অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ମକାର ଏଫ୍.ଏ.କ୍ୟୁ. (FAQ) ମାନ

ମକାର ଏଫ୍.ଏ.କ୍ୟୁ. (FAQ) ମାନ

ଅଧିବେଶନ ୨.୨

ମକାର ଏଫ୍.ଏ.କ୍ୟୁ. (FAQ) ମାନ I

ଉଦ୍ଦେଶ୍ୟ

ଚାଷୀମାନଙ୍କୁ ଏଫ୍.ଏ.କ୍ୟୁ. (FAQ) ମାନ ବିଷୟରେ ସଚେତନ କରିବା I

ପଦ୍ଧତି

ଏହି ଅଧିବେଶନ ଶ୍ରେଣୀ କକ୍ଷରେ ଆୟୋଜନ କରାଯିବ ଏବଂ ସିଆରପିମାନେ ଧାନ ଶସ୍ୟର ଉତ୍ତମ ଦର ପାଇବା ପାଇଁ ଏହାର କିଛି ଗୁଣବତ୍ତାର ମାନକୁ ବଜାୟ ରଖିବାର ଆବଶ୍ୟକତା ଉପରେ ବ୍ୟାଖ୍ୟାନ ଏବଂ ପୋଷ୍ଟର ପ୍ରଦର୍ଶନ ମାଧ୍ୟମରେ ସଞ୍ଚାଳନ କରିବେ I ଏହାପରେ ଏହି ସମ୍ବନ୍ଧୀୟ ଏକ ଫିଲ୍ମ ପ୍ରଦର୍ଶନ କରାଯିବ I

ଅଂଶଗ୍ରହଣକାରୀ

ମକାଚାଷ କରୁଥିବା ମହିଳା ଚାଷୀ ଓ ସେମାନଙ୍କ ପରିବାରର ପୁରୁଷମାନେ କିମ୍ବା ଯେଉଁମାନେ ମକାଚାଷ କରିବାକୁ ଇଛୁକ I

ସଭା ସ୍ଥାନ

ଗୋଷ୍ଠୀ ସଭାଗୃହ କିମ୍ବା ଗ୍ରାମର ଅନ୍ୟ କୌଣସି ସୁବିଧାଜନକ ସ୍ଥାନ I

ଦରକାରୀ ସାମଗ୍ରୀ

ପୋଷ୍ଟର ଓ କେୟାର ଇଣ୍ଡିଆ ଦ୍ୱାରା ଉତ୍ପାଦ ଗୁଣବତ୍ତା ବିଷୟରେ ପ୍ରସ୍ତୁତ କରାଯାଇଥିବା ଫିଲ୍ମ ପ୍ରଦର୍ଶନ କରିବା ପାଇଁ ଫିଲ୍ମ ପ୍ରୋଜେକ୍ଟର ଓ ଅନ୍ୟାନ୍ୟ ସରଞ୍ଜାମ I

ସମୟସୀମା

ଶ୍ରେଣୀ କକ୍ଷ ଅଧିବେଶନ- ୩୦ ମିନିଟ୍ | ଫିଲ୍ମ ପ୍ରଦର୍ଶନ –୫୦ ମିନିଟ୍ |

ପୃଷ୍ଠଭୁମୀ

ବଜାରରେ ଚାଷୀମାନେ ସେମାନଙ୍କ ଉତ୍ପାଦ ପାଇଁ କମ୍ ଦାମ ପାଇବାର ଅନେକ କାରଣ ମଧ୍ୟରୁ ମୁଖ୍ୟ କାରଣ ହେଉଛି ଉତ୍ପାଦର ଖରାପ ମାନ I ଚାଷୀମାନେ ମକାର ଗୁଣବତ୍ତାର ମାନକୁ ବଜାୟ ରଖିବା ଦ୍ୱାରା ବଜାରରେ କିପରି ଏକ ଉତ୍ତମ ଦାମ ମିଳିଥାଏ ସେହି ବିଷୟରେ ଏହି ପ୍ରଶିକ୍ଷଣ ଟୁଲ୍ ଚାଷୀମାନଙ୍କୁ ଶିକ୍ଷାଦାନ କରିବ I

ସୋପାନ-ପର-ସୋପାନ କାର୍ଯ୍ୟକ୍ରମ

ସୋପାନ- ୧: ପ୍ରାରମ୍ଭିକ ଅଭ୍ୟାସ : ଆଲୋଚନାକୁ ଆରମ୍ଭ କରି ଅଂଶଗ୍ରହଣକାରୀମାନଙ୍କୁ ପଚାରନ୍ତୁ କି ସେମାନେ ବଳକା ଉତ୍ପାଦକୁ ବଜାରରେ ବିକ୍ରୟ କରନ୍ତିକି, ଯଦି କରୁଥାନ୍ତି ତେବେ ସେମାନେ ଏଥିପାଇଁ ଉଚିତ ଦର ପାଇଥାଆନ୍ତି କି ? ଯଦି ସେମାନେ ପାଉଥିବା ମୂଲ୍ୟ ଉପରେ ସନ୍ତୁଷ୍ଟ ନାହାନ୍ତି, ତେବେ ଉପଯୁକ୍ତ ମୂଲ୍ୟ ନ ପାଇବାର କାରଣ ବିଷୟରେ ସଚେତନ ଅଛନ୍ତି କି ? ଏହା ମଧ୍ୟ ପଚାରନ୍ତୁ କି ବଜାରରୁ ଉଚିତ ଦର ପାଇବା ପାଇଁ ସେମାନେ ଉତ୍ପାଦର କିଛି ଗୁଣବତ୍ତାର ମାନକୁ ବଜାୟ ରଖିବାର ଆବଶ୍ୟକତା ବିଷୟରେ ସଚେତନ ଅଛନ୍ତି କି ?

ସୋପାନ - ୨ :ଉତ୍ତମମାନ ଥିବା ଶସ୍ୟର ଗୁଣ : ପୋଷ୍ଟରକୁ ଦେଖାଇ ଚାଷୀମାନଙ୍କୁ ବୁଝାନ୍ତୁ ଯେ ବଜାରରେ କମ ଦର ପାଇବାର ମୁଖ୍ୟ କାରଣ ହେଇଛି ଉତ୍ପାଦର ଖରାପ ମାନ I ମକା ମୁଲ୍ୟ ନିର୍ଦ୍ଧାରଣ ପାଇଁ ଅନେକ ଦିଗ ଅଛି ଏବଂ ଏହି ସବୁ ଦିଗକୁ ବିଚାରକୁ ନେଇ ଦର ଦିଆଯାଇଥାଏ I ଏହାସବୁ ହେଲା ଶସ୍ୟର ପ୍ରକାର, ଗୋଟାଳିଆତା, ରୂପ ଓ ଆକାର, ରଙ୍ଗ, ବାହ୍ୟ ବସ୍ତୁର ଉପସ୍ଥିତି, ନଷ୍ଟ ହୋଇଯାଇଥିବା ଦାନା, ଭଙ୍ଗା ଦାନା, ନିମ୍ନ ମାନର ଶସ୍ୟର ଅପମିଶ୍ରଣ, ଆର୍ଦ୍ରତା, ସଂଦୂଷିତ ପଦାର୍ଥ ଇତ୍ୟାଦି I ମକାର ଗୁଣବତ୍ତାର ମାନ ବିଭିନ୍ନ ଉଦ୍ୟୋଗର ଆବଶ୍ୟକତା ଉପରେ ନିର୍ଭର କରିଥାଏ ଯେଉଁମାନେ ମକାକୁ ବିଭିନ୍ନ ପ୍ରକାର ଉତ୍ପାଦ ପାଇଁ ପ୍ରକ୍ରିୟାକରଣ କରିଥାନ୍ତି I

