অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଗର୍ଭାବସ୍ଥାରେ ଯକ୍ଷ୍ମାରୋଗ

ମହିଳାମାନଙ୍କୁ  ଯକ୍ଷ୍ମାରୋଗ

ମହିଳାମାନଙ୍କ  ଯକ୍ଷ୍ମାରୋଗ  କଥା  ବିଚାରକୁ  ନେଲେ  ଦେଖିବା  ଯେ  ଗର୍ଭାବସ୍ଥାରେ  ପ୍ରାୟ  ଶତକଡା  ୫ ପ୍ରତିଶତ  ମହିଳା  ଯକ୍ଷ୍ମାରୋଗରେ  ଆକ୍ରାନ୍ତ  ହୋଇଥାନ୍ତି  ବା ଯକ୍ଷ୍ମାରୋଗ ସହ  ଗର୍ଭଧାରଣ  କରିଥାନ୍ତି । ଗର୍ଭାବସ୍ଥା  ଏକ  ଷ୍ଟ୍ରେସଫୁଲ  ପିରିଅଡ୍  ବା ମାନସିକ  ଓ ଶାରୀରିକ  ଚାପର  ସମୟ  ଏବଂ ଏହି ସମୟରେ  ରୋଗ  ପ୍ରତିରୋଧକ  ଶକ୍ତି  କମ୍  ଥିବାରୁ  ରୋଗ  ବ୍ୟାପିବାର  ଆଶଙ୍କା  ଥାଏ  ।

ତେଣୁ ଛାତି  ରୋଗ  ବିଶେଷଜ୍ଞ  ଏବଂ  ସ୍ତ୍ରୀରୋଗ  ଓ  ପ୍ରସୂତି  ବିଶେଷଜ୍ଞଙ୍କର  ମିଳିତ  ଉଦ୍ୟମରେ  ଏହି ରୋଗର  ଚିକିତ୍ସା  କରାଇବା  ଆବଶ୍ୟକ  ।

ଯକ୍ଷ୍ମାରୋଗ  ଭୋଗୁଥିବା  ମହିଳାମାନଙ୍କର  ଏଚ.ଆଇ.ଭି  ପଜିଟିଭ୍  ରୋଗୀଙ୍କର  ଛାତିରେ  ଯକ୍ଷ୍ମାରୋଗ  ହେବା  ସହ  ଅନ୍ୟ  ଅଙ୍ଗରେ  ମଧ୍ୟ  ଯକ୍ଷ୍ମାରୋଗ  ହୋଇଥାଏ  । ଏଚ.ଆଇ.ଭି  - ପଜିଟିଭ୍ ରୋଗୀଙ୍କ  ମଧ୍ୟରୁ  ଶତକଡା  ୧୪ ପ୍ରତିଶତ  ରୋଗୀ  ଯକ୍ଷ୍ମାରୋଗ  ଭୋଗିଥାନ୍ତି    ।

ଲକ୍ଷଣ

ଶତକଡା  ୫୦ରୁ  ୭୫ ଭାଗ  ଗର୍ଭବତୀ  ମହିଳାଙ୍କର  ଯକ୍ଷ୍ମାରୋଗର  ଲକ୍ଷଣ  ଦେଖା  ଦେଇ  ନ ଥାଏ  ଏବଂ  ଅନେକ  ଗର୍ଭବତୀ  ମହିଳାଙ୍କର   କିଛି  ଲକ୍ଷଣ  ନ ଥିବାରୁ ଏହି  ରୋଗର  ଚିହ୍ନଟରେ  ଅସୁବିଧା  ହୋଇଥାଏ   । ଗର୍ଭାବସ୍ଥାରେ  ମହିଳା ଯକ୍ଷ୍ମା  ରୋଗର  ଲକ୍ଷଣ  ପ୍ରାୟ  ଅନ୍ୟ  ମହିଳା  ଯକ୍ଷ୍ମା  ରୋଗୀଙ୍କ  ଭଳି  ବେଳେ  ବେଳେ  ହୋଇଥାଏ   । ଅନ୍ୟମାନଙ୍କର  କାଶ ଓ  କଫ, ଓଜନ ହ୍ରାସ, ରାତିରେ  ଝାଳ  ବୋହିଯିବା, ସନ୍ଧ୍ୟାରେ  ଜ୍ଵର  ହେବା  କ୍ଲାନ୍ତ   ଲାଗିବା, ବେଳେବେଳେ  କଫରେ  ରକ୍ତ  ପଡିବା  ଆଦି  ଲକ୍ଷଣମାନ  ଦେଖା ଦେଇଥାଏ  । ଗର୍ଭବତୀ  ମହିଳାଙ୍କର  ଉପୋରକ୍ତ  ଲକ୍ଷଣ  ସହ  ଓଜନ  କମିଗଲେ, ଏବଂ  ପରିବାର  ବା  ପଡୋଶୀ  ଯକ୍ଷ୍ମା  ରୋଗୀଙ୍କ  ସଂସ୍ପର୍ଶରେ   ଆସିଲେ  ଏହା  ହୋଇଥାଏ   । ଏହାଛଡା  ପରୀକ୍ଷା  କଲେ  ବେକାର  ଲିମ୍ପ୍ ନୋଡ  ବାଗୁଲି  ବଢିଥିବା  ସହ ଛାତିରେ   କଫର  ଶବ୍ଦ  ଓ  ପୋଷ୍ଟଟସିଭ୍  ରାଲ୍  ଶୁଣାଯାଇଥାଏ   ।

