ଅଟଳ ପେନସନ ଯୋଜନା ବାରମ୍ବାର ଉଠୁଥିବା ପ୍ରଶ୍ନାବଳୀ

ପେନସନ କଣ ? ମୁଁ କାହିଁକି ଏହା ଆବଶ୍ୟକ କରୁଛି ?

ଯେତେବେଳେ ଲୋକଙ୍କର କୌଣସି ଆୟର ପନ୍ଥା ନଥାଏ   ,  ସେତେବେଳେ ପେନସନ ମାସିକ ରୋଜଗାର ଯୋଗାଇ ଥାଏ   ।

ପେନସନର ଆବଶ୍ୟକତା :-

• ବୟସର ବୃଦ୍ଧି ସହିତ ସମ୍ଭାବିତ ରୋଜଗାର କ୍ଷମତା କମିଗଲେ   ।
• କ୍ଷୁଦ୍ର ପରିବାରର ବୃଦ୍ଧି – ରୋଜଗାରକ୍ଷମ ବ୍ୟକ୍ତି ପରିବାରଠୁ ଅଲଗା ହେଲେ  ।
• ଜୀବନଧାରଣର ଖର୍ଚ୍ଚ ବୃଦ୍ଧି   ।
• ଆୟୁରେ ସୀମା ବୃଦ୍ଧି  ।

ନିଶ୍ଚିତ ମାସିକ ଆୟ , ବୃଦ୍ଧାବସ୍ଥାରେ ମଥାଟେକି ବଞ୍ଚିବାର ନିଶ୍ଚିତ କରାଏ   ।

ଅଟଳ ପେନସନ ଯୋଜନା କଣ ?

ଅଟଳ ପେନସନ ଯୋଜନା ଏକ ପେନସନ ଯୋଜନା ଯାହା ଭାରତୀୟ ନାଗରିକ ହୋଇଥିବା ଅଣ ସଂଗଠିତ କ୍ଷେତ୍ରର ଶ୍ରମିକମାନଙ୍କ ପାଇଁ ଉଦ୍ଧିଷ୍ଟ   ।  ଏହି ଯୋଜନା ମାଧ୍ୟମରେ ଉପଭୋକ୍ତାଙ୍କର ଜମାକରିଥିବା ରାଶି ଉପରେ ନିର୍ଭର କରି ୧୦୦୦,୨୦୦୦,୩୦୦୦,୪୦୦୦,ଓ ୫୦୦୦ ଟଙ୍କାର ନିଶ୍ଚିତ ସର୍ବନିମ୍ନ ପେନସନ ୬୦ ବର୍ଷରୁ ଉର୍ଦ୍ଧ୍ଵ ବ୍ୟକ୍ତିକୁ ପ୍ରଦାନ  କରାଯାଇଥାଏ   ।

ଅଟଳ ପେନସନ ଯୋଜନାରେ କିଏ ସାମିଲ ହୋଇପାରିବେ   ?

ଯେ କୌଣସି ଭାରତୀୟ ନାଗରିକ ଏପିୱାଇରେ ଯୋଗ ଦେଇପାରିବେ   ।  ତାଙ୍କର ନିମ୍ନଲିଖିତ ଯୋଗ୍ୟତା ଥିବା ଦରକାର   ।

କ) ଯୋଗଦାନକାରୀ ଙ୍କ ବୟସ ୧୮ ରୁ ୪୦ ବର୍ଷ ହୋଇଥିବା ଆବଶ୍ୟକ   ।

ଖ) ତାଙ୍କର ଏକ ସଞ୍ଚୟ ବ୍ୟାଙ୍କ ଖାତା ଥିବା ଆବଶ୍ୟକ  / ସଞ୍ଚୟ ବ୍ୟାଙ୍କ ଖାତା ଖୋଲିବା ଦରକାର   ।

ଗ) ସମ୍ଭାବ୍ୟ ଆବେଦନକାରୀଙ୍କର ଏକ ମୋବାଇଲ ଫୋନ ଥିବା ଆବଶ୍ୟକ ଏବଂ ଏହି ନମ୍ବର ବ୍ୟାଙ୍କରେ ତାଙ୍କ ବ୍ୟାଙ୍କ ଖାତା ଦରଜ ହୋଇଥିବା ଜରୁରୀ   ।

• ୧ ଜୁନ ୨୦୧୫ ରୁ ୩୧ ଡିସେମ୍ବର ୨୦୧୫ ମଧ୍ୟରେ ଯୋଜନାରେ ଯୋଗ ଦେଉଥିବା ସଭ୍ୟମାନଙ୍କ ପାଇଁ ସରକାରୀ ସହ – ଅନୁଦାନ ପାଞ୍ଚବର୍ଷ ଅର୍ଥାତ ୨୦୧୫ -୧୬ ରୁ ୨୦୧୯ -୨୦ ପର୍ଯ୍ୟନ୍ତ ଉପଲ୍ଲବ୍ଧ   ।  କିନ୍ତୁ ଏଥି ନିମନ୍ତେ ଉପଭୋକ୍ତା ଅନ୍ୟ କୌଣସି ସାମାଜିକ ନିରାପତ୍ତା ଯୋଜନାରେ ସାମିଲ ହୋଇନଥିବେ କି ଆୟକର ଦାତା ହୋଇନଥିବେ ,

ଅନ୍ୟ କେଉଁ ସାମାଜିକ ନିରାପତ୍ତା ଯୋଜନାର ଉପଭୋକ୍ତା ଏପିୱାଇ ଅଧିନରେ ସରକାରୀ ସହ – ଅନୁଦାନ ପାଇବାକୁ  ଯୋଗ୍ୟ ନୁହନ୍ତି  ?

ବୈଧାନିକ ସାମାଜିକ ନିରାପତ୍ତା ଯୋଜନାରେ ସୁରକ୍ଷିତ ଉପଭୋକ୍ତା ସରକାରୀ ସହ – ଅନୁଦାନ ପାଇବାକୁ ଯୋଗ୍ୟ ନୁହନ୍ତି   ।  ଉଦାହରଣ ସ୍ୱରୂପ ନିମ୍ନଲିଖିତ ପ୍ରଣୀତ ଆଇନ ଅନୁଯାୟୀ ସାମାଜିକ ନିରପତ୍ତା  ସୁରକ୍ଷା ପାଉଥିବା ବ୍ୟକ୍ତିମାନେ ସରକାରୀ ସହ ଅନୁଦାନ ପାଇବାକୁ ଯୋଗ୍ୟ ନୁହଁନ୍ତି   ।

• କର୍ମଚାରୀ ଭବିଷ୍ୟତନିଧି କୋଷ ଏବଂ ଅନ୍ୟାନ୍ୟ ପ୍ରବନ୍ଧ ଆଇନ ୧୯୫୨  ।
• କୋଇଲା ଖଣି ଭବିଷ୍ୟତନିଧି କୋଷ ଏବଂ ଅନ୍ୟାନ୍ୟ ପ୍ରବନ୍ଧ ଆଇନ ୧୯୪୮
• ଆସାମ ଚା ବଗିଚା ଭବିଷ୍ୟତନିଧି କୋଷ ଏବଂ ଅନ୍ୟାନ୍ୟ ପ୍ରବନ୍ଧ ଆଇନ ୧୯୫୫
• ନାବିକମାନଙ୍କର ଭବିଷ୍ୟନିଧି କୋଷ ଆଇନ ୧୯୬୬
• ଜମ୍ମୁ କାଶ୍ମୀର କର୍ମଚାରୀ ଭବିଷ୍ୟତନିଧି ଓ ଅନ୍ୟାନ୍ୟ ପ୍ରବନ୍ଧ ଆଇନ ୧୯୬୧
• ଅନ୍ୟ କୌଣସି ସାମାଜିକ ନିରାପତ୍ତା ଯୋଜନା   ।

ଏପିୱାଇ ଅଧୀନରେ କେତେ ପେନସନ ମିଳିବ   ?

ଟ ୧୦୦୦,୨୦୦୦,୩୦୦୦,୪୦୦୦,ଓ ୫୦୦୦ ନିଶ୍ଚିତ ସର୍ବନିମ୍ନ ପେନସନ ୬୦ ବର୍ଷରେ ମିଳିବ   ।  ଏହା ସଭ୍ୟମାନଙ୍କର ନିଜ ଜମା ଉପରେ ନିର୍ଭର କରେ    ।

ଏପିୱାଇରେ ଜମା ଦେଇଥିବା ଅର୍ଥ କେମିତି ନିବେଶ କରାଯାଏ  ?

