ଅସୁସ୍ଥ ଶିଶୁର ଚିହ୍ନଟକରଣ
ଅସୁସ୍ଥ ଶିଶୁର ଚିହ୍ନଟକରଣ
ଉପକ୍ରମ
ଗୋଷ୍ଠୀର ଲୋକମାନଙ୍କୁ ପ୍ରଥମେ ସାକ୍ଷାତ କରିବାପାଇଁ ଅଙ୍ଗନୱାଡି କର୍ମୀଙ୍କୁ ଗୃରୁତ୍ଵପୂର୍ଣ୍ଣ ଭୂମିକା ଅବଲମ୍ବନ କରିବାକୁ ପଡିବ । ନିଜର ଦୈନନ୍ଦିନ କାର୍ଯ୍ୟ ମଧ୍ୟରେ କିମ୍ବା ପିତାମାତାଙ୍କଠାରୁ ଖବର ପାଇ ଅଙ୍ଗନୱାଡି କର୍ମୀ ଅସୁସ୍ଥ ଶିଶୁଙ୍କର ସମ୍ପର୍କରେ ଆସିଥାନ୍ତି । ଏହିସବୁ କ୍ଷେତ୍ରରେ ଅଙ୍ଗନୱାଡି କର୍ମୀ ଏକ ଅର୍ଥପୂର୍ଣ୍ଣ ପ୍ରାଥମିକ ପରୀକ୍ଷା କରିବେ ଏବଂ କୌଣସି ବିପଦସଂକେତକୁ ଯଦି ଥାଏ ଦେଖିଲେ ।
ଅସୁସ୍ଥ ଶିଶୁର ଚିହ୍ନଟକରଣ
- ଶିଶୁର ଅସୁସ୍ଥତାକୁ ଆକଳନରେ ଅଙ୍ଗନୱାଡି କର୍ମୀ ଭୂମିକା -
- ଅଙ୍ଗନୱାଡି କର୍ମୀ ଅସୁସ୍ଥ ଶିଶୁଠାରେ କେଉଁସବୁ ବିପଦଲକ୍ଷଣ ଗୁଡିକୁ ଦେଖିବେ-
- ଶିଶୁ ମା’ କ୍ଷୀର କିମ୍ବା କୌଣସି ପାନୀୟ ପାଇପାରୁ ନାହିଁ ।
- ଶିଶୁ ସବୁକିଛି ବାନ୍ତି କରିଦେଉଛି ।
- ଶିଶୁକୁ ବାତ ମାରୁଛି ।
- ଶିଶୁ ଅଳଶୁଆ କିମ୍ବା ଅଚେତ୍ ଅଛି ।
- ରୋଗ ଓ ଅସୁସ୍ଥତାରେ ପ୍ରାଥମିକ ଚିହ୍ନଟିକରଣରେ ଅଙ୍ଗନୱାଡି କର୍ମୀଙ୍କ ଭୂମିକା -
ଅଙ୍ଗନୱାଡି କର୍ମୀ ମା’ଙ୍କୁ ଶିଶୁର ଅସୁବିଧା ବିଷୟରେ ନିଶ୍ଚୟ ପଚାରିବେ ଏବଂ ସାଧାରଣ ବିପଦସଂକେତ ପାଇଁ ଶିଶୁକୁ ଯାଞ୍ଚ କରିବେ । ତାପରେ ସେ ୪ଟି ମୁଖ୍ୟ ଲକ୍ଷଣ ବିଷୟରେ ପଚାରିବେ । କାଶ ବା କଷ୍ଟକର ଶ୍ଵାସକ୍ରିୟା, ତରଳଝାଡା, ଜ୍ଵର କିମ୍ବା କାନରେ ଅସୁବିଧା ଇତ୍ୟାଦି । ଯେଉଁ ଶିଶୁର ଏକ ବା ଏକାଧିକ ମୁଖ୍ୟ ଲକ୍ଷଣ ଥିବ ତେବେ ଏହା ଗୁରୁତ୍ଵର ଅସୁବିଧାର ବୁଝାଇବ। ଯେତେବେଳେ ଗୋଟିଏ ମୁଖ୍ୟ ଲକ୍ଷଣଥିବ ତେବେ ଅସୁସ୍ଥତାକୁ ବର୍ଗୀକରଣ କରିବାରେ ସାହାଯ୍ୟ କରିବାପାଇଁ ପ୍ରଶ୍ନ ପଚାରିବେ । ଶିଶୁକୁ ପୁଷ୍ଟିହୀନତା ଏବଂ ରକ୍ତହୀନତା ପାଇଁ ଯାଞ୍ଚ କରାଇବେ । ଶିଶୁର ପ୍ରତିଷେଧକ ସ୍ଥିତିକୁ ମଧ୍ୟ ଯାଞ୍ଚ କରିବେ ଏବଂ ମା’ କହିଥିବା ଅନ୍ୟାନ୍ୟ ଅସୁବିଧା ଗୁଡିକୁ ମଧ୍ୟ ଦେଖିବେ ।
ଶିଶୁଠାରେ ସାଧାରଣ ବିପଦସଂକେତ ଅଛି ଯଦି –
ସାଧାରଣ ବିପଦସଂକେତ ଥିବା ଶିଶୁର ଗୁରୁତ୍ଵର ଅସୁବିଧା ଥାଇପାରେ । ଅଧିକାଂଶ ଶିଶୁ ଯାହାର ଗୋଟିଏବି ସାଧାରଣ ବିପଦସଂକେତ ଥିବ ତାକୁ ତୁରନ୍ତ ଚିକିତ୍ସାଳୟକୁ ପ୍ରେରଣ କରିବା ଆବଶ୍ୟକ ।
