ପରିପୂରକ ପୁଷ୍ଟି

ପରିପୂରକ ପୁଷ୍ଟିସାଧନ

ସମଗ୍ର ଦେଶରେ ଅଙ୍ଗନୱାଡି କେନ୍ଦ୍ରରେ ପ୍ରଦାନ କରାଯାଉଥିବା ଗୁରୁତ୍ଵପୂର୍ଣ୍ଣ ସେବାମାନଙ୍କ ମଧ୍ୟରୁ ପରିପୂରକ ପୁଷ୍ଟିସାଧନ ଅନ୍ୟତମ । ପରିପୂରକ ପୁଷ୍ଟିସାଧନର ୨ଟି ମୁଖ୍ୟଭାଗ ଅଛି; ଯଥା :- (୧) ସକାଳ ଜଳଖିଆ ଓ (୨) ଗରମ ରନ୍ଧା ଖାଦ୍ୟ । ପ୍ରାକ୍ ବିଦ୍ୟାଳୟକୁ ଆସିପାରୁଥିବା  ୩ ରୁ ୬ ବର୍ଷର ପିଲାମାନଙ୍କୁ ଏହି ଖାଦ୍ୟ ଦିଆଯାଇଥାଏ ।

ଏହାଛଡା ୮ଟି କେ.ବି.କେ. ଜିଲ୍ଲାରେ ଜରୁରୀକାଳୀନ ଖାଦ୍ୟ ଯୋଜନା କାର୍ଯ୍ୟକାରୀ ହେଉଛି, ଯେଉଁଥିରେ ଦୁଃସ୍ଥ ଏବଂ ଅସହାୟ ବୃଦ୍ଧବୃଦ୍ଧାଙ୍କୁ ଅଙ୍ଗନୱାଡି କେନ୍ଦ୍ରରେ ଗରମ ରନ୍ଧା ଖାଦ୍ୟ ଦିଆଯାଉଛି ।

ଖାଦ୍ୟର ବିକେନ୍ଦ୍ରୀକରଣ

ଖାଦ୍ୟର ବିକେନ୍ଦ୍ରୀକରଣ ପ୍ରକ୍ରିୟାରେ ଏବେ ଭାରତ ସରକାରଙ୍କ ଖାଦ୍ୟନିଗମ ତରଫରୁ ଚାଉଳ ଓ ଗହମ ଯୋଗାଇ ଦିଆଯାଉଛି, ଅଧିକନ୍ତୁ, ଅନ୍ୟ ଖାଦ୍ୟଦ୍ରବ୍ୟ ଯଥା :- ଡାଲି, ମସଲା, ତେଲ, ସୋୟା ବଡି, ଅଣ୍ଡା ଇତ୍ୟାଦିର କ୍ରୟ ଅଙ୍ଗନୱାଡି କେନ୍ଦ୍ରକୁ ବିକେନ୍ଦ୍ରୀକୃତ ହୋଇଛି ।

ଖାଦ୍ୟର ସାପ୍ତାହିକ ତାଲିକା

1. ସକାଳ  ଜଳଖିଆ ଏବଂ ଗରମ ରନ୍ଧାଖାଦ୍ୟର ସାପ୍ତାହିକ ତାଲିକା-

ପ୍ରାକ୍ ବିଦ୍ୟାଳୟ ପିଲା ଏବଂ ଜରୁରୀକାଳୀନ ଖାଦ୍ୟବଣ୍ଟନ କାର୍ଯ୍ୟକ୍ରମରେ ସକାଳ ଜଳଖିଆ ଏବଂ ଗରମ ରନ୍ଧା ଖାଦ୍ୟର ତାଲିକା ପରପୃଷ୍ଠାରେ ଦିଆଗଲା ।

ଖାଦ୍ୟଦ୍ରବ୍ୟ କ୍ରୟପ୍ରଣାଳୀ

1. ପରିପୂରକ ପୁଷ୍ଟିସାଧନ କାର୍ଯ୍ୟକ୍ରମ ପାଇଁ ଖାଦ୍ୟଦ୍ରବ୍ୟ କ୍ରୟପ୍ରଣାଳୀ -

ଅଙ୍ଗନୱାଡି କର୍ମୀ ଏବଂ ୱାର୍ଡମେମ୍ବର / କାଉନ୍ସିଲର / କର୍ପୋରେଟର ଗରମ ରନ୍ଧା ଖାଦ୍ୟ ଏବଂ ସକାଳ ଜଳଖିଆ ପାଇଁ  ଖାଦ୍ୟଦ୍ରବ୍ୟ କ୍ରୟ ପ୍ରଣାଳୀ ପାଇଁ ପ୍ରାରମ୍ଭିକ ଭାବରେ ଉତ୍ତରଦାୟୀ ରହିବେ । ଏହି କ୍ରୟପ୍ରଣାଳୀ ପାଇଁ କର୍ମୀ ଏବଂ ୱାଡମେମ୍ବର ଏକାଠି ଯିବା ଜରୁରୀ ନୁହେଁ । ଯାଞ୍ଚ କମିଟି ଦ୍ଵାରା କିଣା ହେବାକୁ ଥିବା ସାମଗ୍ରୀର ମୂଲ୍ୟ ନିର୍ଦ୍ଧାରିତ ହେବାପରେ ଅଙ୍ଗନୱାଡି କର୍ମୀ କିମ୍ବା ୱାଡମେମ୍ବରଙ୍କ ମଧ୍ୟରୁ କେହି ଜଣେ ଏହାକୁ କିଣି ପାରିବେ । ସ୍ଵୟଂ ସହାୟକ ଗୋଷ୍ଠୀଙ୍କ ନିକଟରୁ ସକାଳ ଜଳଖିଆ କ୍ରୟ କରାଯିବ । ଖାଦ୍ୟ ପ୍ରସ୍ତୁତି କାର୍ଯ୍ୟକ୍ରମରେ ଅଭିଜ୍ଞତା ଓ ଦକ୍ଷତାକୁ ଭିତ୍ତି କରି ସ୍ଵୟଂସହାୟକ ଗୋଷ୍ଠୀ ମୋନନୀତ ହେବା ଦରକାର । ଯଦି ସେହି ସ୍ଵୟଂ ସହାୟକ ଗୋଷ୍ଠୀ ସକାଳ ଜଳଖିଆ ଦେବାପାଇଁ ଅରାଜି ହୁଏ, ତେବେ ପାଖ ସ୍ଵୟଂ ସହାୟକ ଗୋଷ୍ଠୀ ନିକଟରୁ ଏହା କ୍ରୟ କରାଯିବ । ନିୟମ ଅନୁସାରେ ସକାଳ  ଜଳଖିଆର ମୂଲ୍ୟ ସ୍ଥିର ହେବା ଦରକାର ।

