<div id="MiddleColumn_internal"> <h3 style="text-align: justify; ">ଇଲେକ୍ଟ୍ରୋନିକ୍ ଗେଜେଟ୍ ପ୍ରଭାବ</h3> <p style="text-align: justify; ">ଆଜିକାଲି ଇଲେକ୍ଟ୍ରୋନିକ୍ ଗ୍ୟାଜେଟ୍ ବ୍ୟବହାର କରିବାରେ ମହିଳାମାନେ ପଛରେ ନାହାନ୍ତି । ହେଲେ ଏଭଳି ଜିନିଷର ବହୁଳ ବ୍ୟବହାର ଯେ, ବିଭିନ୍ନ ସ୍ୱାସ୍ଥ୍ୟ ସମସ୍ୟାର ଆଶଙ୍କା ସୃଷ୍ଟି କରୁଛି ସେ ଦିଗରେ ଅନେକେ ସଚେତନ ନ ଥାନ୍ତି ।</p> <p style="text-align: justify; ">ମୋବାଇଲ୍ ଫୋନ୍, କମ୍ପ୍ୟୁଟର, ଇଣ୍ଟରନେଟ୍ ପ୍ରାୟ ଅନେକଙ୍କର ଦୈନନ୍ଦିନ ଜୀବନର ଅନ୍ୟତମ ଆବଶ୍ୟକତା ପାଲଟିଯାଇଛି । କେବଳ ପୁରୁଷ ନୁହନ୍ତି, ଆଜିକାଲି ଇଲେକ୍ଟ୍ରୋନିକ୍ ଗେଜେଟ୍ ବ୍ୟବହାର କରିବାରେ ମହିଳାମାନେ ପଛରେ ପଡିନାହାନ୍ତି ।</p> <p style="text-align: justify; ">କିନ୍ତୁ ଏଭଳି ଜିନିଷ ବ୍ୟବହାର କରିବା ଦ୍ଵାରା ତାହାର ଖରାପ ପ୍ରଭାବ ଶରୀର ଉପରେ ପଡିଥାଏ ବୋଲି ନିକଟରେ ଆମେରିକୀୟ ବିଶେଷଜ୍ଞମାନେ ଏକ ଗବେଷଣାରୁ ଜାଣିବାକୁ ପାଇଛନ୍ତି । ଏହି ଗବେଷଣାରେ ୬ ହାଜରରୁ ଊର୍ଦ୍ଧ୍ଵ ମହିଳାଙ୍କୁ ସାମିଲ କରିଥିଲେ, ଯାହାଙ୍କ ବୟସ ୨୦-୩୫ ବର୍ଷ ମଧ୍ୟରେ ଥିଲା ।</p> <h3 style="text-align: justify; ">ଇଲେକ୍ଟ୍ରୋନିକ୍ ଗେଜେଟ୍ ବ୍ୟବହାର କରିବା ପୂର୍ବରୁ ସୂଚନା</h3> <p style="text-align: justify; ">ମୋବାଇଲ୍ ଓ କମ୍ପ୍ୟୁଟର ଇଲେକ୍ଟ୍ରୋନିକ୍ ଗେଜେଟ୍ ବ୍ୟବହାର କରିବା ପୂର୍ବରୁ କେତୋଟି କଥାକୁ ନିହାତି ଗୁରୁତ୍ଵ ଦେବା ଆବଶ୍ୟକ । ଜାଣନ୍ତୁ ସେ ସମ୍ପର୍କରେ ...