ଏପିୱାଇରେ ଜମା ଦେଇଥିବା ଅର୍ଥ , ବିତ୍ତ ବିଭାଗ  , ଭାରତ ସରକାରଙ୍କ ନିର୍ଦ୍ଦେଶାବଳୀ ଅନୁଯାୟୀ ନିବେଶ କରାଯାଏ   । ଏପିୱାଇ ଯୋଜନା ପିଏଫଆରଡିଏ   /ସରକାରଙ୍କ ଦ୍ଵାରା ପରିଚାଳିତ   ।

ଏପିୱାଇ ଖାତା ଖୋଲିବାର ପ୍ରଣାଳୀ କଣ ?

କ) ଯୋଉଁଠି ସଞ୍ଚୟ ବ୍ୟାଙ୍କ ଖାତା ଅଛି ସେହି ବ୍ୟାଙ୍କ ସହିତ ଯୋଗାଯୋଗ କରନ୍ତି   ।

ଖ) ଏପିୱାଇ ରେଜିଷ୍ଟ୍ରେସନ ଫର୍ମ ଭରନ୍ତୁ   ।

ଗ) ଆଧାର / ମୋବାଇଲ ନମ୍ବର ଦିଅନ୍ତୁ   ।

ଘ) ସଞ୍ଚୟ ଖାତାରେ ଯଥେଷ୍ଟ ବାଲାନ୍ସ ରଖନ୍ତୁ ଯାହା ଦ୍ଵାରା ସେ ଖାତାରୁ ଏପିୱାଇ ଖାତାକୁ ମାସିକ ଜମାରେ କୌଣସି ଅସୁବିଧା ନ ହୁଏ   ।

ଏହି ଯୋଜନାରେ ଯୋଗ ଦେବା ପାଇଁ ଆଧାର ନମ୍ବର କଣ ଜରୁରୀ  ?

ଏପିୱାଇ ଆକାଉଣ୍ଟ ଖୋଲିବାର ଆଧାର ନମ୍ବର ଦେବା ବାଧ୍ୟତାମୂଳକ ନୁହେଁ   ।  କିନ୍ତୁ ଖାତା ଖୋଲିଲାବେଳେ କେୱାଇସି ଦସ୍ତାବିଜରେ ଆଧାର ନମ୍ବର ପ୍ରଥମିକତା ପାଇଥାଏ  ।  ଏହି ଉପରୋକ୍ତ ପରିଚୟ ,  ସ୍ଵାମୀ /ସ୍ତ୍ରୀଙ୍କ ନାମ ମନୋନୀତ ବ୍ୟକ୍ତି ଚିହ୍ନଟ କରିବାକୁ ସହଜ ହୁଏ ଯାହା ଦ୍ଵାରା ଦୀର୍ଘ ସୂତ୍ରୀ ପେନସନ ଏବଂ ଅର୍ଥ ପ୍ରାପ୍ତିରେ ବିବାଦକୁ ଏଡାଇ ଦିଆଯାଇପାରେ   ।

ସଞ୍ଚୟ ବ୍ୟାଙ୍କ ଖାତା ନଥାଇ ଏପିୱାଇ ଏକାଉଣ୍ଟ ଖୋଲି ହେବକି  ?

ନାଁ ! ଏପିୱାଇରେ ଯୋଗାଦାନ ପାଇଁ ସଞ୍ଚୟ ଖାତା ବାଧ୍ୟତାମୂଳକ   ।

କେଉଁ ପ୍ରଣାଳୀରେ ଏପିୱାଇ ଖାତାକୁ ଅର୍ଥ ପ୍ରେରଣ କରାଯାଏ   ?

ସଭ୍ୟମାନଙ୍କର ସଞ୍ଚୟ ବ୍ୟାଙ୍କ ଖାତାରୁ ସ୍ଵତଃ ଉଠାଣ ସୁବିଧା ବଳରେ ଅର୍ଥ ପ୍ରେରଣା କରାଯାଇଥାଏ   ।

ଯଦି ଦେୟ ତାରିଖରେ ସଞ୍ଚୟ ବ୍ୟାଙ୍କ ଖାତାରେ   ,  ଅର୍ଥ ପ୍ରେରଣ ପାଇଁ ଯଥେଷ୍ଟ ଜମା ନଥାଏ ତା ହେଲେ କଣ ହେବ  ?

