ହୋମ / କୃଷି / କୃଷି ନିର୍ଦେଶିକା / ନିଷ୍ପକ୍ଷ ବ୍ୟବସାୟ ଅଭ୍ୟାସ (ଇଲେକ୍ଟ୍ରୋନିକ୍ ତରାଜୁ ବ୍ୟବହାର)
ସେଆର କରନ୍ତୁ

ନିଷ୍ପକ୍ଷ ବ୍ୟବସାୟ ଅଭ୍ୟାସ (ଇଲେକ୍ଟ୍ରୋନିକ୍ ତରାଜୁ ବ୍ୟବହାର)

ଅସାଧୁ ବ୍ୟାପାର ଅଭ୍ୟାସ ବିଷୟରେ ଚାଷୀମାନଙ୍କ ସଚେତନତା ।

ଅଧିବେଶନ ୭.୩

ଇଲେକ୍ଟ୍ରୋନିକ୍ ତରାଜୁ ବ୍ୟବହାର କରିବା ସମୟରେ ଏହା “କରନ୍ତୁ ଓ କରନ୍ତୁ ନାହିଁ” I

ଉଦ୍ଦେଶ୍ୟ

ଅସାଧୁ ବ୍ୟାପାର ଅଭ୍ୟାସ ବିଷୟରେ ଚାଷୀମାନଙ୍କ ସଚେତନତା ସ୍ତରକୁ ବଢାଇବା ସହ ଗ୍ରାମୀଣ ବଜାରରେ ପ୍ରଚଳିତ ଥିବା ନିଷ୍ପକ୍ଷ ବ୍ୟବସାୟ ଅଭ୍ୟାସ ବିଷୟରେ ଚାଷୀମାନଙ୍କୁ ସମ୍ବେଦନଶୀଳ କରିବା I

ପଦ୍ଧତି

ସିଆରପିମାନେ ସଚିତ୍ର ପ୍ରଚାର-ପ୍ରସାର ସାମଗ୍ରୀ ସାହାଯ୍ୟରେ "ନିଷ୍ପକ୍ଷ ବ୍ୟବସାୟ ଅଭ୍ୟାସ " ବିଷୟରେ ବୁଝାଇବେ ଏବଂ ଏହାପରେ "ନିଷ୍ପକ୍ଷ ବ୍ୟବସାୟ ଅଭ୍ୟାସ" ବିଷୟରେ କେୟାର ଇଣ୍ଡିଆ ଦ୍ୱାରା ପ୍ରସ୍ତୁତ ଏକ ଫିଲ୍ମ ପ୍ରଦର୍ଶନ କରିବେ I

ଅଂଶଗ୍ରହଣକାରୀ

କୃଷିକାର୍ଯ୍ୟ କରୁଥିବା ସ୍ୱୟଂ ସହାୟକ ଦଳ ଓ ସମୁଦାୟର ମହିଳା ସଦସ୍ୟା ତଥା ପରିବାରର ପୁରୁଷ ମାନେ I

