ସେଆର କରନ୍ତୁ

ଚାଷ ଦେଇଛି ଖୁସି

ସଫଳ ଚାଷୀ ନିର୍ମଳ କୁମାର ମହାନ୍ତିଙ୍କ ସୂଚନା ।

ନିର୍ମଳ କୁମାର ମହାନ୍ତିଙ୍କ ପରିଚୟ

ନିର୍ମଳ କୁମାର ମହାନ୍ତି  କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକର ସଦାନନ୍ଦପୁର ଗ୍ରାମରେ ତାଙ୍କର ଘର । ମା' ନୀଳିମା ଓ ପିତାଙ୍କ ନାମ ଭରତ ଚନ୍ଦ୍ର ମହାନ୍ତ ।

ଯୁକ୍ତ ଦୁଇ ପଢା ପରେ ପାରିବାରିକ ଅବସ୍ଥା ଯୋଗୁ ନିର୍ମଳ ଆଉ ଅଧକ ପଢି ପାରିଲେ ନାହିଁ । ଚେନ୍ନାଇ ଯାଇ ସେଠାରେ ଚାକିରି କଲେ । ମାତ୍ର କିଛି ମାସ ପରେ ସେଠାରେ ସମସ୍ୟା ବଢିବାକୁ ଲାଗିଲା । ଫଳରେ ଚେନ୍ନାଇ ଛାଡ଼ି ଗାଁକୁ ଫେରିଆସିଲେ ।

ହେଲେ ଆଉ ଚାକିରି ନ କରି କିପରି ସ୍ଵାବଲମ୍ବୀ ହେବେ ସେ କଥା ଚିନ୍ତା କଲେ । ଶେଷରେ ଚାଷକୁ ସରୋଜଗାର କ୍ଷମ ହେବାର ମାର୍ଗ ଭାବେ ଗ୍ରହଣ କରିବାକୁ ନିଷ୍ପତ୍ତି ନେଲେ । ଆରମ୍ଭ ହେଲା ଉଦ୍ୟମ । ଏ ପ୍ରସଙ୍ଗରେ ନିର୍ମଳ କୁହନ୍ତି, ‘ପ୍ରଥମେ କୋବି ଚାଷ କଲି । ପ୍ରାରମ୍ଭିକ ସଫଳତା ମୋ ଉସାହକୁ ବଢାଇ ଦେଲା ।

ବିଭିନ୍ନ ପ୍ରକାର ଚାଷ

ତା'ପରେ ବିଭିନ୍ନ ଚାଷ ଆଡ଼କୁ ମନବଳିଲା । ସେସବୁ ଚାଷର ପ୍ରଣାଳୀ ଜାଣିବା ପରେ ସେଥିରେ ସମ୍ପୂର୍ଣ୍ଣ ମନୋନିବେଶ କଲି । ବର୍ତ୍ତମାନ । ୨ ଏକର ଜମିରେ ବାଇଗଣ, ବିଲାତି, କଲରା, କଦଳୀ, ଲାଉ, ପୋଟଳ, ଶିମ୍ବ,ବିନ୍ ଆଦି ଚାଷ କରୁଛି ଆଉ ଏଥରୁ ଭଲ ଦି ପଇସା ଲାଭ ମଧ୍ୟ ମିଳୁଛି । ତେବେ ଏସବୁ ଚାଷ ଲାଗି ପ୍ରଥମେ ମାଟିକୁ ହାଲୁକା କରିବା ପରେ ସେଥିରୁ କିଛି ଯାଗାରେ ଚାରା ନିମନ୍ତେ ମଞ୍ଜି ପକାଯାଏ । ୧୦/୧୨ ଦିନ ମଧ୍ୟରେ ଚାରାକୁ ବାହାର କରି ପାଗ ଦେଖି ଗୁଆଯାଏ । ଏହି ସମୟରେ ଗଛରେ ପୋକ ନ ହେବା ଲାଗି କୀଟନାଶକ ଔଷଧ ସିଞ୍ଚନ କରାଯାଇଥାଏ । ଗଛ ହେବାର ୧୦/୧୫ ଦିନ ମଧ୍ୟରେ ବିଲରେ ୟୁରିଆ ସାର ପକାଯାଇ ପାଣି ମଡାଯାଏ । ଜମିର ପାଗ ଦେଖି ୧୦/୧୨ ଦିନ ମଧ୍ୟରେ ପୁନର୍ବାର ପାଣି ମଡାଯାଏ । ଏହି ସମୟରେ ମଧ୍ୟ ପଟାସ, ସୁପର ଓ ପିଡିଆ ପକାଯାଇଥାଏ । ୧୫ ଦିନ ପରେ ବିଲକୁ କୋଡା ଖୋସା କରାଯାଇ ସଲଫର କିମ୍ବା ଗ୍ରେମର ପିଡିଆ ଦିଆଯାଇ ୨ଦିନରେ ଥରେ ପାଣି ଦେବାକୁ ହୁଏ । ୧ ମାସ ମଧ୍ୟରେ ଗଛରେ ଫଳ, ଫଳିଥାଏ ।

ଚାଷ କାର୍ଯ୍ୟରୁ ଲାଭ

ଏହି ୨ ଏକର ଜମିରେ ବର୍ତ୍ତମାନ ୬୦ହଜାର ଟଙ୍କା ଖର୍ଚ୍ଚକରି ବାର୍ଷିକ ପ୍ରାୟ ୨ଲକ୍ଷରୁ ଉର୍ଦୁ ଟଙ୍କା ଲାଭ ମିଳୁଛି । ସ୍ଥାନୀୟ ଅପେକ୍ଷା ଆନନ୍ଦପୁର, ହାଟଡିହୀ ଅଞ୍ଚଳରୁ ବେପାରୀମାନେ ଆସି ଏଠାରୁ ପନିପରିବା କିଣି ନେଇଥାନ୍ତି । ବର୍ତ୍ତମାନ ପରିସ୍ଥିତିରେ ଏହି ଚାଷ କାର୍ଯ୍ୟ ମୋ ପରିବାରକୁ ସୁରୁଖୁରୁରେ ଚଳାଇବାରେ ସହାୟକ ହେଉଛି । ପୁଣି ଆଉ କେତେଜଣ ଆମ ଜମିରେ କାର୍ଯ୍ୟ କରି ସେମାନଙ୍କର ଗୁଜୁରାଣ ମେଣ୍ଟାଇବାରେ ସକ୍ଷମ ହେଉଛନ୍ତି ।" ତେବେ ତାଙ୍କର ଏଭଳି ଚାଷ କାର୍ଯ୍ୟ ଲାଗି ତାଙ୍କୁ ମିଳିଛି ସମ୍ମାନ । “କିନ୍ତୁ ସତକଥା, ଯଦି ମୁଁ ଅଲଗା କେଉଁଠି କାମ କରିଥାନ୍ତି ତେବେ ଆଜି ଯେତିକି ଖୁସିରେ ଅଛି ବୋଧହୁଏ ସେତିକି ମିଳି ନ ଥାନ୍ତା ବୋଲି କୁହନ୍ତି। ଏହି ସଫଳ ଚାଷୀ ।'

ସଂଗୃହିତ - ପରେଶ କୁମାର ସେଠୀ

3.0
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top