ଅଙ୍ଗନୱାଡି କର୍ମୀ ହେଉଛନ୍ତି ପ୍ରଥମବ୍ୟକ୍ତି ଯାହାକୁ ଗୋଷ୍ଠୀର ସଦସ୍ୟମାନେ ପ୍ରଥମେ ଯୋଗାଯୋଗ କରିବେ । ଏବଂ ସେହି ଜଣେ ପରାମର୍ଶଦାତ୍ରୀ ଏବଂ ମାର୍ଗ ଦର୍ଶିକା ରୂପେ ଶିଶୁମାନଙ୍କର ସ୍ୱାସ୍ଥ୍ୟର ଉନ୍ନତିରେ ଅଂଶଗ୍ରହଣ କରିଥାନ୍ତି । ପ୍ରାରମ୍ଭିକ ସ୍ତରରେ ଚିହ୍ନଟ ହୋଇପାରିଲେ ଶିଶୁମାନଙ୍କର ଯେକୌଣସି ଅସୁସ୍ଥତାକୁ ଭଲଭାବରେ ଚିକିତ୍ସା କରାଯାଇ ପାରିବ । ଶିଶୁମାନଙ୍କଠାରେ ଅସୁସ୍ଥତା ଏବଂ ରୋଗର ପ୍ରାଥମିକ ଚିହ୍ନଟି କରଣରେ ଅଙ୍ଗନୱାଡି କର୍ମୀ ବହୁତ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି ।
ଶୈଶବ କାଳୀନ ଅକ୍ଷମତାର ପ୍ରାଥମିକ ଚିହ୍ନଟିକରଣ
ଶୈଶବସ୍ଥାରେ ଶିଶୁର ସ୍ୱାସ୍ଥ୍ୟର ସ୍ଥିତି ତାର ଶରୀର ଏବଂ ଚତୁଃପାର୍ଶ୍ଵସ୍ଥ ପରିବେଶ ମଧ୍ୟରେ ଲଗାତାର ସମ୍ପର୍କ ଯୋଗୁଁ ଘଟିଥାଏ । ଶିଶୁର ଭିନ୍ନକ୍ଷମ ହେବାର କାରଣ ମଧ୍ୟ ଏହାଯୋଗୁ ଘଟିପାରେ । ଭାରତରେ ସ୍ୱଳ୍ପଶିକ୍ଷା ଏବଂ ପ୍ରଚଳିତ ଅନ୍ଧବିଶ୍ଵାସ ଯୋଗୁଁ ଶିଶୁମାନେ ସମାଜର ମୁଖ୍ୟ ସ୍ରୋତରେ ମିଶିପାରୁନାହାଁନ୍ତି ।
- ପ୍ରାଥମିକ ଅବସ୍ଥାରୁ ଶୈଶବକାଳୀନ ଅକ୍ଷମତାକୁ ଚିହ୍ନଟ କରିବା ଆବଶ୍ୟକ ?
- ଶୈଶବବସ୍ଥାରେ ଅକ୍ଷମତାକୁ ଯଥାଶିଘ୍ର ଚିହ୍ନଟ କରିବାରେ ଅଙ୍ଗନୱାଡି କର୍ମୀଙ୍କର ଭୂମିକା କ'ଣ ?
- ଗର୍ଭବତୀ ମହିଳାଙ୍କଠାରେ କେଉଁସବୁ ବିପଦଲକ୍ଷଣକୁ ଅଙ୍ଗନୱାଡି କର୍ମୀ ଦୃଷ୍ଟିଦେବେ ?
- ତାଙ୍କର ଶେଷ ଶିଶୁଟି ୨ ବର୍ଷ ବୟସରୁ କମ୍ ହୋଇଥାଏ ।
- ପୂର୍ବ ଗର୍ଭାବସ୍ଥାରେ ତାଙ୍କର ଅତିଶୟ ରକ୍ତକ୍ଷମ ହୋଇଥିଲେ ।
- ତାଙ୍କର ପୂର୍ବଶିଶୁ ମୃତ ଅବସ୍ଥାରେ ଜନ୍ମ ହୋଇଥିଲେ ବା ଜନ୍ମପରେ ପରେ ମୃତ୍ୟୁ ହୋଇଥିଲେ ।
- ତାଙ୍କ ପୂର୍ବଶିଶୁ ଛୋଟ ହୋଇଥିଲେ ବା ଜନ୍ମ ସମୟରେ ୨.୫ କେ.ଜିରୁ କମ୍ ହୋଇଥିଲେ ।
- ପୂର୍ବ ପ୍ରସବ ବହୁତ କଷ୍ଟକର ହୋଇଥିଲେ ।
- ସେ ପୂର୍ବ ପ୍ରସବରେ ଯାଆଁଳା ଶିଶୁ ଜନ୍ମ କରିଥାନ୍ତି ଏବଂ ଏବେ ଗର୍ଭରେ ସଂଖ୍ୟାଧିକ ଭୃଣ ଥିଲେ ।
- ତାଙ୍କର ଉଚ୍ଚତା ୧୪୫ ସେ.ମି ରୁ କମ୍ଥିଲେ ।
- ତାଙ୍କର ଓଜନ ଯଦି ୫କେ.ଜିରୁ କମ୍ ବା ୮୦ କେ.ଜିିରୁ ଅଧିକଥିଲେ ।
- ଶେଥା ଏବଂ କ୍ଳାନ୍ତି ଦିଶୁଥିଲେ ।
- ଯକ୍ଷ୍ମା ମ୍ୟାଲେରିଆ, ମଧୁମେହ, ହୃଦରୋଗ, ବୃକକ୍ ରୋଗ, ମିଳିମିଳା ଏବଂ ଗାଲୁଆ ରୋଗରେ ଆକ୍ରାନ୍ତ ଥିଲେ ।
- ଗର୍ଭାବସ୍ଥାରେ ହାତ, ପାଦ, ଗୋଡ ଏବଂ ମୁହଁ ଫୁଲିଥିଲେ ।
