অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ସ୍ଵର୍ଣ୍ଣଜୟନ୍ତୀ ଗ୍ରାମ ସ୍ଵରୋଜଗାର ଯୋଜନା

ଉପକ୍ରମ

ଗ୍ରାମସ୍ତରରେ ଗରିବ ଲୋକଙ୍କ ସଂଗଠନ ଜରିଆରେ ଗ୍ରାମାଞ୍ଚଳରେ ଦାରିଦ୍ର୍ୟ ହ୍ରାସ କରିବା ଲକ୍ଷ୍ୟନେଇ ସ୍ଵର୍ଣ୍ଣ ଜୟନ୍ତୀ ଗ୍ରାମ ସ୍ଵରାଜଗାର ଯୋଜନା (ଏସଜିଏସୱାଇ )କୁ କାର୍ଯ୍ୟକାରୀ କରାଯାଉଛି । ଏକ ନୂତନ ନିଯୁକ୍ତି କାର୍ଯ୍ୟକ୍ରମ ଭାବରେ ୧୯୯୯ ମସିହା ଏପ୍ରିଲ ୧ ତାରିଖରୁ ସ୍ଵର୍ଣ୍ଣ ଜୟନ୍ତୀ ସ୍ୱରୋଜଗାର ଯୋଜନାକୁ କାର୍ଯ୍ୟ କାରୀ କରାଯାଉଛି ।

ଏହି ଫଳରେ ପୂର୍ବରୁ ଅନୁରୂପ ଲକ୍ଷ୍ୟ ନେଇ କାର୍ଯ୍ୟକାରୀ କରାଯାଉଥିବା, ସମନ୍ଵିତ ଗ୍ରାମାଞ୍ଚଳ ବିକାଶ କାର୍ଯ୍ୟକ୍ରମ (ଆଇଆରଡିପି ),ଆତ ନିଯୁକ୍ତି ପାଇଁ ଗ୍ରାମାଞ୍ଚଳ ଯୁବକମାନଙ୍କ ତାଲିମ କାର୍ଯ୍ୟକ୍ରମ , (ଟ୍ରାଇଜମ୍) ଗ୍ରାମଞ୍ଚଳରେ  ମହିଳା ଓ ଶିଶୁ ବିକାଶ କାର୍ଯ୍ୟକ୍ରମ , ଗଙ୍ଗା କଲ୍ୟାଣ ଯୋଜନା (ଜିକେୱାଇ )ତଥା ନିୟୁତ କୂପ ଯୋଜନା (ଏମଡବ୍ଲଏସ)କୁ ସଂପୂର୍ଣ୍ଣ ଭାବେ ବନ୍ଦ କରି ଦିଆଯାଇଛି ।