ଡାକ୍ତରଙ୍କ ସହିତ ପରାମର୍ଶ

ମାଣ୍ଟୁକ୍ସ  ଟେଷ୍ଟ, ଛାତି  ଏକ୍ସରେ , କଫ  ପରୀକ୍ଷା, କଫ  କଲଚର୍, ରକ୍ତର  ସିରମ୍  ଆଣ୍ଟିବଡି  ଟେଷ୍ଟ , ମଲିକ୍ୟୁଲାର  ଡାଏଗ୍ନୋଷ୍ଟିକ  ଟେଷ୍ଟ  ଓ  ଔଷଧ  ରେଜିଷ୍ଟାଣ୍ଡ  ଟେଷ୍ଟ  ଆଦି  କରାଯାଇ  ତାପରେ  କେମୋଥେରାପି  ଦିଆଯାଏ   । ଏହି  ଚିକିତ୍ସା  ଡଟସ୍  ମେଥଡ୍ ରେ  ଦିଆଯାଇଥାଏ   । ଏହା  ପଲମୋନାରୀ  ମେଡ଼ିସିନ୍ ବିଶେଷଜ୍ଞମାନେ  ଦେଇଥାନ୍ତି   । ଏହା  ନିଶ୍ଚିତ  ଯେ , ଜରାୟୁ ଓ  ଡିମ୍ବବାହୀ  ନଳୀରେ  ଯକ୍ଷ୍ମାରୋଗ  ହେଲେ  ବନ୍ଧ୍ୟାଦୋଷ  ହୋଇଥାଏ  । ଗର୍ଭ  ସମୟରେ  ୬ ରୁ  ୯ ମାସ  ଯାଏଁ  ଯକ୍ଷ୍ମାରୋଗର  ଚିକିତ୍ସା  କଲେ , ଗର୍ଭସ୍ଥ  ଶିଶୁ  କମ୍  ଓଜନର   ହେବା  ସହ  ଛୋଟ  ଶିଶୁ  ହୋଇଥାଏ , ଏବଂ  ଅପରିଣତ  ପ୍ରସାବ  (ଶତକଡା ୨୩ ରୁ  ୬୪ ପ୍ରତିଶତ) ହୋଇଥାଏ  । ଯଦି  ଅନିୟମିତ  ବା  ଅସଂପୂର୍ଣ୍ଣ  ଭାବରେ  ଯକ୍ଷ୍ମାରୋଗ  ପାଇଁ  ଚିକିତ୍ସା  କରାଯାଏ , ତେବେ  ଶିଶୁର  ସ୍ୱାସ୍ଥ୍ୟ  ଖରାପ  ହୋଇଥାଏ   । ଏହାଛଡା  ଗର୍ଭାବସ୍ଥାରେ  ଉଚ୍ଚରକ୍ତଚାପ , ରକ୍ତହୀନତା , କଷ୍ଟସାଧ୍ୟ  ପ୍ରସବ  ଏବଂ  ପ୍ରସବପରେ  ଅତ୍ୟଧିକ  ରକ୍ତ  କ୍ଷରଣ   ହୋଇଥାଏ   । ତେବେ ଗର୍ଭାବସ୍ଥାରେ   ଯକ୍ଷ୍ମାରୋଗରୁ  ଆରୋଗ୍ୟ  ହେବାପାଇଁ  ଔଷଧ  ନ ଖାଇଲେ , ଜଟିଳତାର  ମାତ୍ରା  ଅଧିକ  ହୁଏ ଏବଂ  ଯକ୍ଷ୍ମା ପାଇଁ  ସଂପୂର୍ଣ୍ଣ   ଔଷଧ   ଖାଇଲେ , ମା ଓ  ଶିଶୁଙ୍କ ପାଇଁ  ଜଟିଳତାର  ହାର  କମିଯାଏ   ।