ସୋପାନ - ୩ : ମକାର ଫେଆର ଆଭରେଜ କ୍ୱାଲିଟି (ଏଫ୍.ଏ.କ୍ୟୁ.) ମାନଦଣ୍ଡ : ପୋଷ୍ଟରକୁ ଦେଖାଇ ଗୁଣବତ୍ତାର ମାନଦଣ୍ଡ ବିଷୟରେ ଦେଖାନ୍ତୁ ଏବଂ ଅଂଶଗ୍ରହଣକାରୀମାନଙ୍କୁ ବୁଝାନ୍ତୁ ମକାପାଇଁ କେଉଁସବୁ ଗୁଣବତ୍ତାର ମାନଦଣ୍ଡ ସବୁକୁ ବଜାୟ ରଖିବା ଆବଶ୍ୟକ I ତଳେ କୁକୁଡା ଉଦ୍ୟୋଗର ଆବଶ୍ୟକତା ଅନୁଯାୟୀ ଏଫ୍.ଏ.କ୍ୟୁ. ମାନଦଣ୍ଡ ଦିଆଯାଇଛି କାରଣ ଓଡିଶା ବଜାରର ଅଧିକାଂସ ମକା କୁକୁଡା ଖାଦ୍ୟ ଉଦ୍ୟୋଗରେ ବ୍ୟବହୃତ ହୋଇଥାଏ I

କ୍ର.ନଂ.

ଅପବର୍ତ୍ତନ (Refractions)

ମାନଦଣ୍ଡ ସାରଣୀ

ଅଧିକତମ ଅନୁମତିଯୋଗ୍ୟ ସୀମା (%)

ଭଙ୍ଗା ଦାନା

ନିଦା ଦାନା ଯାହାର ଆକାର ଏକ ଗୋଟା ଦାନାର ଆକାରରୁ ତିନି ଚତୁର୍ଥାଂଶ ଠାରୁ ବି କମ ହୋଇଥାଏ I ଖରାପ ଅମଳ-ପରବର୍ତ୍ତୀ ଅଭ୍ୟାସ ଯେପରିକି ମଞ୍ଜି ଛଡେଇବା ବା ପିଟିବା ସମୟରେ ଅଧିକାଂଶ ଦାନା ଭାଙ୍ଗିଥାଏ I

୨%

ଅପରିପକ୍ୱ, ବଙ୍କା ଓ ସୁକୁଟି ଯାଇଥିବା ଶସ୍ୟ

ମଞ୍ଜିସବୁ ସମ୍ପୁର୍ଣରୂପେ ବିକଶିତ ହୋଇ ନ ଥାଏ, ସମ୍ପୁର୍ଣ ପାକଳ ହୋଇ ନ ଥାଏ I

୧%

ନଷ୍ଟ ହୋଇଯାଇଥିବା କୀଟପତଙ୍ଗ ସଂକ୍ରମିତ

ଯେଉଁ ଦାନାସବୁ ଗଜା ହୋଇଯାଇଛି କିମ୍ବା କିମ୍ବା ଉତ୍ତାପ, ଆର୍ଦ୍ରତା, ପାଗ ଅଥବା ଅଣୁଜୀବଙ୍କଦ୍ୱାରା ଭିତରୁ ନଷ୍ଟ ହୋଇ ଯାଇଛି I ପୋକଜୋକ ଲାଗି ନଷ୍ଟ ହୋଇଥିବା ଦାନାରେ ସେମାନେ କଣାକରି ଦାନାକୁ ଫମ୍ପା କରିଦେଇଥାଆନ୍ତି I

୧%

ନିମ୍ନ ମାନ/ରଙ୍ଗର ଅପମିଶ୍ରଣ

ନିମ୍ନ ମାନ/ଆକାରର ଦାନା ଯାହା ଖରାପ ହୋଇ ରଙ୍ଗ ବଦଳି ଯାଇଛି I

୨%

ବାହ୍ୟ ପଦାର୍ଥ (ଅଣଜୈବିକ)

