<div id="MiddleColumn_internal"> <h3 style="text-align: justify; ">ଏମ୍ଏସ୍ଏମ୍ଇ</h3> <p style="text-align: justify; "><img class="image-right" src="https://static.vikaspedia.in/media_vikaspedia/or/images/education/b15b4db5fb3eb30b3fb5fb30-b2eb3eb30b4db17b26b30b4db36b15/em.jpg" />ଜନସଂଖ୍ୟା କ୍ଷେତ୍ରରେ ଭାରତ ବିଶ୍ଵର ଦ୍ଵିତୀୟ ବୃହତ୍ ରାଷ୍ଟ୍ର । ଶିଳ୍ପ ଆବଶ୍ୟକତା ପୂରଣ କରିବା ପାଇଁ ଏଠାରେ ପେସାଦାର ବ୍ୟକ୍ତିଙ୍କ ସଂଖ୍ୟା ବୃହତ୍ ମାତ୍ରାରେ ରହିଛି । ଭାରତୀୟ ଯୁବପିଢିଙ୍କ ନିକଟରେ ଏକ ପ୍ରମୁଖ ବିଶେଷତ୍ଵ ହେଉଛି ଏମାନେ ବିଭିନ୍ନ ପ୍ରକାର ଭାଷାରେ କଥା କହି ପାରନ୍ତି, ଯେଉଁଥିପାଇଁ ସେମାନେ ଭାରତ ତଥା ଭାରତ ବାହାରେ ନିଯୁକ୍ତି ବଜାରରେ ଗ୍ରହଣୀୟ ହୋଇପାରନ୍ତି । କିନ୍ତୁ ପ୍ରମୁଖ କଥା ହେଉଛି ବିଶ୍ଵ ଆର୍ଥିକ ମାନ୍ଦାବସ୍ଥା ଯୋଗୁ ଆଇଟି ଏବଂ ଆଇଟିଇଏସ୍ କ୍ଷେତ୍ର ସମେତ ବିଭିନ୍ନ କ୍ଷେତ୍ରରେ ନିଯୁକ୍ତି ସଙ୍କୁଚିତ ହୋଇଛି, ଯାହାଫଳରେ ଅନେକ ଇଞ୍ଜିନିୟର ତଥା ଯୁବପିଢି ବେକାର ହୋଇ ବସିଛନ୍ତି । ବେକାର ଥିବା ଏହି ଯୁବପିଢିଙ୍କୁ କାର୍ଯ୍ୟରେ ଲଗାଇବା ଲାଗି ବର୍ତ୍ତମାନର ସରକାର ବିଭିନ୍ନ ପ୍ରକାର ଅଭିଯାନ ଆଣିଛନ୍ତି, ଯାହା ଅଧୀନରେ ବୈଷୟିକ ଏବଂ ପେସାଗତ ଦୃଷ୍ଟିରୁ ଦକ୍ଷ ନିଯୁକ୍ତି ଆଶାୟୀମାନଙ୍କୁ ଚାକିରି ବ୍ୟତୀତ କିଛି ଅଲଗା ଚିନ୍ତା କରିବାର ସୁଯୋଗ ଦିଆଯାଉଛି । ନିଜର ବ୍ୟବସାୟ ଆରମ୍ଭ କରି ଉଦ୍ୟୋଗପତି ହେବାର ମଉକା ସରକାର ଯୁବପିଢିମାନଙ୍କୁ ଦେଉଛନ୍ତି । ଏହାଦ୍ୱାରା କେବଳ ଯେ ଜଣେ ନିଜକୁ ସଫଳତା ଦିଗରେ ଅଗ୍ରସର କରିପାରିବେ ତାହା ନୁହେଁ ଅନ୍ୟମାନଙ୍କୁ ତାହା ନୁହେଁ ଅନ୍ୟମାନଙ୍କୁ ମଧ୍ୟ ନିଯୁକ୍ତି ପ୍ରଦାନ କରି ସମାଜ ସ୍ରୋତରେ ଆଗେଇ ନେଇପାରିବେ । ଅନ୍ୟମାନଙ୍କ ଜୀବନକୌଶଳୀରେ ମଧ୍ୟ ଏମାନେ ଏକ ବଡ ପରିବର୍ତ୍ତନ ଆଣିପାରିବେ । ଦେଶର ଏମ୍ଏସ୍ଏମ୍ଇ କ୍ଷେତ୍ରରେ ବର୍ତ୍ତମାନ ସୁଯୋଗ ହିଁ ସୁଯୋଗ ରହିଛି । ଦେଖାଯାଏ ଯେତେବେଳେ ଆପଣ ନିଜର କିଛି କରନ୍ତି ସେତେବେଳେ ଏହା ଉପରେ ସମସ୍ତ ଉଦ୍ୟମ ଲଗାଇଥାନ୍ତି । ଚାକିରି କ୍ଷେତ୍ରରେ କାର୍ଯ୍ୟଚାପ ଏବଂ ବାରମ୍ବାର କମ୍ପାନୀ ବଦଳାଇବା ଭଳି ସମସ୍ୟା ଯୋଗୁ ଆଜିର ଯୁବପିଢି ସରକାରଙ୍କ ଏମ୍ଏସ୍ଏମ୍ଇ ଯୋଜନା ଅଧୀନରେ ନିଜର ଉଦ୍ୟୋଗ କରିବା ପାଇଁ ପସନ୍ଦ କରୁଛନ୍ତି ।</p> <p style="text-align: justify; ">ବର୍ତ୍ତମାନ ପରିବର୍ତ୍ତିତ ସମୟରେ ଉଦ୍ୟୋଗୀଟିଏ ହେବା ନିଶ୍ଚିତ ଭାବେ ଭାଲ । ସରକାରଙ୍କର ବିଭିନ୍ନ ଯୋଜନା, ମୁଦ୍ରା ବ୍ୟାଙ୍କ ସମେତ ବିଭିନ୍ନ ବ୍ୟାଙ୍କରୁ ସହଜ ଋଣ ବିକଳ୍ପ ଏବଂ ଏମ୍ଏସ୍ଏମ୍ଇ ବିଭାଗରୁ ସମସ୍ତ ପ୍ରକାର ବୈଷୟିକ ଓ ପ୍ରଶାସନିକ ସହାୟତା ଉପଲବ୍ଧ ଥିବାରୁ ଏଗୁଡ଼ିକୁ କାର୍ଯ୍ୟରେ ଲଗାଇ ଯୁବପିଢିମାନେ ନିଜକୁ ସଫଳ ଉଦ୍ୟୋଗୀ ଭାବେ ପ୍ରସ୍ତୁତ କରିପାରିବେ । ଅନେକ ସଫଳ ବ୍ୟକ୍ତିଙ୍କ ଉଦାହରଣ ନିଆଯାଇପାରିବ ଯେଉଁମାନେ ଚାକିରି ଛାଡି ନିଜର ସଂସ୍ଥା ଆରମ୍ଭ କରିଛନ୍ତି । ପ୍ରାଥମିକ ସ୍ତରରେ ଅବଶ୍ୟ ସଂଘର୍ଷ କରିଛନ୍ତି କିନ୍ତୁ ପରିଶେଷରେ ସଫଳତା ଲାଭ କରିଛନ୍ତି । ଭାରତ ସରକାରଙ୍କ ଏମ୍ଏସ୍ଏମ୍ଇ ବିଭାଗର କାର୍ଯ୍ୟକାରିତାରେ ବଡ ଧରଣର ପରିବର୍ତ୍ତନ ଘଟିଛି । ଯୁବ ଉଦ୍ୟୋଗୀମାନଙ୍କୁ ସ୍ଵାଗତ କରିବା ପାଇଁ ବିଭିନ୍ନ ପ୍ରକାର ସରକାରୀ ଏଜେନ୍ସି ଅନେକ ପ୍ରକାର ସରକାରୀ ଏଜେନ୍ସି ଅନେକ ପ୍ରକାର ଯୋଜନା ସହ ନିଜର ଦ୍ଵାରା ଖୋଲା ରଖିଛନ୍ତି । କାର କିମ୍ବା ବାଇକ୍ କିଣିବା ଭଳି ବ୍ୟବସାୟ ଆରମ୍ଭ କରିବା ମଧ୍ୟ ସହଜ ହୋଇଗଲାଣି । ସରକାରଙ୍କ ଦ୍ଵାରା ଉପଲବ୍ଧ ଥିବା ବିଭିନ୍ନ ସୁବିଧାର ଲାଭ ଉଠାଇବା ପାଇଁ ବର୍ତ୍ତମାନ ଏମ୍ଏସ୍ଏମ୍ଇ ୱେବ୍ସାଇଟ୍ <a href="http://www.msmeregister.com/">www.msmeregister.com</a> ରେ ପଞ୍ଜୀକରଣ କରିହେବ ।</p> <p style="text-align: justify; ">ପ୍ରମୁଖ ସହାୟତା, ଯାହା ଏକ ଷ୍ଟାର୍ଟ ଅପ୍ କମ୍ପାନୀ ଆବଶ୍ୟକ କରିଥାଏ</p> <ul style="text-align: justify; "> <li>ଇଜ୍ ଅଫ୍ ଡୁଇଙ୍ଗ୍ ବିଜ୍ନେସ୍, ସରଳ ନୀତି ନିୟମ ଓ ଇନ୍ସପେକ୍ଟର ରାଜ୍ ଉପରେ ଅଙ୍କୁଶ । </li> <li>ଉଚିତ୍ ସୁଧ ହାରରେ ଆର୍ଥିକ ସହାୟତା । </li> <li>ନିବେଶକଙ୍କ ବିଶ୍ଵାସଭାଜନ ହେବା ପାଇଁ ତାଲିମ୍ ଓ ମାର୍ଗ ଦର୍ଶନ । </li> <li>ପ୍ରଥମ କିଛି ବର୍ଷ ଲାଗି ଉତ୍ପାଦିତ ସାମଗ୍ରୀ କିମ୍ବା ସେବାର ବିପଣନ ଲାଗି ସହାୟତା । </li> </ul> <p style="text-align: justify; ">ବର୍ତ୍ତମାନର ଯୁବପିଢି ଅତ୍ୟନ୍ତ ଭାଗ୍ୟଶାଳୀ । କାରଣ ସମ୍ପ୍ରତି ସରକାର ସେମାନଙ୍କ ପାଇଁ ବିଭିନ୍ନ ପ୍ରକାର ଯୋଜନା ପ୍ରସ୍ତୁତ କରିଛନ୍ତି, ଯାହାକି ସେମାନଙ୍କୁ ଆଗକୁ ବଢିବାରେ ସହାୟକ ହୋଇପାରିବ ।</p> <h3 style="text-align: justify; ">ଆୟୁକ୍ତମାନଙ୍କୁ ନିଯୁକ୍ତି</h3> <p style="text-align: justify; ">ନିମ୍ନରେ ଦିଆଯାଇଥିବା କାର୍ଯ୍ୟ ନିମନ୍ତେ ନିବେଶକମାନଙ୍କୁ ସହାୟତା କରିବା ଲାଗି ରାଜ୍ୟ ସ୍ତରରେ ବିକାଶ ଆୟୁକ୍ତମାନଙ୍କୁ ନିଯୁକ୍ତି ଦିଆଯାଇଛି ।