ଯାନବାହନ ସମ୍ପର୍କିତ ଆଇନ୍

ଯାନବାହନ ଆଇନ୍

ଯାନବାହନ ଆଇନ୍ ଅନୁସାରେ ଯେକୌଣସି ଗାଡି ଚଳାଇବା ବେଳେ ନିମ୍ନଲିଖିତ ୪ଟି ଜିନିଷ ଗାଡିରେ ଥିବା ଆବଶ୍ୟକ ।

• ଇନ୍ସୁରାନ୍ସ ସାର୍ଟିଫିକେଟ୍
• ଗାଡିର ରେଜିଷ୍ଟ୍ରେସନ୍ ସାର୍ଟିଫିକେଟ୍
• ଡ୍ରାଇଭିଂ ଲାଇସେନ୍ସ
• ଟ୍ରାନ୍ସପୋର୍ଟ ଗାଡିରେ ପରମିଟ୍

ଉପରୋକ୍ତ ୪ଟି ଜିନିଷ ଯେକୌଣସି ଅଧିକାରପ୍ରାପ୍ତ ପୋଲିସ୍ ଅଫିସର ମାଗିଲା ମାତ୍ରେ ସଙ୍ଗେ ସଙ୍ଗେ Original ଦେଖାଇବାକୁ ପଡିବ । Xerox କପି ଗ୍ରହଣୀୟ ନୁହେଁ । ମାତ୍ର କେବଳ ଇନ୍ସୁରାନ୍ସ ସାର୍ଟିଫିକେଟ୍ Bond ଲେଖି ୭ ଦିନ ମଧ୍ୟରେ ଦେବା ପାଇଁ କୁହାଯାଇପାରିବ । ଗାଡି ଚଳାଇଲାବେଳେ ଗାଡିର ଇନ୍ସୁରାନ୍ସ ନିତାନ୍ତ ଥିବା ଦରକାର । ଦୁଇ ଚକିଆଯାନ ଚଳାଇଲାବେଳେ ହେଲ୍ ମେଟ୍ ଲଗାନ୍ତୁ । ମଦ କିମ୍ବା ନିଶା ଖାଇ ଗାଡି ଚଳାନ୍ତୁ ନାହିଁ । ଗାଡି ଚଳାଇଲା ବେଳେ ଗାଡିର ଷ୍ଟିଅରିଂ ଗୋଟିଏ ହାତରେ ଧରି ଅନ୍ୟ ହାତରେ ମୋବାଇଲ୍ ଧରି କଥାବାର୍ତ୍ତା କରନ୍ତୁ ନାହିଁ ।

ତୃତୀୟପକ୍ଷ ଇନ୍ସୁରାନ୍ସ

ଗାଡିରେ ତୃତୀୟପକ୍ଷ ଇନ୍ସୁରାନ୍ସ ବାଧ୍ୟତାମୂଳକ ଅଟେ । ତୃତୀୟପକ୍ଷ ଇନ୍ସୁରାନ୍ସମାନେ ଗାଡି ଦୁର୍ଘଟଣା ଦ୍ଵାରା ଯଦି କେହି ମୃତାହୃତ ହୁଅନ୍ତି ବା କାହାର ସମ୍ପତ୍ତି କ୍ଷୟକ୍ଷତି ହୁଏ, ତେବେ ତାହା ଇନ୍ସୁରାନ୍ସ କମ୍ପାନୀ ବହନ କରିବ । ଅନ୍ୟାନ୍ୟ ଇନ୍ସୁରାନ୍ସ ଯଥା ଗାଡି ଚାଳିକ ନିଜ ପାଇଁ, ଗାଡି ଚୋରି ହୋଇଗଲେ ବା ଗାଡିରେ ବସିଥିବ ଲୋକଙ୍କ ପାଇଁ ଇନ୍ସୁରାନ୍ସ ବାଧ୍ୟତାମୂଳକ ନୁହେଁ । ଏହା ଇଚ୍ଛାଧୀନ ନୁହେଁ Optional ।

ଯାତ୍ରୀ ଗାଡି ଯଥା ବସ୍ ଇତ୍ୟାଦିରେ ଯାତ୍ରୀଙ୍କ ଦୁର୍ଘଟଣାଜନିତ କ୍ଷୟକ୍ଷତି ପାଇଁ ଇନ୍ସୁରାନ୍ସ ମଧ୍ୟ ବାଧ୍ୟତାମୂଳକ ଅଟେ ।

