ଶିଶୁମାନଙ୍କଠାରେ ବାରମ୍ବାର ଦେଖାଯାଉଥିବା କେତେକ ସମସ୍ୟା ଏଠାରେ ସଂକ୍ଷେପରେ କରାଯାଉଛି । ପ୍ରତ୍ୟକ ସମସ୍ୟା ପାଇଁ ଅଧିକ ଜାଣିବାକୁ ହେଲେ ତଳଲିଖିତ ପୃଷ୍ଠାମାନ ଦେଖନ୍ତୁ ।
ମନେ ରଖନ୍ତୁ :
ଶିଶୁମାନଙ୍କଥରେ ହେଉଥିବା ରୋଗ ଖୁବ୍ ଶୀଘ୍ର ଭୟଙ୍କର ଆକାର ଧାରଣ କରେ । ଯେଉଁ ରୋଗ ଗୋଟିଏ ବୟସ୍କ ଲୋକର ଗୁରୁତର କ୍ଷତି ଘଟାଇବାକୁ ବା ମାରି ଦେବାକୁ କେତେଦିନ ବା କେତେ ସପ୍ତାହ ଆବଶ୍ୟକ କରିଥାଏ, ସେହି ରୋଗ ଗୋଟିଏ ଶିଶୁକୁ ମାରିଦେବା ପାଇଁ ମାତ୍ର କେତୋଟି ଘଣ୍ଟା ସମୟ ନେଇଥାଏ । ସେଥିପାଇଁ ଏହା ଗୁରୁତ୍ଵପୂର୍ଣ୍ଣ ଯେ ଶିଶୁଠାରେ ରୋଗର ଲକ୍ଷଣ ଦେଖିଲା ମାତ୍ରେ ତାହାର ଉପଯୁକ୍ତ ଚିକିତ୍ସା ବ୍ୟବସ୍ଥା କରିବା ଉଚିତ୍ ।
ଅଧିକାଂଶ ଶିଶୁ ଖାଇବାକୁ ନ ପାଇବାଦ୍ଵାରା କୁପୋଷଣର ଶିକାର ହୋଇଥାନ୍ତି । ଅଥବା ଯାହା ବୀ ଖାଆନ୍ତି ସେଥିରେ ଅଧିକ ପାଣି ଏବଂ ତନ୍ତୁ ପରିପୂର୍ଣ୍ଣ ଥାଏ । ଏଥିସହିତ ଅଧିକାଂଶ ପିଲା ଖାଦ୍ୟରେ ଭିଟାମିନ୍ ‘କ’ ପାଇ ନ ଥାନ୍ତି ।
କୁପୋଷଣ ପିଲାମାନଙ୍କର ବିଭିନ୍ନ ପ୍ରକାର ସମସ୍ୟା ସୃଷ୍ଟି କରିଥାଏ ।
ମୃଦୁ କୁପୋଷଣ |
ଉଗ୍ର କୁପୋଷଣ |
ଦୁର୍ବଳ ବୃଦ୍ଧି |
ଓଜନ ବୃଦ୍ଧି ନ ହେବା |
ପେଟ ଫୁଲିଯିବା |
ପାଦ ଫୁଲିଯିବା |
ପତଳା ଶରୀର |
କଳା ଚିହ୍ନ ବା ଘା’ |
ଭୋକ ନ ହେବା |
ବାଳ ଝଡିଯିବା ବା ରୁଗଣ ଦେଖାଯିବା |
ଶକ୍ତିର ଅଭାବ |
ହସିବା ବା ଖେଳିବାକୁ ଇଚ୍ଛା ନ ହେବା |
ରକ୍ତ ହୀନତା |
ପାଟି କଳ ଖାଇଯିବା |
ମଇଳା ଖାଇବା |
ସାଧାରଣ ଭାବରେ ଜ୍ଞାନ ନ ହେବା |
ପାଟି କଳରେ ଘା’ |