</p> <ul style="text-align: justify; "> <li>ପ୍ରକଳ୍ପ ଲାଭଯୋଗ୍ୟ ଅବା ନୁହେଁ ତାହାକୁ ବିଚାର କରି ବିକାଶ ଆୟୁକ୍ତ ଋଣ ସଂଯୁକ୍ତ ପୁଞ୍ଜି ସବ୍ସିଡି ଯୋଜନା ମାଧ୍ୟମରେ ଋଣ ପ୍ରଦାନ କରିଥାନ୍ତି । </li> <li>ବଜାର ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଏବଂ ଚାଇନାରୁ ଶସ୍ତା ସାମଗ୍ରୀ ଆମଦାନୀ ବଢୁଥିବାରୁ ସ୍ଥାନୀୟ ସାମଗ୍ରୀ କ୍ଷେତ୍ରରେ ଏହା ଏକ ବଡ ଚ୍ୟାଲେଞ୍ଜ । କ୍ରେତାମାନଙ୍କୁ ଆକର୍ଷିତ କରିବା ଲାଗି ଉନ୍ନତ କ୍ଵାଲିଟି ଏବଂ ପ୍ୟାକେଜିଂ ପ୍ରତି ଦୃଷ୍ଟି ଦେବାକୁ ପଡିବ । ଏ କ୍ଷେତ୍ରରେ ବିକାଶ ଆୟୁକ୍ତଙ୍କ ଦ୍ଵାରା ବୈଷୟିକ ସହାୟତା ଯୋଗାଇ ଦିଆଯାଇଥାଏ । </li> <li>ଯଦି ରପ୍ତାନୀ କ୍ଷେତ୍ରରେ ଧାର୍ଯ୍ୟ କରାଯାଇଥିବା ସର୍ବନିମ୍ନ ଆବଶ୍ୟକତା ପୂରଣ କରିବାରେ ଆପଣ ସଫଳ ହୁଅନ୍ତି ତା’ହେଲେ ଦ୍ରବ୍ୟ ବା ସେବାର ରପ୍ତାନୀ ନିମନ୍ତେ ନୂଆ ବଜାର ଅନ୍ଵେଷଣରେ ଏମ୍ଏସ୍ଏମ୍ଇ ବିକାଶ ଆୟୁକ୍ତ ପ୍ରମୁଖ ଭୂମିକା ଗ୍ରହଣ କରିଥାନ୍ତି । ସର୍ବନିମ୍ନ ୩ ବର୍ଷ ପାଇଁ ଟିକସ ରିହାତି ନିଶ୍ଚିତ ଭାବେ ଯୁବପିଢିଙ୍କୁ ଆକୃଷ୍ଟ କରିବ । </li> <li>ଆପଣଙ୍କ ପରିଶ୍ରମର ଫଳସ୍ଵରୂପ ଏମ୍ଏସ୍ଏମ୍ଇ ବିଭାଗ ଆପଣଙ୍କୁ ବିଭିନ୍ନ ସ୍ତରରେ ପୁରଷ୍କୃତ କରିଥାଏ । ଅନେକ ସଫଳ ଉଦ୍ୟୋଗୀଙ୍କୁ ସେମାନଙ୍କ ସଫଳତା ପାଇଁ ରାଷ୍ଟ୍ରପତିଙ୍କଠାରୁ ପ୍ରମାଣପତ୍ର ମଧ୍ୟ ମିଳିଥାଏ । </li> <li>ନିର୍ମାତାମାନଙ୍କ ମଧ୍ୟରେ ପ୍ରତିଯୋଗୀତାକୁ ଅଧିକ କରିବା ପାଇଁ ଏମ୍ଏସ୍ଏମ୍ଇ ବିଭାଗ ଦ୍ଵାରା ଜାତୀୟ ପ୍ରତିଯୋଗିତାମୂଳକ ବିକାଶ କାର୍ଯ୍ୟକ୍ରମ ଆୟୋଜନ କରାଯାଇଥାଏ । </li> </ul> <p style="text-align: justify; ">ଅନେକ ଷ୍ଟାର୍ଟଅପ୍ ରେ ବର୍ତ୍ତମାନ ବଡ ବଡ କମ୍ପାନୀ ନିବେଶ କରିବାକୁ ଆଗେଇ ଆସୁଛନ୍ତି । ଏଣୁ ପାରମ୍ପର ଚାକିରି ବଦଳରେ ଆଜିର ଯୁବପିଢି ନିଜ ମଧ୍ୟରେ ଔଦ୍ୟୋଗିକତାର ବିକାଶ କରି ସରକାରଙ୍କ ବିଭିନ୍ନ ଉନ୍ନୟନମୂଳକ ପରିଯୋଜନାଗୁଡିକର ଲାଭ ଉଠାଇବା ଦରକାର ।