ଜୁଲାଇରୁ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା

ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା

ରାଜ୍ୟରେ ଆଗାମୀ ଜୁଲାଇ  ମାସରୁ ପ୍ରଥମ ପର୍ଯ୍ୟାୟ 'ବରିଷ୍ଠ ନାଗରିକଙ୍କ ତୀର୍ଥଯାତ୍ରୀ' ଯୋଜନା ଆରମ୍ଭ ହେବ । ଏହା ବ୍ରହ୍ମପୁରରୁ ଆରମ୍ଭ କରାଯିବାକୁ ସ୍ଥିର ହୋଇଛି । ଏଥିରେ ଏକ ହଜାର ବରିଷ୍ଠ ନାଗରିକ ସାମିଲ ହେବେ ଏବଂ  ସେମାନେ ଦକ୍ଷିଣ ଭାରତର ବିଭିନ୍ନ ତୀର୍ଥସ୍ଥାନ ଭ୍ରମଣର ସୁଯୋଗ ଲାଭ କରିବେ ।

ପ୍ରତିବର୍ଷ ଜୁଲାଇରୁ ସେପ୍ଟେମ୍ବର ମାସ ମଧ୍ୟରେ ବରିଷ୍ଠ ନାଗରିକମାନେ ଏହି କାର୍ଯ୍ୟକ୍ରମରେ ତୀର୍ଥ ଭ୍ରମଣରେ ଯିବାକୁ ସରକାର ଯୋଜନା କରିଛନ୍ତି । ଭୁବନେଶ୍ଵର,  ବ୍ରହ୍ମପୁର ଓ ସମ୍ବଲପୁର ତୀର୍ଥଯାତ୍ରାର ଆରମ୍ଭ ସ୍ଥଳୀ ହେବ । ତୀର୍ଥଯାତ୍ରୀ ଭୁବନେଶ୍ଵରରୁ ବନାରସ ଓ ଆହ୍ଲାବାଦ ଏବଂ ସମ୍ବଲପୁରରୁ ହରିଦ୍ଵାର ଓ ଋଷିକେଶ ଯାଇପାରିବେ ।

ଚଳିତବର୍ଷ ୩ହଜାର, ଆସନ୍ତା ବର୍ଷ ୬ହଜାର ଓ ୨୦୧୮ -୧୯ରେ ୯ ହଜାର ବରିଷ୍ଠ ନାଗରିକ ଏହି ସୁବିଧା ପାଇବେ । ବିପିଏଲ ବର୍ଗର ବରିଷ୍ଠ  ନାଗରିକଙ୍କ ପାଇଁ ଯାତ୍ରା ସମ୍ପୂର୍ଣ୍ଣ ମାଗଣାରେ ବ୍ୟବସ୍ଥା କରାଯାଇଥିବାବେଳେ ଏପିଏଲ ବର୍ଗର ଲୋକମାନେ ୫୦% ରିହାତିରେ ତୀର୍ଥଯାତ୍ରା କରିବେ । ଏହାବ୍ୟତୀତ ଉପଯୁକ୍ତ ତାଲିମ ମାଧ୍ୟମରେ ପର୍ଯ୍ୟଟନ କ୍ଷେତ୍ରରେ ଅଧିନ ନିଯୁକ୍ତି ସୁଯୋଗ ସୃଷ୍ଟି ଏବଂ ପର୍ଯ୍ୟଟକଙ୍କ ସୁରକ୍ଷା ଉପରେ ସରକାର ଧ୍ୟାନ ଦେବେ । ଆସନ୍ତା ଅଗଷ୍ଟ ମାସରେ ରାଜ୍ୟର ନୂତନ ପର୍ଯ୍ୟଟନ ନାତି -୨୦୧୬ ଘୋଷଣା କରାଯିବ ।

ପର୍ଯ୍ୟଟକଙ୍କୁ ଓଡ଼ିଶାକୁ ଆକୃଷ୍ଟ

ରାଜ୍ୟକୁ ପର୍ଯ୍ୟଟକଙ୍କ ଆଗମନ ସମ୍ପର୍କରେ ଜଣାଯାଇଛି ଯେ ୨୦୧୪ରେ ୭୧,୪୨୬ ଜଣ ବିଦେଶୀ ଓ ୧କୋଟି ୭ଲକ୍ଷ ୯୦ହଜାର ୬୨୨ ଜଣ ଦେଶ ଭିତରର ପର୍ଯ୍ୟଟକ ଆସିଥିବା ବେଳେ ୨୦୧୫ରେ ୬୬ହଜାର ୯୭୧ଜଣ ବିଦେଶୀ ଏବଂ ୧କୋଟି ୧୭ ଲକ୍ଷ ୮୬ହଜାର ୧୧୭ ଜଣ ଦେଶ ଭିତରର ପର୍ଯ୍ୟଟକ  ଆସିଛନ୍ତି । ଚଳିତ ବର୍ଷ ୮୦ହଜାର ବିଦେଶୀ ପର୍ଯ୍ୟଟକ ଆସିବା ଅନୁମାନ କରାଯାଉଛି ।

ଦେଶ ଭିତରର ପର୍ଯ୍ୟଟକଙ୍କ ସଂଖ୍ୟା ୧୫% ବୃଦ୍ଧି ପାଇଥିବା ବେଳେ ବିଦେଶୀ ପର୍ଯ୍ୟଟକଙ୍କ କ୍ଷେତ୍ରରେ ଏହି ସଂଖ୍ୟାରେ ୨୦% ଅଭିବୃଦ୍ଧି ଲକ୍ଷ୍ୟ କରାଯାଇଛି । ପର୍ଯ୍ୟଟକଙ୍କୁ ଓଡିଶାକୁ ଆକୃଷ୍ଟ କରିବା ପାଇଁ ଆପଦଗ୍ରସ୍ତ ଆଦିମ ଜନଜାତି ଅଞ୍ଚଳ ପରିଦର୍ଶନ ନିୟମକୁ କୋହଳ କରାଯାଇଛି ।

ନୂଆ ହୋଟେଲ ଓ ପର୍ଯ୍ୟଟନ ପ୍ରକଳ୍ପ  ପାଇଁ ଭୂମି ବ୍ୟାଙ୍କ ଗଠନ, ବୈଦ୍ଧ ପର୍ଯ୍ୟଟନ କ୍ଷେତ୍ର ଉପରେ ପ୍ରାଧାନ୍ୟ, ଦକ୍ଷିଣ ଏସିଆର ବିଭିନ୍ନ ଦେଶ ସହ ବିମାନ ଯୋଗାଯୋଗ ବୃଦ୍ଧି ଓ ଭିତ୍ତିଭୂମି ବିକାଶ ଉପରେ ବୈଠକରେ ଗୁରୁତ୍ଵ ପ୍ରଦାନ କରାଯାଇଛି ।ଓଡିଶା ଭର୍ଚୁଆଲ ଏକାଡେମୀ ପ୍ରତିଷ୍ଠା ଓ ପାଠାଗାର ନିୟମାବଳୀ ।

ଆଧାର - ଦୈନିକ ସମାଜ