ଅଜୈବ ପଦାର୍ଥ ମଧ୍ୟରେ ବାଲି, ଗୋଡି, ମଇଳା, କ୍ଷୁଦ୍ର ପଥର ଗୋଲି, ପଥର, କାଚ ଓ ଧାତୁ ଖଣ୍ଡ, ମାଟି ଢେଲା ଓ କାଦୁଅ ଅନ୍ତର୍ଭୁକ୍ତ I

୧%

ବାହ୍ୟ ପଦାର୍ଥ (ଜୈବିକ)

ଜୈବିକ ପଦାର୍ଥ ମଧ୍ୟରେ ଚଷୁ, କୁଟା, ପାଳ, ଘାସ ମଞ୍ଜି ଏବଂ ଅନ୍ୟାନ୍ୟ ଖାଇବା ଯୋଗ୍ୟ ଶସ୍ୟ ଅନର୍ଭୁକ୍ତ I

୧%

ଫିମ୍ପି ଲାଗିଥିବା ଦାନା

ଫିମ୍ପି ଲାଗି ବେରଙ୍ଗ ହୋଇଥିବା ଦାନା I ଏହା ଏକ ଅତ୍ୟନ୍ତ ଗୁରୁତ୍ୱପୁର୍ଣ ଗୁଣବତ୍ତାର ମାନଦଣ୍ଡ I ଅଧିକାଂଶ ବ୍ୟାପାରୀ ଶତକଡା ୦ ପ୍ରତିଶତ ଫିମ୍ପିଲଗା ଦାନା କିଣିବାକୁ ପସନ୍ଦ କରନ୍ତି I

୧%

ଜଳୀୟ ଅଂଶ ମାତ୍ରା

ଦାନାରେ ଥିବା ଜଳୀୟ ଅଂଶ ମାତ୍ରା I

୧୪%

ସୋପାନ - ୪ : ଉତ୍ପାଦର ମାନ ନିର୍ଦ୍ଧାରଣ କିପରି କରାଯାଏ : ମକାର ମାନ ନିର୍ଦ୍ଧାରଣ କରିବା ପାଇଁ ବ୍ୟାପାରୀମାନେ ଅନୁସରଣ କରୁଥିବା ପ୍ରକ୍ରିୟାସବୁକୁ ବୁଝାନ୍ତୁ I ଯେତେବେଳେ ଚାଷୀମାନେ ତାଙ୍କର ସବୁତକ ଉତ୍ପାଦ ବ୍ୟାପାରୀ ପାଖକୁ ନେଇଯିବେ, ବ୍ୟାପାରୀ ବିଭିନ୍ନ ବସ୍ତାରୁ ୧୦୦ ରୁ ୩୦୦ ଗ୍ରାମ ମକା ନମୁନା ଭାବରେ ସଂଗ୍ରହ କରି ଦାନାର ମାନକୁ ପରୀକ୍ଷା କରିବେ I ଏହି ନମୁନାରୁ ଉପରେ ଉଲ୍ଲେଖ କରାଯାଇଥିବା ଗୁଣବତ୍ତାର ମାନ ପ୍ରତିଶତ ନିର୍ଦ୍ଧାରଣ କରିବାପାଇଁ ସେମାନେ ବିଭିନ୍ନ ଉପକରଣ ଓ ପଦ୍ଧତ୍ତି ବ୍ୟବହାର କରିଥାଆନ୍ତି, ଯଥା ମଏଶ୍ଚର ମିଟର, ଶସ୍ୟ ଗଣତି ପଦ୍ଧତ୍ତି, ବିଭିନ୍ନ ବର୍ଗର ଦାନାକୁ ଅଲଗା କରିବା ପାଇଁ ଚାଲୁଣୀରେ ଚଲାଇବା ଇତ୍ୟାଦି I ବୃହତ ବଜାରରେ ବେପାର କରୁଥିବା ବ୍ୟାପାରୀମାନେ ଏହିସବୁ ଗୁଣବତ୍ତାର ମାନଦଣ୍ଡ ବିଷୟରେ ବହୁତ ଧ୍ୟାନ ଦିଅନ୍ତି ଏବଂ ଯଦି ଉତ୍ପାଦ ଅନୁମୋଦିତ ମାନର ହୋଇ ନ ଥାଏ, ତେବେ ସେମାନେ ପୁରା ଉତ୍ପାଦକୁ ପ୍ରତ୍ୟାକ୍ଷାନ କରିଦିଅନ୍ତି I କିନ୍ତୁ ସ୍ଥାନୀୟ ବଜାରରେ ମାନ ନିର୍ଧାରଣ କରିବା ପାଇଁ କେବଳ ଜଳୀୟ ଅଂଶ ମାତ୍ରାର ପରୀକ୍ଷା କରାଯାଏ I ବଜାରରେ ଉତ୍ପାଦର ମୂଲ୍ୟ ସମ୍ପୁର୍ଣ ଭାବେ ଏହାର ଗୁଣବତ୍ତାର ମାନ ଉପରେ ନିର୍ଭର କରିଥାଏ I