ଅର୍ଥ ପ୍ରେରଣ ପାଇଁ ସଞ୍ଚୟ ଖାତାରେ ଦେୟ ତାରିଖରେ ଯଥେଷ୍ଟ ଅର୍ଥ ନ ରଖିଲେ ତାହାକୁ ଖିଲାପି ବୋଲି ବିବେଚନା କରାଯିବ  ।  ବ୍ୟାଙ୍କମାନେ ଡେରିରେ ଅର୍ଥ ଜମା ପାଇଁ ଅତିରିକ୍ତ ରାଶି ସଂଗ୍ରହ କରିବା ଆବଶ୍ୟକ   ।  ଏହି ରାଶି ଏକ ଟଙ୍କାରୁ ୧୦ ଟଙ୍କା ପର୍ଯ୍ୟନ୍ତ ନିମ୍ନ ମତେ ଆଦାୟ କରିବା ଦରକାର   ।

କ) ମାସିକ ୧ ଟଙ୍କା ୧୦୦ ଟଙ୍କାର ମାସିକ ଜମା ପାଇଁ   ।

ଖ) ମାସିକ ୨ ଟଙ୍କା ରୁ ୫୦୦ ଟଙ୍କାର ମାସିକ ଜମା ପାଇଁ ॰ ।

ଗ) ମାସିକ ୫ ଟଙ୍କା ୫୦୧ ରୁ ୧୦୦୦ ଟଙ୍କାର ମାସିକ ଜମା ପାଇଁ    ।

ଘ) ମାସିକ ୧୦ ଟଙ୍କା ୧୦୦୧ ଟଙ୍କା ଓ ତାହାଠୁ ଅଧିକ ମାସିକ ଜମାପାଇଁ   ।

ଯଦି ଅର୍ଥ ଜମା ବନ୍ଦ ହୋଇଯାଏ ତା ହେଲେ ନିମ୍ନମତେ କାର୍ଯ୍ୟାନୁଷ୍ଠାନ ହେବ   ।

୬ ମାସ ପରେ ଏକାଉଣ୍ଟକୁ ଫ୍ରିଜ କରି ଦିଆଯିବ  ।

୧୨ ମାସ ପରେ ଏକାଉଣ୍ଟ ନିଷ୍କ୍ରିୟ କରି ଦିଆଯିବ   ।

୨୪ ମାସ ପରେ ଏକାଉଣ୍ଟ ବନ୍ଦ କରି ଦିଆଯିବ   ।

ଗ୍ରାହକ ମାନେ ଧ୍ୟାନ ରଖିବା ଉଚିତ ଯେ ବ୍ୟାଙ୍କ ଖାତାରେ ଯଥେଷ୍ଟ ଟଙ୍କା ଜମା ରଖିବା ଦରକାର ଯାହା ଦ୍ଵାରା ସ୍ଵତଃ ଉଠାଣ ସମ୍ଭବ ହେବ   ।

ସ୍ଥାୟୀ ସୁଧରାଶି / ଜୋରିମାନା ପେନସନ ଖାତାର ଜମାର ଏକ ଅଂଶ ହୋଇ ରହିବ   ।

ଯୋଜନାରେ ଯୋଗ ଦେବା ବେଳକୁ ମନୋନୟନ ପତ୍ର ଦେବା ଦରକାର କି  ?

ନିଶ୍ଚୟ !ଏପିୱାଇ ଏକାଉଣ୍ଟରେ ମନୋନୀତ ବ୍ୟକ୍ତିଙ୍କର ବିସ୍ତୁତ ବିବରଣୀ ଦେବା ବାଧ୍ୟତାମୂଳକ   ।  ସ୍ଵାମୀ /ସ୍ତ୍ରୀଙ୍କର ବିସ୍ତୁତ ବିବରଣୀ ଦେବା ବାଧ୍ୟତାମୂଳକ  /  ଆଧାର ବିବରଣୀ ମଧ୍ୟ ଦେବା ଆବଶ୍ୟକ   ।

ଜଣେ କେତୋଟି ଏପିୱାଇ ଏକାଉଣ୍ଟ ଖୋଲିପାରିବ   ?

