ଉପକ୍ରମ

ଝାରସୁଗୁଡା ହେଉଛି ଖଣିଜ ସମ୍ପଦରେ ଭରା ଓଡିଶାର ଅନ୍ୟତମ ଜିଲ୍ଲା   ।  ୧୯୯୪ ମସିହା ଏପ୍ରିଲ ପହିଲାରେ ଝାରସୁଗୁଡାକୁ ଜିଲ୍ଲାଭାବେ ଘୋଷଣା କରାଯାଇଥିଲା   ।  ଆଗରୁ ଏହା ସମ୍ବଲପୁର ଜିଲ୍ଲାସହ ମିଶିକରି ରହିଥିଲା  ।  ଏହି ଜିଲାର ଉତ୍ତରରେ ସୁନ୍ଦରଗଡ ଜିଲ୍ଲା ପୂର୍ବରେ ସମ୍ବଲପୁର , ଦକ୍ଷିଣରେ ବରଗଡ ଜିଲ୍ଲା ଏବଂ ପଶ୍ଚିମରେ ଛତିଶଗଡ  ରାଜ୍ୟ ରହିଛି  । ଝାରସୁଗୁଡା ଜିଲା କଲିକତାଠାରୁ 515 କିଲୋମିଟର ,  616 କିଲୋମିଟର ନାଗପୁର ,  18ମ କିଲୋମିଟର ସମ୍ବଲପୁର ଏବଂ ଭୁବନେସ୍ଵର ଠାରୁ 372 କିଲୋମିଟର ଜିଲ୍ଲାର ଆୟତନ 2,081 ବର୍ଗ କିମି   ।

ମୁଖ୍ୟ ନଦୀ ଓ ଶାଖାନଦୀ

• ମହାନଦୀ

ଜନସଂଖ୍ୟା

୨୦୧୧ ଜନଗଣନା ଅନୁସାରେ, ଝାରସୁଗୁଡ଼ା ଜିଲ୍ଲାର ଲୋକସଂଖ୍ୟା ୫,୭୯,୪୯୯ |

• ପୁରୁଷ: ୨,୯୭,୦୧୪
• ମହିଳା: ୨,୮୨,୪୮୫
  • ଛ ବର୍ଷରୁ କମ: ୬୧,୮୨୩
• ପଢୁଆ ହାର ୭୮.୩୬%
  • ପୁରୁଷ: ୮୬.୨୭%
  • ମହିଳା: ୭୦.୨୫%
• ବରଗଡ଼

ରାଜନୀତି

ଲୋକ ସଭା ନିର୍ବାଚନ ମଣ୍ଡଳୀ

ବିଧାନ ସଭା ନିର୍ବାଚନ ମଣ୍ଡଳୀ

ଓଡ଼ିଶାର ବିଧାନ ସଭା ନିର୍ବାଚନ ମଣ୍ଡଳୀ ତାଲିକା

ଶିକ୍ଷା

ଝାରସୁଗୁଡ଼ା ଜିଲ୍ଲାର ମୁଖ୍ୟ ଶିକ୍ଷ୍ୟାନୁଷ୍ଠାନ ମଧ୍ୟରେ ଲକ୍ଷ୍ମୀନାରାୟଣ ମହାବିଦ୍ୟାଳୟ(୧୯୬୯ରେ ସ୍ଥାପିତ), ବ୍ରଜରାଜନଗର କଲେଜ(୧୯୭୮ରେ ସ୍ଥାପିତ), ଝାରସୁଗୁଡା ସରକାରୀ ଇଂଜିନିଯରିଂ ସ୍କୁଲ, ବେଲପାହାଡ କଲେଜ, ବ୍ଲାକ ଡାୟମଣ୍ଡ ଇଂଜିନିଯରିଂ କଲେଜ ଓ ଅନ୍ୟାନ୍ୟ କଲେଜ ସବୁ ଅଛି । ଜିଲ୍ଲାରେ ଝାରସୁଗୁଡାର ମନମୋହନ ହାଇସ୍କୁଲ ଓଡ଼ିଶାର ଏକ ପୁରାତନ ସ୍କୁଲ । ଏହା ବ୍ୟତୀତ ଜିଲ୍ଲାର ସବୁ ସହରରେ ଇଂରେଜୀ ମିଡିୟମ ସ୍କୁଲ, କେନ୍ଦ୍ରୀୟ ବିଦ୍ୟାଳୟ ଆଦି ରହିଛି ।