</p> <ul style="text-align: justify; "> <li>ସ୍ମାର୍ଟ ଫୋନ୍ ଏବଂ ଇଣ୍ଟରନେଟ୍ ଅଧିକ ବ୍ୟବହାର ଯୋଗୁ ଏନ୍ମୋଜିଆ ରୋଗ ହେବାର ଆଶଙ୍କା ରହିଛି । </li> <li>ଏବେ ସ୍ମାର୍ଟ ଫୋନ୍ ଓ ମୋବାଇଲ୍ର ଚାହିଦା ବଢୁଥିବାରୁ, ଫୋନ୍ ନମ୍ବର ମନେରଖିବା କଷ୍ଟକର । </li> <li> ତିନି ଚତୁର୍ଥାଂଶ ମହିଳାଙ୍କୁ ଯଦି ନିଜ ଘରର ସଦସ୍ୟଙ୍କ ଫୋନ୍ ନମ୍ବର ପଚରାଯାଏ, ତେବେ ସେମାନଙ୍କ ସେତିକି ମନେ ନ ଥିବ । </li> <li>ପ୍ରଥମେ ଯେଉଁ କାମ ପାଇଁ ମସ୍ତିଷ୍କ ବ୍ୟବହାର ହେଉଥିଲା, ଆଜି ସେହି କାମ ପାଇଁ ଇଣ୍ଟରନେଟ୍ ସର୍ଚ୍ଚ ଏବଂ ସ୍ମାର୍ଟ ଫୋନ୍ ବ୍ୟବହାର ହେଉଛି । </li> <li>ସ୍ମାର୍ଟ ଫୋନ୍, ଇଣ୍ଟରନେଟ୍, ଆଇପଡ୍, ଟ୍ୟାବଲେଟ୍ ଆଦି ବ୍ୟବହାର ନିଜ ଜ୍ଞାନର ପରିସୀମା ସଙ୍କୁଚିତ କରିବାରେ ଲାଗିଛି । </li> <li>ଭାଷାଜ୍ଞାନରେ ପରିବର୍ତ୍ତନ ଦେଖିବାକୁ ମିଳୁଛି । </li> <li>ଶାରୀରିକ ଏବଂ ମାନସିକ ସ୍ତରରେ ସ୍ଵାସ୍ଥ୍ୟର ଅବନତି ହେବାରେ ଲାଗିଛି । </li> <li>ଅପରାଧ ଏବଂ ହିଂସା ପ୍ରବୃତ୍ତି ବଢିବାରେ ଲାଗିଛି । </li> <li>ଏବେ ଏମିତି ହୋଇଗଲାଣି ଯେ, ନିଜର ଆବଶ୍ୟକତା ଅନୁଯାୟୀ ସ୍ମାର୍ଟ ଫୋନ୍ ଏବଂ ଇଣ୍ଟରନେଟ୍ରେ ଆବଦ୍ଧ ହୋଇ ରହିବା ଯୋଗୁ ଆପଣଙ୍କ ମସ୍ତିଷ୍କ ଲଗାଇବାର ଆବଶ୍ୟକତା ପଡୁନାହିଁ । </li> <li>ସ୍ମାର୍ଟ ଫୋନ୍, ଇଣ୍ଟରନେଟ୍ ଦ୍ଵାରା ହେଉଥିବା କ୍ଷତି </li> <li>ସ୍ମାର୍ଟଫୋନ୍, ଇଣ୍ଟରନେଟ୍, କମ୍ପ୍ୟୁଟର ଆଦି କାରଣରୁ ହାତରେ ଲେଖିବା ଅଭ୍ୟାସ କମିଗଲାଣି । </li> <li>ଯଦି ଆପଣ ଇଣ୍ଟରନେଟ୍ରେ ଅନ୍ଲାଇନ୍ ବ୍ୟାଙ୍କିଙ୍ଗ, ସୋସିଆଲ ନେଟ୍ୱାର୍କିଂ ସାଇଟ୍ସ କିମ୍ବା ଅନ୍ୟ ସାଇଟ୍ସ ବ୍ୟବହାର କରୁଛନ୍ତି, ତେବେ ଆପଣଙ୍କ ପର୍ସନାଲ ଇନ୍ଫରମେଶନ୍ ଯେମିତି ନାମ, ଆଡ୍ରେସ, ମୋବାଇଲ୍ ନମ୍ବର ଆଦିର ଅପବ୍ୟବହାର ହୋଇପାରେ ଏଥିପାଇଁ ସତର୍କ ହେବା ଆବଶ୍ୟକ । </li> <li>ସୋସିଆଲ୍ ନେଟ୍ୱାର୍କିଂ ସାଇଟ୍ରେ ଅନ୍ଲାଇନ୍ ଚାଟିଂ କରିବା ଦ୍ଵାରା ସାମାଜିକ ସ୍ତରରେ ଦେଖା ସାକ୍ଷାତ୍ ଧୀରେ ଧୀରେ କମିଗଲାଣି । </li> <li>ଯଦି ଆପଣ ଗାଡି ଚଲାଉଥିବା ସମୟରେ ମୋବାଇଲ୍ ଫୋନ୍ ବ୍ୟବହାର କରୁଥାନ୍ତି, ତେବେ ଦୁର୍ଘଟଣା ହେବାର ଆଶଙ୍କା ରହିଛି । </li> </ul> <h3 style="text-align: justify; ">କେତେଦୂର ପ୍ରଭାବିତ ହେଉଛି ସ୍ୱାସ୍ଥ୍ୟ</h3> <p style="text-align: justify; ">ଡାକ୍ତରଙ୍କ ମତରେ ଇଣ୍ଟରନେଟ୍, ସ୍ମାର୍ଟ ଫୋନ୍ ର ବହୁଳ ବ୍ୟବହାର ଯୋଗୁ ସ୍ବାସ୍ଥ୍ୟଜନିତ ସମସ୍ୟା ଦେଖାଯିବାର ଆଶଙ୍କା ରହିଛି । ଯଦି ଆପଣ ଲଗାତାର ମୋବାଇଲ୍ କିମ୍ବା କମ୍ପ୍ୟୁଟର କି ବୋର୍ଡରେ ଆଙ୍ଗୁଠି ବ୍ୟବହାର କରୁଥାନ୍ତି, ତେବେ ଆପଣଙ୍କ ଜାଣତରେ ହେଉ କିମ୍ବା ଅଜାଣତରେ କାର୍ପଲ ଟନଲ ସିଣ୍ଟ୍ରୋମ୍ ନାମକ ରୋଗ ହେବାର ଆଶଙ୍କା ରହିଛି ।</p> <ul style="text-align: justify; "> <li>ଅଧିକ ସମୟ ଇୟରଫୋନ୍ ବ୍ୟବହାର କରିବା ଦ୍ବାରା ଶ୍ରବଣ ଶକ୍ତି ପ୍ରଭାବିତ ହେବାର ଆଶଙ୍କା ରହିଛି । </li> <li>ମୋବାଇଲ୍ ଫୋନ୍ ବାହାରୁଥିବା ରେଡିଏସନ୍ ସ୍ବାସ୍ଥ୍ୟକୁ ପ୍ରଭାବିତ କରିପାରେ । </li> <li>ଲଣ୍ଡନ ୟୁନିଭରସିଟିରେ କରାଯାଇଥିବା ଗବେଷଣା ଅନୁଯାୟୀ ଯେଉଁମାନେ କମ୍ପ୍ୟୁଟର ସାମ୍ନାରେ ପ୍ରତିଦିନ ୪ ଘଣ୍ଟାରୁ ଊର୍ଦ୍ଧ୍ବ ସମୟ ବିତାଇଥାନ୍ତି, ଅନ୍ୟମାନଙ୍କ ଅପେକ୍ଷା ସେମାନଙ୍କଠାରେ ହୃଦ୍ଜନିତ ସମସ୍ୟା ଦେଖାଯିବାର ଆଶଙ୍କା ଅଧିକ ରହିଛି । </li> <li>କମ୍ପ୍ୟୁଟରରେ ଅଧିକ ସମୟ କାମ କରୁଥିବା ବ୍ୟକ୍ତିଙ୍କ ଆଖିରେ ଡ୍ରାଏ ଆଇ ସିଣ୍ଡ୍ରୋମ୍ ହେବାର ଆଶଙ୍କା ରହିଛି । </li> <li>କମ୍ପ୍ୟୁଟର ଓ ମୋବାଇଲ୍ ବ୍ୟବହାର ଦ୍ବାରା ହେଉଥିବା ରୋଗର ଲକ୍ଷଣ -</li> <li>ପ୍ରଥମେ ହାତକୁ କାନ୍ଧ ପର୍ଯ୍ୟନ୍ତ ଟେକିବା କଷ୍ଟ ହୋଇଥାଏ । </li> <li>ଆଙ୍ଗୁଠିରେ ଯନ୍ଏଣା ଅନୁଭୂତ ହୁଏ । </li> <li>ଛୋଟ ଛୋଟ କଥାରେ ଚିଡିଚିଡି ଲାଗେ । </li> <li>ଆଖି ପୋଡାଜଳା ହୁଏ । </li> </ul> <p style="text-align: justify; "><strong>ଆଧାର - </strong>ଦୈନନ୍ଦିନ ଧରିତ୍ରୀ</p> </div>