ଜଣେ ବ୍ୟକ୍ତି କେବଳ ଗୋଟିଏ ଏପିୱାଇ ଏକାଉଣ୍ଟ ଖୋଲି ପାରିବ ଏବଂ ତାହା ଅନନ୍ୟ ହୋଇଥିବ   ।

ଅଧିକ ବା କମ ପେନସନ ରାଶି ପାଇଁ ମାସିକ ଜମା ରାଶି କମ ବେସୀ କରିବାର ଅଧବକାର ଅଛି  କି  ?

ପେନସନ ଆକାଉଣ୍ଟ ଟଙ୍କା ଜମା ଦେବାର ଅବଧି ମଧ୍ୟରେ ଜମାକରି ପେନସନ ରାଶିକୁ କମ ବେସୀ କରିପାରିବେ ଯଦ୍ଵାରା  ମାସିକ ଜମାରାଶି କ ବେସୀ ହୋପରିବ । କିନ୍ତୁ ଏହି କାର୍ଯ୍ୟ କେବଳ ଏପ୍ରିଲ ମାସରେ ଥରଟିଏ କରି ପାରିବେ   ।

ଏପିୱାଇରୁ ଓହରି ଯିବାର ପ୍ରଣାଳୀ କଣ  ?

କ) ୬୦ ବର୍ଷ ବୟସ ପୁରିଗଲେ

ଏହି ବୟସରେ ପେନସନ ଫଣ୍ଡର ଜମା ଫେନସାନ ପ୍ରଦାନ ପାଇଁ  ସ୍ଥିର ହେବ ଏବଂ ସଭ୍ୟଙ୍କୁ ପେନସନ ମିଳିବ    ।

ଖ) ଜମାକାରୀଙ୍କର କୌଣସି କାରଣରୁ ମୃତ୍ୟୁ ହେଲେ ,

ଯଦି ଜମାକାରୀଙ୍କର ମୃତ୍ୟୁ ହୁଏ   ,  ତା ହେଲେ ତାଙ୍କର ସ୍ତ୍ରୀ / ସ୍ଵାମୀଙ୍କୁ ପେନସନ ମିଳିବ ଏବଂ ଯଦି ଦୁଇଜଣଯାକ ମୃତ୍ୟୁ ବରଣ କରନ୍ତି   , ମୂଳ ପେନସନ ଫଣ୍ଡର ଜମା ତାଙ୍କର ମନୋନୀତ ବ୍ୟକ୍ତିଙ୍କୁ ଫେରାଇ ଦିଆଯିବ   ।

ଗ) ୬୦ ବର୍ଷ ଆଗରୁ ଓହରି ଯିବା

କେବଳ ଅସାଧାରଣ ପରିସ୍ଥିତିରେ ୬୦ ବର୍ଷ ବୟସ ଆଗରୁ ଯୋଜନାରୁ ଓହରି ଯାଇ ହେବ ଯେମିତିକି ଉପଭୋକ୍ତାଙ୍କର ମୃତ୍ୟୁ ବା ମାରାତ୍ମକରୋଗ   ।

ଜମାର ସ୍ଥିତି କେମିତି ଜାଣି ହେବ

ଜମାର ସ୍ଥିତି ସଭ୍ୟଙ୍କର ପଞ୍ଜିକୃତ ମୋବାଇଲ ନମ୍ବରରେ ଏସ ଏମ ଏସ ଜରିଆରେ ସମୟ ସମୟରେ ଜଣେଇ ଦିଆଯିବ  ।  ତା ଛଡା ଜମାକାରୀଙ୍କୁ ଆକାଉଣ୍ଟର ବିବରଣୀ କପି ଦିଆଯିବ   ।

ନେଣଦେଣର ଲିଖିତ ବିବରଣୀର ଦିଆଯିବକି ?

ହଁ !ଏପିୱାଇ ଆକାଉଣ୍ଟର ସମୟ ସମୟର ନେଣଦେଣ ବିବରଣୀ ଜଣାଇ ଦିଆଯିବ  ।

୨୦. ଯଦି ଘର/ସହର ବଦଳି ଯାଏ ତା ହେଲେ ଏପିୱାଇ ଆକାଉଣ୍ଟରେ କେମିତି ଜମା କରିହେବ   ?

ସ୍ଵତଃ ଉଠାନ ପଦ୍ଧତିରେ ବ୍ୟାଙ୍କ ଖାତା ଜରିଆରେ ବିନା ବାଧାରେ ଜମା ରାଶି ପଠାଇ ହେବ   ।

୨୧. ସ୍ଵାବଲମ୍ବନ ଯୋଜନାର ସଭ୍ୟମାନଙ୍କର କଣ ହେବ   ?

• ୧୮ ରୁ ୪୦ ବର୍ଷ ବୟସ୍କ ସମସ୍ତ ସ୍ଵାବଲମ୍ବନ ଯୋଜନାର ପାଞ୍ଜିକୃତ ସଭ୍ୟଙ୍କୁ ଏପିୱାଇକୁ ସ୍ଥାନାନ୍ତର କରାଯିବ   ।  ସେ ଚାହିଁଲେ ଏଥିରୁ ଓହରି ଯାଇପାରନ୍ତି   ।  କିନ୍ତୁ ସରକାରଙ୍କ ପାଞ୍ଚବର୍ଷର ଆର୍ଥିକ ବିନିଯୋଗର ସୁବିଧା ସ୍ଵାବଲମ୍ବନରେ ମିଳିଥିବା ସମୟକୁ ବାଦ ଦେଇ ମିଳିବ   ।
• ଅର୍ଥାତ ଯଦି ସ୍ଵାବଲମ୍ବନ ଯୋଜନାରେ ଉପଭୋକ୍ତା ଏକ ବର୍ଷ ପାଇଁ ସରକାରୀ ଅନୁଦାନ ପାଇଛନ୍ତି ତା ହେଲେ ସେହି ଅନୁଦାନ ଏପିଵାଇ ଯୋଜନାରେ ଚାରିବର୍ଷ ପାଇଁ ପାଇପାରିବ   ।  ବାର୍ତ୍ତମାନର ସ୍ଵାବଲମ୍ବନ ଉପଭୋକ୍ତା ଯଦି ଏପିୱାଇ ଯୋଜନାରୁ ଓହରି ଯିବାକୁ ଚାହାନ୍ତି – ତା ହେଲେ ତାଙ୍କୁ ୨୦୧୬-୧୭ ଯାଏ ସରକାଋ ସହ ଅନୁଦାନ ପାଇବାକୁ ଯୋଗ୍ୟ ହେବେ   ।  ସେ କ୍ଷେତ୍ରରେ ତାଙ୍କର ସ୍ଵାବଲମ୍ବନ ଖାତା ବାହାର ହେବା ବୟସ ପର୍ଯ୍ୟନ୍ତ ଚାଲୁ ରହିବ   ।
• ଅନ୍ୟ ୪୦ ବର୍ଷରୁ ଅଧିକ ବୟସ୍କ ଜମାକାରୀ ,  ଯେଉଁମାନେ ଖାତା ଚାଲୁ ରଖିବାକୁ ଚାହୁଁ ନାହାନ୍ତି  ,  ମୋଟାମୋଟି ଅର୍ଥ ନେଇ ଯୋଜନାରୁ ବାହାରି ଯାଇ ପାରିବେ   ।
• ଅନ୍ୟ ୪୦ ବର୍ଷରୁ ଅଧିକ ବୟସ୍କ ଜମାକାରୀ ,  ଯୋଜନାରେ ରହିବାର ସମ୍ମତି ଦେଇ ପାରନ୍ତି ଏବଂ ତା ପରେ ପେନସନ ପାଇବାରେ ଯୋଗ୍ୟ ରହିବେ   ।
• ପ୍ରଚଳିତ ସ୍ଵାବଲମ୍ବନ ଯୋଜନା ସ୍ଵତଃପ୍ରୋତଃ ଭାବରେ ଏପିୱାଇକୁ ସ୍ଥାନାନ୍ତର ହୋଇପାରିବ   ।

ଆଧାର  :ରାଷ୍ଟ୍ରୀୟ କୃଷି ଏବଂ ଗ୍ରାମ୍ୟ ଉନ୍ନୟନ ବ୍ୟାଙ୍କ