକ ଋତୁସ୍ରାବ ହୋଇଥାଏ   । ଏହାର ଅର୍ଥ ହେଉଛି ଯେ ବର୍ତ୍ତମାନ ଝିଅଟି ବଡ ହୋଇଗଲା ଓ ସେ ଏଣିକି ଗର୍ଭବତୀ ହୋଇପାରେ   ।

ମାସିକ ଧର୍ମ ସାଧାରଣତଃ ୨୮ ଦିନ ବ୍ୟବଧାନରେ ହୋଇଥାଏ ଓ ଏହା ୩ ଦିନରୁ ୬ ଦିନ ପର୍ଯ୍ୟନ୍ତ ରହିଥାଏ   । ତଥାପି କେତେକ ସ୍ତ୍ରୀ ଲୋକଙ୍କ କ୍ଷେତ୍ରରେ ଏହାର ବ୍ୟତିକ୍ରମ ଦେଖା ଦେଇଥାଏ   । ଏହି ବ୍ୟବଧାନ ଖୁବ୍ କମ୍ ରେ ୨୨ଦିନ ଓ ଖୁବ୍ ବେଶୀରେ ୩୫ ଦିନ ହୋଇପାରେ   । ପ୍ରତି ଋତୁସ୍ରାବରେ ପ୍ରାୟ ୧/୪ ଗ୍ଲାସ ରକ୍ତକ୍ଷୟ ହୋଇଥାଏ  ।

ଋତୁସ୍ରାବ କିପରି ଘଟେ ?

ଋତୁଚକ୍ର ଏକ ମାସିକ ଚକ୍ର ଯେଉଁଥିରେ ଜରାୟୁ ନିଜକୁ ପ୍ରସ୍ତୁତ କରେ ଡିମ୍ବ ସହିତ ମିଳିତ ହେବାପାଇଁ ଓ ଯାହାଫଳରେ ଗର୍ଭଧାରଣ ହୋଇଥାଏ   ।

ଯଦି ଶୂକ୍ରାଣୁ ଓ ଡିମ୍ବାଣୁର ମିଳନ ନ ଘଟେ ବା ଫର୍ଟିଲାଇଜେସନ ନ ହୁଏ ତେବେ ଡିମ୍ବାଶୟ ମଧ୍ୟରୁ ଡିମ୍ବାଣୁ  ଆପେ ଆପେ ଖଣ୍ଡ ଖଣ୍ଡ ହୋଇ ଦୂଷିତ ରକ୍ତ ଭାବେ ଯୋନିଦ୍ଵାରା ଦେଇ ବାହାରି ଆସେ   । ଏହି ରକ୍ତ ସ୍ରାବ ସାଧାରଣତଃ ୩/୪ ଦିନ ଧରି ହୁଏ   । ଏହା ପୁନଃ ପ୍ରଜନନ ପ୍ରକ୍ରିୟାର ଏକ ଅଂଶ ବିଶେଷ ଯାହା ଏକ କିଶୋରୀକୁ ମାତୃତ୍ଵର ସ୍ଥାନ ଦେଇଥାଏ   । ଋତୁସ୍ରାବ ମସ୍ତିସ୍କରୁ କ୍ଷରିତ କେତେକ ହରମୋନ  ଦ୍ଵାରା ହୋଇଥାଏ  ଯାହା ବିଜକୋଷ ଓ ଗର୍ଭାଶୟ ଉପରେ ପ୍ରଭାବ ପକାଇଥାଏ   ।

ବିଜକୋଷ ଉପରେ ହରମୋନର ପ୍ରଭାବ

ଏହି ହରମୋନ ବିଜକୋଷରେ ଥିବା ଡିମ୍ବବୃଦ୍ଧି ଓ ପ୍ରାପ୍ତ ବୟସ୍କ କରିଥାଏ   । କିନ୍ତୁ ଏହି ଡିମ୍ବ ମଧ୍ୟରୁ ଗୋଟିଏ ଡିମ୍ବ ବିଜକୋଷରୁ ବାହାରି ଶୂକ୍ରାଣୁ ସହିତ ମିସିଥାଏ   । ଏହାକୁ ଓଭୁଲେସନ କୁହାଯାଏ   । ଏହା ପରବର୍ତ୍ତୀ ମାସର ଋତୁସ୍ରାବଠାରୁ ୧୪ ଦିନ ପୂର୍ବରୁ ହୁଏ   । ଏହି ଓଭୁଲେସନ ସମୟରେ ମହିଳା ଗର୍ଭଧାରଣ କରିପାରେ   । କୀକ ମହିଳା ତଳିପେଟରେ ଏହି ଓଭୁଲେଅନ ସମୟରେ ଯନ୍ତ୍ରଣା ଅନୁଭବ କରିଥାନ୍ତି   । ଏହା ମୁଖ୍ୟତଃ ବିଜକୋଷରୁ କ୍ଷରିତ ଏକ ତରଳପଦାର୍ଥ ଦ୍ଵାରା ହୋଇଥାଏ   । କିନ୍ତୁ ଏହା ବିପଦଜନକ ନୁହେଁ ଓ କିଛି ସମୟ ପରେ ଏହା ଆପେ ଆପେ ଭଲ ହୋଇଯାଏ   ।

