ସ୍ୱାସ୍ଥ୍ୟ ଉପରେ କୁ – ପ୍ରଭାବ ପକାଉଥିବା କେତେକ ଅଭ୍ୟାସ
ସ୍ୱାସ୍ଥ୍ୟ ଉପରେ କୁ – ପ୍ରଭାବ ପକାଉଥିବା କେତେକ ଅଭ୍ୟାସ
କେତେକ ଅଭ୍ୟାସ ଯେ କେବଳ ସେହି ବ୍ୟକ୍ତିଙ୍କର ସ୍ୱାସ୍ଥ୍ୟ ନଷ୍ଟ କରିଥାଏ ତା ନୁହେଁ, ତାଙ୍କ ପାଖରେ ଥିବା ଲୋକଙ୍କର ମଧ୍ୟ କ୍ଷତି କରିଥାଏ । ଏ ଭିତରୁ ଅନେକ ଅଭ୍ୟାସ ଏଡେଇ ଦିଆଯାଇ ପାରିବ ବା ଛଡାଯାଇ ପାରିବ । କିନ୍ତୁ ପ୍ରଥମେ ବୁଝିବାକୁ ହେବ ଯେ ଏ ଅଭ୍ୟାସ ଛାଡିବା କାହିଁକି ଏତେ ଗୁରୁତ୍ଵପୂର୍ଣ୍ଣ ।
ମଦ୍ୟପାନ
ମଦ ଯଦି ସାମୟିକ ଆନନ୍ଦ ଦେଇଥାଏ ତଥାପି ଏହା ଅନେକ ଯନ୍ତ୍ରଣା ମଧ୍ୟ ଦେଇଥାଏ- ବିଶେଷତଃ ପିଉଥିବା ଲୋକର ସ୍ତ୍ରୀ ଓ ପିଲାମାନଙ୍କୁ କଦବା କ୍ଵଚିତ ମଦ୍ୟପାନ ବିଶେଷ କ୍ଷତି କରି ନ ଥାଏ, ମାତ୍ର ଟିକିଏ ଟିକିଏରୁ ହିଁ ଅଭ୍ୟାସ ବଢିଯାଇଥାଏ । ଅତ୍ୟଧିକ ମଦ୍ୟପାନ, ପୃଥିବୀର ବହୁ ଜାଗାରେ ସ୍ୱାସ୍ଥ୍ୟ ସମ୍ବନ୍ଧୀୟ ମୁଖ୍ୟ ସମସ୍ୟାଗୁଡିକର, କାରଣ ଅଟେ । ଯେଉଁମାନେ ପିଅନ୍ତି ନାହିଁ ତାଙ୍କ ଉପରେ ମଧ୍ୟ ପ୍ରଭାବ ପଡିଥାଏ । ଯେଉଁମାନେ ପିଅନ୍ତି ତାଙ୍କର ସ୍ୱାସ୍ଥ୍ୟ ଖରାପ ହେବା ସଙ୍ଗେ ସଙ୍ଗେ ପରିବାର ତଥା ସମାଜର ମଧ୍ୟ କ୍ଷତି ହୋଇଥାଏ । ମଦ ନିଶାରେ ଲୋକ ବିଚାରବୋଧ ହରାଏ ଓ ନିଶା ଛାଡିଗଲା ପରେ ନିଜର ଆତ୍ମସମ୍ମାନ ହରାଇ ବସେ ଏହାଦ୍ଵାରା ଦୁଃଖ, କଷ୍ଟ ସାଙ୍ଗକୁ ନାନାଦି ଗଣ୍ଡାଗୋଳ ବଢିଯାଏ ଓ ଆତ୍ମୀୟମାନଙ୍କ ଉପରେ ହିଁ ଏହାଦ୍ଵାରା ସବୁଠାରୁ ବେଶୀ ପ୍ରଭାବ ପଡିଥାଏ ।
ପିଲାମାନେ ଭୋକରେ ଛଟପଟ ହେଉଥିବା ବେଳେ ଅନେକ ବାପା ଅଛନ୍ତି ଯେଉଁମାନେ ସବୁ ପଇସା ମଦ ପିଇବାରେ ଖର୍ଚ୍ଚ କରି ଦେଇଥାନ୍ତି । କିଛି ପରିମାଣରେ ଅଧିକ ରୋଜଗାର କରିଥିବା ଟଙ୍କାକୁ ମଧ୍ୟ ପରିବାର ଅବସ୍ଥାର ଉନ୍ନତି ଦିଗରେ ଖର୍ଚ୍ଚ ନ କରି ମଦ ପିଇବାରେ ଖର୍ଚ୍ଚ କରିଦେବା ହେତୁ ଅନେକ ରୋଗରେ ପରିବାର ଆକ୍ରାନ୍ତ ହୋଇଥାଏ । ସେମାନେ ଯେ ଆତ୍ମୀୟମାନଙ୍କୁ କଷ୍ଟ ଦେଇଥାନ୍ତି ଏହିକଥା ଚିନ୍ତାକରି ନିଜକୁ ନିଜେ ଘୃଣା କରିବାକୁ ଆରମ୍ଭ କରଣି ଓ ଏସବୁକୁ ଭୁଲି ଯିବାପାଇଁ ପୁଣି ମଦର ଆଶ୍ରୟ ନେଇଥାନ୍ତି ।
ତାଙ୍କର ମଦ୍ୟପାନ ଯୋଗୁଁ ଯେ ତାଙ୍କ ଚାରିପଟେ ଥିବା ବ୍ୟକ୍ତିମାନଙ୍କର ସୁଖ ଓ ସ୍ୱାସ୍ଥ୍ୟରେ ବାଧା ପଡୁଛି ଏହା ଅନୁଭବ କରିବା ପରେ, ସେ କ’ଣ କରିବା ଉଚିତ୍ । ପ୍ରଥମେ ତାଙ୍କୁ ମାନିବାକୁ ହେବ ଯେ ମଦ୍ୟପାନ ଗୋଟିଏ ସମସ୍ୟା । ନିଜ ନିକଟରେ ତଥା ଅନ୍ୟମାନଙ୍କ ପାଖରେ ସେ ସଚ୍ଚୋଟ ହେବା ଦରକାର । କେତେକ ବ୍ୟକ୍ତି ନିଜେ ନିଜେ ମଦ ଛାଡିବାପାଇଁ ନିଷ୍ପତ୍ତି ନେଇପାରନ୍ତି, କିନ୍ତୁ ଅନେକ ସମୟରେ ଏଥିପାଇଁ ସାଙ୍ଗସାଥି, ପରିବାର ଓ ଅନ୍ୟମାନଙ୍କର ଯେଉଁମାନେ ଜାଣିଥାନ୍ତି ଯେ ମଦ୍ୟପାନ ଛାଡିବା କେତେ କଷ୍ଟ, ସାହାଯ୍ୟ ଦରକାର ହୋଇଥାଏ, ଯେଉଁମାନେ ପୂର୍ବେ ବହୁତ ମଦ୍ୟପାନ କରୁଥିଲେ ମାତ୍ର ଏବେ ସମ୍ପୂର୍ଣ୍ଣରୂପେ ଛାଡି ଦେଇଛନ୍ତି, ସେମାନେ ଏ କ୍ଷେତ୍ରରେ ସବୁଠାରୁ ଅଧିକ ସାହାଯ୍ୟ କରିପାରିବେ ।