ଭୋଜନ କାର୍ଯ୍ୟକ୍ରମର ଆର୍ଥିକ ବ୍ୟବସ୍ଥା

1. ଭୋଜନ କାର୍ଯ୍ୟକ୍ରମର ଆର୍ଥିକ ବ୍ୟବସ୍ଥା ପାଇଁ ନିମ୍ନ ପଦ୍ଧତିରେ ହେବ -

ଅଙ୍ଗନୱାଡି କର୍ମୀ ଏବଂ ୱାର୍ଡ ମେମ୍ବର, କାଉନ୍ସିଲର/ କର୍ପୋରେଟର ଜଳଖିଆ ଏବଂ ଗରମରନ୍ଧା ଖାଦ୍ୟ ସାମଗ୍ରୀ ଠିକ୍ ସମୟରେ ସଂଗ୍ରହ ନିମନ୍ତେ ଯୁଗ୍ମ ଭାବରେ ଦାୟିତ୍ଵ ନେବେ "ନିକଟସ୍ଥ ବ୍ୟାଙ୍କ ଶାଖାରେ ଏକ ଯୁଗ୍ମ ସଞ୍ଚୟ ଖାତା ଖୋଲିଯିବ" ଅଙ୍ଗନୱାଡି କର୍ମୀ ଏବଂ ୱାର୍ଡମେମ୍ବର / କାଉନସିଲ୍ର/ କର୍ପୋରେଟର ସଂଞ୍ଚୟ ଖାତା ପରିଚାଳନା ପାଇଁ ଯୁଗ୍ମ ସ୍ଵାକ୍ଷରକାରୀ ରହିବେ । ସମସ୍ତ ରସିଦ୍ ସେହି ଖାତାରେ ଜମା ରହିବ ଏବଂ ଖାଦ୍ୟ ସାମଗ୍ରୀ କ୍ରୟର ସମସ୍ତ ଖର୍ଚ୍ଚ ଜମା ଟଙ୍କାରୁ ଭରଣା କରାଯିବ । କୌଣସି ଜରୁରୀ ପରିସ୍ଥିତି ଉପୁଜିଲେ ସଂପୃକ୍ତ ଯାଞ୍ଚ କମିଟି ବ୍ୟାଙ୍କ ଖାତାର ଦୈନିକ ଖର୍ଚ୍ଚକୁ ପରିଚାଳନା କରିବା ପାଇଁ ଅଙ୍ଗନୱାଡି କର୍ମୀଙ୍କ ସହିତ ୱାର୍ଡମେମ୍ବରଙ୍କ ପରିବର୍ତ୍ତେ ସରପଞ୍ଚ/ମେୟର/ଚେୟାରମ୍ୟାନ୍ ଙ୍କୁ ଦାୟିତ୍ଵ ଦେବେ । ଯେଉଁ ସ୍ଥାନରେ ୱାର୍ଡମେମ୍ବର ବା ସରପଞ୍ଚ ନ ଥିବେ ବା ଅନୁପସ୍ଥିତ ରହିବେ, ସେଠାରେ ଜିଲ୍ଲାପାଳ ଅନ୍ୟ ବ୍ୟବସ୍ଥା କରିବେ ।

କୌଣସି କ୍ଷେତ୍ରରେ ଅଙ୍ଗନୱାଡି କର୍ମୀ ପଦବୀ ଖାଲି ଥିଲେ । ଯଥାଶୀଘ୍ର ପୂରଣ କରିବା ଉଚିତ୍ । ନିକଟସ୍ତ କର୍ମୀଙ୍କ ସଂଞ୍ଚୟ ଖାତା ବ୍ୟବହାର କରି ଚାଲୁ ରଖିବା ଉଚିତ୍ । ଉଭୟଙ୍କ ଖାତାପତ୍ର ପରିଚାଳନା ଅଲଗା ଅଲଗା ହେବା ଉଚିତ୍ ।

ଅଙ୍ଗନୱାଡି କର୍ମୀଙ୍କ କାର୍ଯ୍ୟ

1. ଅଙ୍ଗନୱାଡି କର୍ମୀ  ହିସାବ ବିବରଣୀ ଖାତା ପରିଚାଳନା ଓ  ଦୈନନ୍ଦିନ ହିସାବ ଲିପିବଦ୍ଧ କରିବାପାଇଁ ନିମ୍ନଲିଖିତ ହିସାବ ଖାତା ପୂରଣ କରିବେ ।

• କ୍ୟାସ ବହି
• କ୍ରୟ ପୁସ୍ତିକା
• ଜମା ଓ ବଣ୍ଟନ ବିବରଣୀ
• ଖର୍ଚ୍ଚର ବିବରଣୀ
• ବ୍ୟାଙ୍କର ସନ୍ତୁଷ୍ଟୀକରଣ ତଥ୍ୟ

