ସ୍ଵାମୀ ସ୍ତ୍ରୀ କଳହ ଓ ତାର ସରଳ ସମାଧାନ
ସ୍ଵାମୀ ସ୍ତ୍ରୀ କଳହ ଓ ତାର ସରଳ ସମାଧାନ
ସ୍ଵାମୀ ସ୍ତ୍ରୀମାନଙ୍କ କଳହକୁ ସମାଧାନ
ଛେଳିମାନଙ୍କର ଯୁଦ୍ଧ, ଋଷିମାନଙ୍କର ଶ୍ରାଦ୍ଧ, ସକାଳୁ ଘଡି ଘଡି ମାରୁଥିବା ମେଘ ତଥା ସ୍ଵାମୀ-ସ୍ତ୍ରୀ ମାନଙ୍କ ମଧ୍ୟରେ କଳହ ବହୁତ ବଡ ଆକାରରେ ଆରମ୍ଭ ହୋଇଥିଲେ ମଧ୍ୟ ପରିଶେଷରେ ଫସର ଫାଟିଥାଏ। ମାତ୍ର ଉପରୋକ୍ତ ନିପାତନ ସିଦ୍ଧ କଥାମାନଙ୍କ ମଧ୍ୟରୁ ଆଜିକାଲି ସ୍ଵାମୀ-ସ୍ତ୍ରୀ ସମ୍ପର୍କିତ କଳହର ଫଳାଫଳରେ ଘୋର ପରିବର୍ତ୍ତନ ଘଟିଛି । ବର୍ତ୍ତମାନ ଏପରି କ୍ଷେତ୍ରରେ ଲଘ୍ଵରମ୍ଭେ ଗୁରୁକ୍ରିୟା ଘଟୁଛି । ଅର୍ଥାତ୍ ସାଧାରଣ କଥାରୁ ମହାଭାରତ ଘଟି ଯାଉଛି । ସ୍ଵାମୀ ସ୍ତ୍ରୀଙ୍କମାନଙ୍କ ମଧ୍ୟରେ କଳହ ଘଟି ଯଦି ତାହା କୋର୍ଟକୁ ଯାଏ –ତେବେ ମିଳନ ନିମନ୍ତେ ଚେଷ୍ଟା କରିବେ । ଏହା ଜଜ୍ ଙ୍କର ଏକ ଗୁରୁତ୍ଵପୂର୍ଣ୍ଣ କର୍ତ୍ତବ୍ୟ । ଏଥିରେ ଅସଫଳ ଯେ ସ୍ଵାମୀ ସ୍ତ୍ରୀଙ୍କ କଳହକୁ ବୁଝାସୁଝା କରି ସମାଧାନ କରିଦେଲ ତାହା ସେମାନଙ୍କ ପାଇଁ ତଥା ସମାଜ ପାଇଁ ମଙ୍ଗଳକାରକ ଅଟେ ।
ସ୍ଵାମୀ ସ୍ତ୍ରୀମାନଙ୍କ କଳହକୁ ସମାଧାନ କରିବା ପାଇଁ ବିଭିନ୍ନ ପ୍ରତିକାର ବ୍ୟବସ୍ଥାମାନ ଅଛି । ଯଥା –
ପିଙ୍ଗଳ କୋର୍ଡର ଧାରା ୧୦୭ ଅନୁଯାୟୀ ଶାନ୍ତି ରକ୍ଷା ପାଇଁ ବଣ୍ଡ୍ ନେବା ।- ସ୍ଵାମୀ-ସ୍ତ୍ରୀ ଅଲଗା ରହି ଖୋରାକ ପୋଷାକ ମାଗିବା ।
- ମହିଳା କମିଶନଙ୍କୁ ସମାଧାନ ପାଇଁ ଲେଖିବା ।
- କେହି କେହି ମଧ୍ୟ ଭୁଲ୍ ରେ ହ୍ୟୁମାନ୍ ରାଇଟ୍ କମିଶନଙ୍କୁ ଚିଠି ଲେଖୁଛନ୍ତି ।
- ପାରିବାରିକ ହିଂସା ଆଇନ୍ ର ସାହାଯ୍ୟ ନେବା ।
- ନିଜେ କୋର୍ଟରେ କମ୍ପ୍ଲେନ୍ କେଶ୍ କରିବା ।