ଗର୍ଭଧାରଣର  ଯକ୍ଷ୍ମା ଉପରେ  ପ୍ରଭାବ :ଗର୍ଭାବସ୍ଥା  ଅପେକ୍ଷା  ପ୍ରସବପରେ  ଏହା  ବେଶୀ  ସଂକ୍ରମିତ  ତେବେ  ଉପଯୁକ୍ତ  ଔଷଧ  ସେବନ  ଦ୍ଵାରା  ଗର୍ଭାବସ୍ଥା , ପ୍ରସବ  ସମୟରେ  ବିଶେଷ  ଅସୁବିଧା  ହୋଇ  ନ ଥାଏ   ।

ଯକ୍ଷ୍ମାରୋଗରେ  ଗର୍ଭଧାରଣ   ପୂର୍ବରୁ  ପରାମର୍ଶ : ଯେଉଁ  ମହିଳାଙ୍କୁ  ଗର୍ଭଧାରଣ  ପୂର୍ବରୁ  ଯକ୍ଷ୍ମାରୋଗ  ହୋଇଥାଏ  ସେମାନେ  ତାଙ୍କର  ଚିକିତ୍ସା  ସଂପୂର୍ଣ୍ଣକରି , ଅନ୍ତତଃପକ୍ଷେ  ୨ ବର୍ଷପରେ  ଗର୍ଭଧାରଣ  କରିବା  ଆବଶ୍ୟକ, କିନ୍ତୁ  ତଥାପି  ଯଦି  ଜଣେ  ଗର୍ଭଧାରଣ  କରିବାକୁ  ଇଛାପ୍ରକାଶ କରନ୍ତି , ତେବେ  ଗର୍ଭାବସ୍ଥାରେ  ମା’ ଓ  ଶିଶୁଙ୍କ ପାଇଁ  କି କି  ଜଟିଳତାର  ସାମ୍ନା  କରିବାକୁ  ହୁଏ  ଏବଂ  ଏହା  ସହ  ଗର୍ଭାବସ୍ଥାରେ   ମଧ୍ୟ  ଚିକିତ୍ସା  ପାଇଁ  ଔଷଧ  ଖାଇଲେ  ସେ  କିପରି  ଆରୋଗ୍ୟ  ହେବେ  ତାହା  ମଧ୍ୟ  ଜାଣିବା  ଜରୁରୀ   । ଗର୍ଭାବସ୍ଥାରେ  ଯକ୍ଷ୍ମା  ପାଇଁ  ଔଷଧ  ସେବନ  କରିବା  ଅତି  ପ୍ରୟୋଜନ   । କାରଣ  ଏହି  ସମୟରେ  ଔଷଧ  ନଖାଇଲେ, ମା’ ଓ  ଶିଶୁଙ୍କ  ପାଇଁ  ଜଟିଳତା  ହେବା  ସହ , ଖୁବ୍  ଜରୁରୀ  । ତେବେ  ଗର୍ଭଧାରଣପୂର୍ବରୁ  ରିଫାସ୍ପିସିନ  ଖାଇଥିଲେ  ଗର୍ଭ  ନିରୋଧକ   ବଟିକା  ବିଶେଷ  କାମ  ଦେଇ  ନଥାଏ   । ତେଣୁ  ଗର୍ଭନିରୋଧକପାଇଁ   ବାରିଅର୍  ମେଥଡ୍  କଣ୍ଡୋମ୍  ବ୍ୟବହାର  କରିବା  ଆବଶ୍ୟକ   ।