- ସଂକଟାପୂର୍ଣ୍ଣ ଶିଶୁମାନଙ୍କୁ ଚିହ୍ନଟ କରିବା ପାଇଁ ଅଙ୍ଗନୱାଡି କର୍ମୀ ନିମ୍ନଲିଖିତ ଲକ୍ଷଣ ପ୍ରତି ଦୃଷ୍ଟି ଦେବେ ।
- ଯେଉଁ ଶିଶୁ ମାନଙ୍କର ଓଜନ ଜନ୍ମ ସମୟରେ ୨.୫ କେ.ଜିରୁ କମ୍ ଥିବ ।
- ଯେଉଁ ଶିଶୁ ଜନ୍ମ ପରେ ସଙ୍ଗେ ସଙ୍ଗେ କାନ୍ଦେ ନାହିଁ ।
- ଯେଉଁ ଶିଶୁ ଜନ୍ମ ସମୟରେ ନୀଳ ଦେଖାଯାଉଥିବ ବା ସେମାନଙ୍କର ନଖ ଏବଂ ଅଗ୍ରଭାଗ ଗୁଡିକ ନୀଳ ଦେଖାଯାଉଥିବ।
- ଯେଉଁ ଶିଶୁଙ୍କଠାରେ କ୍ଷୀର ଶୋଷିବା ପ୍ରତିକ୍ରିୟା ବହୁତ ଦୁର୍ବଳ ଥାଏ । ଏବଂ ସେଥିରେ ସମୟ ଅନୁସାରେ ଉନ୍ନତି ପରିଲିକ୍ଷିତ ନହେଲେ ।
- ଜୋରରେ ଶବ୍ଦ ହେଲେ ଯେଉଁ ଶିଶୁ ପ୍ରତିକ୍ରିୟା ଦେଖାଏ ନାହିଁ ।
- ଯେଉଁ ଶିଶୁମାନଙ୍କର ଶରୀର ଅଙ୍ଗ ପ୍ରତ୍ୟେକ ଗୁଡିକ ଠିକ୍ ଭାବେ ଗଠନ ହୋଇନଥାଏ କିମ୍ବା ଆଦୌ ନଥାଏ ।
- ମାନସିକ ଅନଗ୍ରସରତା, ବାକ୍ ଏବଂ ଶବଚ୍ଚ ଶକ୍ତି ବାଧିତ, ଦୃଷ୍ଟିହୀନତା ଏବଂ ଶାରୀରିକ ଅକ୍ଷମତାର ଇତିହାସ ଥିବା ପରିବାରରେ ଜନ୍ମିତ ଶିଶୁ ।
- ୫ ବର୍ଷରୁ କମ୍ ବୟସର ଶିଶୁଙ୍କର ବିକାଶକୁ ଅଙ୍ଗନୱାଡି କର୍ମୀ କିପରି ନଜର ରଖିପାରିବେ ?
- ଶିଶୁର ସାଧାରଣ ସ୍ଵାସ୍ଥ୍ୟ ପ୍ରତି ଦୃଷ୍ଟି ରଖନ୍ତୁ ।
- ଶିଶୁ ପୁଷ୍ଟିହୀନ ହେବା ଉଚିତ୍ ନୁହେଁ ତେଣୁ ଅଙ୍ଗନୱାଡି କର୍ମୀ ଯେପରି ଯଥେଷ୍ଟ ପରିମାଣରେ ଅଧିକ ଥର ଖାଦ୍ୟ ଖାଇବ ଦୃଷ୍ଟି ଦେବେ ।
- ଆଖିକୁ ପରିଷ୍କାର ରଖିବା ଉଚିତ୍ । ଆଖିରୁ ପାଣି ଗଡିବା, ଶୁଖିଲା ହେବା ବା ପୂଜହେବା ଉଚିତ୍ ନୁହେଁ ।
- ଶିଶୁର ପ୍ରତିଷେଧକ ଟୀକାକରଣ ସମ୍ପୂର୍ଣ୍ଣ ହେବା ଉଚିତ୍ ।
- ଶିଶୁଯେପରି ବାରମ୍ବାର କାନବିନ୍ଧା ଏବଂ ମୁଣ୍ଡବିନ୍ଧା ହେବାର ଅଭିଯୋଗ କରୁନଥିବ ।
- ଶିଶୁର କାନରେ ପୂଜା ହେବା ଉଚିତ୍ ନୁହେଁ ।
- ୯ ମାସ ବେଳକୁ ବସିବା ଆରମ୍ଭ କରିବ ।
- ୧୮ ମାସ ବେଳକୁ ନିଜେ ନିଜେ ଚାଲିବାକୁ ଆରମ୍ଭ କରିବ ।
- ୨ ବର୍ଷ ବେଳକୁ ଏକ ପଦବିଶିଷ୍ଟ ସାଧାରଣ ଶବ୍ଦ ଥିବା ବାକ୍ୟ ଏକାଥରକେ କହିପାରୁଥିବ ।
- ୨୧/୨ ରୁ ୩ବର୍ଷ ମଧ୍ୟରେ ୩ରୁ ୪ଟି ଶବ୍ଦ ଥିବା ବାକ୍ୟ ଏକାଥରେ କହିପାରୁଥିବ ।