ଗମନାଗମନ

ଗମନା ଗମନ ଦୃଷ୍ଟି ରୁ ଝାରସୁଗୁଡା ଜିଲ୍ଲା ଓଡ଼ିଶା ରେ ଏକ ଅଗ୍ରଣୀ ଜିଲ୍ଲା । ଏହା ପୂର୍ବତଟ ରେଲପଥ ଓ ଦକ୍ଷିଣ ପୂର୍ବ ରେଳପଥ ଦ୍ଵାରା ସଂଯୁକ୍ତ ହେଇ ଏଠାରୁ କଲିକତା , ଦିଲ୍ଲୀ , ବାଙ୍ଗାଲୋର , ମୁମ୍ବାଇ ସହ ସଂଯୁକ୍ତ । ଜାତୀୟ ରାଜପଥ ର ବିସ୍ତାର ମଧ୍ୟ ଜିଲ୍ଲା ରେ ଯଥେଷ୍ଠ । ଝାରସୁଗୁଡା ମଦ୍ୟ ଦେଇ କଲିକତା ରୁ ମୁମ୍ବାଇ କୁ ରାଜପଥ ସହ ସମ୍ବଲପୁର ରାଉରକେଲା କୁ ମଧ୍ୟ ସଂଯୋଗ ରହିଛି । ଝାରସୁଗୁଡା ରୁ ଛତିଶଗଦ ର ରାୟପୁର ପର୍ଯ୍ୟନ୍ତ ମଧ୍ୟ ନୂତନ ରାଜପଥ ସଂଯୋଗ ହେଇଛି ।

ଶିଳ୍ପ

ଝାରସୁଗୁଡା ଜିଲ୍ଲା ରେ ଶିଳ୍ପ ର ବହୁଳ ଉନ୍ନତି ହେଇ ଏହା ଭାରତ ର ଏକ ପ୍ରମୁଖ ଶିଳ୍ପୋନତ ଜିଲ୍ଲା ଭାବରେ ଜଣା ଶୁଣା । ଏହି ଜିଲ୍ଲା ରେ ବ୍ରଜରାଜନଗର ଅଞ୍ଚଳ ରେ ବିପୁଳ କୋଇଲା ଉପଲବ୍ଧ ଥିବା ହେତୁ , ତାହା ସଙ୍ଗେ ସଙ୍ଗେ ହୀରାକୁଦ ଜଳଭଣ୍ଡାର ର ଜଳ ଓ ରେଳ ଓ ସଡକ ପଥ ଥିବା କାରଣ ରୁ ଜିଲ୍ଲା ରେ ଅନେକ ଶିଳ୍ପ ପ୍ରତିଷ୍ଟିତ ହେଇଛି । ତନ୍ନ ମଧ୍ୟ ରୁ ବେଦାନ୍ତ ଆଲୁମିନା , ଭୂଷଣ ଇସ୍ପାତ , ବିର୍ଲା ଆଲୁମିନା , ଆର୍ଜନ ଇସ୍ପାତ ତଥା ଆହୁରି ଅନେକ ମଧ୍ୟମ ଆକୃତି ଇସ୍ପାତ କାରଖାନା ରହିଛି ।