ମଦ୍ୟପାନ ଜଣେ ବ୍ୟକ୍ତିଙ୍କ ପାଇଁ ଯେତେ ସମସ୍ୟା ନୁହେଁ, ପୂରା ସମାଜ ପାଇଁ ତା’ଠାରୁ ବଡ ସମସ୍ୟା । ଏ କଥା ଯେଉଁ ସମାଜ ବୁଝିଥାଏ, ସେ ସମାଜ ବଦଳିବାକୁ ଚାହୁଁଥିବା ବ୍ୟକ୍ତିଙ୍କୁ, ବହୁ ପ୍ରକାରେ ସାହାଯ୍ୟ କରିପାରିବେ । ଯଦି ଆପଣ ମଦ୍ୟପାନ ସମସ୍ୟା ବିଷୟରେ ଅବଗତ, ତେବେ ସଭା ମାଧ୍ୟମରେ ଏହି ସମସ୍ୟା ସମ୍ବନ୍ଧରେ ଆଲୋଚନା ଓ ଉପଯୁକ୍ତ ପଦକ୍ଷେପ ନେବାପାଇଁ ଚେଷ୍ଟା କରନ୍ତୁ ।
|
ଯେତେବେଳେ ଲୋକେ ଏକତ୍ର କାମ କରିବେ ଏବଂ ଜଣେ ଜଣକୁ ସାହାଯ୍ୟ କରିବେ ସେତେବେଳେ ଅନେକ ସମସ୍ୟାର ସମାଧାନ ହୋଇପାରିବ । |
ଧୂମପାନ
ଧୂମପାନ କାହିଁକି ଆପଣ ତଥା ଆପଣଙ୍କ ପରିବାରର ସ୍ୱାସ୍ଥ୍ୟ ପାଇଁ କ୍ଷତିକାରକ, ତା’ର ଅନେକ କାରଣ ଅଛି । ଧୂମପାନ ନଷ୍ଟ କରିଦିଏ ।
- ଫୁସ୍ ଫୁସ୍, ଓଠ, ପାଟି, ଗଳାରେ କର୍କଟରୋଗର ସମ୍ଭାବନା ଧୂମପାନ ଯୋଗୁଁ ବଢିଯାଏ । (ଯେତେ ଅଧିକ ଫୁସ୍ ଫୁସ୍ ଧୂମପାନ କରିବେ କର୍କଟରୋଗ ଦ୍ଵାରା ମରଣର ସମ୍ଭାବନା ସେତେ ଅଧିକ ହେବ )
- ଧୂମପାନ ଫୁସୁଫୁସ୍ ରେ ସାଘାଂତିକ ରୋଗ ସହିତ ବ୍ରୋଙ୍କାଇଟିସ୍ ଓ ଏମ୍ପାଇସିମା ରୋଗର କାରଣ ହୃତପିଣ୍ଡ ଓ ପେଟ ହୋଇଥାଏ । (ଯାହାର ଏସବୁ ଅବସ୍ଥା ବା ଶ୍ଵାସରୋଗ ଥିବ, ତା’ ପାଇଁ ଧୂମପାନ ସାଘାଂତିକ)
- ଧୂମପାନ ପେଟ ନଳୀ ଘା’ ର କାରଣ ହୋଇ ପାରେ ବା ଏଗୁଡ଼ିକୁ ବେଶୀ ସାଘାଂତିକ କରିପାରେ ।
- ଧୂମପାନ କରୁଥିବା ପିତାମାତାଙ୍କର ପିଲାମାନଙ୍କୁ ଧୂମପାନ କରୁ ନ ଥିବା ଦମ୍ପତିଙ୍କର ପିଲାମାନଙ୍କ ଅପେକ୍ଷା, ନିମୋନିଆ ଓ ଶ୍ଵାସ ସମ୍ବନ୍ଧୀୟ ରୋଗ ହେବାର ସମ୍ଭାବନା ଅଧିକ ।
- ଧୂମପାନ ହୃଦରୋଗ ଓ ଆଘାତଦ୍ଵାରା କଷ୍ଟ ବା ମୃତ୍ୟୁର ସମ୍ଭାବନା ବଢାଇ ଦିଏ ।
- ଯେଉଁ ପିଲାମାନଙ୍କର ମା’ ଗର୍ଭବତୀ ଅବସ୍ଥାରେ ଧୂମପାନ କରିଥାନ୍ତି, ତାଙ୍କର ପିଲା, ଧୂମପାନ କରୁ ନ ଥିବା ପିଲାମାନଙ୍କଠାରୁ ଛୋଟ ଓ ସେମାନେ ଖୁବ୍ ଧୀରେ ଧୀରେ ବଢନ୍ତି ।
- ପିତାମାତା, ସ୍ୱାସ୍ଥ୍ୟକର୍ମୀ, ଶିକ୍ଷକ ତଥା ଅନ୍ୟମାନେ, ପିଲା ତଥା ଯୁବକମାନଙ୍କ ଆଗରେ ଧୂମପାନ କରିବାଦ୍ଵାରା ଏକ ଅଶୋଭନୀୟ ଉଦାହରଣ ରଖିଯାଆନ୍ତି । ଯାହା ଫଳରେ କି ପିଲାମାନେ ମଧ୍ୟ ଧୂମପାନ କରିପାରନ୍ତି ।
- ଧୂମପାନ ମଧ୍ୟ ବ୍ୟୟବହୁଳ ଅଟେ । ଏହି ଖର୍ଚ୍ଚ ଜଣାପଡେ ନାହିଁ, ମାତ୍ର ପ୍ରକୃତରେ ଏହାଦ୍ଵାରା ବହୁତ ଖର୍ଚ୍ଚ ହୋଇଥାଏ । ଗରିବ ଦେଶମାନଙ୍କରେ, ଜଣଙ୍କର ସ୍ୱାସ୍ଥ୍ୟ ପିଛା ହେଉଥିବା ସରକାରୀ ଖର୍ଚ୍ଚ ଅପେକ୍ଷା ଜଣେ ଖୁବ୍ ଗରିବ ଲୋକର ତମାଖୁ ଖର୍ଚ୍ଚ ଅଧିକ । ଯଦି ତମାଖୁରେ ଖର୍ଚ୍ଚ ହେବା ପରିବର୍ତ୍ତେ ଏହି ଅର୍ଥ ଖାଦ୍ୟ ପାଇଁ ଖର୍ଚ୍ଚ ହୋଇଥାଆନ୍ତା, ତେବେ ପିଲାମାନେ ତଥା ପରିବାରର ସମସ୍ତେ ସ୍ୱାସ୍ଥ୍ୟବାନ ହୋଇପାରନ୍ତେ ।
ଯଦି ଅନ୍ୟର ସ୍ୱାସ୍ଥ୍ୟ ପ୍ରତି ଆଗ୍ରହ ଥାଏ, ତେବେ ନିଜେ ଧୂମପାନ ନ କରିବା ସଙ୍ଗେ ସଙ୍ଗେ ଅନ୍ୟମାନଙ୍କୁ ମଧ୍ୟ ଏଥିରୁ ନିବର୍ତ୍ତାଇବା ଉଚିତ୍ ।
ଅଙ୍ଗାରକାମ୍ଳ ପାନୀୟ (ସାଧାରଣ ପାନୀୟ, ସୋଡା)
କେତେକ ଅଞ୍ଚଳରେ ଏହିସବୁ ପାନୀୟ ଖୁବ୍ ଲୋକପ୍ରିୟ । ପ୍ରାୟତଃ ଜଣେ ଗରିବ ମା’ ନିଜର ପୁଷ୍ଟିହୀନ ପିଲାପାଇଁ ରଙ୍ଗୀନ ପାନୀୟ କିଣିଥାନ୍ତି, ଯେତେବେଳେ କି ସେହି ପଇସାରେ ୨ଟି ଅଣ୍ଡା ବା ଅନ୍ୟାନ୍ୟ ପୁଷ୍ଟିକର ଖାଦ୍ୟ କିଣିବାରେ ବ୍ୟବହାର କରାଯାଇ ପାରିଥାଆନ୍ତା ।
କାର୍ବନଯୁକ୍ତ ପାନୀୟରେ ଚିନି ଭିନ୍ନ ଅନ୍ୟ କିଛି ପୁଷ୍ଟିକର ଖାଦ୍ୟ ନ ଥାଏ, କିନ୍ତୁ ଚିନିର ପରିମାଣ ଅନୁସାରେ ହିସାବ କଲେ ଏହା ଅଧିକ ଖର୍ଚ୍ଚସାପେକ୍ଷ ସାବ୍ୟସ୍ତ ହୋଇଥାଏ । ଯେଉଁ ପିଲାମାନଙ୍କୁ ଅଧିକ ପରିମାଣରେ କାର୍ବନଯୁକ୍ତ ପାନୀୟ ତଥା ଅନ୍ୟାନ୍ୟ ମିଠା ଦିଆଯାଏ, ବହୁତ ଶୀଘ୍ର ସେମାନଙ୍କର ଦାନ୍ତ କଣା ହେବା ଆରମ୍ଭ ହୁଏ । ବିଶେଷତଃ ଅମ୍ଳୀୟ ଅଜିର୍ଣ୍ଣ ଓ ପେଟନଳୀ ଘା’ ଥିବା ଲୋକମାନଙ୍କ ପାଇଁ ଏହା ବହୁତ କ୍ଷତିକାରକ ।
ଫଳରୁ ତିଆରି କରାଯାଇପାରୁଥିବା ପାନୀୟ ସ୍ୱାସ୍ଥ୍ୟକର ଏବଂ ପ୍ରାୟ କାର୍ବନଯୁକ୍ତ ପାନୀୟଠାରୁ ଶସ୍ତା ।
|
ଆପଣଙ୍କର ପିଲାମାନଙ୍କଠାରେ କାର୍ବନଯୁକ୍ତ ପାନୀୟ ପିଇବାର ଅଭ୍ୟାସ ବଧାନତୁ ନାହିଁ । |
ଡ୍ରଗ ଅପବ୍ୟବହାର ଓ ନିଶାଶକ୍ତ
ଆଜିକାଲି ଏହି ଡ୍ରଗ ଅପବ୍ୟବହାର ଓ ନିଶା ସମାଜରେ ଏକ ମୁଖ୍ୟ ସମସ୍ୟା ଅଟେ । ଯଦିଓ କେତେକ ଦେଶରେ ଆଲକୋହଲ ଓ ଟୋବାକୋ ବ୍ୟବହାର ବୈଧ ତଥାପି ଏହା ଜନସମାଜର ପ୍ରଭୁତ କ୍ଷତି କରିଥାଏ । ପ୍ରତିବର୍ଷ ଏହା କବଳରେ ହଜାର ହଜାର ଲୋକ ମରିଥାନ୍ତି । ଆଲକୋହଲ ଅପବ୍ୟବହାର ନିଜର ସ୍ୱାସ୍ଥ୍ୟ, ପରିବାର ଓ ସାମାଜିକ ସମସ୍ୟା ସୃଷ୍ଟି କରିଥାଏ । ସିଗାରେଟ ଟାଣିବାଦ୍ଵାରା ଅଧିକାଂଶ ଲୋକ ମରିଥାନ୍ତି । ଯଦିଓ ଧନୀ ଦେଶଗୁଡିକରେ ସିଗାରେଟ ଟାଣିବାର ମାତ୍ରା କମିଗଲାଣି ତଥାପି ସେ ଦେଶର ସିଗାରେଟ କମ୍ପାନୀମାନେ ଏବେ ଗରିବ ଦେଶରେ ଆସ୍ଥାନ ଜମାଇ ସିଗାରେଟର ପ୍ରସାର ଓ ବ୍ୟବହାର ବଢାଇବାରେ ଲାଗିଛନ୍ତି ।
ଆଲକୋହଲ ଓ ଟୋବାକୋ ବ୍ୟବହାର ଜନିତ ସ୍ୱାସ୍ଥ୍ୟ ସମସ୍ୟାରେ ଆଲୋଚନା କରାଯାଇଛି । ଏହା ବ୍ୟତୀତ ଅଧିକାଂଶ ଲୋକ ଅବୈଧ ଡ୍ରଗ ବ୍ୟବହାରର ଶିକାର ହେଉଛନ୍ତି । ମରିଜୁନାଠାରୁ ଆରମ୍ଭ କରି, ଅଫିମ ଓ କୋକେନ ଇତ୍ୟାଦି ଲୋକେ ବ୍ୟବହାର କରି ତଳିତଳାନ୍ତ ହୋଇଯାଉଛନ୍ତି ।
ଗରିବ ପିଲାମାନଙ୍କର ଏକ ମୁଖ୍ୟ ସମସ୍ୟା ହେଉଛି ରାସାଯନିକ ଦ୍ରବ୍ୟର ଆଘ୍ରାଣ । ବିଶେଷତଃ ଜୋତା ପାଲିସ୍, ଓ ଅନେକ ରାସାଯନିକ କାରଖାନାରେ କରୁଥିବା ଛୋଟପିଲା ଏଥିରେ ବେଶୀ ଆକ୍ରାନ୍ତ ହେଉଛନ୍ତି । କେତେକ ଲୋକ ମଧ୍ୟ ଔଷଧର ଅପବ୍ୟବହାର କରୁଛନ୍ତି ଯେପରି ଯନ୍ତ୍ରଣା ଲାଘବ କରିବା ପାଇଁ ବା ଭୋକ କମାଇବା ପାଇଁ ଔଷଧର ବ୍ୟବହାର ।
ଡ୍ରଗକୁ ଗିଳାଯାଇ ପାରିବ, ଇଞ୍ଜେକ୍ସନ ମାଧ୍ୟମରେ ନେଇହେବ, ବିଡି, ସିଗାରେଟ ଭଳି ଟାଣିହେବ, ଚୁଚୁମି କରି ଖାଇହେବ ଓ ଆଘ୍ରାଣ ଦ୍ଵାରା ମଧ୍ୟ ବ୍ୟବହାର କରାଯାଇପାରିବ । ବିଭିନ୍ନ ଡ୍ରଗ ଶରୀର ଓ ମସ୍ତିସ୍କରେ ବିଭିନ୍ନ ପ୍ରତିକ୍ରିୟା ସୃଷ୍ଟି କରିଥାନ୍ତି । କୋକେନ ଖାଇବାଦ୍ଵାରା ଲୋକ ଆନନ୍ଦ ପାଇଥାନ୍ତି, କିନ୍ତୁ କିଛି ସମୟ ପରେ ସେ କ୍ଲାନ୍ତ, ଚିଡିଚିଡା ଓ ଦୁଃଖୀ ହୋଇଯାନ୍ତି । କେତେକ ଡ୍ରଗ ଲୋକଙ୍କୁ ସାମୟିକ ସୁଖ ଦେଉଥିଲେ ମଧ୍ୟ ପରେ ବିଭିନ୍ନ ପ୍ରକାର ଜଟିଳତା ଯଥା – ଆତ୍ମସଂଜମ ରକ୍ଷା କରାଇବାରେ ବିଫଳ କରାଇଥାଏ । କେତେକ ଡ୍ରଗ ମଧ୍ୟ ଲୋକଙ୍କୁ ଅଧିକ ସ୍ଵପ୍ନବାଦୀ କରିଦେଇଥାଏ ।
|
ସତର୍କତା : ଗର୍ଭବତୀ ମହିଳାମାନଙ୍କଦ୍ଵାରା ସିଗାରେଟ, ଆଲକୋହଲ ଓ ଅନ୍ୟାନ୍ୟ ଡ୍ରଗ ସେବନ କରିବାଦ୍ଵାରା ଗର୍ଭସ୍ଥ ଶିଶୁ ଉପରେ ଯଥେଷ୍ଟ ପ୍ରଭାବ ପଡିଥାଏ । ଇଞ୍ଜେକ୍ସନ ମାଧ୍ୟମରେ ଡ୍ରଗ ସେବନ କରିବାଦ୍ଵାରା ବିଭିନ୍ନ ମାରାତ୍ମକ ରୋଗ ହୋଇଥାଏ । |