ମୌଳିକ ବ୍ୟବସ୍ଥା

  1. ଗ୍ରାମଞ୍ଚଳରେ ବସବାସ କରୁଥିବା ଦରିଦ୍ର ଲୋକଙ୍କ ପାଇଁ କାର୍ଯ୍ୟଦକ୍ଷତା ସୃଷ୍ଟି କାରି ଗ୍ରାମଞ୍ଚଳରେ ବହୁ ସଂଖ୍ୟାରେ ଛୋଟ ଧରଣର ବ୍ୟବସାୟ ପ୍ରତିଷ୍ଠାନ ସ୍ଥାପନ କରିବା ହେଉଛି ସ୍ଵର୍ଣ୍ଣଜୟନ୍ତୀ ସ୍ୱରୋଜଗାର ଯୋଜନାର ମୁଖ୍ୟ ଲକ୍ଷ୍ୟ ।
  2. ଏଥରେ କାର୍ଯ୍ୟପୁଞ୍ଜି ତିଆରି ଉପରେ ଗୁରୁତ୍ଵ ଦିଆଯାଇଥାଏ । ଏଥିପାଇଁ ପ୍ରତ୍ୟେକ ବ୍ଲକରେ ଗୋଟିଏ କିମ୍ବା ଦୁଇଟି ମୁଖ୍ୟ କାର୍ଯ୍ୟକଳାପକୁ ଚିହ୍ନଟ କରାଯାଇଥାଏ ।
  3. ପ୍ରତ୍ୟେକ ମୁଖ୍ୟ କାର୍ଯ୍ୟକଳାପକୁ ଏକ ପ୍ରକଳ୍ପର ରୂପରେଖ ଦିଆଯାଇଥାଏ ଏବଂ ପ୍ରତିଟି ମୁଖ୍ୟ କାର୍ଯ୍ୟକଳାପ ପାଇଁ ଏକ ପ୍ରକଳ୍ପ ରିପୋର୍ଟ ପ୍ରସ୍ତୁତ କରାଯାଇଥାଏ । ଏହି ପ୍ରକଳ୍ପ ଗୁଡିକ ପାଇଁ ଯେଭଳି ଯଥେଷ୍ଟ ଆର୍ଥିକ ସହାୟତାର ବ୍ୟବସ୍ଥା ହୋଇପାରିବ ଏବଂ ଏଥିପାଇଁ ରଣ ପାଇବାରେ ବିଳମ୍ବ ନହେବ ,ସେଥିପାଇଁ ପ୍ରକଳ୍ପ ରିପୋର୍ଟ ପ୍ରସ୍ତୁତ ସମୟରେ ହିଁ ବ୍ୟାଙ୍କ ଏବଂ ଆର୍ଥିକ ଅନୁଷ୍ଠାନଗୁଡିକୁ ଅତି ନିକଟରୁ ସାମିଲ କରାଯାଇଥାଏ ।
  4. ଏହି କାର୍ଯ୍ୟପୁଞ୍ଜି ପାଇଁ ବର୍ତ୍ତମାନ ରହିଥିବା ଭିତ୍ତିଭୂମି ସମୀକ୍ଷ କରି ରହିଥିବା ଅସୁବିଧା ଓ ଅଭାବକୁ ଚିହ୍ନଟ କରାଯାଇଥାଏ । ଏ କ୍ଷେତ୍ରରେ ଅଭାବ ପୂରଣ କରିବାକୁ ପ୍ରତି ଜିଲ୍ଲାକୁ  ଏସଜିଏସୱାଇ  ଜରିଆରେ ଦିଆଯାଇଥିବା ମୋଟ ବ୍ୟୟ ବରାବର ସର୍ବାଧିକ ଶତକଡା ୨୦ ଭାଗ ଅର୍ଥ ବ୍ୟୟ କରାଯାଇ ପାରିବ । ସଂପୃକ୍ତି ଡିଆରଡିଏ ଏହି ଅର୍ଥକୁ ଏସଜିଏସୱାଇ ଭିତ୍ତିଭୂମି ପାଣ୍ଠି ଆକାରରେ ପରିଚାଳନା କରନ୍ତି ।
  5. କାର୍ଯ୍ୟକ୍ରମର ଗୁଣାତ୍ମକମାନ ସହ ସାଲିସ୍ ନକରି ସବୁଠୁ ଅଧିକ ସଂଖ୍ୟକ ପଞ୍ଚାୟତକୁ ସାମିଲ କରିବା ପାଇଁ ଯୋଜନା ପ୍ରସ୍ତୁତ ସମୟରେ ଯଥେଷ୍ଟ ଧ୍ୟାନ  ଦିଆଯିବା ଆବଶ୍ୟକ ।

ହିତାଧିକାରୀ

ଗ୍ରାମଞ୍ଚଳରେ ଦାରିଦ୍ର୍ୟ ସୀମାରେଖା ତଳେ ବସବାସ କରୁଥିବା ଲୋକେ ଏହି ଯୋଜନାର ହିତାଧିକାରୀ ହୋଇପାରିବ । ଲକ୍ଷ୍ୟ ରଖାଯାଇ ଦଳଗୁଡିକୁ ମଧ୍ୟରେ ଅସୁରକ୍ଷିତ ତଫସିଲଭୁକ୍ତ ଜାତି ଓ ଉପଜାତି ୫୦ ଭାଗ, ମହିଳାମାନଙ୍କ ପାଇଁ ଶତକଡା ୪୦ ଭାଗ ଏବଂ ଅକ୍ଷମ ବ୍ୟକ୍ତିମାନଙ୍କ ପାଇଁ ଶତକଡା ୩ ଭାଗ ସ୍ଥାନ ସଂରକ୍ଷିତ ରଖାଯାଇ ସେମାନଙ୍କ ସ୍ଵାର୍ଥର ସୁରକ୍ଷା କରାଯାଇଛି ।