ପର୍ଯ୍ୟଟନ ସ୍ଥଳ

ଝାରସୁଗୁଡ଼ା ଜିଲ୍ଲା ମଧ୍ୟରେ ଅନେକ ପ୍ରାକୃତିକ ତଥା ଦର୍ଶନୀୟ ସ୍ଥାନ ରହିଛି । ସେଥି ମଧ୍ୟରୁ କୋଇଲି ଘୋଘର ଜଳପ୍ରପାତ ଭାରତ ବିଖ୍ୟାତ ଏହି ଜଳପ୍ରପାତ ଲଖନପୁର ନିକଟସ୍ଥ କୁଶମେଲବହଳ ନାମକ ଗ୍ରାମ ସନ୍ନିକଟ ରେ ଅବସ୍ଥିତ । ଏହି ଜଳ ପ୍ରପାତ ରେ ୨୦୦ଫୁଟ ଉପରୁ ଜଳ ନିର୍ଗତ ହେଇ ତାହା ବହି ଯାଏ ଓ ମହାନଦୀ ରେ ମିଶ୍ରଣ ହୁଏ । ଏହା ଛଡ଼ା ଝାରସୁଗୁଡ଼ାରୁ ୨୫ କିଲୋମିଟର ଦୂର ବିକ୍ରମଖୋଲର ଗୁମ୍ଫା ଭିତରେ ପ୍ରାକ- ଐତିହାସିକ ଶିଳା ଲେଖ ମାନ ପ୍ରତ୍ନତତ୍ଵ ବସ୍ତୁ ହିସାବରେ ଐତିହାସିକ ଓ ପ୍ରତ୍ନତତ୍ଵବିଦ ମାନଙ୍କୁ ଆକର୍ଷିତ କରେ ଝାରସୁଗୁଡ଼ା ସହରସ୍ଥ ଝଡେଶ୍ଵର ମନ୍ଦିର , ବ୍ରଜରାଜ ନଗର ନିକଟସ୍ଥ ଚଣ୍ଡୀ ମନ୍ଦିର , ପାହାଡୀ ମନ୍ଦିର ମଧ୍ୟ ବହୁ ପୁରାତନ ସ୍ଥାପତ୍ୟ ର ପରିଚୟ ହିସାବ ରେ ଅଛି ।

ଝାରସୁଗୁଡା ରେଳ ଷ୍ଟେସନ

ଝାରସୁଗୁଡା ରେଳ ଷ୍ଟେସନ, ଓଡ଼ିଶା ରାଜ୍ୟ ର ଏକ ପ୍ରମୁଖ ତଥା ସର୍ବପୁରାତନ  ରେଳ ଜଙ୍କସନ ମଧ୍ୟ ରେ ଗୋଟିଏ । ଏହା ଓଡ଼ିଶା ର ଉତ୍ତର - ପଶ୍ଚିମ ଭାଗ ରେ ଥିବା  ଝାରସୁଗୁଡା ଜିଲ୍ଲା ର ସଦର ମହକୁମା ଠାରେ ଅବସ୍ଥିତ ।

୧୮୯୧ ରେ ତତ୍କାଳୀନ ବେଙ୍ଗଲ ନାଗପୁର ରେଳବାଇ ଦ୍ଵାରା ନାଗପୁର ଅସାନସୋଲ ମୁଖ୍ୟ ରେଳପଥ ନିର୍ମାଣ ହେଲା ପରେ ଝାରସୁଗୁଡା ଠାରେ ଏହି ଷ୍ଟେସନ ଖୋଲିଥିଲା । ପୁଣି 1900 ମସିହା ରେ ହାବଡା -ନାଗପୁର - ମୁମ୍ବାଇ ଲାଇନ ଏହି ଷ୍ଟେସନ ଦେଇ ଗଲା ପରେ ଏହା ଏକ ଜଙ୍କସନ ର ମାନ୍ୟତା ପ୍ରାପ୍ତ ହେଲା । ସାଂପ୍ରତିକ ଏହି ଷ୍ଟେସନ ଦେଇ କୋରାପୁଟ - ଜଯପୁର , ଟିଟିଲାଗଡ-ଝାରସୁଗୁଡା , ରାଉରକେଲା - କିରିବୁରୁ ରେଳପଥ ମଧ୍ୟ ଯାଇଛି । ୧୯୬୯ ରୁ ଏହି ଷ୍ଟେସନର ଲାଇନ ରେ  ବିଦ୍ୟୁତିକରଣ ହେଇଥିଲା ।

ଇବ ନଦୀ ର ଉପତ୍ୟକା ରେ ଥିବା ଏହି ଷ୍ଟେସନ ର ନିକଟବର୍ତୀ ଇଲାକା ରେ ମହାନଦୀ କୋଇଲା ଖଣି ସମୂହ ସହିତ ବହୁ ସଂଖ୍ୟା ରେ କଳ କାରଖାନା ମାନେ ହେଇ ଏହା ଏକ ଶିଳ୍ପ ବହୁଳ ଅଞ୍ଚଳ ରେ ପରିଣତ ହେଇଛି । ଏହି ଷ୍ଟେସନ ଦେଇ ଦେଇ 52 ଟି ( କେତେକ ସାପ୍ତାହିକି ଓ ଦ୍ଵି-ସାପ୍ତାହିକି ମିଶି ) ଟ୍ରେନ ଯାତାୟାତ କରିଥାଏ ।

ଷ୍ଟ୍ରେରଲାଇଟ ଝାରସୁଗୁଡା ଶକ୍ତି କେନ୍ଦ୍ର

ଷ୍ଟ୍ରେରଲାଇଟ ଝାରସୁଗୁଡା ଶକ୍ତି କେନ୍ଦ୍ର , ଏକ କୋଇଲା ଭିତ୍ତିକ ଶକ୍ତି ଉତ୍ପାଦନ କେନ୍ଦ୍ର ଯାହା ଭାରତୀୟ ରାଜ୍ୟ ଓଡ଼ିଶା ର ଶିଳ୍ପବହୁଳ ଜିଲ୍ଲା ଝାରସୁଗୁଡା ଠାରେ ଅବସ୍ଥିତ । ଏହି କେନ୍ଦ୍ର ଷ୍ଟ୍ରେରଲାଇଟ ଏନର୍ଜି ନାମକ ବେସରକାରୀ ଉଦ୍ୟୋଗ ଦ୍ଵାରା ପରିଚାଳିତ ।

ଏହି ଉଦ୍ୟୋଗ ନିଜ ପାଇଁ ଦରକାର ହଉଥିବା କୋଇଲା ନିକଟସ୍ଥ ଇବ ଉପତ୍ୟକା ରେ ଥିବା ମହାନଦୀ କୋଇଲା ଖଣି ସମୂହ ରୁ ପାଉଥିବା  ବେଳେ ଆବଶ୍ୟକୀୟ ଜଳ ହୀରାକୁଦ ଜଳଭଣ୍ଡାର ରୁ ଆହରଣ କରିଥାଏ । ଏହାର ନିର୍ମାଣ , ପରିଚାଳନା ଓ ତଦାରଖ ବ୍ୟବସ୍ଥା ଚୀନ ଦେଶ ର SEOCO୩ କମ୍ପାନୀ ସହ ହେଇଥିବା ଚୁକ୍ତି ଅନୁସାରେ ହୁଏ ।

ଝାରସୁଗୁଡା ଏବଂ ବିଳାସପୁର ମଧ୍ୟରେ ଚତୁର୍ଥ ରେଳ ଲାଇନ

ଝାରସୁଗୁଡା ଏବଂ ବିଳାସପୁର ମଧ୍ୟରେ ଚତୁର୍ଥ ରେଳ ଲାଇନ ନିର୍ମାଣ କରାଯିବ। ଏଥିଲାଗି ୧୯୭୩.୪୬ କୋଟି ଟଙ୍କାର ବ୍ୟୟ ଅଟକଳ କରାଯାଇଛି। ୨୦୬ କିଲୋମିଟର ଦୀର୍ଘର ଏହି ରେଳପଥ ନିର୍ମାଣ କାର୍ଯ୍ୟ ୫ ବର୍ଷରେ ସାରିବା ଲାଗି ଲକ୍ଷ୍ୟ ରଖାଯାଇଛି। ତେବେ ପ୍ରକଳ୍ପ କାର୍ଯ୍ୟ ଶେଷ ବେଳକୁ ନିର୍ମାଣ ଖର୍ଚ୍ଚ ୨୨୯୮. କୋଟି ଟଙ୍କାକୁ ବୃଦ୍ଧି ପାଇବାର ଆଶା କରାଯାଉଛି।

ଝାରସୁଗୁଡା – ବିଳାସପୁର ରେଳପଥ ହାୱଡା – ମୁମ୍ବାଇ ଟ୍ରଙ୍କ ରୁଟ୍ ମଧ୍ୟରେ ଯାଉଥିବାରୁ ଏହି ଅଂଚଳ ଦେଇ ପୂର୍ବ ଓ ଦକ୍ଷିଣରୁ ଉତର ଓ ପଶ୍ଚିମ ଭାରତକୁ ଗମନାଗମନରେ ବିଶେଷ ସୁବିଧା ହେବ।

ବିକାଶପିଡ଼ିଆ କର୍ମଶାଳା

ଆଧାର : LAVS