ଲୋକ ସାଧାରଣତଃ ପରିଶ୍ରମରୁ ରକ୍ଷା ପାଇବା ପାଇଁ , ଭୋକରୁ ରକ୍ଷା ପାଇବା ପାଇବା ଦୈନନ୍ଦିନ ଜୀବନରେ ଶାନ୍ତି ପାଇବା ପାଇଁ ଡ୍ରଗ ବ୍ୟବହାର କରିଥାନ୍ତି । କିନ୍ତୁ ପରେ ଏହାକୁ ଅଭ୍ୟାସ କରିବାଦ୍ଵାରା ସେମାନେ ଏହାର ଦାସ ହୋଇଯାଆନ୍ତି । ଯଦିବା ସେମାନେ ଏହାକୁ ବନ୍ଦ କରିବାକୁ ଚେଷ୍ଟା କରନ୍ତି, ପ୍ରକାରାନ୍ତରେ ସେମାନେ ଦୁଃଖୀ, ପୀଡିତ ଓ ଭୟଙ୍କର ହୋଇଯାଆନ୍ତି ଏହି ଡ୍ରଗ ପାଇବାପାଇଁ ସେମାନେ ଚୋରୀ, ଅପରାଧ ଓ ପରିବାରରେ ଅଶାନ୍ତି ସୃଷ୍ଟି କରିବାକୁ ପଛାନ୍ତି ନାହିଁ ।
ଡ୍ରଗ ଅଭ୍ୟାସ କରିବାଦ୍ଵାରା ନିଜକୁ ଅବହେଳା କରାଯାଇଥାଏ ଓ ଏଥି ସହିତ ପରିବାରରେ ଅଶାନ୍ତି ଓ କଳହ ସୃଷ୍ଟି ହୋଇଥାଏ ।
ଯେତେବେଳେ ଜଣେ ଏହି ଡ୍ରଗ ସେବନରୁ ମୁକ୍ତି ପାଇବାପାଇଁ ଚେଷ୍ଟା କରେ ସେ ସାଧାରଣତଃ କେତେଗୁଡିଏ ଅଦ୍ଭୁତ କାମ କରିଥାଏ । ଏହି ସମୟରେ ବ୍ୟକ୍ତି ଅତ୍ୟଧିକ ରାଗି ବା ଦୁଃଖରେ ମ୍ରିୟମାଣ ହୋଇପଡେ । ସେ ଭାବେ ଡ୍ରଗକୁ ଛାଡି ବଞ୍ଚିପାରିବ ନାହିଁ ।
ନିମ୍ନରେ ଡ୍ରଗ ବ୍ୟବହାର ଓ ନିଶାଶକ୍ତିରୁ ମୁକ୍ତି ପାଇବା ପାଇଁ କେତେଗୁଡିଏ ଉପାୟ ପ୍ରଦତ୍ତ କରାଗଲା ।
* ଡ୍ରଗ ବ୍ୟବହାର କରୁଥିବା ବ୍ୟକ୍ତିଙ୍କ ସହିତ ସ୍ନେହ ଓ ଶ୍ରଦ୍ଧା ପ୍ରଦର୍ଶନ କରନ୍ତୁ ।
ସମାଜରେ ଡ୍ରଗ ବ୍ୟବହାର କରି ଏଥିରୁ ମୁକ୍ତି ପାଇଥିବା ବ୍ୟକ୍ତି ଏକ ସହାୟକ ଦଳ ଗଠନ କରି ଅନ୍ୟ ନିଶାଗ୍ରସ୍ତ ବ୍ୟକ୍ତିଙ୍କୁ ଏଥିରୁ ମୁକ୍ତ କରାଇପାରିବେ ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନLast Modified : 7/2/2020