ଦୁର୍ଘଟଣା ଘଟିଲେ

ଗାଡି ଚଳାଇ କୌଣସି ଦୁର୍ଘଟଣା ଘଟିଲେ ସେଠାର ପଳାଇ ନଯାଇ ଆହତ ବ୍ୟକ୍ତିଙ୍କୁ ସାଙ୍ଗେ ସାଙ୍ଗେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ନେବା ଗାଡି ଚାଳକଙ୍କ ଆଇନ୍ ଗତ ଦାୟିତ୍ଵ । ସ୍ୱାସ୍ଥ୍ୟ କେନ୍ଦ୍ରରେ ଥିବା ଡାକ୍ତର ଆଇନ୍ ଗତ କାର୍ଯ୍ୟ ବା ପୋଲିସ୍ କାମକୁ ଅପେକ୍ଷା ନ କରି ଆହତ ବ୍ୟକ୍ତିଙ୍କୁ ପ୍ରଥମେ ସ୍ୱାସ୍ଥ୍ୟସେବା ଦେବେ, ଏହା ମଧ୍ୟ ତାଙ୍କର ଆଇନ୍ ଗତ ଦାୟିତ୍ଵ ।

ଜନ ଉତ୍ତେଜନା

ମାତ୍ର ଗାଡି ଦୁର୍ଘଟଣା ପରେ ଯଦି ଜନ ଉତ୍ତେଜନା ଯୋଗୁଁ ସେଠାରେ ରହିଲେ ଧନ ଜୀବନହାନୀ ଘଟିପାରେ, ତେବେ ଗାଡିଚାଳକ ସଙ୍ଗେ ସଙ୍ଗେ ସେଠାରୁ ପଳାଇ ଯାଇପାରନ୍ତି । ଏହା ମଧ୍ୟ ଆଇନ୍ ସମ୍ମତ । ମାତ୍ର ଏପରି କଲେ ସଙ୍ଗେ ସଙ୍ଗେ ନିକଟସ୍ଥ ପୋଲିସ୍ ଙ୍କୁ ଏହା ଜଣାଇବା ଆବଶ୍ୟକ । ଅନ୍ୟଥା ଦଣ୍ଡ ବିଧାନ ଅଛି ।

ରେଜିଷ୍ଟ୍ରେସନ୍

ଗାଡି ଯେକୌଣସି ସ୍ଥାନରେ ରେଜିଷ୍ଟ୍ରେସନ୍ ହୋଇଥିଲେ ମଧ୍ୟ ଭାରତର ସବୁ ସ୍ଥାନରେ ଏହା ଚଳାଯାଇ ପାରିବ ।

ସ୍ଥାନୀୟ ଅଧିକାରୀ(RTO)

ଗାଡି ଜଣେ ଆଉ ଜଣକୁ ବିକ୍ରି କଲେ ଏହା ସ୍ଥାନୀୟ ଅଧିକାରୀ(RTO)ଙ୍କୁ ଜଣାଇବାକୁ ହୁଏ । ଗାଡିର ଇନ୍ସୁରାନ୍ସ କ୍ରେତା ଆଇନ୍ ଗତ ଭାବରେ ପାଇଥାଆନ୍ତି ।

ମଦ୍ୟପାନ

ମଦ୍ୟପାନ କରି ଗାଡି ଚଳାଇବା ଏକ ଅପରାଧ । ଏପରି କଲେ ଦଣ୍ଡବିଧାନର ପ୍ରବିଧାନ ଅଛି । ମାତ୍ର ଥରେ ଏପରି ଦୋଷ କରି ଦ୍ଵିତୀୟ ଥର ପୁନଶ୍ଚ ଦୋଷୀ ହେଲେ ଗାଡିଚାଳକଙ୍କ ଇନ୍ସୁରାନ୍ସ ରଦ୍ଦ କରିଦିଆଯିବ ।

କ୍ଷତିପୂରଣ

ଦୁର୍ଘଟଣାରେ କେବଳ ଯେ, ମୃତାହତ ହେଲେ କ୍ଷତିପୂରଣ ମିଳିବ ତାହା ନୁହେଁ, ସାମାନ୍ୟ କ୍ଷୟକ୍ଷତି ପାଇଁ ମଧ୍ୟ କ୍ଷତିପୂରଣ ଦାବି କରାଯାଇପାରିବ । ଏସବୁ ମୋକଦ୍ଦମା ଯାନବାହନ କ୍ଷତିପୂରଣ ଅଦାଲତ ବା M.A.C.T. କୋର୍ଟରେ କରାଯାଇଥାଏ ।

ଦୁର୍ଘଟଣା କରିଥିବା ଗାଡି ଧରା ନପଡିଲେ ମଧ୍ୟ କେହି ମୃତାହତ ହେଲେ ବା ଗୋଡ ହାତ ଭାଙ୍ଗିଥିଲେ ଜେନେରାଲ୍ ଇନ୍ସୁରାନ୍ସ କମ୍ପାନୀ ଠାରୁ ମୃତକଙ୍କୁ ପାଇଁ ଟ.୨୫,୦୦୦/- ଓ ହାତ ଗୋଡ ଭାଙ୍ଗିଥିଲେ ଟ. ୧୨,୫୦୦/- ଟଙ୍କା କ୍ଷତି ମିଳିପାରିବ ।

ଆଧାର - ଓଡିଶା ଆଇନ ସମୀକ୍ଷା