ଖର୍ଚ୍ଚର ପ୍ରତିଶୋଧନ ପ୍ରକ୍ରିୟା

ପ୍ରତ୍ୟେକ ମାସରେ ଖର୍ଚ୍ଚର ବିବରଣୀ ଅଙ୍ଗନୱାଡି କର୍ମୀ ପ୍ରସ୍ତୁତ କରିବେ । ଉଭୟେ  ଅଙ୍ଗନୱାଡି କର୍ମୀ /ୱାର୍ଡମେମ୍ବର / କାଉନ୍ସିଲର/ କର୍ମୋରେଟର ଏହାକୁ ଦସ୍ତଖତ କରିବେ । ଏହା ମହିଳା ପରିଦର୍ଶିକାଙ୍କ ଦ୍ଵାରା ଯାଞ୍ଚ କରାଯିବ । ଯାଞ୍ଚ ହୋଇଥିବା ଖର୍ଚ୍ଚ ବିବରଣୀକୁ ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କ ଅନୁମୋଦନ ପାଇଁ ପଇଠ କରାଯିବ । କ୍ରୟ ଏବଂ ସଂରକ୍ଷଣ ସମ୍ବନ୍ଧୀୟ ସମସ୍ତ ଭାଉଚର ଓ ରସିଦଇତ୍ୟାଦି ଅଙ୍ଗନୱାଡି କର୍ମୀ ସାଇତି ରଖିବେ ଏବଂ ଏହାକୁ ଯାଞ୍ଚ କରିବା ଅଧିକାରୀଙ୍କ ସମ୍ମୁଖରେ ଉପସ୍ଥାପନ କରିବେ ।

ଖାଦ୍ୟର ଅର୍ଥ ବ୍ୟବସ୍ଥା

• ସକାଳ ଜଳଖିଆର ଅର୍ଥ ବ୍ୟବସ୍ଥା

ଅଙ୍ଗନୱାଡି କେନ୍ଦ୍ରପାଇଁ ସ୍ଥାନୀୟ ସ୍ଵୟଂ ସହାୟକ ଦଳ ନିୟମାବଳୀ ଅନୁସାରେ ସକାଳ ଜଳଖିଆ ଯୋଗାଇବେ । ଅଙ୍ଗନୱାଡି କର୍ମୀ ଯୋଗାଣ ଓ ବଣ୍ଟନର ବିବରଣୀ ଜମା ଖାତାରେ ଲିପିବଦ୍ଧ କରିବେ । ଅଙ୍ଗନୱାଡି କର୍ମୀଙ୍କ ଦ୍ଵାରା ପ୍ରସ୍ତୁତ ସକାଳ ଜଳଖିଆର ସମସ୍ତ ବିବରଣୀ ପରିଦର୍ଶିକାଙ୍କ ଦ୍ଵାରା ଯାଞ୍ଚ ହେବାପରେ ଶିଶୁବିକାଶ ପ୍ରକଳ୍ପ ଅଧିକାରୀ (C.D.P.O)ଙ୍କୁ ଦାଖଲ କରାଯିବ ଏବଂ ସି.ଡି.ପି.ଓ ସଂପୃକ୍ତ ସ୍ଵୟଂ ସହାୟକ ଦଳକୁ ର-ପେମେଣ୍ଟ ମାଧ୍ୟମରେ ଅର୍ଥପ୍ରଦାନ କରିବେ । ଏହି ଅର୍ଥ ମାସିକିଆ ଭିତିରେ ପ୍ରଦାନ କରାଯିବ ଏବଂ ଏଥିରେ ବିଳମ୍ବ ନହେବା ପାଇଁ  C.C.D.P.O ନିଶ୍ଚିତ କରିବେ ।