ସଭା ସ୍ଥାନ

ଗୋଷ୍ଠୀ ସଭାଗୃହ କିମ୍ବା ଗ୍ରାମର ଅନ୍ୟ କୌଣସି ସୁବିଧାଜନକ ସ୍ଥାନ I

ଦରକାରୀ ସାମଗ୍ରୀ

ପୋଷ୍ଟର, ଫିଲ୍ମ ପ୍ରୋଜେକ୍ଟର ଏବଂ ଇଲେକ୍ଟ୍ରୋନିକ୍ ତରାଜୁ I

ସମୟସୀମା

ଶ୍ରେଣୀ କକ୍ଷ ଅଧିବେଶନ- ୨୦ ମିନିଟ୍ | ଫିଲ୍ମ ପ୍ରଦର୍ଶନ – ୨୦ ମିନିଟ୍ |

ପୃଷ୍ଠଭୁମୀ

ଏହି ଅଧିବେଶନରେ ଓଜନ କରିବା ପାଇଁ ବିଭିନ୍ନ ପ୍ରକାର ତରାଜୁ ବିଷୟରେ ଆଲୋଚନା କରାଯାଇଛି, ଯଥା ଇଲେକ୍ଟ୍ରୋନିକ୍ ତରାଜୁ ଯାହା ଗ୍ରାମୀଣ ବଜାରରେ ଦିନକୁ ଦିନ ଲୋକପ୍ରିୟ ହେଉଛି I ଏହି ପ୍ରଶିକ୍ଷଣ ଟୁଲ୍ ଚାଷୀମାନଙ୍କୁ ଇଲେକ୍ଟ୍ରୋନିକ୍ ଓଜନକରିବା ମେସିନର କାର୍ଯକାରିତା ବିଷୟରେ ଶିକ୍ଷାଦାନ କରିବ I

ସୋପାନ-ପର-ସୋପାନ କାର୍ଯ୍ୟକ୍ରମ

ସୋପାନ -୧ : ପ୍ରାରମ୍ଭିକ ଅଭ୍ୟାସ : ଏହି ସମୟ ପର୍ଯ୍ୟନ୍ତ ଚାଷୀମାନେ ଗ୍ରାମୀଣ ବଜାରରେ ଘଟୁଥିବା ବିଭିନ୍ନ ଅସାଧୁ ବ୍ୟାପାର ଅଭ୍ୟାସ ବିଷୟରେ ଏକ ସାଧାରଣ ଧାରଣା ପାଇଯାଇଥିବେ ଏବଂ ଏଥିରୁ ଉପୁଜୁଥିବା କ୍ଷତିକୁ କମ କରିବା ପାଇଁ ଉପାୟସବୁ ବିଷୟରେ ମଧ୍ୟ ସେମାନଙ୍କର ଏକ ଅବଧାରଣା ହୋଇଥିବ I ଆଲୋଚନାକୁ ଆରମ୍ଭ କରି ଚାଷୀମାନଙ୍କୁ ପଚାରନ୍ତୁ ଯେ ଆଜିକାଲି ବ୍ୟାପାରୀମାନେ ବ୍ୟବହାର କରୁଥିବା ଇଲେକ୍ଟ୍ରୋନିକ୍ ତରାଜୁ ବିଷୟରେ ସେମାନଙ୍କର ଅନୁଭୁତି କ'ଣ I

ସୋପାନ - ୨ : ଇଲେକ୍ଟ୍ରୋନିକ୍ ତରାଜୁ କିପରି ବ୍ୟବହାର କରିବେ (“କରନ୍ତୁ” ଓ “କରନ୍ତୁ ନାହିଁ”): ଇଲେକ୍ଟ୍ରୋନିକ୍ ତରାଜୁ ବ୍ୟବହାର କରିବା ସମୟରେ ବିଭିନ୍ନ ସାବଧାନତା ଅବଲମ୍ବନ କରିବା ବିଷୟରେ ତଳେ ଉଲ୍ଲେଖ କରାଯାଇଛି I ଅଧିବେଶନ ସଞ୍ଚାଳନ କରିବା ସମୟରେ ଏକ ଇଲେକ୍ଟ୍ରୋନିକ୍ ତରାଜୁକୁ ପ୍ରଦର୍ଶନ କରନ୍ତୁ କାରଣ ଏହାଦ୍ୱାରା ଅଂଶଗ୍ରହଣକାରୀ ଏହି ତରାଜୁ ସମ୍ବନ୍ଧରେ ଅଧିକ ଧାରଣା ପାଇବେ I

  • ଜିନିଷ ଓଜନ କରିବା ପୁର୍ବରୁ ଓଜନ ଦର୍ଶାଉଥିବା ଜାଗାରେ ଶୁନ୍ୟ (୦) ଥିବା ସୁନିଶ୍ଚିତ କରନ୍ତୁ : ଓଜନ ଦର୍ଶାଉଥିବା ଜାଗାକୁ ଦେଖନ୍ତୁ ଏବଂ ସୁନିଶ୍ଚିତ କରନ୍ତୁ ଏହା ଶୁନ୍ୟ (୦)ରୁ ଆରମ୍ଭ ହୋଇଅଛି I ଅନ୍ୟଥା ବ୍ୟପାରୀକୁ ଟାରେ ବଟନକୁ ଦବାଇ ଓଜନ ପ୍ରଦର୍ଶନ ଜାଗାରେ ଶୁନ୍ୟ (୦) ଦେଖାଇବାକୁ କୁହନ୍ତୁ I
  • ଆପଣ ତରାଜୁକୁ ସ୍ପଷ୍ଟ ଭାବେ ଦେଖିପାରୁଥିବା ଦରକାର : ସୁନିଶ୍ଚିତ କରନ୍ତୁ କି ପ୍ରଦର୍ଶନ ଯନ୍ତ୍ରଟି ସ୍ପଷ୍ଟ ଭାବରେ ଆପଣଙ୍କୁ ଦେଖା ଯାଉଛି I ପୋଷ୍ଟରରେ ଦେଖାଯାଇଥିବା ପରି ବେଳେ ବେଳେ ତରାଜୁର ପ୍ରଦର୍ଶନ ଯନ୍ତ୍ରରେ ଅଙ୍କସବୁ ଠିକ ଭାବେ ଦେଖାଯାଇ ନ ଥାଏ I
  • ଓଜନ କରିବା ପୁର୍ବରୁ, ଏହା ଉପରେ ବାସ୍ତବିକ ଓଜନ ରଖି ତରାଜୁର ସଠିକତାକୁ ଯାଞ୍ଚ କରନ୍ତୁ: ଓଜନ କରିବା ପୁର୍ବରୁ ଏବଂ ମଝିରେ ତରାଜୁର ଅନୁସଂଶୋଧନ କରିବା ବାଧ୍ୟତାମୂଳକ I ତରାଜୁର ସଠିକତା ଜାଣିବା ପାଇଁ ଏହାର ମୂଳଭିତ୍ତି ଉପରେ ପରୀକ୍ଷା ମୂଳକ ଭାବେ କିଛି ଓଜନ ରଖନ୍ତୁ I ୩୦ ରୁ ୪୦ ବସ୍ତା ନିରନ୍ତର ଭାବେ ଓଜନ କରି ସାରିବା ପରେ ଏହି ଅନୁସଂଶୋଧନ ପ୍ରକ୍ରିୟାର ପୁନରାବୃତ୍ତି କରନ୍ତୁ I
  • ସବୁବେଳେ ବ୍ୟପାରୀକୁ ଗ୍ରାମ ଓଜନକୁ ମଧ୍ୟ ବିଚାରକୁ ନେବାପାଇଁ ଜୋର ଦିଅନ୍ତୁ : ଓଜନିଆ ବସ୍ତା ଓଜନ କଲାବେଳେ ଅନେକ ସମୟରେ ବ୍ୟପାରୀମାନେ ଗ୍ରାମରେ ଥିବା ଓଜନକୁ ବିଚାରକୁ ନିଅନ୍ତି ନାହିଁ I ଏହି ଗ୍ରାମ ଓଜନକୁ ବିଚାରକୁ ନ ନେବା ଫଳରେ ଚାଷୀମାନେ କିଛି ପରିମାଣର ଉତ୍ପାଦର ମୁଲ୍ୟର କ୍ଷତି ସହନ୍ତି I ଉତ୍ପାଦର ସଠିକ ମୁଲ୍ୟାଙ୍କନ କରିବା ପାଇଁ ଏହାର ଯଥାର୍ଥ ଓଜନ କରିବା ମହତ୍ୱପୂର୍ଣ୍ଣ I ଉଦାହରଣ ସ୍ୱରୁପ ଯଦି ଓଜନ ୨୨ କେ.ଜି. ଏବଂ ୪୦୦ ଗ୍ରାମ ଦର୍ଶାଉଥାଏ, ସେମାନେ ଏହାକୁ ୨୨ କେ.ଜି.ରେ ପୁର୍ନାଙ୍କ କରିଦିଅନ୍ତି ଯାହାକୁ ଅନୁମତି ଦେବା ଉଚିତ ନୁହେଁ I
  • ତରାଜୁର ପ୍ରଦର୍ଶନ ଯନ୍ତ୍ର ସ୍ଥିର ରହିଲା ପରେ ବସ୍ତାକୁ ତରାଜୁ ଉପରୁ କାଢନ୍ତୁ : ବସ୍ତାକୁ ଇଲେକ୍ଟ୍ରୋନିକ୍ ତରାଜୁ ଉପରେ ରଖିଲାବେଳେ ଓଜନ ସୂଚକ କଣ୍ଟା କିଛି ସମୟ ଦୋଳାୟମାନ ହେଉଥାଏ I ଯେତେବେଳେ ଏହା ସ୍ଥିର ହୋଇ ରହିଯିବ, ସେତେବେଳେ ଓଜନ ରେକର୍ଡ କରନ୍ତୁ I ଅଙ୍କଗୁଡିକର ଦୋଳାୟମାନ ଅବସ୍ଥାରେ ବସ୍ତାକୁ ବାହାର କରିଦେଲେ ପ୍ରକୃତ ଓଜନକୁ ଜାଣିବା କଷ୍ଟକର ହୋଇଥାଏ I ତେଣୁ ସଠିକ ଓଜନ ଜାଣିବା ପାଇଁ ସବୁତକ ଅଙ୍କ ସ୍ଥିର ହେଲା ପର୍ଯ୍ୟନ୍ତ ଅପେକ୍ଷା କରିବା ଉଚିତI
  • ଅଧିକ ବସ୍ତା ଓଜନ କରିବାକୁ ଥିଲେ ପ୍ରତ୍ୟେକ ବସ୍ତାର ଓଜନକୁ ଲେଖି ରଖନ୍ତୁ :ଯେତେବେଳେ ଚାଷୀମାନେ ଅଧିକ ସଂଖ୍ୟାରେ ବସ୍ତାଭର୍ତ୍ତୀ ଉତ୍ପାଦ ବିକ୍ରୟ କରିବା ପ୍ରକ୍ରିୟାରେ ଥାଆନ୍ତି, ପ୍ରତ୍ୟେକ ବସ୍ତାର ଓଜନକୁ ମନେରଖି ଉତ୍ପାଦର ମୋଟ ପରିମାଣ ହିସାବ କରିବା କଠିନ ହୋଇଥାଏ I ତେଣୁ ମୋଟ ପରିମାଣ ଜାଣିବା ପାଇଁ ପ୍ରତ୍ୟେକ ବସ୍ତାକୁ ଓଜନ କରିସାରିବା ପରେ ଏହାର ଓଜନ ଲେଖି ରଖିବା ଦରକାର I

ଉପସଂହାର

ଅଂଶଗ୍ରହଣକାରୀମାନଙ୍କୁ ପଚାରନ୍ତୁ ଯେ ଏହି ତରାଜୁକୁ ବ୍ୟବହାର କରିବା ସମୟରେ କିଛି ଖରାପ ଅନୁଭୁତି ଅଛି କି ? ଏହାସହ ଏହି ତରାଜୁର ପ୍ରାମାଣିକତା ବିଷୟରେ ଅଂଶଗ୍ରହଣକାରୀମାନଙ୍କର କିଛି ସନ୍ଦେହ ଥିଲେ ତାହାର ସମାଧାନ କରନ୍ତୁ I

ଆଧାର – ପୋର୍ଟାଲ ଟିମ

3.14285714286
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top