- ନିରନ୍ତର ଲୋକ ଅଦାଲତ ଜଜ୍ ଙ୍କୁ ଲେଖିବା । ଏଭଳି ଅଦାଲତ ଜିଲ୍ଲା ଜଜ୍ ଙ୍କ ଅଫିସ୍ ପରିସରରେ ଥାଏ ।
- ଏହା ଛଡା ବନ୍ଧୁ ବାନ୍ଧବ ଓ ଭଦ୍ରଲୋକମାନେ ମଧ୍ୟ ବସି ସ୍ଵାମୀ ସ୍ତ୍ରୀ କଳହରେ ଫଏସଲା କରିବା ବେଆଇନ୍ ନୁହେଁ।
- ସ୍ତ୍ରୀ ଯଦି ସ୍ଵାମୀଙ୍କ ଦ୍ଵାରା କିମ୍ବା ସ୍ଵାମୀଙ୍କ ଆତ୍ମୀୟଙ୍କ ଦ୍ଵାରା ଅତ୍ୟାଚାରିତା ହେଉଥାଆନ୍ତି କିମ୍ବା ଯୌତୁକ ଦାବି ନେଇ ନିର୍ଯ୍ୟାତିତା ହେଉଥାନ୍ତି, ତେବେ ପୋଲିସ୍ କୁ ଏତଲା ଦେଇ କେଶ୍ କରିବେ ।
ଉପରୋକ୍ତ (କ) ଠାରୁ (ଜ) ବର୍ଣ୍ଣିତ ଉପାୟମାନଙ୍କରେ ଘଟଣାଟି ବିଚାର ପାଇଁ ଚେଷ୍ଟା କଲେ ଅନେକ କଳହର ସମାଧାନ ହୋଇଥାଏ । ମାତ୍ର (ଝ) ଜନିତ ଉପାୟ (ଅର୍ଥାତ୍ ଥାନାରେ କେଶ୍ କଲେ) ଅବଲମ୍ବନ କଲେ ସେଥିରେ ସ୍ଵାମୀ ଓ ତାଙ୍କର ପରିବାର ବର୍ଗଙ୍କୁ ପୋଲିସ୍ ବାନ୍ଧିଆଣି କୋର୍ଟକୁ ପ୍ରେରଣ କରନ୍ତି ଓ ଅନେକ କେଶ୍ ରେ ଜାମିନ୍ ନ ମିଳିବାକୁ ସ୍ଵାମୀ ଓ ତାଙ୍କର ପରିବାରକୁ କିଛି ଦିନ ଜେଲ୍ ରେ ରହିବାକୁ ମଧ୍ୟ ପଡେ । ଏହାପରେ ଏପରି କେଶ୍ ଟିକୁ ସମାଧାନ କରିବାକୁ ଯେତେ ଚେଷ୍ଟା କଲେ ମଧ୍ୟ ଆଉ ସମାଧାନ ହୋଇନଥାଏ । କାରଣ ଲୋକଟି ଠାରେ ସ୍ତ୍ରୀ ଯୋଗୁ ଜେଲ୍ ଗଲେ – ଆଉ ତାକୁ ଆପଣେଇବାକୁ ଆଗଭର ହୁଏ ନାହିଁ ।
ପ୍ରରୋଚିତ
ଅଭିଜ୍ଞତାରୁ ଦେଖାଯାଇଛି କିଛି ମହିଳାମାନେ ନବୁଝି ନଶୁଝି ହଠାତ୍ ୟା ତା କଥାରେ ପ୍ରରୋଚିତ ହୋଇ ସ୍ଵାମୀ ଓ ତାଙ୍କ ପରିବାର ଲୋକଙ୍କୁ ଜେଲ୍ ରେ ଭରି ଦେବାକୁ ଆଗେଇ ଆସନ୍ତି । ଏହା ଦ୍ଵାରା ତାଙ୍କୁ ସାମୟିକ ଆନନ୍ଦ ମିଳିପାରେ । ମାତ୍ର ସମୟ ଅତିବାହିତ ହେବା ସାଙ୍ଗେ ସାଙ୍ଗେ ସେହି ସ୍ତ୍ରୀ ଲୋକମାନେ ପୁଣି ସ୍ଵାମୀଙ୍କ ସହିତ ରହିବା ପାଇଁ ଜିଦ୍ ଧରିବସନ୍ତି । ମାତ୍ର ସେତେବେଳେ ସବୁ କଥା ସରି ସାରିଥାଏ । ଆପଣା ହସ୍ତେ ଜିହ୍ଵା ଛେଦନ ସରି ସାରିଥାଏ । ଏପରି ନ କରି ଯଦି ସ୍ତ୍ରୀମାନେ (କ) ଠାରୁ (ଜ) ବର୍ଣ୍ଣିତ ଉପାୟରୁ କୌଣସି ଗୋଟିଏ ପ୍ରଥମେ ଅବଲମ୍ବନ କରନ୍ତି ଓ ସେଥିରେ କୃତକାର୍ଯ୍ୟ ନ ହେଲେ ସବା ଶେଷରେ (ଝ) ବର୍ଣ୍ଣିତ ଉପାୟ ଅବଲମ୍ବନ କରନ୍ତେ, ତେବେ ତାହା ସେମାନଙ୍କ ପାଇଁ ବିଶେଷ ମଙ୍ଗଳକର ହୁଅନ୍ତା ।
ଅଭିଜ୍ଞତା
ଅଭିଜ୍ଞତାରୁ ଜାଣି ଅଛୁ ଯେ ବହୁ କନ୍ୟା ପିତା ତଥା କନ୍ୟାମାନେ ମୁକ୍ତ କଣ୍ଠରେ ସ୍ଵୀକାର କରିଛନ୍ତି ଯେ ତାଙ୍କୁ ଉପରୋକ୍ତ (କ)ଠାରୁ(ଜ) ବର୍ଣ୍ଣିତ ଉପାୟମାନ ଜଣା ନଥିଲା । ସେମାନେ ନବୁଝି ନଶୁଝି ହଠାତ୍ ଥାନାକୁ ଧାଇଁଯିବା ଦ୍ଵାରା ମସ୍ତବଡ ଭୁଲ୍ ଟାଏ ହୋଇଯାଇଅଛି । ଏହା ସ୍ଵୀକାର କଲାବେଳକୁ ନେଡିଗୁଡ କହୁଣୀକୁ ଗଡି ସାରିଥାଏ ।
ଲୋକଙ୍କର କହିବା କଥା ହେଉଛି ଯେ ଉପରୋକ୍ତ (ଛ)ଓ(ଜ) ବର୍ଣ୍ଣିତ ଉପାୟମାନ ସର୍ବୋକୃଷ୍ଟ ଉପାୟ ଅଟେ । ନିରନ୍ତର ଲୋକ ଅଦାଲତରେ କେଶ୍ ଟି ସମାଧାନ ନ ହେଲେ, ତାହା କୋର୍ଟରେ ବିଚାର ହୋଇ ସମାପ୍ତ ହେବ । ଏଣୁ ଏହି ଉପାୟ ଅବଲମ୍ବନ କରାଯାଇପାରେ ଅଥବା ମହିଳା କମିଶନଙ୍କୁ ଲେଖାଯାଇପାରେ । ଏହି ଉପାୟମାନ ବିଫଳ ହେଲେ ପରିଶେଷରେ ଥାନାକୁ ଯିବା କଥା ବିଚାର କଲେ ଭଲ ହେବ । ନବୁଝି ନ ଶୁଝି ସାମୟିକ ବିଜୟ ଲାଭ ହେଲା ବୋଲି ଭାବି ଥାନାରେ କେଶ୍ ଟା କରିଦେଲେ ଆଉ ଯେତେ ଚେଷ୍ଟା କଲେ ମଧ୍ୟ ପୁର୍ନମିଳନ ପ୍ରାୟ ଅସମ୍ଭବ ଅଟେ ।
ଆଧାର - ଓଡିଶା ଆଇନ ସମୀକ୍ଷା
Last Modified : 6/21/2020