ଶୁଷ୍କ ଆଖି |
ବାରମ୍ବାର ଥଣ୍ଡା ଓ ସଂକ୍ରମଣ |
ଅନ୍ଧ |
ଅନ୍ଧାର କଣା |
|
ସାଧାରଣତଃ ତରଳ ଝାଡା ବା ମିଳିମିଳା ପରେ ପିଲାମାନଙ୍କର କୁ ପୋଷଣଜନିତ ଲକ୍ଷଣ ମାନ ଦେଖାଦେଇଥାଏ । ଯେଉଁପିଲା ଅସୁସ୍ଥ ବା ରୋଗରୁ ଭଲ ହେଉଛି ସେ ସୁସ୍ଥ ପିଲାମାନଙ୍କ ତୁଳନାରେ ଅଧିକ ଖାଦ୍ୟ ଆବଶ୍ୟକ କରିଥାଏ ।
ତରଳ ଝାଡା ଓ ପତଳା ଝାଡା ହେଉଥିବା ଶିଶୁପାଇଁ ଅଧିକ ବିପଦ ଘନେଇ ଆସେ ଯେତେବେଳେ ଏହି ପତଳା ଝାଡା ସହିତ ବାନ୍ତି ହୁଏ ଓ ଦେହରୁ ଅତ୍ୟଧିକ ଜଳୀୟ ଅଂଶ ବାହାରିଯାଏ । ଏହି କ୍ଷେତ୍ରରେ ତାକୁ ପୁନର୍ଜଳପେୟ ଦିଅନ୍ତୁ । ଯଦି ଶିଶୁ ସ୍ତନ୍ୟପାନ କରୁଥାଏ ତେବେ ତାକୁ ବାରମ୍ବାର ସ୍ତନ୍ୟପାନ କରାଇବାକୁ ଦିଅନ୍ତୁ ଓ ତା’ ସାଙ୍ଗରେ ପୁନର୍ଜଳପେୟ ମଧ୍ୟ ଦିଅନ୍ତୁ । ଗ୍ରୀଷ୍ମ ଋତୁରେ ଅତ୍ୟଧିକ ଝାଳ ବୋହିବା ଫଳରେ କେତେକ ଛୋଟ ଶିଶୁଙ୍କର ଶରୀରରେ ଜଳୀୟ ଅଂଶର ଅଭାବ ସୃଷ୍ଟି ହୋଇଥାଏ । ତେଣୁ ଗ୍ରୀଷ୍ମ ଦିନରେ ଶିଶୁକୁ ପ୍ରଚୁର ପରିମାଣରେ ସିଝା ତଥା ଥଣ୍ଡା ହୋଇଥିବା ପାଣି ପିଇବାକୁ ଦିଅନ୍ତୁ ।
ଅତିସାର ଭୋଗୁ ଥିବା ଶିଶୁପାଇଁ ଦ୍ଵିତୀୟ ବଡ ବିପଦ ହେଉଛି ପୁଷ୍ଟିହୀନତା, ଶିଶୁଟି କିଛି ଖାଇପାରିବା ଭଳି ଅବସ୍ଥାକୁ ଆସିଲାମାତ୍ରେ ତାହାକୁ ପୁଷ୍ଟିକର ଖାଦ୍ୟ ଖାଇବାକୁ ଦେବା ଆରମ୍ଭ କରି ଦିଅନ୍ତୁ ।
ଛୋଟ ପିଲାମାନଙ୍କଠାରେ ଅଧିକ ଜ୍ଵର ହେଲେ ବାଟ ହୋଇପାରେ । ଏହା ମସ୍ତିସ୍କର କ୍ଷତି ଘଟାଇଥାଏ । ଜ୍ଵରର ଅଧିକ ଉତ୍ତାପକୁ ଶୀଘ୍ର କମାଇବା ପାଇ ଶିଶୁ ଦେହରୁ ସମସ୍ତ ଲୁଗା କାଢି ଦିଅନ୍ତୁ । ଥଣ୍ଡା ପାଣିରେ କପଡା ବୁଡାଇ ତାହାକୁ ଚିପୁଡି ଶିଶୁର ଦେହସାରା ବୁଲାନ୍ତୁ ଓ ତାହା ସାଙ୍ଗରେ ପଙ୍ଖା କରନ୍ତୁ । ତାହାକୁ ପ୍ରଚୁର ପରିମାଣରେ ପିଇବାକୁ ଦିଅନ୍ତୁ ଏବଂ ପାରାସିଟାମଲ୍ ଓ ଆସ୍ପିରିନ ଆବଶ୍ୟକ ପରିମାଣରେ ଦିଅନ୍ତୁ ।
ବାତ : ଶିଶୁର ବାତ ବା ଦେହ ହାତ ଥରି, ହାତ ମୁଠାମୁଠା କରିବାର କାରଣହେଉଛି – ଖୁବ୍ ଜୋରରେ ଜ୍ଵର, ନିର୍ଜଳନ, ମୂର୍ଚ୍ଛା ଏବଂ ମସ୍ତିସ୍କଝିଲ୍ଲୀ ସଂକ୍ରମଣ ଯଦି ଖୁବ୍ ଜୋରରେ ଜ୍ଵର ହୁଏ, ଏବଂ ନିର୍ଜଳନ ଓ ମସ୍ତିସ୍କଝିଲ୍ଲୀ ସଙ୍କରମାନର ଲକ୍ଷଣ ପରୀକ୍ଷା କରନ୍ତୁ । ଯଦି ଏହି ସମୟରେ ଦେହର ଜ୍ଵର ନ ଥାଏ ବା ଅନ୍ୟ କୌଣସି ଲକ୍ଷଣ ପ୍ରକାଶ ପାଉ ନ ଥାଏ ତେବେ ଏହା ମୂର୍ଚ୍ଛା ରୋଗ ଅଟେ । ବିଶେଷତଃ ଯଦି ଏହାପରେ ଶିଶୁ ପୁରାପୁରି ସୁସ୍ଥସବଳ ଦେଖାଯାଏ ଯେପରିକି ଆଦୌ ବାତ ଭୋଗିନାହିଁ, ତେବେ ନିଶ୍ଚିତ ହୁଅନ୍ତୁ ଯେ ଏହା ମୂର୍ଚ୍ଛା ରୋଗ । ଯେଉଁ ବାତରେ ପ୍ରଥମେ ଦାନ୍ତ ଯାବ ପଡିଯାଇ ଶରୀରର ଅନ୍ୟାନ୍ୟ ଅଂଶ ଶିଥିଳ ହୋଇଯାଏ, ତାହା ଧନୁଷ୍ଟଙ୍କାର ହୋଇପାରେ ।
ମସ୍ତିସ୍କଝିଲ୍ଲୀ ସଂକ୍ରମଣ
ଏହି ଭୟଙ୍କର ରୋଗଟି ମିଳିମିଳା ବା ଅନ୍ୟ କୌଣସି ସେହିପରି ରୋଗ ଅଧିକ ଜଟିଳ ଆକାର ଧାରଣ କଲେ ଦେଖା ଦେଇଥାଏ । ଯେଉଁ ମା’ ମାନଙ୍କର ଯକ୍ଷ୍ମା ରୋଗ ଥାଏ ସେମାନଙ୍କର ଶିଶୁକୁ ଯକ୍ଷ୍ମା ଜାତୀୟ ମସ୍ତିସ୍କଝିଲ୍ଲୀ ସଂକ୍ରମଣ ହୋଇଥାଏ । ଶିଶୁ ଖୁବ୍ ରୋଗୀଣା ହୋଇଯାଏ । ସେ ପଡି ରହିଥିବା ବେଳେ ତା’ର ମୁଣ୍ଡ ପଛ ଆଡକୁ ଝୁଙ୍କି ରହିଥାଏ । ବେକ ଏତେ ଟାଣ ହୋଇ ଯାଇଥାଏ ଯେ, ତାହା ଆଗକୁ ପଛକୁ ବୁଲିପାରେ ନାହିଁ । ଶରୀରର ଅଦ୍ଭୁତ ଅଙ୍ଗୀ ପ୍ରକାଶ ପାଏ । ଏହିପରି ହେଉଥିଲେ ତାହା ମସ୍ତିସ୍କଝିଲ୍ଲୀ ସଂକ୍ରମଣ ଅଟେ ।