ଗର୍ଭାବସ୍ଥାରେ  ଚିକିତ୍ସା

ଛାତିରୋଗ  ବିଶେଷଜ୍ଞଙ୍କ  ସହ  ପରାମର୍ଶ  କରି  ଗର୍ଭାବସ୍ଥାରେ  ଚିକିତ୍ସା  କରାଇବା  ବିଧେୟ  । ଗର୍ଭଧାରଣର  ପ୍ରଥମ  ୩ମାସରେ  ଠିକ୍  ପରିମାଣରେ  ଯକ୍ଷ୍ମା  ଚିକିତ୍ସା  ପାଇଁ  ଔଷଧ  ଖାଇବା  ଦରକାର  । ଗର୍ଭାବସ୍ଥାରେ  ଦ୍ଵିତୀୟ  ଓ  ତୃତୀୟ  ପର୍ଯ୍ୟାୟରେ  ଗର୍ଭବତୀ  ରୋଗୀକୁ  ଆଉଥରେ  ଭଲ କରି  ଦେଖିବା  ଆବଶ୍ୟକ   । ବେଶୀ  ପରିଶ୍ରମ  ନ  କରି  ବିଶ୍ରାମ  କରିବା , ସୁଷମଖାଦ୍ୟ  ତଥା  ଯକ୍ଷ୍ମା  ପାଇଁ  ଠିକ୍  ଡୋଜ୍ ରେ   ଔଷଧ  ଖାଇବା  ଜରୁରୀ   । ଏହାଛଡା  ଲୌହସାର , ଫଲିକ ଏସିଡ  ଓ  ଭିଟାମିନ୍  ମଧ୍ୟ  ଖାଇବା  ପ୍ରୟୋଜନ   । ଏହି  ରୋଗୀଙ୍କର   ସାଧାରଣ  ପ୍ରସବ  ପାଇଁ  ଛାଡି  ଦିଆଯାଏ   । ଯଦି  ଅନ୍ୟ  କିଛି  ଅସୁବିଧା  ଥାଏ , ତେବେ  ସିଜରିଆନ  ସେକ୍ସନ  କରାଯାଏ  । ପ୍ରସବପରେ  ଯେଉଁମାନଙ୍କର   ଯକ୍ଷ୍ମାରୋଗ  ବିଶେଷ  ଅସୁବିଧା  କରୁଥାଏ  ସେମାନଙ୍କୁ  ହସ୍ପିଟାଲରେ  ୨ – ୩ ସପ୍ତାହ  ଯାଏଁ  ରଖାଯାଏ   । ସ୍ପୁଟମ ନେଗେଟିଭ  ମାନେ  ଶିଶୁଙ୍କୁ  ସ୍ତନ୍ୟପାନ  କରାଇପାରିବେ   । କିନ୍ତୁ  ଯେଉଁ  ମା’ମାନେ  ସ୍ପୁଟମ  ପଜିଟିଭ୍  ହୋଇଥାନ୍ତି  ସେମାନେ  ସ୍ତନ୍ୟପାନ  କରାଇବା   ଉଚିତ୍  ନୁହେଁ  । ପ୍ରଥମ  ଗର୍ଭାମାନେ  ପ୍ରସବ  ପରେ  ଗର୍ଭନିରୋଧକ   ପ୍ରଣାଳୀ  ବ୍ୟବହାର  କରିବା  ଏବଂ  ବହୁଗର୍ଭା  ମାନେ  ଜନ୍ମ  ନିରୋଧକ  ଅସ୍ତ୍ରୋପ୍ରଚାର   କରାଇବା    ଭଲ   ।

ସୂଚନାଯୋଗ୍ୟ  ସଚେତନତାର  ଅଭାବ, ଦାରିଦ୍ର୍ୟ, ଏଚ.ଆଇ.ଭି.  ର  ପ୍ରାବଲ୍ୟ  ଓ  ଏହାଦ୍ୱାରା  ଆକ୍ରାନ୍ତ  ଲୋକଙ୍କ  ସଂଖ୍ୟାଧିକତା , ଔଷଧର  ରେଜିଷ୍ଟାନ୍ସ  ପାଇଁ  ପୁଣିଥରେ  ଯକ୍ଷ୍ମାରୋଗ  ଲୋକମାନଙ୍କ  ପାଇଁ  ମୁଖ୍ୟ  ସମସ୍ୟା   ସୃଷ୍ଟି  କରିଛି  । ଚଳିତମାସ  ୨୪ ତାରିଖରେ   ପାଳିତ  ହେଉଛି  ବିଶ୍ଵ  ଯକ୍ଷ୍ମାରୋଗ  ସମ୍ପର୍କରେ  ସଚେତନତା  ସୃଷ୍ଟି  କରିବା  ଏବଂ  ରୋଗୀଙ୍କୁ   ସଂପୂର୍ଣ୍ଣ  ଆରୋଗ୍ୟ   କରାଇବା  । ତେବେ  ଉପଯୁକ୍ତ  ସମୟରେ  ଚିହ୍ନଟ  ଓ  ସଂପୂର୍ଣ୍ଣ  ଭାବରେ  ଚିକିତ୍ସା  ହୋଇପାରିଲେ  ଗର୍ଭାବସ୍ଥାରେ  ମଧ୍ୟ  ଜଣେ  ଯକ୍ଷ୍ମାରୋଗୀ  ସୁସ୍ଥ  ରହିବା  ସହ  ଗର୍ଭସ୍ଥ  ଶିଶୁ  ମଧ୍ୟ  ନିରାପଦରେ  ରହିପାରିବ   ।

ଆଧାର – ଡା . ସରୋଜିନୀ  ଷଡଙ୍ଗୀ

Last Modified : 9/19/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate