<div id="MiddleColumn_internal"> <h3 style="text-align: justify; ">ଉପକ୍ରମ<strong> </strong></h3> <p style="text-align: justify; ">ମାଦିପଲ୍ଲୀ ରୂପ ଅରୁଣ, ହାଇଦ୍ରାବାଦର ଜଣେ ୮ ବର୍ଷର ବାଳକ। ସିଏ ଥାଲାସେମିଆରେ ପୀଡ଼ିତ।</p> <p style="text-align: justify; ">ତାଙ୍କର ଅବସ୍ଥା ଏମିତି ହୋଇଛି ଯେ ତାଙ୍କ ଶରୀର ଆଉ ରକ୍ତ ତିଆରି କରୁ ନାହିଁ।<img class="image-right" src="https://static.vikaspedia.in/media_vikaspedia/or/images/social-welfare/b38b2bb33-b15b3eb39b3eb23b40/pict29aug4.png" /> ତେଣୁ ପ୍ରତି ୨୦-୨୫ ଦିନରେ ତାଙ୍କର ରକ୍ତ ବଦଳା ଯାଉଛି।</p> <p style="text-align: justify; ">ରୂପଙ୍କୁ ମଧ୍ୟ ଜଟିଳ ଚିକିତ୍ସା ପ୍ରକ୍ରିୟା ସାମ୍ନା କରିବାକୁ ପଡ଼ିବ। କାରଣ ତାଙ୍କ ଶରୀରରେ ଲୌହସ୍ତର ବଢୁ ନାହିଁ, ଯାହାକି ତାଙ୍କର ମୂଲ୍ୟବାନ୍ ଅଙ୍ଗଗୁଡ଼ିକୁ ଦୁର୍ବଳ କରି ପକାଇବ।</p> <p style="text-align: justify; ">ଏଭଳି ଅସୁବିଧାରେ ଥାଇ ସୁଦ୍ଧା ହାଇଦ୍ରାବାର ପୁଲିସ କମିଶନର ରୂପେ ରୂପ ଦିନଟିଏ ଦାୟିତ୍ଵ ନେଇଛନ୍ତି।</p> <h3 style="text-align: justify; ">ରୂପର ଅଭିଳାଷ</h3> <p style="text-align: justify; ">ଖବର ସରବରାହ ସଂସ୍ଥା ଏଏନ୍ଆଇ ଅନୁସାରେ ରୂପର ଅଭିଳାଷ ପୂର୍ଣ ହୋଇଛି। ଏଥିପାଇଁ ମେକ୍-ଏ-ୱିଶ୍ ଫାଉଣ୍ଡେସନର ମୁଖ୍ୟ ଭୂମିକା ରହିଛି। ଏହି ସଂଗଠନ ମୁଖ୍ୟତଃ ଜୀବନମରଣ ସଂକଟରେ ଚିକିତ୍ସାଧୀନ ଶିଶୁମାନଙ୍କ ଅଭିଳାଷ ପୂର୍ଣ କରିବାରେ ସହଯୋଗ କରିଥାଏ। ସେହି ଶିଶୁମାନଙ୍କ ମଣିଷ ଭଳି ବଞ୍ଚିବାର ଆଶା ଓ ଭରସାକୁ ବଳିଷ୍ଠ କରିବାରେ ସାହାଯ୍ୟ କରେ। ରୂପ କହନ୍ତି ଯେ ବେକରୁ ଚେନ୍ ଲୁଟ୍ ଭଳି ଅପରାଧକୁ ବନ୍ଦ କରି ସେ ଆଇନ ଓ ସୁଶାସନ ଉପରେ ନିୟନ୍ତ୍ରଣ ରଖିବାକୁ ଚାହାନ୍ତି।</p> <p style="text-align: justify; ">ପୁଲିସର ଖାକି ପୋଷାକ ପିନ୍ଧି ଏହି ବାଳକ ଯେତେବେଳେ କମିଶନରେଟ୍ ଆସିଲେ, ସେତେବେଳେ ଅନ୍ୟ ପୁଲିସ୍ ଅଧିକାରୀମାନେ ତାଙ୍କୁ ସାଲ୍ୟୁଟ୍ କରିଥିଲେ। ରୂପଙ୍କ ମାଆବାପା, ରଂଜିତା ଓ ବିକ୍ରମ ଏହି ମୁହୂର୍ତ୍ତ ପାଇଁ ବହୁତ ଗର୍ବ ଅନୁଭବ କରୁଛନ୍ତି।</p> <br /> <p style="text-align: justify; "><strong>ଆଧାର :</strong>Team odia</p> </div>