ରକ୍ତହୀନତା
ପିଲାମାନଙ୍କଠାରେ ସାଧାରଣ ଲକ୍ଷଣ ।
* ଆଖିପତା ଭିତର, ଦାନ୍ତ ମାଢି ଓ ନଖ ଆଦି ମଳିନ, ଶେଥା ଦେଖାଯିବା ।
* ଭୀଷଣଭାବେ ଦୁର୍ବଳ ବା କ୍ଲାନ୍ତ ହୋଇ ପଡିବା ।
* ମାଟି ଖାଇବାକୁ ଇଚ୍ଛା କରିବା ।
ସାଧାରଣ କାରଣ :
* ଲୌହସାର କମ୍ ଥିବା ଖାଦ୍ୟ
* ଦୀର୍ଘକାଳୀନ ଆନ୍ତ୍ରିକ ସଂକ୍ରମଣ
* ଅଙ୍କୁଶ କୃମି
* ମ୍ୟାଲେରିଆ
ପ୍ରତିଷେଧକ ଓ ଚିକିତ୍ସା :
* ଲୌହସାର ଯୁକ୍ତ ଖାଦ୍ୟ ଖାଇବାକୁ ଦିଅନ୍ତୁ । ଯଥା : ସବୁଜ ରଙ୍ଗର ତଟକା ପାରିବା, ବିନ୍, ମସୁର, ଚିନାବାଦାମ, ମାଂସ ଓ ଅଣ୍ଡା, ଚିନି ପରିବର୍ତ୍ତେ ତାହାକୁ ଗୁଡ ଦିଅନ୍ତୁ । କାରଣ ଏଥିରେ ଅଧିକ ଲୌହସାର ଥାଏ ।
* ରକ୍ତଶୂନ୍ୟତାର କାରଣମାନ ପରୀକ୍ଷା କରି ଚିକିତ୍ସା କରନ୍ତୁ । ଯଦି ଅଙ୍କୁଶ କୃମି ଆପଣଙ୍କ ଅଳିନ୍ଦରେ ସାଧାରଣଭାବେ ଦେଖା ଦେଉଛି ତେବେ ପିଲାକୁ ଖାଲି ପାଦରେ ବୁଲିବାକୁ ଛାଡନ୍ତୁ ନାହିଁ ଏବଂ ମାଟିରେ ହାତ ଧୋଇବାକୁ ମନା କରନ୍ତୁ । କାରଣ ଏଥିରେ ଅଙ୍କୁଶ କୃମିର ଅଣ୍ଡାମାନ ରହିଥାଏ ।
* ଯଦି ଅଙ୍କୁଶ କୃମି ହୋଇଥିବାର ସନ୍ଦେହ କରନ୍ତି ତେବେ ଜଣେ ସ୍ୱାସ୍ଥ୍ୟସେବୀଙ୍କ ଦ୍ଵାରା ଶିଶୁର ଝାଡା ପରୀକ୍ଷା କରାଇ ଦିଅନ୍ତୁ । ଅଣୁବୀକ୍ଷଣ ଯନ୍ତ୍ର ସାହାଯ୍ୟରେ ଅଙ୍କୁଶ କୃମିମାନଙ୍କର ଅଣ୍ଡା ଝାଡା ଭିତରେ ଥିବାର ଦେଖାଯାଏ ।
* ନିହାତି ଆବଶ୍ୟକ ହେଲେ ଲୌହ ଲବଣ ପାଟିରେ ଖାଇବାକୁ ଦିଅନ୍ତୁ ।
ଅନ୍ତ୍ରରେ ଦେଖାଯାଉଥିବା କୃମି ଓ ଅନ୍ୟାନ୍ୟ ପରଜୀବୀ :