ସଫଳ କାର୍ଯ୍ୟକାରିତା ଉପରେ ପଦକ୍ଷେପ

  • କାର୍ଯ୍ୟକ୍ରମର ସଫଳ କାର୍ଯ୍ୟକାରିତାକୁ ସୁନିଶ୍ଚିତ କରିବା ପାଇଁ ରାଜ୍ୟ,ଜିଲ୍ଲା ଏବଂ ବ୍ଲକସ୍ତରୀୟ ସତର୍କତା ଓ ମନିଟରିଂ କମିଟି ଗଠନ କରାଯାଇଛି । ସ୍ଥାନୀୟ ପାର୍ଲିଆମେଣ୍ଟ ସଦସ୍ୟ ଓ ବିଧାୟକମାନେ ଏହି କମିଟିର ସଦସ୍ୟ ରହିଛନ୍ତି ।
  • ପ୍ରତ୍ୟେକ ରାଜ୍ୟରେ ରାଜ୍ୟ / ଡିଆରଡିଏର କ୍ଷେତ୍ର କର୍ମଚାରୀମାନଙ୍କ ସହ ବ୍ୟାଙ୍କ କର୍ମଚାରୀମାନଙ୍କୁ କାର୍ଯ୍ୟକ୍ରମ ସଂପର୍କରେ ତାଲିମ ଦିଆଯାଇ ସଚେତନ କରାଯାଇଛି ।
  • ରୁଣ ବ୍ୟବସ୍ଥା ସଂପର୍କରେ ଭାରତୀୟ ରିଜର୍ଭ ବ୍ୟାଙ୍କ,ନାବାର୍ଡ଼ ଓ ଅନ୍ୟ ବ୍ୟବସାୟିକ ବ୍ୟାଙ୍କ ଗୁଡିକ ସହ ନିର୍ଦ୍ଦିଷ୍ଟ ସମୟ ବ୍ୟବଧାନରେ ପରାମର୍ଶ କରାଯାଉଛି ।
  • ଉତ୍ପାଦନ କରାଯାଉଥିବା ସାମଗ୍ରୀର ବଜାର ବୃଦ୍ଧି କରି ଏସଜିଏସୱାଇ ଉତ୍ପାଦନ ପାଇଁ ଏକ ନିର୍ଦ୍ଦିଷ୍ଟ ସ୍ଥାନ ତିଆରି କରିବାର ଲକ୍ଷ୍ୟ ନେଇ ବିଭିନ୍ନ ରାଜ୍ୟର ସ୍ଵରୋଜଗାରୀମାନଙ୍କୁ ଉଭୟ ଜାତୀୟ ଓ ଅନ୍ତଜାତୀୟ ବାଣିଜ ମେଳା ଗୁଡିକରେ ଯୋଗଦେବାରେ ସୁଯୋଗ ଦିଆଯାଇଛି ।
  • ଭିତ୍ତିଭୂମିର ବିକାଶକୁ ଗୁରୁତ୍ଵ ଦେଇ,ଏ ଦିଗରେ ଖର୍ଚ୍ଚ ସୀମାକୁ ଶତକଡା ୪୦ ଭାଗ ପର୍ଯ୍ୟନ୍ତ ବଢାଯିବାକୁ ମଧ୍ୟ ବିଭିନ୍ନ ବର୍ଷ ଅନୁମତି ଦିଆଯାଇଛି ।
  • ସ୍ଵୟଂସହାୟକ ଦଲଗୁଡିକର ବିକାଶ ଯଥା ଏଚଏଚଜିର ଗଠନ,ସେମାନଙ୍କ ଦକ୍ଷତା ବୃଦ୍ଧି ତାଲିମ,ବ୍ୟାଙ୍କ ରୁଣ ହାସଲ କରିବାର ସହାୟତା ଏବଂ ପ୍ରକଳ୍ପ ପରବର୍ତ୍ତୀ ମନିଟରିଂ ଆଦି କାର୍ଯ୍ୟରେ ଏନଜିଓ ମାନଙ୍କୁ ସାମିଲ କରାଯାଇଛି । ସ୍ଵୟଂସହାୟକ ଦଳର ସ୍ଵରୋଜଗାରୀମାନଙ୍କୁ ମହିଳା ସମବେୟ ନିଗମ ବୈଷୟିକ ତାଲିମ ଦେବାର ବନ୍ଦୋବସ୍ତ କରିଥାନ୍ତି।
  • ମାସିକ, ଅର୍ଦ୍ଧ ବାର୍ଷିକ ଓ ବାର୍ଷିକ ରିପୋର୍ଟକୁ ଭିତ୍ତିକରି ରାଜ୍ୟ ଓ କେନ୍ଦ୍ରସ୍ତରରେ କାର୍ଯ୍ୟକ୍ରମର ନିୟମିତ ମନିଟରିଂ କରାଯାଇଛି ।
  • ରାଜ୍ୟସ୍ତରୀୟ ସମନ୍ଵୟ ସମିତିର ବୈଠକରେ କାର୍ଯ୍ୟକ୍ରମର ସମୀକ୍ଷା କରାଯାଇଥାଏ ।

 

ଆଧାର – ସେଣ୍ଟର ଫର୍ ରୁରାଲ୍ ଡେଭେଲ୍ପମେଣ୍ଟ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate