ନିର୍ମାଣ ଶ୍ରମିକ ପେନସନ୍ ଯୋଜନାର ଶୁଭାରମ୍ଭ ହୋଇଛି । ଫଳରେ ୬୦ବର୍ଷରୁ ଊର୍ଦ୍ଧ୍ଵ ନିର୍ମାଣ ଶ୍ରମିକଙ୍କୁ ମାସିକ ୩ଶହ ଟଙ୍କା ପେନସନ୍ ଓ ୮୦ ବର୍ଷରୁ ଊର୍ଦ୍ଧ୍ଵ ଶ୍ରମିକଙ୍କୁ ମାସିକ ୫ଶହ ଟଙ୍କା ପେନସନ୍ ଓ ୮୦ବର୍ଷରୁ ଊର୍ଦ୍ଧ୍ଵ ଶ୍ରମିକଙ୍କୁ ମାସିକ ୫ଶହ ଟଙ୍କା ସହୟତା ରାଶି ପ୍ରଦାନ କରାଯିବ ।
ଏହି ସୁବିଧା ପାଇବା ପାଇଁ ନିର୍ମାଣ ଶ୍ରମିକ କଲ୍ୟାଣ ବୋର୍ଡ ଅଧୀନରେ ସର୍ବନିମ୍ନ ୫ବର୍ଷର ପଞ୍ଜୀକୃତ ହେବା ନିୟମକୁ ସରକାର ଉଠାଇ ଦେଇଛନ୍ତି । ଏହାସହ ବିଧବା ଓ ଭିନ୍ନକ୍ଷମ ଶ୍ରମିକମାନଙ୍କୁ ମଧ୍ୟ ପେନସନ୍ ପ୍ରଦାନ କରାଯିବ । ନିର୍ମାଣ ଶ୍ରମିକ ପେନସନ୍ ଯୋଜନାରେ ପର୍ଯ୍ୟାୟକ୍ରମେ ୨୫ଲକ୍ଷ ହିତାଧିକାରୀ ଲାଭବାନ ହୋଇପାରିବେ ।
ଚଳିତବର୍ଷଠାରୁ ଗାଁରେ ନିର୍ମାଣ ଶ୍ରମିକ ମାନଙ୍କ ପାଇଁ ପକ୍କା ଘର ଯୋଜନା ଆରମ୍ଭ ହେବ । ଏହି ଯୋଜନାରେ ଥିବା ସହାୟତା ରାଶିକୁ ୧ଲକ୍ଷ ୩୦ହଜାର ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହି ଯୋଜନାରେ ଅଧିକରୁ ଅଧିକ ନିର୍ମାଣ ଶ୍ରମିକଙ୍କୁ ସାମିଲ କରାଯିବ । ସେହିପରି ନିର୍ମାଣ ଶ୍ରମିକଙ୍କ ପିଲାମାନଙ୍କ ଦକ୍ଷତା ବିକାଶଠାରୁ ଆରମ୍ଭ କରି ଶିକ୍ଷା, ବିବାହ, ମେଧାବୃତ୍ତି, ମହିଳାଙ୍କ ପାଇଁ ମାତୃତ୍ଵ ସହାୟତା ଆଦି କାର୍ଯ୍ୟ ରହିଛି । ମାତୃତ୍ଵ ସହାୟତା ରାଶିର ପରିମାଣ ୮ହଜାରରୁ ୧୦ଟଙ୍କା ଓ ଗୁରୁତ୍ଵର ଅସୁସ୍ଥତା କ୍ଷେତ୍ରରେ ସହାୟତା ରାଶି ୩ଲକ୍ଷ ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି । ବିଭିନ୍ନ ଯୋଜନାରେ ୪ଲକ୍ଷ ନିର୍ମାଣ ଶ୍ରମିକଙ୍କୁ ୧୭୨ କୋଟି ଟଙ୍କାର ସହାୟତା ଯୋଗାଇ ଦିଆଯିବ ।
ଓଡ଼ିଶା କୋଠାବାଡି ଓ ନିର୍ମାଣ ଶ୍ରମିକ କଲ୍ୟାଣ ପାଇଁ ରାଜ୍ୟ ସମସ୍ତ ସଦର ମହକୁମାରେ ଏକ ଶ୍ରମ କାର୍ଯ୍ୟାଳୟ ଓ ସମସ୍ତ ବ୍ଲକ୍ ରେ ଆରଏଲଆଇ ନିଯୁକ୍ତି ପାଇଁ ନିଷ୍ପତ୍ତି ନିଆଯାଇଛି । କିଛିଦିନ ମଧ୍ୟରେ ୫୧ଜଣ ଆରଏଲଆଇ ବା ରୁରାଲ ଲେବର ଇନ୍ସପେକ୍ଟରଙ୍କୁ ନିଯୁକ୍ତି ଦିଆଯିବ । ରାଜ୍ୟରେ ସାମାଜିକ ସୁରକ୍ଷା ଏକ ବଡ ଅଧ୍ୟାୟରେ ପରିଣତ ହୋଇଛି । ଆଗାମୀ ଦିନରେ ୧କୋଟି ନିର୍ମାଣ ଶ୍ରମିକଙ୍କୁ ପଞ୍ଜୀକୃତ କରାଯିବାକୁ ଲକ୍ଷ୍ୟ ରଖାଯାଇଛି । ଅନ୍ୟ ରାଜ୍ୟରେ କାର୍ଯ୍ୟ କରୁଥିବା ଓଡିଶାର ନିର୍ମାଣ ଶ୍ରମିକଙ୍କୁ ମଧ୍ୟ ରାଜ୍ୟ ବୋର୍ଡ ଅଧୀନରେ ପଞ୍ଜୀକୃତ୍ତ ହେବାର ସୁଯୋଗ ମିଳୁଛି ।
ରାଜ୍ୟରେ ଏବେ ସାଢେ ୪ଲକ୍ଷ ନିର୍ମାଣ ଶ୍ରମିକ ବିଭିନ୍ନ ସୁବିଧା ସୁଯୋଗ ପାଉଛନ୍ତି । କେନ୍ଦୁପତ୍ର ତୋଳାଳିଙ୍କୁ ମଧ୍ୟ ସରକାର ସୁବିଧା ସୁଯୋଗ ଦେବା ପାଇଁ ଆଗେଇ ଆସିଛନ୍ତି ।
ଏହି ଅବସରରେ ହିତାଧିକାରୀଙ୍କୁ ପେନସନ୍ ଓ ପକ୍କା ଘର ଯୋଜନାର କାର୍ଯ୍ୟାଦେଶ ପ୍ରଦାନ କରାଯାଇଥିଲା ।
ଆଧାର – ଦୈନିକ ସମ୍ବାଦ
Last Modified : 1/26/2020