ଶିଶୁସ୍ଵାସ୍ଥ୍ୟର ଉନ୍ନତିପାଇଁ ଆଶୁ ଚିହ୍ନଟି କରଣ ଗୁରୁତ୍ଵପୂର୍ଣ୍ଣ । ପ୍ରଗତିଶୀଳ ରାଷ୍ଟ୍ରର ଶିଶୁମାନଙ୍କର ସ୍ଥିତି ବିଶ୍ଲେଷଣ ଏହା ଉପରେ ଗୁରୁତ୍ଵ ଦିଏ, ଅଧିକାଂଶ ଭିନ୍ନକ୍ଷମ ଶିଶୁଙ୍କର ଚିହ୍ନଟିକରଣ ହେବାବେଳକୁ ଏତେ ଡେରି ହୋଇଥାଏ ଯେ ଜଟିଳତା ଘଟି ମୂଳ ଭିନ୍ନକ୍ଷମତାକୁ ବଢାଇ ଆଉ ଏକ ନୂଆ ଅସୁବିଧା ଆରମ୍ଭ କରିଦିଏ । ଯାହାଶିଶୁ ବିକାଶକୁ ଏବଂ ପରିବାର ଓ ସମାଜସହ ତାର ସମ୍ପର୍କକୁ ବାଧାଦିଏ । ପ୍ରାଥମିକ ଅବସ୍ଥାରେ ଶିଶୁମାନଙ୍କର ଅକ୍ଷମତାର ଚିହ୍ନଟିକରଣ ଲାଭପ୍ରଦ ହୋଇଥାଏ । ଜୈବିକ/ଶାରୀରିକ ସ୍ତରରେ ପ୍ରାଥମିକ ଚିକିତ୍ସା କେତେକ କ୍ଷେତ୍ରରେ ଯେପରିକି ଜନ୍ମଗତ ମୋତିଆବିନ୍ଦୁ, ପିଲାଇଲ୍ କିଟୋନ୍ ୟୁରିଆ ଓ ଖର୍ବକାୟ ଶରୀର ପରି ଅକ୍ଷମତାକୁ କମ୍ କରିବାରେ ଏପରିକି ଦୂରେଇ ଦେବାରେ ସାହାଯ୍ୟକରେ । ମାନସିକ ଏବଂ ସାମାଜିକ ସ୍ତରରେ ପିତାମାତା, ଉଦିପନାମୂଳକ ପରିବେଶ ଏବଂ ସୁବିଧା ଯୋଗାଇ ପ୍ରଥମରୁ ଶିଶୁମାନଙ୍କୁ ବିକଶିତ ହେବାପାଇଁ ସୁଯୋଗ ଦେଇଥାନ୍ତି ଫଳରେ ଭିନ୍ନକ୍ଷମ ଶିଶୁମାନେ ପୂର୍ଣ୍ଣ ମାତ୍ରାରେ ବିକାଶ ଲାଭ କରିଥାନ୍ତି । ଏହି ଅର୍ଥରେ "ମୂଳହୁଁ" ସାବଧାନ ହେଲେ ବିପଦନପଡଇ ଭଲେଁ
ଅଙ୍ଗନୱାଡି କର୍ମୀ ତାଙ୍କର ଦୈନନ୍ଦିନ କାର୍ଯ୍ୟର ଅଂଶରୂପେ ଗର୍ଭବତୀ ମହିଳା, ପ୍ରସୂତୀ ମାଆ, ନବଜାତ ଏବଂ ଛୋଟଶିଶୁ ମାନଙ୍କ ସହିତ ଯୋଗାଯୋଗ ରଖିବେ । ଯାହାକି ବିଭିନ୍ନ ସ୍ତରରେ ଶୈଶବକାଳୀନ ଅକ୍ଷମତାକୁ ଚିହ୍ନଟ କରିବାରେ ସାହାଯ୍ୟ କରିବ । ସେ ଯେ କେବଳ ଶିଶୁମାନଙ୍କଠାରେ ଥିବା କୌଣସି ଅକ୍ଷମତାକୁ ଚିହ୍ନଟ କରିବେ ତାନୁହେଁ, ଗର୍ଭବତୀ ମହିଳାଙ୍କଠାରେ ବିପଦଲକ୍ଷଣ ଏବଂ ସଂକଟାପୂର୍ଣ୍ଣ ଶିଶୁ ଗୁଡିକ ମଧ୍ୟ ଚିହ୍ନଟ କରିପାରିବେ । ଜୀବନର ପ୍ରଥମ ୬ ବର୍ଷ ମଧ୍ୟରେ ହେଉଥିବା ବିକାଶ ଉପରେ ଅଙ୍ଗନୱାଡି କର୍ମୀ ନଜର ରଖିବାରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି ।
ଗର୍ଭବତୀ ମହିଳାଙ୍କଠାରେ ଦେଖାଯାଉଥିବା ଅନେକ ବିପଦଲକ୍ଷଣ ଭବିଷ୍ୟତରେ ଶିଶୁ ଭିନ୍ନକ୍ଷମ ହେବାର ସତର୍କ ସୂଚନା ଦେଇ ଥାଏ-ସେଗୁଡିକ ହେଲା
ମା' ଯଦି ୧୮ବର୍ଷରୁ କମ୍ କିମ୍ବା ୩୫ ବର୍ଷରୁ ଅଧିକ ହୋଇଥାନ୍ତି ବା ତାଙ୍କର ୩ରୁ ଅଧିକ ସନ୍ତାନ ଥାନ୍ତି ।
ଅଙ୍ଗନୱାଡି କର୍ମୀ ଶିଶୁମାନଙ୍କର ମୋଟାମୋଟି ବୃଦ୍ଧି ଓ ବିକାଶ ଉପରେ ନଜର ରଖିବେ ଏବଂ ସେମାନଙ୍କର ବିକାଶର ମାଇଲ୍ ଖୁଣ୍ଟ ଗୁଡିକ ଯଥା ସମୟରେ ଘଟୁଛି କି ନାହିଁ ଦୃଷ୍ଟି ଦେବେ -
ଶିଶୁ ବୟସାନୁଯାୟୀ ନିମ୍ନ କାମ ଗୁଡିକ କରିପାରୁଥିବା ଆବଶ୍ୟକ ।
ତରଳଝାଡାର ପରିଚାଳନା
- ତରଳଝାଡା କଣ ?