ଯଦି ପରିବାର ମଧ୍ୟରେ ଗୋଟିଏ ପିଲାର କୃମି ହୋଇଥାଏ ତେବେ ପରିବାରର ସମସ୍ତ ସଦସ୍ୟ ଚିକିତ୍ସିତ ହେବା ଉଚିତ୍ । କୃମି ସଂକ୍ରମଣରୁ ରକ୍ଷା ପାଇବାକୁ ହେଲେ ପିଲାମାନେ ଏହା କରିବା ଉଚିତ୍ ।
* ପରିଚ୍ଛନ୍ନତା ସମ୍ବନ୍ଧୀୟ ନିୟମାବଳୀ ପାଳନ କରନ୍ତୁ ।
* ପାଇଖାନା ବ୍ୟବହାର କରିବା ଉଚିତ୍ ।
* ଖାଲି ପାଦରେ ବୁଲନ୍ତୁ ନାହିଁ ।
* ପରିବା ଭଲଭାବରେ ଧୋଇ ଓ ରାନ୍ଧି ଖାଆନ୍ତୁ ।
* ଫଳ ଖାଇବା ପୂର୍ବରୁ ଭଲ ଭାବରେ ଧୋଇ ନିଅନ୍ତୁ ।
* ସମ୍ପୂର୍ଣ୍ଣ ପଚି ଯାଇଥିବା ଅଥବା ଆଂଶିକ ପଚି ଯାଇଥିବା ମାଂସ ଖାଆନ୍ତୁ ନାହିଁ ।
* କେବଳ ନିର୍ମଲା ଓ ସିଝା ହୋଇଥିବା ପାଣି ପିଅନ୍ତୁ ।
ଚର୍ମ ସମସ୍ୟା
ପିଲାମାନଙ୍କଠାରେ ଯାହା ସାଧାରଣତଃ ଦେଖାଯାଏ ।
* କୁଣ୍ଡିଆ
* ସଂକ୍ରମିତ ଘା’ ଓ ଚର୍ମପୂୟ
* ଯାଦୁ ଏବଂ ଅନ୍ୟାନ୍ୟ ଶୈବାଳ ସଂକ୍ରମଣ
ଚର୍ମରୋଗ ରୋକିବା ପାଇଁ ପରିଚ୍ଛନ୍ନତା ନିୟମାବଳୀ ପାଳନ କରନ୍ତୁ
* ପିଲାମାନଙ୍କୁ ପ୍ରତିଦିନ ଗାଧୋଇ ଦିଅନ୍ତୁ ।
* ଓଡଶ ଓ ଉକୁଣୀ ଆଦି ଯେପରି ଘରେ ନ ରୁହନ୍ତି ନଜର ଦିଅନ୍ତୁ । କୁଣ୍ଡିଆ ଯେପରି ଅଧିକ ବଢି ନ ପାରେ ସେଥିପ୍ରତି ଦୃଷ୍ଟି ଦିଅନ୍ତୁ ।
* କୁଣ୍ଡିଆ, ଉକୁଣୀ, ଯାଦୁ ଓ ସଂକ୍ରମିତ ଘା’ ହୋଇଥିବା ଶିଶୁକୁ ଅନ୍ୟ ସୁସ୍ଥ ଶିଶୁଙ୍କ ସହ ଏକତ୍ର ଶୋଇବା ବା ମିଳା ମିଶା କରିବାକୁ ଦିଅନ୍ତୁ ନାହିଁ । ତୁରନ୍ତ ସେମାନଙ୍କର ଚିକିତ୍ସା ବ୍ୟବସ୍ଥା କରନ୍ତୁ ।
ଆଖିଧରା (ନେତ୍ରଶ୍ଳେଷ୍ମା ଶୋଥ)
ଆଖିପତା ଭିତରେ ଦିନକୁ ଅନେକ ଥର ଜୀବାଣୁନାଶୀ ଆଖି ଔଷଧ କେତେ ବୁନ୍ଦା ପକାନ୍ତୁ । ମନେ ରଖନ୍ତୁ ଆଖି ଧରିଥିବା ଗୋଟିଏ ପିଲାକୁ ଅନ୍ୟ ପିଲାମାନଙ୍କ ସହ ଖେଳିବାକୁ ବା ଏକତ୍ର ଶୋଇବାକୁ ଛାଡନ୍ତୁ ନାହିଁ । ଯଦି ଆଖିଧରା ଅଳ୍ପଦିନ ଭିତରେ ଭଲ ହେଉ ନ ଥାଏ ତେବେ ସ୍ଵାସ୍ଥ୍ୟକର୍ମୀଙ୍କୁ ଦେଖାନ୍ତୁ ।
ସର୍ଦ୍ଦି ଏବଂ ଫ୍ଲୁ
ସାଧାରଣ ଥଣ୍ଡା, ନାକରୁ ପାଣି ନିଗିଡିବା, ସାମାନ୍ୟ ଜ୍ଵର ହେବା, ଖୁଁ ଖୁଁ କାଶି ହେବା, ତଣ୍ଟିମୂଳ ଦରଜ ହେବା ଓ ବେଳେବେଳେ ପତଳା ଝାଡା ଇତ୍ୟାଦି ହେବା ପ୍ରାୟତଃ ପିଲାମାନଙ୍କଠାରେ ଦେଖା ଦେଇଥାଏ । ଏଗୁଡିକ ଭୟଙ୍କର ସମସ୍ୟା ନୁହେଁ ।
ଏହାର ଚିକିତ୍ସା ହେଉଛି, ଆବଶ୍ୟକ ପରିମାଣରେ ଆସ୍ପିରିନ ଓ ଏସିଟାମିନୋଫେନ ଔଷଧ ସହ ପ୍ରଚୁର ପରିମାଣରେ ପିଇବାକୁ ଦିଅନ୍ତୁ । ଯେଉଁମାନେ ବିଛଣାରେ ଶୋଇବାକୁ ଚାହୁଁଛନ୍ତି, ସେମାନେ ସୋଇ ରୁହନ୍ତୁ । ସୁଷମ ଖାଦ୍ୟ ଓ ପ୍ରଚୁର ପରିମାଣରେ ଫଳ ଖାଇବାକୁ ଦେଲେ ଥଣ୍ଡା ଛାଡିଯାଏ ।
ସାଧାରଣ ଥଣ୍ଡା ପାଇଁ ପେନସିଲିନ, ଟେଟ୍ରାସାଇକ୍ଲିନ ଆଦି ଜୀବାଣୁନାଶୀ ଔଷଧ ଭଲ କାମ କରେ ନାହିଁ । ଥଣ୍ଡା ପାଇଁ ଇଞ୍ଜେକ୍ସନ ନେବା ଦରକାର ନାହିଁ ।
ଥଣ୍ଡା ଧରିଥିବା ଗୋଟିଏ ପିଲା ଦେହ ଯଦି କ୍ରମେ ଅଧିକ ଅସୁସ୍ଥ ହେଲା, ଜ୍ଵର ଖୁବ୍ ଜୋରରେ ବଢିଲା ଓ ଘନଘନ ଅଳ୍ପ ଅଳ୍ପ ନିଃଶ୍ଵାସ ନେଲା ତେବେ ନିମୁନିଆ ହୋଇଥାଇପାରେ । ଏ କ୍ଷେତ୍ରରେ ଜୀବାଣୁନାଶୀ ଔଷଧ ଦେବା ଉଚିତ୍ । କର୍ଣ୍ଣମୂଳର ସଂକ୍ରମଣ ଓ ଗଳା ଫୁଲା ପ୍ରତି ନଜର ଦିଅନ୍ତୁ ।ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ
Last Modified : 4/23/2020