ଖାଦ୍ୟ କାର୍ଯ୍ୟକ୍ରମ ତଦାରଖ ଓ ସମୀକ୍ଷା

ପରିପୂରକ ଖାଦ୍ୟ କାର୍ଯ୍ୟକ୍ରମ ତଦାରଖ ଓ ସମୀକ୍ଷା ଗ୍ରାମ ପଞ୍ଚାୟତ ଏବଂ ଗ୍ରାମସ୍ତରରେ ହେବ ।

ବର୍ତ୍ତମାନ ଖାଦ୍ୟ କାର୍ଯ୍ୟକ୍ରମ ଗ୍ରାମସ୍ତର ଓ ପଞ୍ଚାୟତ ସ୍ତର ପର୍ଯ୍ୟନ୍ତ ବିକେନ୍ଦ୍ରୀକରଣ କରାଯାଇଛି, ତେଣୁ ଏହାକୁ କାର୍ଯ୍ୟକାରିତା ପାଇଁ ସ୍ଥାନୀୟ କର୍ମକର୍ତ୍ତାଙ୍କୁ ନିମ୍ନଲିଖିତ ଦାୟିତ୍ଵ ଦିଆଯିବ ।

• ସରପଞ୍ଚ / ଚେୟାରମ୍ୟାନ୍ / ମେୟର
• ୱାର୍ଡମେମ୍ବର / କାଉନ୍ସିଲର / କର୍ପୋରେଟର
• ଯାଞ୍ଚ କମିଟି

ପ୍ରତ୍ୟେକ ଅଙ୍ଗନୱାଡି କେନ୍ଦ୍ର ଓ ସ୍କୁଲରେ ଯାଞ୍ଚ ଓ ମାତୃ କମିଟିର ସଭ୍ୟମାନଙ୍କର ନାମ ଫଟୋ ସହିତ ପ୍ରଦର୍ଶନ କରାଯିବ । ଅଙ୍ଗନୱାଡି କର୍ମୀ ଓ ସ୍କୁଲମାନଙ୍କୁ ନିମ୍ନରେ ଦର୍ଶାଯାଇଥିବା ଚାର୍ଟଙ୍କୁ ସମସ୍ତଙ୍କୁ ଦୃଷ୍ଟିଗୋଚର ହେବାଭଳି ସ୍ଥାନରେ ଟାଙ୍ଗିବା ପାଇଁ ନିର୍ଦ୍ଦେଶ ଦିଆଯିବ ।

ଯାଞ୍ଚକମିଟି ଗଠନପ୍ରଣାଳୀ

ନିମ୍ନଲିଖିତ ସଭ୍ୟଙ୍କୁ ନେଇ ଯାଞ୍ଚ  କମିଟି ଗଠନ କରାଯିବ ।

• ଅବସରପ୍ରାପ୍ତ ସରକାରୀ ବା ସରକାରୀ ଅନୁଦାନପ୍ରାପ୍ତ ସଂସ୍ଥାର କାର୍ଯ୍ୟକର୍ତ୍ତା ।
• ଦୁଇଟି ଅତିଭଲ ଗ୍ରେଡିଙ୍ଗ ହୋଇଥିବା ସ୍ଵୟଂ ସହାୟକ ଗୋଷ୍ଠୀର ପ୍ରେସିଡେଣ୍ଟ ଓ ସେକ୍ରେଟାରୀ ନିଆଯିବ । ଯଦି ସେହି ଗାଁରେ ମଧ୍ୟାହ୍ନ ଭୋଜନ ସକାଳ ଜଳଖିଆ ଯୋଗାଉଥିବା ସ୍ଵୟଂସହାୟକ ଦଳଥିବେ ସେମାନେ ଏହି କମିଟିର ସଭ୍ୟ ହୋଇପାରିବେ ନାହିଁ ।
• ଜଣେ ଭିନ୍ନକ୍ଷମ ବ୍ୟକ୍ତି
• ମାତୃ କମିଟିର ମୁଖ୍ୟ
• ଗ୍ରାମ୍ୟ ଶିକ୍ଷା କମିଟିର ସଭାପତି

ଆଧାର - Women And Development Department