- ତରଳ ଝାଡା କାରଣ :
- ଅପରିଷ୍କାର ଏବଂ ଅସ୍ଵାସ୍ଥ୍ୟକର ଅବସ୍ଥା/ ପରିବେଶ
- ଅସୁରକ୍ଷିତ ପିଇବା ପାଣି
- ପୁଷ୍ଟିହୀନତା
- ଅସ୍ଵାସ୍ଥ୍ୟକର ଖୁଆଇବା ପଦ୍ଧତି
- ମସଲା ଏବଂ ତେଲିଆ ଖାଦ୍ୟ ଅଧିକ ଖାଇବା
- ଶିଶୁକୁ ବୋତଲରେ ଖୁଆଇବା
- ଜୀବାଣୁ/ଭୂତାଣୁ ସଂକ୍ରମଣ
- ବ୍ୟକ୍ତିଗତ ପରିଷ୍କାର/ ପରିଛନ୍ନତା ଅଭାବ
- ଅପରିଷ୍କାର ଏବଂ ଅସ୍ଵାସ୍ଥ୍ୟକର ପରିବେଶରେ ତରଳଝାଡା ସଂକ୍ରମଣ ହେଉଥିବା ଜୀବାଣୁ ରହିଥାଏ ।
- ଅଙ୍ଗନୱାଡି କର୍ମୀ କିପରି ତରଳଝାଡାକୁ ଆକଳନ କରିବେ
- ଶିଶୁଟିକୁ କେତେଦିନ ଧରି ତରଳଝାଡା ହେଉଛି
- ଶିଶୁର ଝାଡାରେ ରକ୍ତ ପଡୁଥିଲେ ଅତିସାର ହେଉଛି ଏବଂ
- ଜଳଶୁଷ୍କତାର ଲକ୍ଷଣ
- ଅଙ୍ଗନୱାଡି କର୍ମୀ ତରଳ ଝାଡା ହେଉଥିବା ଶିଶୁଠାରୁ କେଉଁ ସବୁ ବିପଦଲକ୍ଷଣକୁ ଦେଖିବେ ?
- ଅନେକଥର ପାଣିଝାଡା ହେବା
- ଝାଡାରେ ରକ୍ତ ପଡିବା
- ଦୁଇ ସପ୍ତାହରୁ ଅଧିକ ଦିନ ତରଳଝାଡା
- ବାରମ୍ବାର ବାନ୍ତି
- ଜ୍ଵର ରହିବା
- ଅତ୍ୟଧିକ ଶୋଷ
- ପିଇବାର ଅକ୍ଷମତା
- ଖାଦ୍ୟପ୍ରତି ଅନିଚ୍ଛା
- ଆଖି କୋରଡିଆ
- ନିଦୁଆ ବା ଅଚେତନ ଅବସ୍ଥା
- ତରଳଝାଡାର ପରିଚାଳନା ପାଇଁ ମନେରଖିବା କଥା –
- ସାଧାରଣତଃ ତରଳଝାଡା କିଛିଦିନ ମଧ୍ୟରେ ଆପେ ଆପେ ଭଲହୋଇଥାଏ
- ତରଳଝାଡା ହେଉଥିବା ଶିଶୁକୁ ଡାକ୍ତରଙ୍କ ପରାମର୍ଶ ବିନା କୌଣସି ବଟିକା, ଆଣ୍ଟିବାୟୋଟିକ୍ କିମ୍ବା ଅନ୍ୟ କୌଣସି ଔଷଧ ଦିଅନ୍ତୁ ନାହିଁ ।
- ଲଗାତାର ତରଳଝାଡା ହେଉଥିବା ଶିଶୁକୁ ଡାକ୍ତରଥାନାକୁ ଚିକିତ୍ସାପାଇଁ ପ୍ରେରଣ କରିବା ଉଚିତ୍
- ତରଳଝାଡା ହେଉଥିବା ଶିଶୁର ଆକଳନ
- ତରଳଝାଡାରେ ଆକ୍ରାନ୍ତ ହୋଇଥିବା ସମୟରେ ଶିଶୁର ଖାଦ୍ୟ କଣ ହେବା ଦରକାର ?
ତରଳଝାଡାରେ ଆକ୍ରାନ୍ତ ହୋଇଥିବା ଶିଶୁକୁ ଅଧିକ ଥର ଅଧିକ ସମୟ ପର୍ଯ୍ୟନ୍ତ ସ୍ତନ୍ୟପାନ କରାଇବା ଦରକାର । ଅଧିକ ପରିମାଣର ପାନୀୟ ମଧ୍ୟ ଦେବା ଦରକାର । ଯଦି ଶିଶୁର ବୟସ ୬ ମାସରୁ କମ୍ ଥାଏ ଏବଂ କେବଳ ମା’କ୍ଷୀର ଖାଉଥାଏ ତେବେ ଶିଶୁକୁ ମା’କ୍ଷୀର ସହିତ ଓ.ଆର.ଏସ୍ ଦିଅନ୍ତୁ । ଯଦି ଶିଶୁର ବୟସ ୬ ମାସରୁ ଅଧିକ ହୋଇଥାଏ ତେବେ ଓ.ଆର.ଏସ୍ ଏବଂ ଅନ୍ୟାନ୍ୟ ଘରୋଇ ପାନୀୟ ଯଥା – ଚାଉଳ କାଞ୍ଜି, ଦହିପାଣି(ଚହ୍ଲା), ଚିନିଲୁଣ ସହିତ ଲେମ୍ବୁପାଣି, ଡାଲିପାଣି, ପରିବାସିଝା ପାଣି, ଫଳରସ (ବିନା ଚିନିରେ)ସଫା ପିଇବା ପାଣି କିମ୍ବା ଆଞ୍ଚଳିକ ଉପଲବ୍ଧ ଅନ୍ୟାନ୍ୟ ପାନୀୟ ଦେଇ ପାରିବେ । ଯଦି ଶିଶୁ ସାଧାରଣ ପରିମାଣର ଖାଦ୍ୟ ଖାଇପାରୁ ନଥିବ ତାହେଲେ ତାକୁ ସ୍ୱଳ୍ପ ସମୟ ବ୍ୟବଧାନରେ ଅଳ୍ପ ଅଳ୍ପ କରି ଖାଦ୍ୟ ଦିଅନ୍ତୁ । ଶିଶୁକୁ ମଧ୍ୟ ବହଳିଆ ଖାଦ୍ୟ ଯେପରିକି ଖେଚୁଡି, ଦଲିଆ, ସୁଜି କିମ୍ବା ଖିରୀ ଓ ଇଡଲୀ ଆଦି ଦେଇ ପାରିବେ । ଯଦି ତରଳଝାଡା ବନ୍ଦ ନହୁଏ, ଶିଶୁକୁ ସ୍ୱାସ୍ଥ୍ୟ କେନ୍ଦ୍ରକୁ ନିଅନ୍ତୁ ।
- ତରଳ ଝାଡାକୁ ଘରେ କିପରି ଚିକିତ୍ସା କରିବେ ।
- ଘରୋଇ ଉପଲବ୍ଧ ପାନୀୟ ଗ୍ରହଣ – ତରଳଝାଡା ହୋଇଥିବା ଶିଶୁକୁ ଘରେ ଉପଲବ୍ଧ ଥିବା ବିଭିନ୍ନ ପାନୀୟ, ଅତିରିକ୍ତ ମାତ୍ରାରେ ଦେବା ଦରକାର । ଯେପରିକି (ତୋରାଣି, ପଇଡ ପାଣି, ଅଳ୍ପଚିନିର ହାଲକା ଚା, ପରିଷ୍କାର ନିରାପଦ ପାନୀୟ ଜଳ, ପାଣିଆ ଡାଲି, ଘୋଳ ଦହି ଏବଂ ମା’କ୍ଷୀର (ଯଦି ଶିଶୁ ସ୍ତନ୍ୟପାନ କରୁଥାଏ )
- ପାନୀୟକୁ ପତଳା କରନ୍ତୁ ନାହିଁ ଯଦି ବହଳିଆ ଥାଏ, ପାନୀୟ ପିଆଇ ସାରିବା ପରେ ଶିଶୁକୁ କିଛି ପାଣି ପିଇବାକୁ ଦିଆଯାଇ ପାରେ । ଯଦି ଶିଶୁ ବାନ୍ତିକରେ ୧୦ମିନିଟ୍ ଅପେକ୍ଷା କରନ୍ତୁ, ପୁଣି ପିଇବାକୁ ଦିଅନ୍ତୁ କିନ୍ତୁ ଏଥର ପୂର୍ବ ଅପେକ୍ଷା ଧିରେ ଧିରେ ପିଆନ୍ତୁ ।
- ମୌକ୍ଷିକ (ଭକ୍ଷଣୀୟ)ପୁନଃ ଜଳୀକରଣ ଚିକିତ୍ସା
- ଖାଦ୍ୟ ପେୟ ଚାଲୁରଖିବା – ଡାଇରିଆ ଥିବା ଶିଶୁ ଖାଦ୍ୟ ପେୟ ଚାଲୁ ରଖିବା ଆବଶ୍ୟକ । ଡାଇରିଆ ଆରୋଗ୍ୟ ହେବାପରେ ଶିଶୁକୁ ଅନ୍ତତଃ ୨ ସପ୍ତାହ ଯାଏଁ ଦୈନିକ ଅତିରିକ୍ତ ଗୋଟିଏ ଭୋଜନ ଦେବାଡ ଦରକାର । ପିଲାକୁ ଖୁଆଇବା ମା’ ବନ୍ଦ କରିବା ଅନୁଚିତ୍ ।
- ସ୍ତନ୍ୟପାନ ଚାଲୁ ରଖିବା – ତରଳ ଝାଡା ହେଉଥିବା ଶିଶୁ ପାଇଁ ମା’ କ୍ଷୀର ସର୍ବୋତ୍ତମ ଖାଦ୍ୟ ଓ ପାନୀୟ । ଏହା ଡାଇରିଆର ପରିମାଣ ଏବଂ ମାରାତ୍ମକତାକୁ କାମାଇ ଦିଏ । ସ୍ଵାଭାବିକ ଠାରୁ ଅଧିକ ସମୟ ଯାଏଁ ଏବଂ ଅଧିକ ଥର ସ୍ତନ୍ୟପାନ କରାନ୍ତୁ ।
- ଓ.ଆର.ଏସ୍ ଦ୍ରବଣ କିପରି ପ୍ରସ୍ତୁତ କରିବେ ?
- ଓ.ଆର.ଏସ୍ ଦ୍ରବଣ ପ୍ରସ୍ତୁତ କରିବା ପୂର୍ବରୁ ଏହାର ଖୋଳ ଉପରେ ଲେଖାଥିବା ନିର୍ଦ୍ଦେଶାବାଳୀକୁ ଭଲଭାବେ ପଢନ୍ତୁ ।
- ଏକ ପରିଷ୍କାର ପାତ୍ର ୫ ଗ୍ଲାସ୍ (ଏକ ଲିଟର)ନିରାପଦପାନୀୟ ଜଳ ନିଅନ୍ତୁ ।
- ଏକ ପ୍ୟାକେଟ୍ ଓ.ଆର.ଏସ୍ ଲବଣ ସେହି ୧ ଲିଟର ପାଣିରେ ପକାନ୍ତୁ ।
- ଏହାକୁ ଭଲଭାବରେ ମିଶାଇ ଶିଶୁକୁ ପିଆଇବା ଆରମ୍ଭ କରନ୍ତୁ ।
- ପ୍ରଥମ ୪ ଘଣ୍ଟା, ତଳେ ବାକ୍ସରେ ବୟସ ଅନୁସାରେ ଦିଆଯାଇଥିବା ମାତ୍ରରେ ଏହି ଦ୍ରବଣ ଶିଶୁକୁ ପିଆନ୍ତୁ ।
- ନବଜାତ ଶିଶୁ (୪ମାସ) -୨ କପ୍ (୨୦୦ -୪୦୦ ମି.ଲି)
- ନବଜାତ (୪ମାସରୁ -୧ବର୍ଷ )- ୩-୪ କପ୍) ୪୦୦-୭୦୦ ମି.ଲି.)
- ଶିଶୁ (୧-୨ ବର୍ଷ)-୫-୬ କପ୍ (୭୦୦-୯୦୦ ମି.ଲି.)
- ଶିଶୁ (୨- ୫ବର୍ଷ)- ୬-୮ କପ୍ (୯୦୦-୧୪୦୦ ମି.ଲି.)
ବାରମ୍ବାର ପାଣିଆ ଝାଡା ହେବାକୁ ତରଳଝାଡା କୁହାଯାଏ । ଯଦି ଶିଶୁର ଦିନକୁ ୩ ବା ତହିଁରୁ ଅଧିକ ଥର ପାଣିଆ ଝାଡା ହୁଏ ତାକୁ ତରଳଝାଡା (ଡାଇରିଆ) କୁହାଯାଏ । ସ୍ଵାଭାବିକ ଶିଶୁମାନଙ୍କର ଅପେକ୍ଷା ପୁଷ୍ଟିହୀନ ଶିଶୁମାନଙ୍କ ଠାରେ ତରଳଝାଡା ଅଧିକ ହୋଇଥାଏ । ଦେହରୁ ଜଳୀୟ ଅଂଶ ନିଷ୍କାସିତ କରି ଦେହକୁ ଶୁଷ୍କକରଣ କରି ଡାଇରିଆ ଶିଶୁମାନଙ୍କର ମୃତ୍ୟୁର କାରଣ ହୋଇଥାଏ । ଯଦି ଡାଇରିଆ ଦୁଇ ସପ୍ତାହରୁ ଅଧିକ ଦିନ ଲାଗିରୁହେ ଏହାକୁ ଅବରିତ ଡାଇରିଆ କୁହାଯାଏ । ଏଭଳି କ୍ଷେତ୍ରରେ ଶିଶୁକୁ ତୁରନ୍ତ ଦୃଷ୍ଟିଦେଇ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର/ ଚିକିତ୍ସାଳୟକୁ ପ୍ରେରଣ କରିବା ଉଚିତ୍ ।
ମଳସହିତ ରକ୍ତ ପଡୁଥିଲେ ପିଲାର ଅତିସାର ହୋଇଛି ବୋଲି ଜଣାପଡେ । ଏବଂ ତାକୁ ଡାକ୍ତରଖାନାକୁ ଚିକିତ୍ସା ପାଇଁ ପଠାଇବା ଦରକାର ।
ତରଳ ଝାଡାର ସମ୍ଭାବ୍ୟ କାରଣ ଗୁଡିକ ହେଉଛି :
ଗୋଟିଏ ଶିଶୁକୁ ତରଳଝାଡା ପାଇଁ ଆକଳନ କରିବାକୁ ହେଲେ ଦେଖିବେ –
ତରଳଝାଡା ହେଉଥିବା ଶିଶୁ ଗଲେ ଅଙ୍ଗନୱାଡି କର୍ମୀ ନିମ୍ନଲିଖିତ ବିପଦସଙ୍କୁଳ ଲକ୍ଷଣ ଗୁଡିକୁ ଦେଖିବେ ।
ତରଳଝାଡା ହେଉଥିବା ଶିଶୁଠାରେ ଯଦି ଉପରୁକ୍ତ ଲକ୍ଷଣ ଦେଖାଯାଏ ତେଣୁ ତାକୁ ତୁରନ୍ତ ଡାକ୍ତରଖାନା/ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ପଠାଇବେ ।
|
କ୍ରନଂ . |
ସୂଚକ |
ଜଳଶୁଷ୍କତା ନାହିଁ |
କିଛି ମାତ୍ରାରେ ଜଳଶୁଷ୍କତା |
ଅତିଶୟ ଜଳଶୁଷ୍କତା |
|
୧. |
ସାଧାରଣ ଅବସ୍ଥା |
ସୁସ୍ଥ, ଚଞ୍ଚଳିଆ |
ଅସ୍ଥିର/ଚିଚିଡିଆ |
ନିଦୁଆ କିମ୍ବା ଅଚେତ୍ |
|
୨. |
ଆଖି |
ସ୍ଵାଭାବିକ |
କୋରଡିଆ |
ଅତିକୋରଡିଅ ଓ ଶୁଖିଲା |
|
୩. |
ଶୋଷ(ଶିଶୁକୁ ପାଣି ପିଇବାକୁ ଦେବା) |
ସ୍ଵାଭାବିକ୍ ଭାବରେ ପିଏ, ଶୋଷିଲା ନଥାଏ |
ଶୋଷିଲା, ବ୍ୟଗ୍ରତା ସହ ପିଇଥାଏ |
ବେଶି ପିଇପାରେ ନାହିଁ କିମ୍ବା ଆଦୌ ପିଏନାହିଁ |
|
୪. |
ଚମକୁ ଚିମୁଟି ଟାଣିବା |
ପୂର୍ବ ଅବସ୍ଥାକୁ ସାଙ୍ଗେ ସାଙ୍ଗେ ଫେରିଯାଏ । |
ଧିରେ ପୂର୍ବ ଅବସ୍ଥାକୁ ଫେରେ |
ଖୁବ୍ ଧିରେ ଅବସ୍ଥାକୁ ଫେରେ |
|
୫. |
ଚିକିତ୍ସା |
ଘରେଥିବା ବିଭିନ୍ନ ପାନୀୟ ଏବଂ (ଓଆରଏସ୍) ଦେବା |
ଓ.ଆର.ଏସ୍ ଏବଂ ଘରୋଇ ଚିକିତ୍ସା |
ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଚିକିତ୍ସାଳୟକୁ ପ୍ରେରଣ
|
ତରଳଝାଡାର ଘରୋଇ ଚିକିତ୍ସାରେ –
ଓ.ଆର.ଏସ୍ ଏକ ଜୀବନ ରକ୍ଷକ ପାନୀୟ, ତରଳଝାଡାରେ ଯେଉଁ ଜଳୀୟ ଅଂଶ ଦେହରୁ ଚାଲିଯାଏ ତାର ଭରଣା କରିବା ପାଇଁ ପ୍ରତ୍ୟେକ ବୟସର ବ୍ୟକ୍ତିଙ୍କ ପାଇଁ (ନବଜାତ ଶିଶୁ ସମେତ )ଏହାଫଳପ୍ରଦ ହୋଇଥାଏ । ଓ.ଆର.ଏସ୍ କୁ ପାଣିରେ ଭଲଭାବେ ମିଶାଇ ଦ୍ରବଣ ପ୍ରସ୍ତୁତ କରି ଶିଶୁକୁ ଦେବା ଆବଶ୍ୟକ ।
ଓ.ଆର.ଏସ୍ ଦ୍ରବଣ ପ୍ରସ୍ତୁତ କରିବା ପାଇଁ ଅଙ୍ଗନୱାଡି କର୍ମୀ ନିମ୍ନୋକ୍ତ ପଦ୍ଧତିକୁ ନିଶ୍ଚୟ ଅନୁସରଣ କରିବେ ।
|
ପ୍ରଥମ ୪ ଘଣ୍ଟାରେ ଓ.ଆର.ଏସ୍ ଦ୍ରବଣ ଦିଆଯିବା ପରିମାଣ |
- ଓ.ଆର.ଏସ୍ ଦ୍ରବଣ ଦେଲାବେଳେ ମନେରଖିବା କଥା :
- ଓ.ଆର.ଏସ୍ ଦ୍ରବଣ ଧିରେ ଧିରେ ଦିଅନ୍ତୁ । ଯେତେଥର ଶିଶୁର ତରଳଝାଡା ହେଉଛି କିମ୍ବା ତାକୁ ଶୋଷ ଲାଗୁଛି । ତାକୁ ଏହି ପାଣି ଦିଅନ୍ତୁ ।
- ଯଦି ଶିଶୁ ଅନୁମୋଦିତ ପରିମାଣଠାରୁ ଅଧିକ ପିଇବାକୁ ଚାହୁଁଛି ତେବେ ତାକୁ ପିଇବାକୁ ଦିଅନ୍ତୁ ।
- ଯଦି ଛୁଆ ବାନ୍ତି କରୁଛି ତେବେ ୧୦ମିନିଟ୍ ଅପେକ୍ଷା କରନ୍ତୁ । ତା ପରେ ପୁଣି ଓ.ଆର.ଏସ୍ ଦ୍ରବଣ ଦିଅନ୍ତୁ ।
- ଶିଶୁ ସ୍ଵାଭାବିକ ଭାବରେ ପରିସ୍ରା କରିବାପାଇଁଅ ଏବଂ ସ୍ଵାଭାବିକ ଦିଶିବା ଯାଏଁ ଓ.ଆର.ଏସ୍ ଦ୍ରବଣ ପିଆଇବା ଚାଲୁ ରଖନ୍ତୁ ।
- ସବୁଦିନେ ସଦ୍ୟ ଓ.ଆର.ଏସ୍ ଦ୍ରବଣ ପ୍ରସ୍ତୁତ କରନ୍ତୁ ।
- ୪ ଘଣ୍ଟା ବିତିବା ପରେ ଶିଶୁର ଅବସ୍ଥା ଅଙ୍ଗନୱାଡି କର୍ମୀ କିମ୍ବା ଏ.ଏନ୍.ଏମ୍ ପୁନର୍ବାର ଆକଳନ କରିବା ପରେ ବିହିତ ଚିକିତ୍ସା କରି ପାରିବେ ।
ଆଧାର - Women and Child Development Department
Last Modified : 1/26/2020
ନବଜାତଶିଶୁ ଓ ମା' ମାନଙ୍କର ଯତ୍ନନେବାପାଇଁ ଅଙ୍ଗନୱାଡି କର୍...
କୁଶଳୀ ଅଙ୍ଗନୱାଡୀ ହେବାପାଇଁ କାର୍ଯ୍ୟ କରିବାପାଇଁ ବିଭିନ୍ନ...
କିଶୋରୀ ସ୍ୱାସ୍ଥ୍ୟ ସବଳା ଓ କିଶୋରୀମାନଙ୍କର ରକ୍ତହୀନତା ନି...
ମହିଳାମାନଙ୍କ ପାଇଁ ଗର୍ଭାବସ୍ଥା ଏକ ଶାରୀରିକ କଷ୍ଟ ଦାୟକ ଅ...