ଜରାୟୁ ଉପରେ ହରମୋନର ପ୍ରଭାବ

ହରମୋନ ଜରାୟୁର ଆଭ୍ୟନ୍ତରଣୀୟ ପରଦାକୁ ମୋଟାକରିଦିଏ   ଏବଂ ଶିରା ପ୍ରଶିରା ବିସ୍ଫାରିତ ହୁଅନ୍ତି   । ଏହାଦ୍ଵାରା ଜରାୟୁ ଗର୍ଭଧାରଣ ପାଇଁ ନିଜକୁ ପ୍ରସ୍ତୁତ କରେ   । ଯଦି ଫର୍ଟିଲାଇଜେସନ ନ ହୁଏ ଏହି ଶରୀର ରକ୍ତବାହୀ ନାଡି ସଙ୍କୋଚିତ ହୋଇ ଫାଟି ଯାଆନ୍ତି   । ଯାହାଦ୍ୱାରା ଜରାୟୁ ମଧ୍ୟକୁ ରକ୍ତ ପାଏ ନାହିଁ  ଓ ଏହା ରକ୍ତସ୍ରାବ ମାଧ୍ୟମରେ ବାହାରକୁ ବାହାରିଯାଇଥାଏ   । ଏହି ଋତୁସ୍ରାବର ରଙ୍ଗ ଗାଢ ନାଲି ହୋଇଥାଏ   । ଏହା ତରଳ ଅଟେ  ଏବଂ ଏହି ରକ୍ତ ଜମାଟବାନ୍ଧେ ନାହିଁ   ।

ଋତୁସ୍ରାବ ସମୟରେ ଜଣେ ନିଜକୁ ଭଲ ଭାବରେ ପରିଷ୍କାର ପରିଚ୍ଛନ୍ନ ରଖିବା ଉଚିତ୍, ଯଥେଷ୍ଟ ଶୋଇବା ଉଚିତ୍, ଏଥି ସହିତ ଉପଯୁକ୍ତ ପରିମାଣର ଖାଦ୍ୟ ଖାଇବା ଉଚିତ୍  । ପ୍ରତିଦିନ ଗାଧୋଇବା ଦ୍ଵାରା କିଛି କ୍ଷତି ହୋଇ ନ ଥାଏ   । ସେ ପୂର୍ବପରି ନିୟମିତ ତାଙ୍କ କାମ କରିପାରିବେ ଓ ଯାହା ଖାଆନ୍ତି ତାହା ଖାଇପାରିବେ   । ଋତୁସ୍ରାବ ସମୟରେ ଯୌନ କ୍ରିୟା କ୍ଷତିକାରକ ନୁହେଁ   । ଋତୁସ୍ରାବ ସମୟରେ ଗର୍ଭାଶୟ, ସଂକ୍ରମଣ ପ୍ରତି ବିଶେଷ ସମ୍ବେଦନଶୀଳ ଥାଏ   । ଏହି ସମୟରେ ମଇଳା କପଡା ବ୍ୟବହାର କରିବାଦ୍ଵାରା ବା ଏହି ସ୍ଥାନକୁ ପରିଷ୍କାର ନ କରିବାଦ୍ଵାରା ସଂକ୍ରମଣର ସମ୍ଭାବନା ଥାଏ   । କିଶୋରୀମାନଙ୍କର ଅନିୟମିତ ଯନ୍ତ୍ରଣା ସହିତ ଋତୁସ୍ରାବ  ହୋଇଥାଏ   । ଏହା କ୍ଷତିକାରକ ନୁହେଁ  । ଋତୁସ୍ରାବର ୭ରୁ ୧୦ ଦିନ କେତେକ ମହିଳା ଅଶ୍ଵସ୍ଥିକର ଅନୁଭବ କରିଥାନ୍ତି ଓ ଆବେଗିକ ଓ ଶାରୀରିକ ପରିବର୍ତ୍ତନର ସମ୍ମୁଖୀନ ହୋଇଥାନ୍ତି   । ମହିଳାମାନେ ଏଥିପାଇଁ ବ୍ୟସ୍ତ ବା ବିବ୍ରତ ହେବା ଉଚିତ୍ ନୁହେଁ   ।

ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ  ଆସୋସିଏସନ