</p> <h3 style="text-align: justify; ">ବ୍ୟବସାୟିକ ସୁଯୋଗ</h3> <p style="text-align: justify; ">ନିମ୍ନରେ ଦିଆଯାଇଥିବା ଶିଳ୍ପ କ୍ଷେତ୍ରରେ ଆକର୍ଷଣୀୟ ବ୍ୟବସାୟିକ ସୁଯୋଗ ରହିଛି ।</p> <ul style="text-align: justify; "> <li>ଅଟୋମୋବାଇଲ୍ ଏବଂ ସ୍ପେୟାର ପାର୍ଟସ ଉତ୍ପାଦନ ୟୁନିଟ୍</li> <li>ବୟନଶିଳ୍ପ ୟୁନିଟ୍</li> <li>ପ୍ରିଣ୍ଟିଂ ଏବଂ ପେପର ୟୁନିଟ୍</li> <li>ଖାଦ୍ୟ, ପଲ୍ପ, ସଫ୍ଟ ଡ୍ରିଙ୍କସ, ନଡିଆକତା ପ୍ରକ୍ରିୟାକରଣ ୟୁନିଟ୍</li> <li>ଫାର୍ମ ଶିଳ୍ପ</li> <li>ମେଡିକାଲ ଉପକରଣ ଏବଂ ରବରରୁ ପ୍ରସ୍ତୁତ ଉତ୍ପାଦ ୟୁନିଟ୍</li> <li> ଚମଡା ଉତ୍ପାଦ ୟୁନିଟ୍</li> <li>ପ୍ଲାଷ୍ଟିକ୍ ଉତ୍ପାଦ, ପିଭିସି ପାଇପ୍ ୟୁନିଟ୍</li> <li>କାଚରୁ ପ୍ରସ୍ତୁତ ସାମଗ୍ରୀ ୟୁନିଟ୍</li> <li>ଆଲୁମିନିୟମ୍ ଏବଂ ଇସ୍ପାତ ଉତ୍ପାଦ ୟୁନିଟ୍</li> <li>ସଫ୍ଟଟୟ ଏବଂ ଇଲେକ୍ଟ୍ରୋନିକ୍ ଟୟ ଉତ୍ପାଦନ ୟୁନିଟ୍</li> <li>ଉଦ୍ୟାନ କୃଷି ଏବଂ ଫଳଚାଷ </li> <li>ଜୈବିକ କୃଷି </li> </ul> <p style="text-align: justify; ">ନିଜ ମଧ୍ୟରେ ଦୃଢ ଆତ୍ମବିଶ୍ଵାସ ରଖି ଆଗକୁ ବଢିବା ଦରକାର । ସରକାରୀ ସହାୟତା ଲାଭ ଉଠାଇ ଆଜିର ଯୁବପିଢି ନିଶ୍ଚିତ ଭାବେ ନିଜକୁ ସଫଳ ଉଦ୍ୟୋଗୀ ଭାବେ ପ୍ରମାଣିତ କରିପାରିବେ ।</p> <p style="text-align: justify; "><strong>ଆଧାର – </strong>ଦୈନିକ ଧରିତ୍ରୀ</p> </div>