ସୋପାନ - ୫ : ଏଫ୍.ଏ.କ୍ୟୁ. ମାନକୁ କିପରି ହାସଲ କରିହେବ : ଚାଷୀମାନଙ୍କୁ ବୁଝାନ୍ତୁ କି ଏଫ୍.ଏ.କ୍ୟୁ. ମାନକୁ ହାସଲ କରିବାକୁ ହେଲେ, ପ୍ରଥମ ଅଧିବେଶନରେ ଆଲୋଚନା କରାଯାଇଥିବା ଅମଳ-ପରବର୍ତ୍ତୀ ସମସ୍ତ ଅଭ୍ୟାସକୁ ପାଳନ କରିବା ଦରକାର I ବଜାରରେ ଜଡିତ ହେବା ସମୟରେ ଚାଷୀମାନେ ଦୁଇଟି ମୁଖ୍ୟ ମାନଦଣ୍ଡକୁ ବିଚାରକୁ ନେବା ଉଚିତ ଅର୍ଥାତ୍ ଗୁଣବତ୍ତାର ମାନଦଣ୍ଡ ଅନୁଯାୟୀ ଶସ୍ୟକୁ ପର୍ଯ୍ୟାପ୍ତ ପରିମାଣରେ ଶୁଖାଇବା ତଥା ବାହ୍ୟ ବସ୍ତୁର ଅନୁମୋଦିତ ପ୍ରତିଶତତା ସୀମାକୁ ବଜାୟ ରଖିବା I ବିକ୍ରୟ କରିବା ପୁର୍ବରୁ ଚାଷୀମାନେ ଧାନର ଜଳୀୟ ଅଂଶ ମାତ୍ରାକୁ ପରୀକ୍ଷା କରି ସୁନିଶ୍ଚିତ ହେବା ମହତ୍ୱପୂର୍ଣ୍ଣ I

ଉପସଂହାର

ଅଧିବେଶନର ଶେଷ ଆଡକୁ କୌଣସି ଜଣେ ଅଂଶଗ୍ରହଣକାରୀଙ୍କୁ ଏହି ଅଧିବେଶନରେ ଶିକ୍ଷା ଦିଆଯାଇଥିବା ବିଷୟକୁ ବର୍ଣ୍ଣନା କରିବାକୁ କୁହନ୍ତୁ I ଏହା ମଧ୍ୟ ପଚାରନ୍ତୁ କି ଏକ ଗୁଣବତ୍ତାଯୁକ୍ତ ଦାନାର ବିଶିଷ୍ଟ ଲକ୍ଷଣ ସବୁ କ'ଣ I ଏହାସହ ଅଂଶଗ୍ରହଣକାରୀମାନଙ୍କର କୌଣସି ସନ୍ଦେହ ଥିଲେ ତାହାକୁ ଦୂର କରନ୍ତୁ I

ଆଧାର – ପୋର୍ଟାଲ ଟିମ

Last Modified : 3/4/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate